Bakı Şəhəri Yasamal Rayon Məhkəməsi Qərardad — İş №e-2(004)-339/2024

Azərbaycan Respublikası adından QƏRARDAD Bakı şəhəri İş № e-2(004)-339/2024 04.06.2024 BAKI ŞƏHƏRİ YASAMAL RAYON MƏHKƏMƏSİ Hakim Hacıyev Vahid Məcid oğlunun sədrliyi, Həsənova Aysel Zaur qızının katibliyi ilə, İddiaçı Əmanətlərin Sığortalanması Fondunun cavabdehlər Cavabdeh1 və Cavabdeh2 MTKya qarşı “borcun qaytarılması” tələbinə dair mülki işə açıq məhkəmə iclasında baxaraq, MÜƏYYƏN ETDİ: İddiaçı Əmanətlərin Sığortalanması Fondu cavabdehlər Cavabdeh1 və Cavabdeh2 MTK-ya qarşı “borcunun qaytarılması” tələbinə dair iddia ərizəsi ilə xx.xx.2023-cü il tarixdə məhkəməyə müraciət edərək, xx.xx.2015-ci il tarixli müqavilə üzrə yaranmış 195.498,34 manat əsas borc, 126.924,55 manat hesablanmış faiz, 141.695,81 manat cərimə və iş üzrə ödənilmiş 754,12 manat dövlət rüsumu olmaqla, cəmi 464.118,70 manat pulun müştərək qaydada cavabdehlər Cavabdeh1 və Cavabdeh2ndən tutularaq Əmanətlərin Sığortalanması Fonduna ödənilməsi barədə qətnamə çıxarılmasını xahiş etmişdir. Məhkəmə iclasının yeri və vaxtı barədə qanunla nəzərdə tutulmuş qaydada tərəflərə məlumat verilmişdir. Lakin tərəflər məhkəməyə gəlməmişlər və gəlməmələrinin səbəbləri barədə məhkəməyə məlumat verməmişlər. İddiaçı Əmanətlərin Sığortalanması Fondu xx.xx.2024-cü il tarixdə elektron kabinet vasitəsilə məhkəməyə ərizə göndərərək bildirmişdir ki, Cavabdeh1 ilə iddiaçı Əmanətlərin Sığortalanması Fondu arasında kredit müqaviləsi üzrə borcun güzəşt tətbiq edilməklə ödənilməsi haqqında razılıq əldə edilmişdir. Bu səbəbdən iddia ərizəsinin baxılmamış saxlanılması zərurəti yaranmışdır. Azərbaycan Respublikası Mülki Prosessual Məcəlləsinin 259.0.11-ci və 114-cü maddəsinə əsasən iddia ərizəsinin baxılmamış saxlanılmasını və ödənilmiş dövlət rüsumunun büdcədən qaytarılması və Alan: adı: Əmanətlərin Sığortalanması Fondu, VÖEN: **********, İBAN: AZ86NABZ********************. ALANİN BANKİ: Bankın adı: Azərbaycan Respublikası Mərkəzi Bankı, Kod: 501004, VÖEN: **********, M/h: AZ74NABZ********************, SWİFT: NABZAZ2C hesabına köçürülməsi barədə qərardad qəbul edilməsini xahiş etmişdir. Cavabdeh1 nümayəndəsi və vəkili Vəkil4 xx.xx.2024-cü il tarixdə elektron kabinet vasitəsilə məhkəməyə ərizə göndərərək bildirmişdir ki, Cavabdeh1 ilə iddiaçı Əmanətlərin Sığortalanması Fondu arasında kredit müqaviləsi üzrə borcun güzəşt tətbiq edilməklə ödənilməsi haqqında razılıq əldə edilmişdir. Bu səbəbdən iddiaçı iddia ərizəsinin baxılmamış saxlanılması barədə ərizə vermişdir. Odur ki, cavabdeh tərəf kimi işin mahiyyəti üzrə həll olunmasını tələb etmir və ərizənin baxılmamış saxlanılması barədə qərardad qəbul edilməsinə etiraz etmir. Məhkəmə Azərbaycan Respublikası Mülki Prosessual Məcəlləsinin 185.4-cü maddəsinin tələbinə uyğun olaraq tərəflərin iştirakı olmadan işə baxılmasını mümkün hesab edir. Məhkəmə iddiaçının iddia ərizəsinin geri qaytarılmasına dair xx.xx.2024-cü il tarixli ərizəsini və işdə olan sənədləri nəzərdən keçirib hesab edir ki, Azərbaycan Respublikası Mülki Prosessual Məcəlləsinin 259.0.11-ci maddəsinin tələbinə uyğun olaraq iddia ərizəsi baxılmamış saxlanılmalı, Azərbaycan Respublikası MPM-in 114.1.5-ci maddəsinə əsasən iddia ərizəsinin verilməsi üçün ödənilmiş 754,12 manat dövlət rüsumu iddiaçıya qaytarılmalıdır. Azərbaycan Respublikası Mülki Prosessual Məcəlləsinin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. Azərbaycan Respublikası MPM-in 114.1.5-ci maddəsinə əsasən bu Məcəllə ilə nəzərdə tutulmuş əsaslarla ərizə baxılmamış saxlanılarsa, ödənilmiş dövlət rüsumu qaytarılır. Şərh olunanlara əsasən və Azərbaycan Respublikası MPM-nin 114, 114.1.5, 259, 259.0.11, 260, 263-264, 266-268-ci maddələrini rəhbər tutaraq, məhkəmə QƏT ETDİ: İddiaçı Əmanətlərin Sığortalanması Fondunun cavabdehlər Cavabdeh1 və Cavabdeh2 MTKya qarşı “borcun qaytarılması” tələbinə dair iddia ərizəsi baxılmamış saxlanılsın. “X1” vasitəsilə xx.xx.2023-cü il tarixli ********** nömrəli mədaxil qəbzinə əsasən Bakı şəhəri Yasamal Rayon Məhkəməsinə dövlət rüsumu kimi ödənilmiş 754,12 (yeddi yüz əlli dörd manat on iki qəpik) manat pul Azərbaycan Respublikası Maliyyə Nazirliyinin Bakı şəhəri üzrə Baş Maliyyə İdarəsi tərəfindən iddiaçı Əmanətlərin Sığortalanması Fonduna (Alan: adı: Əmanətlərin Sığortalanması Fondu, VÖEN: **********, İBAN: AZ86NABZ********************. ALANİN BANKİ: Bankın adı: Azərbaycan Respublikası Mərkəzi Bankı, Kod: 501004, VÖEN: **********, M/h: AZ74NABZ********************, SWİFT: NABZAZ2C hesabına) qaytarılsın. Qərardaddan rəsmi qaydada verildiyi vaxtdan 10 gün müddətində “Elektron məhkəmə” informasiya sistemində yaradılan elektron kabinetdən Bakı şəhəri Yasamal Rayon Məhkəməsinə şikayət verilə bilər. Hakim: Vahid Hacıyev