Şəki Kommersiya Məhkəməsi Qərardad — İş №2-2(117)-260/2023

Azərbaycan Respublikası adından QƏRARDAD Şəki şəhəri İş № 2-2(117)-260/2023 22.02.2023 ŞƏKİ KOMMERSİYA MƏHKƏMƏSİ Hakim Hüseynov Mübariz Rahil oğlu, İddiaçı firmasının cavabdehlər 11 saylı Ərazi Vergilər Nazirliyinə və Cavabdeh2nə qarşı “17622,60 manat icarə haqqı tələbinin ləğv olunması” barədə iddia ərizəsinə və ona əlavə edilmiş sənədlərə baxaraq, müəyyən etdi: İddiaçı firması cavabdehlər 11 saylı Ərazi Vergilər Nazirliyinə və Cavabdeh2nə qarşı “17622,60 manat icarə haqqı tələbinin ləğv olunması” barədə qətnamə qəbul edilməsini məhkəmədən xahiş etmişdir. Məhkəmə iş materiallarını araşdırıb hesab edir ki, iddia ərizəsinin qəbul edilməsindən imtina edilməlidir. Belə ki, Azərbaycan Respublikası Mülki Prosessual Məcəlləsinin: 153.2.1-ci maddəsinə əsasən, ərizəyə məhkəmə qaydasında və ya mülki məhkəmə icraatı qaydasında baxılmalı deyildirsə, məhkəmə iddianın yolverilməzliyinə görə iddia ərizəsini qəbul etməkdən imtina edir. 153.3-cü maddəsinə əsasən, hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında və ya mülki məhkəmə icraatı qaydasında baxılmalı deyildirsə, iddiaçının hansı orqana və ya məhkəməyə müraciət etməli olmasını orada göstərir. 153.5-ci maddəsinə əsasən, ərizəni qəbul etməkdən imtina edilməsi ərizəçiyə həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olur. 153.6-cı maddəsinə əsasən, iddia ərizəsini qəbul etməkdən imtina barədə qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi ilk gündən verilmiş hesab edilir. Hazırki iş üzrə tərəflər arasında yaranmış münasibətlər inzibati xarakter daşıyır və mübahisə Azərbaycan Respublikası Vergilər Nazirliyinin 11 saylı Ərazi Vergilər Baş İdarəsinin iddiaçıya icarə haqqının hesablanması ilə əlaqədar verdiyi qərarın mübahisələndirilməsindən ibarətdir. Odur ki, hazırki iddia ilə bağlı ərazi yurisdiksiyasına aid inzibati məhkəməyə müraciət edilə bilər. Yuxarıda göstərilənlərə əsasən, Azərbaycan Respublikası Mülki Prosessual Məcəlləsinin 263-264, 267-268-ci maddələrini rəhbər tutaraq, məhkəmə qərara aldı : İddiaçı firmasının cavabdehlər 11 saylı Ərazi Vergilər Nazirliyinə və Cavabdeh2nə qarşı “17622,60 manat icarə haqqı tələbinin ləğv olunması” tələbinə dair iddia ərizəsi məhkəmənin icraatına qəbul edilməsindən imtina edilsin. Qərardaddan, onun rəsmi qaydada verildiyi gündən 10 (on) gün müddətində Şəki Kommersiya Məhkəməsinə (Elektron Məhkəmə İnformasiya Sistemində yaradılmış Elektron Kabinetdən istifadə edilməklə) şikayət verilə bilər. Hakim: Mübariz Hüseynov