Yevlax Rayon Məhkəməsi Qərardad — İş №2(5-166)-197/2026

Azərbaycan Respublikası adından QƏRARDAD Yevlax Rayou İş № 2(5-166)-197/2026 11.03.2026 YEVLAX RAYON MƏHKƏMƏSİ Hakim Babayeva Aybəniz Elman qızının sədrliyi, məhkəmə iclas katibi Quliyeva Ülkər Fikrət qızının katibliyi, İddiaçı və Cavabdeh nümayəndəsi X1 iştirakı ilə, İddiaçı Cavabdeh qarşı “pul” tələbi barədə iddiasına dair mülki işə, işin məhkəmədə baxılmağa hazırlanmasına dair açıq məhkəmə iclasında baxaraq,məhkəmə MÜƏYYƏN ETDİ: İddia tələbi: İddiaçı Cavabdeh qarşı pul tələbinə dair iddia ərizəsi ilə məhkəməyə müraciət edərək, cavabdehdən 7000 manat məbləğində pulu və ödənilmiş 90 manat məbləğində dövlət rüsumunun tutularaq ona ödənilməsi barədə qətnamə çıxarılmasını xahiş etmişdir. Tərəflərin izahatı: Məhkəmə iclasında İddiaçı izahat verərək bildirdi ki, cavabdehin ona 9300 manat məbləğində borcu olmuş, məhkəməyə müraciət etmiş, çeklərinin olduğu 5330 manat hissəsi təmin edilmiş, qalan 4000 manat hissəsi isə təmin edilməmişdir. Hazırda həmin ödəniş tarixlərini də əlavə edir. İddia tələbini müdafiə edərək tələbinin təmin edilməsini xahiş etmişdir. Məhkəmə iclasında Cavabdeh nümayəndəsi X2 izahatında iddia tələbini qəbul etməyərək pul borcunun tamamailə ödənildiyini bildirmişdir. xx.xx.2026-cı il tarixli məhkəmə hazırlıq iclasında iştirak edən Cavabdeh izahatında iddiaçının pul tələbi ilə məhkəməyə müraciət etdiyini və işə baxılıb yekun məhkəmə qərarı çıxarıldığını, hazırki iddianın da həmin borcla bağlı olduğunu bildirmişdir. Məhkəmə tərəfindən müəyyən edilmiş hallar: Məhkəmə tərəfləri dinləyərək, iş materialllarını tədqiq edərək və işdə olan sübutları araşdıraraq, hesab edir ki, iş üzrə icraata xitam verilməlidir. Belə ki, iş materiallarında olan Yevlax Rayon Məhkəməsinin xx.xx.2025-ci il tarixli, 2(039)-538/2025 nömrəli qətnaməsinin surətindən görünür ki, İddiaçı Cavabdeh qarşı “pul” tələbinə dair iddiasının qismən təmin edilməsi, Cavabdeh 5330 manat məbləğindı pulun və ödənilmiş 73.30 manat dövlət rüsumunun əvəzinin tutularaq İddiaçı xeyrinə tutulması qət edilmişdir. Tətbiq edilən hüquq: Azərbaycan Respublikası Mülki Prosessual Məcəlləsinin: 170.1. Bu Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. 170.2. İşin məhkəmə baxışına hazırlanmasının dayandırılması və ya xitam verilməsi zamanı hakim qərardad çıxarır. 170.3. Bu Məcəllənin 170.1-ci və 170.2-ci maddələrində göstərilən qaydada qəbul edilmiş qərardaddan şikayət verilə bilər. 261.0.2-ci maddəsinə görə eyni tərəflər arasında, eyni predmet barəsində və eyni əsaslar üzrə məhkəmənin qanuni qüvvəyə minmiş qətnaməsi və ya iddiaçının iddiadan imtina etməsi və ya tərəflərin barışıq sazişinin təsdiq olunması ilə əlaqədar iş üzrə icraata xitam edilməsi haqqında məhkəmənin qərardadı olarsa hakim iş üzrə icraata xitam verir. Nəticə: Belə olan halda məhkəmə hesab edir ki, eyni tərəflər arasında, eyni predmet barəsində və eyni əsaslar üzrə məhkəmənin qanuni qüvvəyə minmiş qərarı olduğuna görə İddiaçı Cavabdeh qarşı “pul” tələbi barədə iddiasına dair mülki iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası MPM-nin 263, 264, 267 və 268-ci maddələrini rəhbər tutaraq, məhkəmə QƏRARA ALDİ: İddiaçı Cavabdeh qarşı “pul” tələbi tələbi barədə iddiasına dair mülki iş üzrə icraata xitam verilsin. Qərardad tərəfə rəsmi qaydada verildikdən sonra 10 gün müddətində ondan «Elektron məhkəmə» informasiya sistemində yaradılmış elektron kabinet üzərindən Yevlax Rayon Məhkəməsinə şikayət verilə bilər. Hakim: Aybəniz Babayeva