Lənkəran Rayon Məhkəməsi Qətnamə — İş №2(5-144)-13/2026

Azərbaycan Respublikası adından QƏTNAMƏ Lənkəran şəhəri İş № 2(5-144)-13/2026 03.02.2026 LƏNKƏRAN RAYON MƏHKƏMƏSİ Lənkəran Rayon Məhkəməsinin hakimi Ələsgərov Elvin Əvəz oğlu, İddiaçı Cavabdeh qarşı «kredit müqaviləsi üzrə pul» tələbi barədə kiçik iddiaya dair mülki işə sadələşdirilmiş icraat qaydasında Lənkəran Rayon Məhkəməsinin binasında baxaraq, məhkəmə müəyyən etdi: İddiaçı iddia ərizəsi ilə məhkəməyə müraciət edərək Cavabdeh xx.xx.2023-cü il tarixli 01841-0948-01 saylı kredit müqaviləsinə əsasən 706.64 manat ödənilməmiş əsas borc, 266.99 faiz, 383.34 manat cərimə, cəmi 1316.97 manat borc və 33 manat ödənilmiş dövlət rüsumunun alınaraq ona ödənilməsi barədə qətnamə çıxarılmasını xahiş etmişdir. İddia ərizəsi onunla əsaslandırılmışdır ki, (VÖEN **********) İddiaçı oğu ilə Cavabdeh arasında xx.xx.2023-cü il tarixdə kredit verilməsi haqqında 01841-0948-01 saylı kredit müqaviləsinə əsasən Cavabdeh 15 ay müddətinə, illik 40 (qırx) faiz dərəcəsi ilə hesablamaqla 861 manat məbləğdə kredit verilmişdir. Borclu tərəfindən yuxarıda qeyd edilən kredit müqaviləsinin şərtlərinə uyğun olaraq kredit müqaviləsi üzrə verilmiş vəsait və ona hesablanmış fazilər tam və vaxtında ödənilməmişdir. Həmçinin kredit müqaviləsinin şərtlərindən biridə gecikdirilmiş borc nəticəsində cərimə borcun hesablanmasıdır. Mübahisənin məhkəmədənn kənar həlli üçün cavabdehə dəfələrlə şifahi və yazılı xəbərdarlıq göndərməsinə baxmayaraq cavabdeh borcunu ödəmir. Ona görədə mülki qaydada məhkəməyə müraciət etmək məcburiyyətində qalmışdır. Hazırda cavadehin İddiaçı 09.072025-ci il tarixinə kimi 706.64 AZN əsas, 266.99 AZN faiz, 383.34 AZN cərimə borcu olmaqla cəmi 1316.97 AZN borcu mövcuddur. Azərbaycan Respublikası Mülki Prosessual Məcəlləsinin 284-5.1-ci maddəsinə uyğun olaraq ərizə məhkəməyə daxil olduğu gündən 5 iş günü ərzində cavabdehə rəsmi qaydada bildiriş göndərilmişdir. Cavabdeh xx.xx.2026-cı il tarixli bildiriş və iddia ərizəsinin surətini alsa da, iddiaya qarşı əsaslandırılmış etirazını məhkəməyə göndərməmişdir. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi qismən təmin olunmalıdır. İş materiallarında olan xx.xx.2023-cü il tarixli kredit müqaviləsinə əsasən İddiaçı ilə Cavabdeh arasında kredit münasibətləri yaranmışdır. İş materiallarında olan maliyyə arayışından görünür ki, cavabdehin 706.64 manat ödənilməmiş əsas borc, 266.99 faiz, 383.34 manat cərimə, cəmi 1316.97 manat borcu qalmışdır. İş materiallarında olan ödəniş qəbzindən görünür ki, İddiaçı məhkəməyə müraciət etməsi üçün dövlət büdcəsinə 33 manat dövlət rüsumu ödəmişdir. İş materiallarında olan xəbərdarlıqdan və poçt göndərişi izləmə sənədindən görünür ki, iddiaçı cavabdehdən müqavilə üzrə üzərinə götürdüyü öhdəliklərin yerinə yetirilməsini tələb etmiş, əks təqdirdə məhkəməyə müraciət olunacağı barədə xəbərdarlıq etmiş və bu bildiriş cavabdehə çatdırılmışdır. Mülki işin məhkəmə tərəfindən müəyyən edilmiş faktiki hallarından görünür ki, Cavabdeh kredit müqaviləsi üzrə borcun xeyli hissəsini ödəmiş, lakin qalan hissəni vaxtında ödəməmişdir. Müqavilədə nəzərdə tutulmuş cərimə məbləği hüquqi əsaslara malik olsa da, məbləğin yüksək olması nəzərə alınmaqla məhkəmə tərəfindən tənasüb prinsipi tətbiq edilmişdir. Məhkəmə qərara gəlir ki, Cavabdeh maddi vəziyyəti və onun borcun bir hissəsini ödəməsi nəzərə alınmaqla iddia tələbinin xx.xx.2023-cü il tarixli kredit müqaviləsi üzrə 383.34 manat cərimə tutulmasına dair hissəsi qismən – 70 manat həddində təmin edilməlidir. MPM-nin 284-5.3-cü maddəsinə əsasən ərizə məhkəməyə daxil olunduğu gündən 30 iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 33 manat dövlət rüsumu onun xeyrinə cavabdehdən tutulmalıdır. Həmin Məcəllənin 218.1-ci maddəsinə əsasən qətnamə çıxarıldıqda hakim sübutları qiymətləndirir, iş üçün əhəmiyyətli olan nə kimi halların müəyyən edildiyini, nə kimi halların müəyyən edilmədiyini, tərəflərin hansı hüquqi münasibətdə olmalarını, həmin iş üzrə hansı qanunun tətbiq edilməli olduğunu və iddianın təmin olunub-olunmadığını müəyyən edir. Göstərilənlərə əsasən və MPM-nin 284-1, 284-5 və 284-6-cı maddələrini rəhbər tuturaq, məhkəmə qət etdi: İddia qismən təmin edilsin. Cavabdeh xx.xx.2023-cü il tarixli 01841-0948-01 saylı kredit müqaviləsinə əsasən 706.64 manat ödənilməmiş əsas borc, 266.99 faiz, 70 manat cərimə, cəmi 1043.63 manat borc və 33 manat ödənilmiş dövlət rüsumu tutularaq İddiaçı ödənilsin. Qətnamədən rəsmi qaydada verildiyi gündən 1 (bir) ay müddətində Lənkəran Rayon Məhkəməsi vasitəsilə Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Hakim Elvin Ələsgərov