Azərbaycan Respublikası adından QƏTNAMƏ Bakı şəhəri İş № 2-2(103)-1089/2024 11.12.2024 BAKI APELLYASİYA MƏHKƏMƏSİ İddiaçı Cavabdeh Şirkətinin Azərbaycan Respublikasındakı Filialına qarşı (Azərbaycan Respublikasının Dövlət Neft Şirkəti, Bakı şəhər İcra Hakimiyyəti, Bakı şəhəri Binəqədi rayon İcra Hakimiyyəti, Bakı şəhəri Binəqədi rayonu Binəqədi qəsəbə Bələdiyyəsi mübahisə predmeti barəsində müstəqil tələblər irəli sürməyən üçüncü şəxs qismində işə cəlb edilməklə) “torpaq sahəsindən çıxarılma” tələbinə dair kommersiya mübahisəsi Açar söz: torpaq sahəsindən çıxarılma. Bakı Apellyasiya Məhkəməsinin Kommersiya Kollegiyası hakimlər Mahmudova Təranə Nəriman qızının sədrliyi və məruzəsi ilə, hakimlər Həsənov Elnur Məmmədsaat oğlu və Şirinov Ziya Allahverdi oğlundan ibarət tərkibdə, məhkəmə iclas katibi Məhərrəmova Günel Elman qızının katibliyi, İddiaçı, cavabdehin nümayəndəsi X4, üçüncü şəxs Azərbaycan Respublikasının Dövlət Neft Şirkətinin nümayəndəsi X1 iştirakları ilə, İddiaçı Cavabdeh Şirkətinin Azərbaycan Respublikasındakı Filialına qarşı (Azərbaycan Respublikasının Dövlət Neft Şirkəti, Bakı şəhər İcra Hakimiyyəti, Bakı şəhəri Binəqədi rayon İcra Hakimiyyəti, Bakı şəhəri Binəqədi rayonu Binəqədi qəsəbə Bələdiyyəsi mübahisə predmeti barəsində müstəqil tələblər irəli sürməyən üçüncü şəxs qismində işə cəlb edilməklə) “torpaq sahəsindən çıxarılma” tələbinə dair kommersiya mübahisəsi üzrə Bakı Kommersiya Məhkəməsinin xx.xx.2024-cü il tarixli, 2-2(113)- 133/2024 nömrəli qətnaməsindən İddiaçı tərəfindən verilmiş apellyasiya şikayətinə əsasən işə açıq məhkəmə iclasında baxdı. İşin halları
1. Bakı şəhəri Binəqədi rayonu Binəqədi qəsəbə bələdiyyəsinin xx.xx.2004-cü il tarixli, 797/2 saylı vətəndaş İddiaçı Məmmədli oğluna torpaq sahəsinin alqı-satqı qaydasında ayrılması haqqında sərəncamına əsasən Binəqədi rayonu Binəqədi qəsəbəsinin ərazi hüdudları daxilində, Binəqədi qəsəbə ərazisindən istifadəsində olan 3000 kv.m. torpaq sahəsi sahibkarlıq fəaliyyətinin tikintisi üçün vətəndaş İddiaçı alqı-satqı qaydasında mülkiyyətinə ayrılması qərara alınmışdır.
2. Bakı ŞİH başçısının xx.xx.1999-cu il tarixli, 666 saylı torpaq sahəsinin geri alınması haqqında sərəncamı ilə Azərbaycan Respublikası Dövlət Neft Şirkətinin Quruda Neft və X7 xx.xx.1998-ci il tarixli, YÇ011/2568 nömrəli məktubu nəzərə alınaraq, Binəqədi rayonu ərazisində yerləşən və Azərbaycan Respublikası Dövlət Neft Şirkətinə məxsus olan Şabandağ yatağından 105 ha, Binəqədi yatağından 97 ha, Qırmaçı yatağından 73,0 ha torpaq sahəsinin geri alınması qərara alınmışdır.
3. Cavabdeh şirkətinin İddiaçı və məlumat üçün SOCAR-a, Binəqədi Rayon İcra Hakimiyyətinə ünvanladığı xx.xx.2018-ci il tarixi, 03/311 saylı məktubunda bildirilmişdir ki, Binqədi qəsəbə bələdiyyəsinin xx.xx.2004-cü il tarixli sərəncamı ilə ayrılmış torpaq sahəsinə baxış keçirildiyi və ərizədə qeyd olunan sahələrin Saziş ərazisinin hüdudları daxilində yerləşdiyi qeyd olunmuşdur.
4. SOCAR-ın xx.xx.2019-cu il tarixli idiaçıya ünvanladığı məktubunda müraciətdə qeyd edilən torpaq sahələri SOCAR-ın istismarında olan neft-qaz boru kəmərərinin mühafizə zonası xaricində yerləşir.
5. 1 saylı Bakı İnzibati-İqtisadi Məhkəməsinin 2-1(81)-2268/2019 saylı xx.xx.2019-cu il tarixli qərardadından görünür ki, iddiaçı Cavabdeh şirkətinin cavabdeh Binəqədi qəsəbə Bələdiyyəsinə qarşı 3-cü şəxs İddiaçı olmaqla 797/2 saylı xx.xx.2004-cü il tarixli sərəncamı Sazişin qüvvəyə mindiyi xx.xx.2005-ci il tarixdən hüquqi qüvvəsini itirdiyi üçün etibarsızlığın tanınması barədə iddia ərizəsi mümkün sayılmamışdır. Əsas kimi isə göstərilmişdir ki, Azərbaycan Respublikasının 901-İİQD saylı, 29 aprel 2005-ci il tarixli Qanunu ilə təsdiq edilmiş “Azərbaycan Respublikasında Binəqədi, Qırməki, Çaxnaqlar, Sulutəpə, Masazır, Fatmayı, Şabandağ və Sianşor neft yataqlarınn daxil olduğu blokun bərpası, işlənməsi və hasilatın pay bölgüsü haqqında” Saziş 01 sentyabr 2005-ci il tarixində qanuni qüvvəyə minmişdir. Azərbaycan Respublikasının 29 aprel 2005-ci il tarixli Qanunun 4-cü bəndində göstərilir ki, bu Qanun qüvvəyə mindikdən sonra Saziş, Hökümət təminatı və Əlavələr Qanun olurlar. Sazişdə konkret surətdə başqa hallar göstərilməyibsə, Saziş, Hökümət təminatı və Əlavələr Sazişin qüvvədə olduğu müddət ərzində Sazişə, Hökümət təminatı və Əlavələrə uyğun gəlməyən və ya zidd olan Azərbaycan Respublikasının hər hansı başqa mövcüd və ya qəbul oluna biləcək qanunlarının, fərmanlarının, yaxud inzibati sərəncamlarının (və ya onların hissələrinin) müddəalarından üstün tutulur. Həmin Qanunun 5-ci bəndinə əsasən bu qanun qüvvəyə mindikdən sonra Sazişdə nəzərdə tutulan kontrakt sahəsinn istənilən hissəsi barəsində əvvəllər bağlanmış hər hansı saziş, kontrakt və ya bu cür başqa sənədlə verilə bilən bütün digər hüquq və vəzifələr ləğv edilir, habelə bu Qanun qüvvəyə mindikdən sonra Sazişin, Hökümət təminatının və Əlavələrin şərtlərinə müvafiq surətdə və qüvvədə olduğu bütün müddət ərzində Sazişin pay iştirakçılarına kontrakt sahəsində neft-qaz əməliyyatları aparmaq üçün müstəsna hüquq verir. Beləliklə, Sazişin qanuni qüvvəsini aldığı vaxtdan Sazişdə nəzərdə tutulan kontrakt sahəsinin istənilən hissəsi barəsində əvvəllər bağlanmış hər hansı saziş, kontrakt və ya Binəqədi qəsəbə Bələdiyyəsi tərəfindən qəbul edilmiş xx.xx.2004-cü il tarixli 797/2 nömrəli qərarı artıq öz qüvvəsini xx.xx.2005-ci il tarixdən itirmişdir. Artıq Qanunda ləğv edilməsi göstərilən inzibati aktın, hazırki halda, bələdiyyə qərarının ayrıca bir məhkəmə qərarı ilə qüvvədən düşməsinin müəyyən edilməsinə ehtiyac yoxdur.
6. Azərbaycan Respublikası ƏN MEM-in xx.xx.2021-ci il tarixli, 10/875 saylı rəyinə əsasən elektron kadastr məlumatına əsasən göstərilən torpaq sahəsi Azərbaycan Respublikası Dövlət Neft Şirkətinin istifadəsinə verilmiş ərazilərə aid olduğu, lakin mülki iş materiallarında olan məlumatları nəzərə alaraq qeyd olunur ki, Bakı şəhəri Binəqədi rayonu Binəqədi qəsəbə bələdiyyəsinin 797/2 saylı, xx.xx.2004-cü il tarixli sərəncamı ilə İddiaçı verilmiş 3000 kv.m. torpaq sahəsi Bakı Şəhər İcra Hakimiyyətinin 666 saylı, xx.xx.1999-cu il tarixli sərəncamına əsasən Binəqədi rayonu ərazisində yerləşən və Azərbaycan Respublikası Dövlət Neft Şirkətinə məxsus olan Binəqədi yatağından geri alınmı torpaq sahəsinin hüdudları daxilində olduğu, sözügedən torpaq sahəsinin koordinatları 29 may 2019-cu il tarixli SOCAR-ın təqdim etdiyi məktubuna əsasən, SOCAR-ın istimarında olan neft-qaz boru kəmərlərinin mühafizə zonasından kənarda yerləşdiyi, xx.xx.2018-ci il tarixli SOCAR-ın təqdim etdiyi digər məktuba əsasən, həmin koordinatlar daxilində olan torpaq sahələri Bakı ŞİH başçısının 801 nömrəli, xx.xx.1994-cu il tarixli sərəncamı ilə mülkiyyətçiyə qaytarıldığı qeyd olunmuşdur.
7. Azərbaycan Respublikası ƏN MEM-in xx.xx.2023-ci il tarixli, 10/1780 saylı rəyinə əsasən Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti “Daşınmaz Əmlakın Dövlət Reyestri” publik hüquqi şəxsi 1 saylı Bakı Ərazi İdarəsinin xx.xx.2023-cü il tarixli **********97 nömrəli mütəxəssis rəyində mütəxəssis rəyinə əsasən, göstərilən torpaq sahəsinin faktiki olaraq 4476 m2 təşkil etdiyi, torpaq sahəsinə dair hüquqmüəyyənedici sənəd təqdim edilmədiyi və torpaq sahəsinin bir tərəfindən (0,6- 2,6 metr məsafədən) yüksək gərginlikli elektrik hava xəttinin keçdiyi, mütəxəssis rəyinə əsasən, göstərilən torpaq sahəsinin Azərbaycan Respublikası Dövlət Neft Şirkətinin istifadəsinə verilmiş ərazidə yerləşdiyi, göstərilən ümumi torpaq sahəsinin daxilində neft quyusunun və işlək vəziyyətdə olan qurğunun mövcud olduğu, vahid elektron kadastr bazada sahənin qeydiyyatı ilə bağlı heç bir məlumat aşkar edilmədiyi və əvvəlki illərdə müxtəlif qurumlar tərəfindən digər fiziki və hüquqi şəxslərə verilmiş sənədlər barədə bazada məlumat olmadığı və göstərilən sahənin dövlət mülkiyyəti olduğunun müəyyən olunduğu qeyd olunmuşdur.
8. Azərbaycan Respublikası ƏN MEM-in xx.xx.2024-cü il tarixli, 3-16-16/2-10/218 saylı rəyinə əsasən Bakı şəhəri Binəqədi Rayon Binəqədi qəsəbə Bələdiyyəsinin 797/2 saylı, 06 aprel 2004-cü il tarixli sərəncamı ilə İddiaçı Binəqədi qəsəbə ərazisində verilmiş 3000 kv.m. torpaq sahəsinin sxemində tərpənməz dayaq nöqtəsindən məsafələr, koordinatlar qeyd olunmadığından, həmin 3000 kv.m. torpaq sahəsinin hansı koordinatlar daxilində yerləşdiyini dəqiqliklə müəyyən etmək mümkün olmadığı, lakin baxış zamanı təqdim olunan torpaq sahəsinin sxemdə göstərilən konfiqurasiyaya (Г şəkilli), yerləşmə vəziyyətinə (sol və aşağı tərəfində ferma olduğu, yuxarı tərəfindən Binəqədi-Mehdiabad yolu keçdiyi) uyğun olduğu, ölçülərdən yalnız sxemdə 80 metr göstərilən hissənin naturada 62,1 metr olduğu, digər ölçülərin uyğun olduğu, baxış zamanı əldə olunmuş və mülki iş materiallarında olan məlumatlara əsasən Bakı şəhəri, Binəqədi Rayon Binəqədi qəsəbə Bələdiyyəsinin 797/2 saylı, 06 aprel 2004-cü il tarixli sərəncamı ilə İddiaçı Binəqədi Qəsəbə ərazisindən verilmiş 3000 m2 torpaq sahəsinin sxemində tərpənməz dayaq nöqtəsindən məsafələr, koordinatlar qeyd olunmadığından, həmin 3000 m2 torpaq sahəsinin neft quyusunun mühafizə zonasına düşüb-düşmədiyini müəyyən etmək mümkün olmadığı, həmçinin baxış zamanı iddiaçı tərəfindən təqdim olunmuş 2412.27 m2 torpaq sahəsindən 13 metr məsafədə 212822 nömrəli, 31 metr məsafədə isə 212357 nömrəli neft quyularının olduğunu nəzərə alaraq, həmin 2412.27 m2 torpaq sahəsinin tamamilə neft quyularının 150 metrlik mühafizə zolağına düşdüyü müəyyən olunduğu, Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin mütəxəssis rəyi təqdim olunmadığına görə, qərardadın sualının digər hissəsini cavablandırmaq mümkün olmadığı, həmin 3000 m2 torpaq sahəsinin ən yaxın neft quyusundan hansı məsafədə yerləşdiyini müəyyən etmək mümkün olmadığı, lakin baxış zamanı iddiaçı tərəfindən təqdim olunmuş 2412.27 m2 torpaq sahəsindən 13 metr məsafədə 212822 nömrəli, 31 metr məsafədə isə 212357 nömrəli neft quyularının olduğu müəyyən olunduğu qeyd olunmuşdur.
Birinci instansiya məhkəməsində icraat
9. İddiaçı iddia ərizəsi ilə Binəqədi Rayon Məhkəməsinə müraciət edərək, cavabdehin Binəqədi Rayon Qəsəbə Bələdiyyəsinin 797/2 saylı, xx.xx.2004-cü il tarixli sərəncamına əsasən ona verilən torpaq sahəsindən çıxarılması barədə qətnamə qəbul edilməsini xahiş etmişdir.
10. İddia ərizəsi onunla əsaslandırılmışdır ki, bələdiyyənin 797/2 saylı, xx.xx.2004cü il tarixli sərəncamı ilə iddiaçıya Binəqədi qəsəbəsinin ərazisində sahibkarlıq fəaliyyətinin tikintisi üçün 3000 kv.m. torpq sahəsi ayrılmışdır. Həmin yer Binəqədi qəsəbə bələdiyyəsinin çəkdiyi planda qeyd edilmişdir. İddiaçı həmin torpaq sahəsini alqı-satqı müqaviləsi əsasında almışdır. Verilmiş plan daxilində həmin yeri hasarlamışdır. Cavabdeh həmin torpaq sahəsinin onlara aid olmasını bəhanə edərək xeyli vaxtıdr ki, onun fəaliyyətinə məhdudiyyətlər yaradır. İddia edir ki, ARDNŞ ilə aralarında müqavilə bağlanıb və ona verilən 3000 kv.m. torpaq sahəsi cavabdehə məxsusdur. Belə ki, Bakı ŞİH 667 saylı, xx.xx.1999-cu il tarixli sərəncamına əsasən Binəqədi rayonu ərazisində yerləşən və ARNDŞ-yə məxsus olan Binəqədi yatağında 15,0 ha, Şabandağ-Sulutəpə yatağından 74.0 ha torpaq sahəsi şirkətin məktubuna əsasən geri alındığı, ona verilən torpaq sahəsinin geri alınan 15.0 ha torpaq sahəsinin ərazisində yerləşir. Eyni zamanda SOCARın xx.xx.2019-cu il tarixli ona verdiyi məktubundan aydın olur ki, onun torpağının koordinatları SOCAR-ın istismarında olan neft qaz boru kəmərlərinin mühafizə zonasından kənarda yerləşir. Belə olan halda cavabdehin ona məxsus torpaq sahəsini zəbt etməsi qanuna ziddir.
11. Cavabdeh şirkətinin Azərbaycan Respublikasındakı filialının etirazı onunla əsaslandırılmışdır ki, iddiaçının istifadəsində olan 3000 kv.m. torpaq sahəsi Binəqədi Bələdiyyəsinin sərəncamı ilə ayrıldığı qeyd olunsa da həmin alqı-satqı müqaviləsinin qüvvədən düşməsi barədə məhkəməyə məlumat verilməmişdir. Belə ki, şirkət qeyd olunan sərəncamın etibarsızlığının tanınması tələbi ilə 1 saylı Bakı İnzibati-İqtisadi Məhkəməsində iddia qaldırmış, iddia müddətinin ötürülməsi səbəbi ilə iddia mümkün sayılmamışdır. Məhkəmə qərardadında qeyd olunmuşdur ki, Sazişin qanuni qüvvəsini aldığı vaxtdan Sazişdə nəzərdə tutulan kontrakt sahəsinin istənilən hissəsi barəsində əvvəllər bağlanmış hər hansı Saziş, konrtakt və ya bu cür sənədlə verilə bilən digər hüquq və vəzifələr ləğv edilmiş, bununla da Binəqədi qəsəbə Bələdiyyəsi tərəfindən qəbul edilmiş xx.xx.2004-cü il tarixli, 797/2 nömrəli sərəncam artıq öz qüvvəsini xx.xx.2005-ci il tarixdən itirmişdir. Artıq Qanunda ləğv edilməsi göstərilən inzibati aktın, hazırkı halda bələdiyyə sərəncamının ayrıca bir məhkəmə qərarı ilə qüvvədən düşməsinin müəyyən edilməsinə ehtiyac yoxdur. İddiaçının Bakı Şəhər İcra Hakimiyyəti başçısının müvafiq sərəncamına istinad edərək torpaq sahəsinin geri alındığını və ona məxsus torpaq sahəsinin geri alınan sahənin daxilində yerləşməsi və həmin sahənin daxilində yerləşməni təsdiq edən sənəd təqdim edilmədiyi üçün də bu dəlili də əsassızdır. Eyni zamanda iddiaçının şirkətə müraciət edərək istifadəsində olmuş torpaq sahəsinin şirkətin saziş ərazisinə düşübdüşməməsinin müəyyən edilməsini xahiş etmiş, lakin onun istifadəsinə verilmiş torpaq sahəsinin kontrakt sahəsinin hüdudları daxilində və quyuların mühafizə zolağında yerləşdiyi və ora hər hansı tikinti işlərinin aparılmasına etiraz edilmişdir.
12. Üçüncü şəxs SOCAR-ın nümayəndəsinin etirazı onunla əsaslandırılmışdır ki, qeyd olunan koordinatlar daxilində iddia tələbi iləri sürülmüş torpaq sahələrinin uzun illər ərzində neft-qaz əməliyyatlarının aparılması üçün SOCAR-ın daimi istifadəsinə ayrılmış sənaye təyinatlı ərazilərin hüdudları daxilində olmuş, daha sonra Bakı Şəhər İcra Hakimiyyəti başçısının xx.xx.1992-ci il tarixli 526 nömrəli sərəncamı ilə yardımçı təsərrüfatın tikintisi üçün Azərbaycan Korlar Cəmiyyətinə ayrılmış, həmin ərazi daha sonra Bakı Şəhər İcra Hakimiyyəti başçısının xx.xx.1994-cü il taixli 801 nömrəli sərəncamı ilə “Fidan- 52” kiçik müəssisəsinə təhkim olunmuş və daha sonra Azərbaycan Respublikasının 29 aprel 2005-ci il tarixli 901- İİQ nömrəli Qanunu ilə təsdiq edilmiş “Azərbaycan Respublikasında Binəqədi, Qırməki, Çaxnaqlar, Sulutəpə, Masazır, Fatmayı, Şabandağ və Sianşor neft yataqlarının daxil olduğu blokun bərpası, işlənməsi və hasilatın pay bölgüsü haqqında” Sazişə əsasən, Cavabdeh Şirkətinin istifadəsinə verilmişdir. İddia olunan torpaq sahələri 212822, 212357, 217020, 217018, 217019, 217049, 21 7003, 217008 saylı neft quyularının və neft xəttinin mühafizə zonasında yerləşir. Azərbaycan Respublikası Nazirlər Kabinetinin “Təhlükə potensiallı təbiət və texnogen xarakterli hadisələrin baş vermə ehtimalının yüksək olduğu zonalarda mühafizə tədbirlərinin növləri və onların tətbiqi hallarının təsdiq edilməsi haqqında 06 fevral 2017-ci il tarixli 31 nömrəli Qərarının 3.3-cü bəndi ilə quyulardan şəxsi tikililərə 300 metrlik mühafizə zonası müəyyən olunmuşdur. Göründüyü kimi sözügedən torpaq sahəsi yardımçı təsərrüfatın tikintisi üçün tamamilə fərqli bir hüquqi şəxsə ayrılmışdır. Bələdiyyə torpaqlarının idarə edilməsi haqqında Qanunun 2.3-cü maddəsinə əsasən, qanunla nəzərdə tutulmuş hallar istisna olmaqla, məqsədli təyinatına və hüquqi rejiminə görə bələdiyyə torpaqlarının tərkibinə bütün kateqoriyalardan olan torpaqlar daxil edilə bilər. 2.4-cü maddəsinə əsasən, müəyyən kateqoriyaya aid edilmiş bələdiyyə torpaqlarının başqa məqsədlər üçün istifadəsinə yalnız məqsədli təyinatının dəyişdirilməsindən sonra yol verilə bilər. Bu normaya əsasən, torpaq sahəsinin kateqoriyası dəyişdirilmədən yaşayış sahəsi kimi iddiaçıya ayrılmasını qanunsuz və əsassız hesab edir. Eyni zamanda məlum olduğu kimi, xüsusi hüquqi rejimli mühafizə zonaları müvafiq normativ-hüquqi aktlarla tənzimlənir. Torpaq Məcəlləsinin 22.5-ci maddəsinə əsasən sənaye təyinatlı torpaqların istifadəsi qaydaları Azərbaycan Respublikası Nazirlər Kabinetinin müvafiq aktına əsasən həyata keçirilir. Həmçinin məlumata görə ayrı-ayrı fiziki və ya hüquqi şəxslərə paylanılması üçün dövlət tərəfindən Binəqədi qəsəbə Bələdiyyəsinə ümumiyyətlə torpaq sahəsi ayrılmamışdır. Bu baxımdan da bələdiyyənin iddia olunan torpaq sahəsini iddiaçıya ayırması üçün səlahiyyəti olmamışdır. Bələdiyyə torpaqlarının idarə edilməsi haqqında qanunun 6.2 və Azərbaycan Respublikasının 2002-ci il 15 mart tarixli, 274-İİQ saylı Qanunu ilə təsdiq Əsasnamənin 1ci bəndinə əsasən, Bələdiyyə mülkiyyətində olan torpaqların mülkiyyət və icarə hüququ ilə hüquqi və fiziki şəxslərə verilməsi bələdiyyələrin qərarı və tərəflər arasında bağlanmış müqavilə əsasında həyata keçirilir. Sözügedən Qanunun 6.4-cü maddəsinə əsasən, elektrik, rabitə, neft-qaz və nəqliyyat xətləri və sənaye müəssisələrinin sanitariya-mühafizə zonaları altındakı bələdiyyə torpaqlarının çoxmərtəbəli çoxmənzilli, fərdi şayış və bağ evlərinin, qarajların tikintisi və sahibkarlıq fəaliyyəti məqsədilə zəruri tikililərin inşası üçün, habelə çoxmənzilli yaşayış evlərinə aid torpaq sahələrinin kənar məqsədlər üçün xüsusi mülkiyyətə, istifadəyə və icarəyə verilməsinə yol verilmir. Lakin göründüyü kimi, torpaq sahəsi iddiaçıya qanunvericiliyin qeyd olunan tələbləri pozulmaqla sərəncam əsasında ayrılmışdır. Həmçinin Cavabdeh Şirkəti 2019-cu ildə Binəqədi qəsəbə Bələdiyyəsinə qarşı bələdiyyənin iddiaçıya aid 797/2 nömrəli xx.xx.2004-cü il tarixli və 1294 nömrəli xx.xx.2004-cü il tarixli sərəncamlarının etibarsız hesab edilməsi tələbi ilə 1 saylı Bakı İnzibati-tqtisadi Məhkəməsinə müraciət etmiş, məhkəmənin müvafiq olaraq xx.xx.2019-cu il tarixli 2-1(81)-2268/2019 nömrəli və xx.xx.2019-cu il tarixli 2- (81)2267/2019 nömrəli qərardadları ilə iddia mümkün sayılmamışdır. Sazişin təsdiq olunduğu Azərbaycan Respublikasının 29 aprel 2005-ci il tarixli 901-İİQ nömrəli Qanunun 4-cü bəndində göstərilir ki, Sazişdə konkret surətdə başqa hallar göstərilməyibsə, Saziş, Hökumət təminatı və Əlavələr Sazişin qüvvədə olduğu müddət ərzində bu Sazişə, Hökumət təminatına və Əlavələrə uyğun gəlməyən və ya zidd olan Azərbaycan Respublikasının hər hansı başqa mövcud və ya qəbul oluna biləcək qanunlarının, fərmanlarının, yaxud inzibati sərəncamlarının (və ya onların hissələrinin) müddəalarından üstün tutulur. Həmin Qanunun 5-ci bəndinə əsasən, bu Qanun qüvvəyə mindikdən sonra Sazişdə nəzərdə tutulan kontrakt sahəsinin istənilən hissəsi barəsində əvvəllər bağlanmış hər hansı saziş, kontrakt və ya bu cür başqa sənədlə verilə bilən bütün digər hüquq və vəzifələr ləğv edilir, habelə bu Qanun qüvvəyə mindikdən sonra Sazişin, Hökumət təminatının və Əlavələrin şərtlərinə müvafiq surətdə və qüvvədə olduğu bütün müddət ərzində Sazişin pay iştirakçılarına kontrakt sahəsində neft-qaz əməliyyatları aparmaq üçün müstəsna hüquq verir. Həmçinin, Sazişin 25.1-ci bəndi ilə tövsif olunmuşdur ki, bu Saziş Azərbaycan Respublikasının Parlamenti tərəfindən təsdiq edildikdən sonra Azərbaycan Respublikasının Qanunu qüvvəsinə minir və Azərbaycan Respublikasında müddəaları bu Sazişə uyğun gəlməyən və ya zidd olan hər hansı başqa mövcud və ya gələcək qanundan, fərmandan, yaxud inzibati sərəncamdan (və ya ənun bir hissəsindən) üstün tutulur, (bu Sazişdə konkret olaraq başqa cür göstərilən hallar istisna olmaqla). 1 saylı Bakı İnzibati-İqtisadi Məhkəməsi də Qanunun yuxarıda qeyd olunan normalarına istinad edərək, hazırkı halda sərəncamların ayrıca bir məhkəmə qərarları ilə qüvvədən düşməsinin müəyyən edilməsinə ehtiyac olmadığı qənaətinə gəlmişdir. Bu səbəbdən, qeyd olunduğu kimi Cavabdeh Şirkətinin iddiası mümkün sayılmamışdır. Bu hal öz növbəsində iddianın təmin olunması anlamına gəlir. Qanunla təsdiq olunmuş Saziş ərazisinə dair belə bir tələb irəli sürülməsi həm sözügedən Qanunun özündə birbaşa olaraq göstərilməsi, həm də Azərbaycan Respublikasının Konstitusiyasının və Normativ hüquqi aktlar haqqında Azərbaycan Respublikasının Konstitusiya Qanunun normativ hüquqi aktların hüquqi qüvvəsinə dair müvafiq maddələrinə əsasən absurddur. Həmçinin, Azərbaycan Respublikası Mülki Məcəlləsinin 14.3 və 178.1-ci maddəsinə əsasən, dövlət qeydiyyatına alınmalı olan hüquqlar, qanunla digər qayda nəzərdə tutulmadığı halda, qeydiyyata alındığı andan yaranır. Şəxsin mülkiyyət hüququ faktiki olaraq onun adına əmlakın DƏDRX-də qeydiyyata alındığı andan yaranır. Bu normalardan da göründüyü kimi, iddiaçının iddia etdiyi torpaq sahəsinə dair hüququ mövcud deyildir.
13. Bakı Kommersiya Məhkəməsinin xx.xx.2024-cü il tarixli, 2-2(113)-133/2024 nömrəli qətnaməsi ilə iddia ərizəsinin təmin edilməməsi qət edilmişdir.
14. Məhkəmə hazırkı mübahisəyə AR Torpaq Məcəlləsinin 67, 111, 112-ci, AR MMnin 157.2, 157.4-cü maddələrini, Azərbaycan Respublikasında Binəqədi, Qırməki, Çaxnaqlar, Sulutəpə, Masazır, Fatmayı, Şabandağ və Sianşor neft yataqlarının daxil olduğu blokun bərpası, işlənməsi və hasilatın pay bölgüsü haqqında Azərbaycan Respublikasının Dövlət Neft Şirkəti, AZEN X12.Vi. və ARDNŞ-nin Ortaq Neft Şirkəti arasında Sazişin qəbul və təsdiq edilməsi, həyata keçirilməsinə icazə verilməsi barədə 29 aprel 2005-ci il tarixli № 901-İİQ nömrəli Qanununu tətbiq etmişdir.
Apellyasiya instansiyasi məhkəməsindəki icraat
a) Apellyasiya şikayətinin dəlilləri
15. İddiaçı Bakı Kommersiya Məhkəməsinin xx.xx.2024-cü il tarixli, 2-2(113)- 133/2024 nömrəli qətnaməsindən apellyasiya şikayəti verərək qətnamənin ləğv edilməsini, iddia tələbinin təmin edilməsi barədə qətnamə qəbul edilməsini xahiş etmişdir.
16. Apellyasiya şikayətini onunla əsaslandırmışdır ki, Cavabdeh Şirkətinin Azərbaycan Respublikasındakı filialına qarşi Binəqədi Bələdiyyəsinin 777/2 saylı xx.xx.2004 cü il tarixli sərəncamına əsasən mənə verilən torpaq sahəsindən çıxarılması barədə Binəqədi Rayon Məhkəməsinə müraciət etmişəm. Qeyd etmişəm ki, həmin torpaq sahəsi 2004-cü ildən 2017-ci ilədək mənim sahibliyimdə olub. Məhkəmə çəkişməsi 2019cu ildən bugünədək üzürlü və üzürsüz səbəblərdən uzanmışdır. xx.xx.2024-cü il tarixdə Azərbaycan Respublikası adından Bakı Kommersiya Məhkəməsinin hakimi X2 sədrliyilə mütəxəssislərin səthi və natamam yoxlamaları əsasında rəy və mülahizələrinə istinad edərək, eləcə də iş materiallarındakı sübutları araşdırmadan iddia tələbimin rədd edilməsi barədə qətnamə qəbul edilmişdir. Bildirirəm ki, məhkəmə tərəfindən təyin edilmiş ekspertiza mənim və ümumiyyətlə ortaya çıxan suallara cavablar vermədi. Belə ki, ekspertiza mənə ayrılmış torpaq sahəsinin kimə məxsus olduğunu dəqiq araşdırmadan onun Binəqədi Oil-ə aid olduğu barədə rəy vermişdir. Halbuki, mənə satılmış sahə daxil olmaqla bu ərazinin ümumiyyətlə SOCAR–dan geri alındığı haqqında Bakı Şəhər İcra hakimiyyətinin 1990-cu il tarixli 666 nömrəli sərəncamı mövcuddur. Bundan əlavə, məhkəmə iclasında Binəqədi Rayon bələdiyyəsinin nümayəndəsi Bakı Şəhər İcra hakimiyyətinin 2000-ci il tarixli 908 nömrəli sərəncamını təqdim edərək bu ərazinin Bakı Şəhəri İcara Hakimiyyətinin balansından Bələdiyyənin balansına verildiyinin bildirmiş və mənə ayrılmış torpaq sahəsinin qanuna müvafiq olduğunu vurğulamışdır. Qeyd etmək lazımdır ki, Binəqədi Oil ona ayrılmış torpaqlardan icarə əsasında istifadə edir, mülkiyyətçi isə Bakı Şəhər İcra Hakimiyyətidir. Lakin bu sərəncamlara baxmayaraq SOCAR-ın nümayəndəsi bu ərazilərin Neft şirkətinə aid olduğunu vurğulamışdır. Həmin quyunun neft verib verməməsi məlum deyil. Mənim Azərbaycan Respublikasının X6 cənablarına ünvanladığım məktuba cavab olaraq SOCAR-ın vitse-prezidenti Mikayıl İsmayılovun imzası ilə mənə cavab məktubu gəldi və məktubda torpaq sahəsinin koordinatları müəyyən olunaraq göstərilmiş və SOCAR-ın istismarında olan neft-qaz boru kəmərlərinin xaricində olduğu qeyd edilmişdir. Onu da qeyd edim ki, Binəqədi OİL ilə SOCAR arasında saziş 2005-ci ildə bağlanmışdır. Torpaq sahəsi artıq bir il mənim sahibliyimdə olduqdan sonra. Sonra 12 il, yəni sahibliyimdə olan torpaq sahəsinin 2017-ci ilə kimi cavabdehə məxsus olması barədə mənə heç bir xəbərdarlıq olmayıb. Həmçinin, 2004-cü ildən 2017-ci ilə kimi sahibliyimdə olan torpaq sahəsinin məsafəsi ən yaxın buruqdan həmin illərdə olan normativlərə uyğun olub. Lakin SOCAR-ın nümayəndələri və məhkəmə 2023-cü il tarixdə qəbul olunmuş normaları 2004-cü ilə tətbiq ediblər. Qanunun geriyə qüvvəsinin olmamasını nəzərə almadan Konistitusiyanın müvafiq maddəsini pozublar. Bundan əlavə sahibliyimdə olan torpaq sahəsinə hakim və digər nümayəndələr tərəfindən vizual baxış keçirildi və yaşayış evlərinin arasında olan bu ərazidən nə neft borularının keçməsi nə də yüksək gərginlikli elektrik xətlərinin keçməsi müəyyən olunmadı. Mənim sahəmə bitişik olan ərazidə çoxsaylı vətəndaşlar fərdi qaydada ev tikib yaşayırlar və Bələdiyyə və Binəqədi OİL arasında indiyədək ərazi hüdudlarının müəyyən olunmaması səbəbindən məsələ mübahisə predmeti olaraq qalmaqdadır. Səhlənkarlıq, ya da unutqanlıq səbəbindən Bakı Şəhər İcra Hakimiyyətinin sərəncamlarına diqqət verilməyib. Bu sərəncamlar əsasında yeni xəritələr hazırlanmayıb , nəticədə isə SOCAR və Binəqədi OİL əməkdaşları keçən əsrin 70-ci illərinin xəritələrini əsas tutaraq demək olar ki, bütün ətraf ərazilərin onlara aid olduğunu bildirirlər. Yeni xəritə tərtib olunmaması səbəbindən isə İqtisadiyyat Nazirliyinin müvafiq idarələrində köhnə xəritələrə baxaraq bu sahələrin SOCAR-a aid olması barədə rəy verirlər. Ən əsas amil və problem xəritələrin sərəncamlara uyğun yenilənməməsi və hüdüdların müəyyən olinmamasıdır. İndiyyədək hüdudların müəyyən olunmaması səbəbindən yaranmış boşluq imkan verir ki, SOCAR-ın nümayəndələri bu ərazilərin onlara aid olduğunu köhnə xəritələr vasitəsilə sübuta yetirsinlər. Göründüyü kimi Məhkəməyə aydın olubdur ki, torpaq sahəsini mən alqı-satqı müqaviləsi əsasında Bələdiyyədən almışam. Torpaq sahəsi 13 il mübahisəsiz mənim sahibliyimdə olub. Cavabdeh həmin torpaq sahəsini qanunsuz şəkildə zəbt eləyib və mənə külli müqdarda zərər vurub.
b) Məhkəmə icraatı iştirakçılarının izahatları
17. İddiaçı məhkəmə iclasında apellyasiya şikayətini müdafiə edərək təmin edilməsini xahiş etmişdir.
18. Cavabdehin nümayəndəsi X4 məhkəmə iclasında apellyasiya şikayətinə etiraz edərək təmin edilməməsini xahiş etmişdir.
19. Üçüncü şəxsin nümayəndəsi X3 məhkəmə iclasında apellyasiya şikayətinə etiraz edərək təmin edilməməsini xahiş etmişdir.
Tətbiq edilən hüquq
20. Azərbaycan Respublikası Mülki Məcəlləsinin: 157.2-ci maddəsinə əsasən mülkiyyətçi özgəsinin qanunsuz sahibliyindən öz əmlakını geri tələb edə bilər. 157.4-cü maddəsinə əsasən əgər mülkiyyətə qəsd və ya başqa maneələr əşyanı götürmədən və ya ondan məhrum etmədən törədilirsə, mülkiyyətçi qəsd edəndən bu hərəkətlərə son qoymağı tələb edə bilər. Bu cür hərəkətlər davam etdirildikdə mülkiyyətçi həmin hərəkətlərə son qoyulmasını məhkəmə vasitəsilə tələb edə bilər. 572.1-ci maddəsinin tələbinə əsasən alıcının üçüncü şəxslərin hüquqları ilə yüklü olan əşyanı qəbul etməyə razılıq verdiyi hal istisna olmaqla, satıcı alıcıya üçüncü şəxslərin hüquqlarından azad əşya verməyə borcludur. Satıcının bu vəzifəni icra etməməsi alıcıya əşyanın qiymətinin azaldılmasını və ya alğı-satqı müqaviləsinin ləğvini tələb etmək hüququ verir, bu şərtlə ki, alıcının həmin əşyaya üçüncü şəxslərin hüquqları olduğunu bildiyi sübuta yetirilməsin.
21. Azərbaycan Respublikası Torpaq Məcəlləsinin: 67-ci maddəsinin 4-cü bəndinə əsasən torpaq sahələri üzərində qeydiyyatdan keçməmiş hüquqların müdafiəsinə və toxunulmazlığına dövlət təminat vermir. 111-ci maddəsinə əsasən: 1. Azərbaycan Respublikasında torpaqların özbaşına tutulması (zəbt edilməsi) qanunla qadağan olunur. Özbaşına tutulmuş (zəbt edilmiş) torpaq sahələri qanunsuz istifadə zamanı çəkilən xərclərin əvəzi ödənilmədən aidiyyəti üzrə geri qaytarılmalıdır. Torpaqların əvvəlki vəziyyətinə gətirilməsi (orada olan binaların, tikililər və qurğuların sökülməsi də daxil olmaqla) torpaqları zəbt etmiş hüquqi və fiziki şəxslər tərəfindən və ya onların hesabına həyata keçirilir. 112-ci maddəsinə əsasən hüquqi və fiziki şəxslər torpaq qanunvericiliyini pozmaq nəticəsində vurduqları zərəri ödəməyə borcludurlar.
22. Azərbaycan Respublikasında Binəqədi, Qırməki, Çaxnaqlar, Sulutəpə, Masazır, Fatmayı, Şabandağ və Sianşor neft yataqlarının daxil olduğu blokun bərpası, işlənməsi və hasilatın pay bölgüsü haqqında Azərbaycan Respublikasının Dövlət Neft Şirkəti, AZEN X12.Vi. və ARDNŞ-nin Ortaq Neft Şirkəti arasında Sazişin qəbul və təsdiq edilməsi, həyata keçirilməsinə icazə verilməsi barədə 29 aprel 2005ci il tarixli № 901-İİQ nömrəli Qanunun 1-ci maddəsinə əsasən "Azərbaycan Respublikasında Binəqədi, Qırməki, Çaxnaqlar, Sulutəpə, Masazır, Fatmayı, Şabandağ və Sianşor neft yataqlarının daxil olduğu blokun bərpası, işlənməsi və hasilatın pay bölgüsü haqqında" Azərbaycan Respublikasının Dövlət Neft Şirkəti, AZEN X12.Vi. və ARDNŞ-nin Ortaq Neft Şirkəti arasında Saziş (bundan sonra "Saziş" adlanacaq) qəbul və təsdiq edilmiş, onun həyata keçirilməsinə icazə verilmişdir. 4-cü maddəsinə əsasən bu Qanun qüvvəyə mindikdən sonra Saziş, Hökumət təminatı və Əlavələr Qanun olurlar. Sazişdə konkret surətdə başqa hallar göstərilməyibsə, Saziş, Hökumət təminatı və Əlavələr Sazişin qüvvədə olduğu müddət ərzində bu Sazişə, Hökumət təminatına və Əlavələrə uyğun gəlməyən və ya zidd olan Azərbaycan Respublikasının hər hansı başqa mövcud və ya qəbul oluna biləcək qanunlarının, fərmanlarının, yaxud inzibati sərəncamlarının (və ya onların hissələrinin) müddəalarından üstün tutulur. 5-ci maddəsinə əsasən bu Qanun qüvvəyə mindikdən sonra Sazişdə nəzərdə tutulan kontrakt sahəsinin istənilən hissəsi barəsində əvvəllər bağlanmış hər hansı saziş, kontrakt və ya bu cür başqa sənədlə verilə bilən bütün digər hüquq və vəzifələr ləğv edilir, habelə bu Qanun qüvvəyə mindikdən sonra Sazişin, Hökumət təminatının və Əlavələrin şərtlərinə müvafiq surətdə və qüvvədə olduğu bütün müddət ərzində Sazişin pay iştirakçılarına kontrakt sahəsində neft-qaz əməliyyatları aparmaq üçün müstəsna hüquq verilir.
23. Azərbaycan Respublikası Mülki Prosessual Məcəlləsinin: 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. 119.1-ci maddəsinə görə, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir.
Əsaslandırıcı hissə
Apellyasiya baxışının hədləri
24. Mülki Prosessual Məcəllənin 372.6-cı maddəsinin tələblərini və apellyasiya şikayətinin dəlillərini nəzərə alaraq kollegiya qeyd edir ki, qətnamə İddiaçı Məmmmədəli oğlu tərəfindən tam mübahisələndirdiyindən tam yoxlanılır.
Apellyasiya instansiya məhkəməsinin mövqeyi
25. Məhkəmə apellyasiya şikayətinin dəlillərini və işin materiallarını araşdıraraq hesab edir ki, apellyasiya şikayəti təmin edilməməli, Bakı Kommersiya Məhkəməsinin xx.xx.2024-cü il tarixli, 2-2(113)-133/2024 nömrəli qətnaməsi dəyişdirilmədən saxlanılmalıdır.
26. Məhkəmə tərəfindən müəyyən edildi ki, iddiaçının iddia etdiyi torpaq sahəsi üzərində cavabdeh hüquqi şəxsin hüquqları Dövlət tərəfindən qanun qüvvəsinə malik Saziş əsasına Müəyyən edilmiş və torpaq sahəsi onların istifadəsinə verilmişdir. İş materiallarına əlavə edilmiş bir neçə ekspert rəylərindən də görünür ki, mübahisələndirilən torpaq sahəsi Azərbaycan Respublikası Dövlət Neft Şirkətinin istifadəsinə verilmiş ərazilərə aid olduğu, göstərilən ümumi torpaq sahəsinin daxilində neft quyusunun və işlək vəziyyətdə olan qurğunun mövcud olduğu, vahid elektron kadastr bazada sahənin qeydiyyatı ilə bağlı heç bir məlumat aşkar edilmədiyi və əvvəlki illərdə müxtəlif qurumlar tərəfindən digər fiziki və hüquqi şəxslərə verilmiş sənədlər barədə bazada məlumat olmadığı və göstərilən sahənin dövlət mülkiyyəti olduğu, torpaq sahəsinin tamamilə neft quyularının 150 metrlik mühafizə zolağına düşdüyü müəyyən olunduğu qeyd edilmişdir. Məhkəmə onu da qeyd edir ki, məhkəmə araşdırılması zamanı bir neçə dəfə ekspertizaların keçirilməsinə səbəblərdən biri də iddiaçının iddia etdiyi torpaq sahəsinin yerləşmə istiqamətinin və dəqiq koordinatların bilməməsi olmuşdur. Belə ki, torpaq sahəsinin ayrılmasına dair Bələdiyyə sərəncamına yalnız torpaq sahəsinin cizgisi əlavə edilmişdir, koordinatlar göstərilməmişdir. İş Binəqədi Rayon Məhkəməsində olduğu zaman ekspert və tərəflərin iştirakı ilə keçirilən baxış zamanı iddiaçı tərəf bir torpaq sahəsini göstərmiş. İş aidiyyəti üzrə Bakı Kommersiya Məhkəməsinə göndərildikdən sonra və məhkəmə tərəfindən tərəflərin və Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsinin 1 saylı Bakı Ərazi İdarəsinin mühəndis-inventarlaşdırıcısının iştirakı ilə təşkil olunan yerində müayınə zamanı isə iddiaçı artıq başqa ərazidə yerləşən torpaq sahəsinin ona ayrılmış torpaq sahəsi kimi göstərmişdir. Lakin, məhkəmə bir daha da vurğulayır ki, iddiaçı tərəfindən göstərilən həm birinci, həm ikinci torpaq sahəsi ekspert rəylərinə əsasən dövlət mülkiyyətində olduğu və Azərbaycan Respublikası Dövlət Neft Şirkətinin istifadəsinə verilmiş ərazilərə aid olduğu və torpaq sahəsinin tamamilə neft quyularının 150 metrlik mühafizə zolağına düşdüyü müəyyən edilmişdir.
27. Apellyasiya şikayətinin dəlilləri iddia ərizəsinin dəlilləri ilə eynilik təşkil etdiyi üçün məhkəmə kollegiyası birinci instansiya məhkəməsi tərəfindən bu dəlillərin araşdırılmasını və müəyyən edilməsini qeyd edir, həmçinin birinci instansiya məhkəməsinin mövqeyi ilə razılaşır. Məhkəmə kollegiyası həmçinin onu da qeyd etməyi zəruri hesab edir ki, iddiaçının istinad etdiyi dəlil olaraq mübahisəli torpaq sahəsinin alqı-satqı müqaviləsi əsasında bələdiyyə tərəfindən ona satılması iddianın təmin edilməsi üçün əsas ola bilməz. Belə ki, Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Daşınmaz Əmlakın Dövlət Reyestr və X9 şəxsin məhkəməyə təqdim etdiyi xx.xx.2024 tarixli məktubundan müəyyən edilir ki, mübahisəli torpaq sahəsi yaşayış məntəqələri torpaqları kateqoriyasına aid olmaqla dövlət mülkiyyətidir. Bələdiyyənin dövlət mülkiyyətində olan torpaq sahəsini iddiaçıya satmağa səlahiyyəti olmamışdır. Həmçinin iş materiallarına mübahisəli torpaq sahəsinin iddiaçıya satılmamışdan əvvəl bələdiyyənin mülkiyyətində olması barədə sübut əlavə edilməmişdir. İddiaçı alqı-satqı müqaviləsinə əsasən ödədiyi pul məbləğini ayrıca iddia icraatı qaydasında AR MM-nin 572.1-ci maddəsinin tələblərinə əsasən bələdiyyədən geri tələb edə bilər. Məhkəmə onu da qeyd etməyi zəruri hesab edir ki, iddiaçı özü apellyasiya şikayətində mübahisəli torpaq sahəsi ilə bağlı bələdiyyənin ərazi hüdudlarının müəyyən olunmaması səbəbi ilə dövlət və bələdiyyə arasında mütəmadi mübahisələrin olduğunu qeyd edir, belə olan halda mübahisəli hüquq əsasında məhkəmə iddianı təmin edə bilməz.
28. Beləliklə, məhkəmə kollegiyası belə nəticəyə gəlir ki, birinci instansiya məhkəməsinin qətnaməsi işin hallarına uyğundur, apellyasiya şikayətlərində irəli sürülən və formal mülahizələrdən ibarət olan dəlillər isə əsassızdır və mahiyyətcə düzgün olan birinci instansiya məhkəməsinin qətnaməsinin ləğvi üçün əsas ola bilməz.
29. Məhkəmə yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 372, 382-385, 392, 393, 402-406-cı maddələrinin tələblərini rəhbər tutaraq, QƏT ETDİ:
İddiaçı tərəfindən verilmiş apellyasiya şikayəti təmin edilməsin. Bakı Kommersiya Məhkəməsinin xx.xx.2024-cü il tarixli, 2-2(113)-133/2024 nömrəli qətnaməsi dəyişdirilmədən saxlanılsın. İddiaçı tərəfindən apellyasiya şikayətinin verilməsi üçün ödənilmiş dövlət rüsumu iddiaçının özünə aid edilsin. Qətnamədən onun tərəflərə rəsmi qaydada təqdim edildiyi (elektron kabinetə yerləşdirildiyi) gündən 2 (iki) ay müddətində Bakı Apellyasiya Məhkəməsi vasitəsi ilə Azərbaycan Respublikasının Ali Məhkəməsinin Kommersiya Kollegiyasına kassasiya şikayəti verilə bilər. Qətnamədən şikayət verilməzsə, qətnamə işdə iştirak edən şəxslərə rəsmi qaydada verildiyi gündən 2 ay keçdikdən sonra qanuni qüvvəyə minir.