Bakı Şəhəri Yasamal Rayon Məhkəməsi Qərardad — İş №e-2(004)-2464/2023

Azərbaycan Respublikası adından QƏRARDAD Bakı şəhəri İş № e-2(004)-2464/2023 31.05.2023 BAKI ŞƏHƏRİ YASAMAL RAYON MƏHKƏMƏSİ Hakim Əlizadə Fariz Ariz oğlunun sədirliyi, X3 oğlunun katibliyi, Cavabdeh2 iştirakı ilə, İddiaçı “X2” ASC-nin cavabdehlər Cavabdeh1, Cavabdeh2 və Hənifə-zadə Elmira Əli qızına qarşı “pul” tələbinə dair mülki işə baxaraq, məhkəmə MÜƏYYƏN ETDİ: İddiaçı “X2” ASC cavabdehlər Cavabdeh1, Cavabdeh2 və Hənifə-zadə Elmira Əli qızına qarşı “pul” tələbinə dair iddia ərizəsi ilə məhkəməyə müraciət edərək, cavabdehlərdən 63,35 (altmış üç manat otuz beş qəpik) manat pulun və ödənilmiş 30 (otuz) manat dövlət rüsumunun tutularaq iddiaçıya ödənilməsi barədə qətnamə çıxarılmasını xahiş etmişdir. İddiaçı iddia tələbini onunla əsaslandırmışdır ki, iddiaçı “X2” ASC ilə Hənifə-zadə Cavad Sadiq oğlu arasında bağlanmış xx.xx.2015-ci il tarixli Kredit Müqaviləsinə əsasən sonuncuya 84 ay müddətinə illik 30% ödəmək şərtilə 500 manat məbləğində kredit verilmişdir. Borcalan Hənifə-zadə Cavad Sadiq oğlu xx.xx.2020-ci il tarixdə vəfat etmiş və xx.xx.2020-ci il tarixli ölüm haqqında şəhadətnamə verilmişdir. Kredit müqavilələri üzrə borc qaldığından iddiaçı tərəfindən verilmiş sorğular nəticəsində müəyyən edilmişdir ki, qanun üzrə vərəsəlik hüququ haqqında şəhadətnaməyə əsasən cavabdehlər Cavabdeh1, Cavabdeh2 və Hənifə-zadə X1 Hənifə-zadə Cavad Sadiq oğlunun vərəsəsidir və o, miras əmlakından müvafiq pissədə pay almışlar. İddiaçı xx.xx.2023-cü il tarixdə məhkəməyə ərizə ilə müraciət edərək iddia ərizəsi və ona əlavə edilmiş sənədlər qaytarılmaqla iddianın baxılmamış saxlanılmasını məhkəmədən xahiş etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, ərizə təmin edilməli, mülki iş üzrə iddia ərizəsi və ona əlavə edilmiş sənədlər iddiaçıya qaytarılmaqla iddianın baxılmamış saxlanılması barədə qərardad qəbul edilməlidir. Ərizə ilə iddiaçının nümayəndəsi Nümayəndə “X2” ASC-nin iradəsini ifadə edilmişdir. Azərbaycan Respublikası Mülki Prosessual Məcəlləsinin (bundan sonra MPM) 259.0.11-ci maddəsinin tələbinə əsasən iddia ərizəsinin qaytarılması barədə ərizə verildikdə və cavabdeh işin mahiyyəti üzrə həll olunmasını tələb etmədikdə ərizə baxılmamış saxlanılmalıdır. Qeyd olunanlar nəzərə alınmaqla, MPM-in 259.0.11-ci maddəsinin tələbləri rəhbər tutulmaqla mülki iş üzrə iddia ərizəsi və ona əlavə edilmiş sənədlər iddiaçıya qaytarılmaqla iddia tələbi baxılmamış saxlanılmalıdır. İş materiallarında olan xx.xx.2023-cü il tarixli BPM5078980P nömrəli qəbzə əsasən müəyyən olunur ki, Cavabdeh2 tərəfindən “X2” ASC-nin hesabına 95,40 manat pul ödənilmişdir. Məhkəmə qeyd edir ki, MPM-in 114.1.5-ci maddəsinin tələblərinə əsasən, əsasən ödənilmiş dövlət rüsumu ərizəçiyə geri qaytarılmalıdır. MPM-in 260.6-cı maddəsinə əsasən iş üzrə icraata xitam verilməsi haqqında qərardaddan şikayət verilə bilər. Qeyd olunanlara əsasən və Azərbaycan Respublikası Mülki Prosessual Məcəlləsinin 261.0.1, 263, 264-cü maddələrini rəhbər tutaraq, QƏRARA ALDİ: İddiaçı “X2” ASC-nin cavabdehlər Cavabdeh1, Cavabdeh2 və Hənifə-zadə Elmira Əli qızına qarşı “pul” tələbinə mülki iş üzrə iddia ərizəsi və ona əlavə edilmiş sənədlər iddiaçıya qaytarılmaqla iddia tələbi baxılmamış saxlanılsın. ********** nömrəli qəbz üzrə dövlət rüsumu kimi ödənilmiş 30 (otuz) manat məbləğində pul Bakı şəhəri üzrə Baş Maliyyə İdarəsi tərəfindən “X2” ASC-yə qaytarılsın. Qərardaddan 10 (on) gün müddətində Bakı şəhəri Yasamal Rayon Məhkəməsinə şikayət verilə bilər. Sədrlik edən: Fariz Əlizadə