Bakı Şəhəri Yasamal Rayon Məhkəməsi Qərardad — İş №e-2(004)-4108/2023

Azərbaycan Respublikası adından QƏRARDAD Bakı şəhəri İş № e-2(004)-4108/2023 04.08.2023 BAKI ŞƏHƏRİ YASAMAL RAYON MƏHKƏMƏSİ Hakim Əlizadə Fariz Ariz oğlunun sədrliyi ilə, İddiaçı Cavabdeh MMC-yə qarşı “cavabdehin qanunsuz hərəkətlərinə son qoyulması, cavabdehin qanunsuz kommunal xidmət xərclərinin yığılması, qanunsuz sahibkarlıq fəaliyyəti ilə məşğul olması, idarəedici təşkilatın fəaliyyətinin qanunsuz olması, tutulmuş pulların qaytarılması, kommunal xidmət haqqı verilmədiyi halda məhkəməyə müraciət etmək hüququnun olması, maneələrin aradan qaldırılması, liftlərdən istifadə üçün kartlara qoyulan məhdudiyyət qoyulmasını qadağan edilməsi, mülkiyyətindən fasiləsiz istifadənin təmin edilməsi, mənəvi zərər olaraq 500 manat pulun tutularaq “Yaşat” Fonduna köçürülməsi” tələbinə dair iddia ərizəsinə baxaraq, MÜƏYYƏN ETDİ: İddiaçı Cavabdeh MMC-yə qarşı “cavabdehin qanunsuz hərəkətlərinə son qoyulması, cavabdehin qanunsuz kommunal xidmət xərclərinin yığılması, qanunsuz sahibkarlıq fəaliyyəti ilə məşğul olması, idarəedici təşkilatın fəaliyyətinin qanunsuz olması, tutulmuş pulların qaytarılması, kommunal xidmət haqqı verilmədiyi halda məhkəməəy müraciət etmək hüququnun olması, maneələrin aradan qaldırılması, liftlərdən istifadə üçün kartlara qoyulan məhdudiyyət qoyulmasını qadağan edilməsi, mülkiyyətindən fasiləsiz istifadənin təmin edilməsi, mənəvi zərər olaraq 500 manat pulun tutularaq “Yaşat” Fonduna köçürülməsi” tələbinə dair iddia ərizəsi ilə Bakı şəhəri Yasamal Rayon Məhkəməsinə müraciət etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi və ona əlavə olunmuş sənədlər iddiaçıya geri qaytarılmalıdır. Azərbaycan Respublikasının Mülki Prosessual Məcəlləsinin 152.1.5-ci maddəsinə əsasən, müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. “Dövlət rüsumu haqqında” Azərbaycan Respublikası Qanununun 8.2-ci maddəsinin tələblərinə əsasən, qiymətləndirilməyən iddia ərizəsinin verilməsinə görə dövlət rüsumunun məbləği 100 (yüz) manat təşkil edir. İş materiallarında olan ********** nömrəli qəbzə əsasən müəyyən edilir ki, iddia ərizəsi üzrə 30 (otuz) manat dövlət rüsumu ödənilmişdir. Məhkəmə iddiaçıya izah edir ki, iddiaçının iddia tələbi qiymətləndirilməyən iddia olaraq “cavabdehin qanunsuz hərəkətlərinə son qoyulması, cavabdehin qanunsuz kommunal xidmət xərclərinin yığılması, qanunsuz sahibkarlıq fəaliyyəti ilə məşğul olması, idarəedici təşkilatın fəaliyyətinin qanunsuz olması, tutulmuş pulların qaytarılması, kommunal xidmət haqqı verilmədiyi halda məhkəməyə müraciət etmək hüququnun olması, maneələrin aradan qaldırılması, liftlərdən istifadə üçün kartlara qoyulan məhdudiyyət qoyulmasını qadağan edilməsi, mülkiyyətindən fasiləsiz istifadənin təmin edilməsi” və mənəvi zərər olaraq 500 manat pulun tutularaq “Yaşat” Fonduna köçürülməsi təşkil edir. Bu səbəbdən, iddiaçı tərəfindən ödənilən dövlət rüsumu 100 manat olmalı olduğu halda, rüsum tələb olunan miqdardan az, yəni 30 manat ödənilmişdir. Məhkəmə iddiaçıya izah edir ki, qeyd olunan nöqsan aradan qaldırıldıqdan sonra ümumi qaydada yenidən məhkəməyə müraciət edilə bilər. Azərbaycan Respublikasının Mülki Prosessual Məcəlləsinin 152.1.1-ci maddəsinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. Məhkəmə iddiaçıya izah edir ki, iddia tələbini konkretləşdirməklə, düzgün hüquqi formaya salaraq, hüquqi müəyyən formada məhkəməyə ünvanlanmalıdır. İddia tələbi “cavabdehin qanunsuz hərəkətlərinə son qoyulması, cavabdehin qanunsuz kommunal xidmət xərclərinin yığılması, qanunsuz sahibkarlıq fəaliyyəti ilə məşğul olması, idarəedici təşkilatın fəaliyyətinin qanunsuz olması, tutulmuş pulların qaytarılması, kommunal xidmət haqqı verilmədiyi halda məhkəməyə müraciət etmək hüququnun olması, maneələrin aradan qaldırılması, liftlərdən istifadə üçün kartlara qoyulan məhdudiyyət qoyulmasını qadağan edilməsi, mülkiyyətindən fasiləsiz istifadənin təmin edilməsi” hissəsində qeyri-müəyyəndir və yanlış formada tərtib edilməklə məhkəməyə ünvanlanmışdır. Beləliklə, məhkəmə hesab edir ki, göstərilən nöqsanlar aradan qaldırılmaqla yenidən, ümumi qaydada məhkəməyə müraciət etmək hüququ izah olunmaqla, iddia ərizəsi və ona əlavə olunmuş sənədlər iddiaçıya geri qaytarılmalıdır. Məhkəmə həmçinin qeyd edir ki, Azərbaycan Respublikası Mülki Prosessual Məcəlləsinin 114.1.3-cü maddəsinin tələblərinə əsasən, əsasən ödənilmiş dövlət rüsumu iddiaçıya geri qaytarılmalıdır. Azərbaycan Respublikası Mülki Prosessual Məcəlləsinin 152.2-ci maddəsinə əsasən, iddia ərizəsinin qaytarılması haqqında hakim qərardad çıxarır. Eyni Məcəllənin 152.3-cü maddəsinə görə, iddia ərizəsinin qaytarılması haqqında qərardaddan şikayət verilə bilər. Qeyd olunanlara əsasən və Azərbaycan Respublikası Mülki Prosessual Məcəlləsinin 152.1.3 və 263-264-cü maddələrini rəhbər tutaraq, QƏRARA ALDİ: İddiaçı Cavabdeh MMC-yə qarşı “cavabdehin qanunsuz hərəkətlərinə son qoyulması, cavabdehin qanunsuz kommunal xidmət xərclərinin yığılması, qanunsuz sahibkarlıq fəaliyyəti ilə məşğul olması, idarəedici təşkilatın fəaliyyətinin qanunsuz olması, tutulmuş pulların qaytarılması, kommunal xidmət haqqı verilmədiyi halda məhkəməyə müraciət etmək hüququnun olması, maneələrin aradan qaldırılması, liftlərdən istifadə üçün kartlara qoyulan məhdudiyyət qoyulmasını qadağan edilməsi, mülkiyyətindən fasiləsiz istifadənin təmin edilməsi, mənəvi zərər olaraq 500 manat pulun tutularaq “Yaşat” Fonduna köçürülməsi” tələbinə dair iddia ərizəsi və əlavə edilmiş sənədlər İddiaçı geri qaytarılsın. ********** nömrəli qəbz üzrə dövlət rüsumu kimi ödənilmiş 30 (otuz) manat məbləğində pul Bakı şəhəri üzrə Baş Maliyyə İdarəsi tərəfindən İddiaçı qaytarılsın. İddiaçıya izah edilsin ki, qeyd olunan nöqsanlar aradan qaldırıldıqdan sonra yenidən, ümumi qaydada məhkəməyə müraciət etmək hüququ vardır. Qərardaddan rəsmi qaydada verildikdən sonra 10 (gün) müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Yasamal Rayon Məhkəməsinə şikayət verilə bilər. Hakim: Fariz Əlizadə