Şəki Kommersiya Məhkəməsi Qərardad — İş №2-2(117)-1344/2023

Azərbaycan Respublikası adından QƏRARDAD Şəki şəhəri İş № 2-2(117)-1344/2023 29.11.2023 ŞƏKİ KOMMERSİYA MƏHKƏMƏSİ Hakim Məcidov Rüfət Azadəli oğlu, İddiaçı Cavabdeh İB-nin X1 İstismar İdarəsinin Ağsu Xidmətinin sahəsinə qarşı “cavabdehin itirilmiş təbii qaza görə tərtib etdiyi akta əsasən 540 manat məbləğində zərərin silinməsi” tələbinə dair iddia ərizəsi və ona əlavə edilmiş sənədlərə baxaraq, müəyyən etdi: İddiaçı Cavabdeh İB-nin X1 İstismar İdarəsinin Ağsu Xidmətinin sahəsinə qarşı “cavabdehin itirilmiş təbii qaza görə tərtib etdiyi akta əsasən 540 manat məbləğində zərərin silinməsi” barədə qətnamə qəbul edilməsini xahiş etmişdir. Məhkəmə iş materiallarını araşdırıb hesab edir ki, hazırki mübahisə üzrə iddia ərizəsi və ona əlavə edilmiş sənədlər iddiaçıya qaytarılmalıdır. Belə ki, Azərbaycan Respublikası Mülki Prosessual Məcəlləsinə xx.xx.2018-ci il tarixli Qanunla əlavə edilmiş və xx.xx.2019-cu ildən qüvvədə olan 10-1.3-cü maddəsində qeyd edilib ki, kommersiya mübahisələri üzrə məhkəmə icraatı, o cümlədən, ərizə, şikayət və digər sənədlərin göndərilməsi, qəbulu, habelə məhkəmə sənədlərinin məhkəməyə və proses iştirakçılarına çatdırılması "Elektron məhkəmə" informasiya sistemində yaradılan elektron kabinet vasitəsilə həyata keçirilir. 10-1.7-ci maddəsinə əsasən “Elektron məhkəmə” informasiya sistemində elektron sənəd dövriyyəsi üçün gücləndirilmiş elektron imzadan və sertifikatlaşdırılmış elektron imza vasitələrindən istifadə edilir. 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. İddiaçı hazırkı iddia ərizəsini və əlaqədar sənədləri "Elektron məhkəmə" informasiya sistemində yaradılan elektron kabinet vasitəsilə deyil, kağız daşıyıcıda məhkəməyə təqdim etmiş və gücləndirilmiş elektron imzadan və sertifikatlaşdırılmış elektron imza vasitələrindən istifadə etməmişdir. Bu səbəbdən məhkəmə hesab edir ki, kommersiya mübahisələri üzrə məhkəmə icraatı "Elektron məhkəmə" informasiya sistemində yaradılan elektron kabinet vasitəsilə həyata keçirilməli olduğundan və bununla da iddia ərizəsi və ona əlavə edilmiş sənədlər Mülki Prosessual Məcəllənin tələblərinə riayət edilməklə verilmədiyindən iddianın hazırkı vəziyyətdə məhkəmə icraatı mümkün deyildir. Azərbaycan Respublikası Mülki Prosessual Məcəlləsinin 152.1.10-cu maddəsinə əsasən kommersiya mübahisələri üzrə iddia ərizəsi bu Məcəllənin 10-1.3-cü maddəsinin tələblərinə uyğun verilmədikdə hakim iddia ərizəsini və ona əlavə edilmiş sənədləri geri qaytarır. İddiaçının diqqətinə çatdırılır ki, hazırki iddia tələbi üzrə Cavabdeh İB-nin X1 İstismar İdarəsinin Ağsu Xidmətinin sahəsi hüquqi şəxs olmadığından növbəti dəfə məhkəməyə müraciət ediləcəyi təqdirdə iddia ərizəsində iddia tələbinə cavab verməli cavabdeh qismində hüquqi şəxs olan Cavabdeh İB müəyyən edilməlidir. Eyni zamanda nöqsanlar aradan qaldırıldıqdan sonra yenidən məhkəməyə müraciət ediləcəyi təqdirdə iddia ərizəsinin surətinin və ona əlavə sənədlərin, pretenziya məktubunun Mülki Prosessual Məcəlləsinin 150.2-ci maddəsinin tələblərinə riayət edilməklə Cavabdeh İB-yə çatdırılması ilə bağlı sənədlərin də məhkəməyə təqdim edilməsi zəruridir. Yuxarıda göstərilənlərə əsasən Azərbaycan Respublikası Mülki Prosessual Məcəlləsinin 263-264-cü maddəsini rəhbər tutaraq məhkəmə qərara aldı: İddiaçı Cavabdeh İB-nin X1 İstismar İdarəsinin Ağsu Xidmətinin sahəsinə qarşı “cavabdehin itirilmiş təbii qaza görə tərtib etdiyi akta əsasən 540 manat məbləğində zərərin silinməsi” tələbinə dair iddia ərizəsi və ona əlavə edilmiş sənədlər geri qaytarılsın. Qərardaddan rəsmi qaydada verildiyi gündən 10 (on) gün müddətində Şəki Kommersiya Məhkəməsinə (Elektron Məhkəmə İnformasiya Sistemində yaradılmış Elektron Kabinetdən istifadə edilməklə) şikayət verilə bilər. Hakim: Rüfət Məcidov