Gəncə Şəhər Məhkəməsi Qiyabi qətnamə — İş №2(125)-5378/2023

Azərbaycan Respublikası adından QİYABİ QƏTNAMƏ Gəncə şəhəri İş № 2(125)-5378/2023 14.09.2023 GƏNCƏ ŞƏHƏR MƏHKƏMƏSİ Hakim Səfərli Xədicə Əlicabbar qızının sədrliyi, Rüstəmov Turan Aydın oğlunun katibliyi, İddiaçı iştirakı ilə, İddiaçı Cavabdeh qarşı “pulun tutulması” tələbinə dair mülki işə açıq məhkəmə iclasında baxaraq, müəyyənetdi: İddiaçı Cavabdeh qarşı iddia ərizəsi ilə məhkəməyə müraciət edərək, cavabdehdən 2710 manat pulun və 47.10 manat ödənilmiş dövlət rüsumunun alınaraq ona ödənilməsinə dair qətnamə qəbul edilməsini xahiş etmişdir. İddia onunla əsaslandırılmışdır ki, Cavabdeh analığının bacısı oğludur. Bir müddət bundan əvvəl ondan avtomaşın almışlar. Lakin sonradan aralarındakı razılıq pozulmuş və onlar avtomaşını ona geri qaytarmışlar. Həmin vaxt pulu olmadığından 29 dekabr 2021-ci i tarixdə ona 2860 manat pul borclu olmasına dair qəbz vermiş və pensiya kartını ona verərək bildirdi ki, ayda 130 manat pensiyasını alar. O, bununla razılaşmışdır. Bununla bağlı Cavabdeh ona həmin tarixdə qeyd etdiyi qəbzi öz xətti ilə yazaraq vermişdir. Kartı ona verdikdən sonra o, bir ay kartdan pul çıxartmışdır. Sonrakı ayda kartdan pul çıxarmaq istədikdə kartın ləğv edildiyini öyrənmişdir. Cavabdeh bunun səbəbini soruşduqda müxtəlif bəhanələr gətirmişdir. Hazırda dəfələrlə ondan pulunu tələb etsə də, pulu verməkdən imtina edir. Məhkəmə iclasında iddiaçı ərizəsinin məzmununa uyğun izahat verərək iddiasının təmin olunmasını xahiş etdi. Cavabdehə məhkəmə iclasının vaxtı və yeri barədə lazımı qaydada xəbərdar edilməklə məhkəmə iclasına çağırılmış, lakin cavabdeh məhkəmə iclasına gəlmədiyindən, məhkəmə mülki işə onun iştirakı olmadan baxılmasını mümkün hesab etmişdir. Məhkəmə, iddiaçının izahatını dinləyərək və təqdim olunmuş sübutları araşdıraraq hesab edir ki, iddia təmin olunmalıdır. İş materiallarında olan xx.xx.2021-ci il tarixli qəbzdən Cavabdeh İddiaçı 2860 manat borc pul almış, pensiya kartını vermişdir ki, hər ay 130 manat götürsün və borcdan çıxsın. Azərbaycan Respublikası Mülki Məcəlləsinin 739.1-ci maddəsində qeyd olunur ki, borc müqaviləsinə görə iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. 739.2.-ci maddəsinə əsasən borc müqaviləsinin predmeti hər hansı pul məbləği olduqda, o, kredit müqaviləsi adlandırılır. 740.1-ci maddəsinə əsasən borc müqaviləsi tərəflərin razılaşması ilə şifahi və ya yazılı formada bağlanır. İşin məhkəmə tərəfindən tədqiq edilmiş faktiki hallarından görünür ki, iddiaçı cavabdehə qaytarmaq şərtiylə 2860 manat pul borc vermişdir. İddiaçı cavabdehdən 2710 manat borcun tutulmasının xahiş etmişdir. Məhkəmə araşdırması zamanı tələb edilən məbləğin cavabdeh tərəfdən tam və ya qismən qaytarılmasını təsdiqləyən hər hansı sübut təqdim edilməmişdir. Məhkəmə qeyd edilənlərə əsasən hesab edir ki, iddia təmin edilməli, 2710 manat pul cavabdehdən alınaraq iddiaçıya verilməlidir. Azərbaycan Respublikası MPM-in 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə hesab edir ki, iddia təmin olunduğundan, iddiaçı tərəfindən ödənilmiş 47.10 manat dövlət rüsumu cavabdehdən iddiaçının xeyrinə tutulmalıdır. Şərh olunanlara əsaslanaraq və Mülki Prosessual Məcəlləsinin 216-220, 227 və 360cı maddələrini rəhbər tutaraq, məhkəmə qətetdi: İddia təmin edilsin. Cavabdeh 2710 (iki min yeddi yüz on) manat pul və ödənilmiş dövlət rüsumunun əvəzi olaraq 47 (qırx yeddi) manat 10 (on) qəpik pul alınaraq İddiaçı verilsin. Cavabdeh qiyabi qətnaməni aldıqdan sonra 10 (on) gün müddətində qiyabi qətnamənin ləğv edilməsi üçün Gəncə Şəhər Məhkəməsinə ərizə verə bilər. Qiyabi qətnamədən qiyabi qətnamənin ləğvi üçün ərizənin verilməsi və həmin ərizəyə baxılması müddəti bitdikdən sonra qətnamənin rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılmış elektron kabinet üzərindən Gəncə Şəhər Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Hakim: Xədicə Səfərli