Bakı Şəhəri Xəzər Rayon Məhkəməsi Qətnamə — İş №e-2(003)-2805/2023

Azərbaycan Respublikası adından QƏTNAMƏ Bakı şəhəri İş № e-2(003)-2805/2023 11.10.2023 BAKI ŞƏHƏRİ XƏZƏR RAYON MƏHKƏMƏSİ Hakim Rüstəmov Emin Şahin oğlunun sədrliyi Şükürlü Murad Şahin oğlunun katibliyi ilə İddiaçı ASC-nin Cavabdeh Fətəliyeva (Əliyeva) Nora Əsabəddin qızına qarşı “kredit müqaviləsi üzrə borc” tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə MÜƏYYƏN ETDİ İddiaçı ASC cavabdeh Fətəliyeva (Əliyeva) Nora Əsabəddin qızına qarşı “kredit müqaviləsi üzrə borc” tələbinə dair iddia ərizəsi ilə məhkəməyə müraciət etmişdir. İddia ərizəsi onunla əsaslandırılır ki, İddiaçı ASC ilə cavabdeh Fətəliyeva (Əliyeva) Nora Əsabəddin qızı arasında bağlanmış xx.xx.2023-cü il tarixli RGTK9279664A117 saylı kredit müqaviləsinə əsasən bank Fətəliyeva (Əliyeva) Nora Əsabəddin qızına illik 20,01% ödəməklə, 59 ay müddətinə qaytarmaq şərti ilə 6608,54 manat kredit vermişdir. Kredit müqaviləsinə əsasən cavabdeh müəyyən olunmuş kredit və ona hesablanacaq faizləri ödəmək barədə öhdəlik götürsə də, bu öhdəliyi lazımi qaydada yerinə yetirməmişdir. Nəticədə cavabdehin xx.xx.2023-cü il tarixə banka xx.xx.2023-ci il tarixli RGTK9279664A117 saylı müqavilə üzrə əsas borca görə 6608,54 manat, faiz borcuna görə 683,20 manat olmaqla cəmi 7291,74 manat borcu yaranmışdır. Cavabdehə bank tərəfindən dəfələrlə şifahi xəbərdarlıq olunmasına və rəsmi bildirişin göndərilməsinə baxmayaraq borcun qaytarılması təmin edilməmişdir. Ona görə də cavabdeh Fətəliyeva (Əliyeva) Nora Əsabəddin qızından xx.xx.2023-ci il tarixli RGTK9279664A117 saylı müqavilə üzrə əsas borc üzrə 6608,54 manat, faiz borcuna görə 683,20 manat olmaqla cəmi 7291,74 manat borcun və ödənilmiş dövlət rüsumuna görə 92,92 manatın iddiaçının xeyrinə tutulmasına dair qətnamə çıxarılması xahiş olunur. İddiaçı ASC-nin nümayəndəsi Nümayəndə ərizə ilə məhkəməyə müraciət edərək, işə onların iştirakı olmadan baxılıb iddia ərizəsinin təmin edilməsi barədə qətnamə qəbul edilməsini xahiş etmişdir. Cavabdeh Fətəliyeva (Əliyeva) Nora Əsabəddin qızına məhkəmə iclasının yeri və vaxtı barədə məlumat verilsə də cavabdeh Fətəliyeva (Əliyeva) Nora Əsabəddin qızı məhkəmə iclasında iştirak etməmişdir. Məhkəmə Azərbaycan Respublikası MPM-nin 185.5-ci maddəsinin tələblərinə əsasən işə cavabdeh Fətəliyeva (Əliyeva) Nora Əsabəddin qızının iştirakı olmadan baxılmasını mümkün hesab etmişdir. Məhkəmə təqdim olunmuş sübutları tədqiq edib, hesab edir ki, aşağıdakılara görə iddia ərizəsi təmin olunmalıdır. Azərbaycan Respublikası Mülki Məcəlləsinin 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Borcverən İddiaçı ASC ilə borcalan Fətəliyeva (Əliyeva) Nora Əsabəddin qızı arasında bağlanmış xx.xx.2023-ci il tarixli RGTK9279664A117 saylı kredit müqaviləsindən müəyyən olunur ki, bank borcalana gündəlik tələbat məqsədilə 59 ay müddətinə qaytarmaq, illik 20,01% ödəmək şərti ilə 6608,54 manat məbləğində kredit verməyi öhdəsinə götürmüşdür. İddiaçı ASC-nin xx.xx.2023-ci il tarixli RGTK9279664A117 saylı kredit müqaviləsinə əlavə olan ödəniş cədvəlindən müəyyən olunur ki, borcalan Fətəliyeva (Əliyeva) Nora Əsabəddin qızı xx.xx.2023-cü il tarixdən xx.xx.2027-ci il tarixədək olan dövr ərzində hər ay 176,86 manat, xx.xx.2027-ci il tarixdə isə 181,62 manat ödəməyi öhdəsinə götürmüşdür. Müqavilənin 3.1.4-cü bəndindən müəyyən olunur ki, bank bu bəndin yarımbəndlərində qeyd olunmuş hallarda kreditin hesablanmış faizi ilə və digər borcları ilə birlikdə qaytarılmasını müştəridən vaxtından əvvəl tələb edə bilər. İddiaçı ASC tərəfindən verilmiş xx.xx.2023-ci il tarixli kassa məxaric orderinin surətindən görünür ki, 6608,54 manat məbləğində pul vəsaiti cavabdeh Fətəliyeva (Əliyeva) Nora Əsabəddin qızı tərəfindən imza edilməklə alınmışdır. İddiaçı ASC-nin Fətəliyeva (Əliyeva) Nora Əsabəddin qızına ünvanladığı xx.xx.2023cü il tarixli sonuncu bildirişdən müəyyən olunur ki, bank borcluya kredit müqaviləsi üzrə borc ödənilmədiyi təqdirdə borc tələbinə dair məhkəməyə müraciət ediləcəyi barədə xəbərdarlıq etmişdir. İddiaçı ASC-nin xx.xx.2023-cü il tarixli 15/4413 saylı maliyyə arayışından müəyyən olunur ki, borcalan Fətəliyeva (Əliyeva) Nora Əsabəddin qızının xx.xx.2023-cü il tarixə xx.xx.2023-cü il tarixli RGTK9279664A117 saylı kredit müqaviləsi üzrə əsas borca görə 6608,54 manat, faiz borcuna görə 683,20 manat olmaqla cəmi 7291,74 manat borcu vardır. Azərbaycan Respublikası Mülki Məcəlləsinin 425.1-ci maddəsinə əsasən, öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə müvafiq surətdə hərəkət etməlidir. Həmin Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi başa düşülür. Məhkəmə qeyd edir ki, Azərbaycan Respublikası MPM-nin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məhkəmə tədqiq olunmuş sübutlara məcmu halında hüquqi qiymət verib belə nəticəyə gəlir ki, cavabdeh Fətəliyeva (Əliyeva) Nora Əsabəddin qızının İddiaçı ASC ilə bağladığı xx.xx.2023-ci il tarixli RGTK9279664A117 saylı müqavilədən irəli gələn öhdəliklərini icra etməməsi tədqiq olunmuş sübutlarla öz təsdiqini tapdığından iddiaçının cavabdehdən xx.xx.2023-cü il tarixli RGTK9279664A117 saylı kredit müqaviləsi üzrə əsas borca görə 6608,54 manat, faiz borcuna görə 683,20 manat olmaqla cəmi 7291,74 manat tələbi əsaslıdır, ona görə də iddia ərizəsi təmin edilməlidir. Azərbaycan Respublikası MPM-nin 119.1-ci maddəsinə əsasən məhkəmə xərcləri ödənilmiş iddia tələbinin məbləğinə münasib olaraq işdə iştirak edən şəxslərə aid edildiyindən, məhkəmə hesab edir ki, iddiaçının ödədiyi dövlət rüsumu cavabdehə aid edilməlidir. Məhkəmə yalnız tərəflərin təqdim etdikləri sübutları araşdırmış və öz qətnaməsini yalnız məhkəmə iclasında tədqiq olunmuş sübutlarla əsaslandırmışdır. Şərh olunanlara əsasən, Azərbaycan Respublikası MPM-nin 216-220-ci maddələrini rəhbər tutaraq, məhkəmə QƏT ETDİ İddia ərizəsi təmin edilsin. Fətəliyeva (Əliyeva) Nora Əsabəddin qızından xx.xx.2023-cü il tarixli RGTK9279664A117 saylı kredit müqaviləsi üzrə əsas borca görə 6608,54 manat, faiz borcuna görə 683,20 manat və dövlət rüsumuna görə 92,92 manat olmaqla, cəmi 7384,66 (yeddi min üç yüz səksən dörd manat, altmış altı qəpik) manat pul vəsaiti İddiaçı ASC-nin xeyrinə tutulsun. Qətnamədən, onun rəsmi qaydada verildiyi gündən bir ay müddətində Bakı şəhəri Xəzər Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən bir ay keçdikdən sonra qanuni qüvvəyə minir. Hakim Emin Rüstəmov