Bakı Şəhəri Nərimanov Rayon Məhkəməsi Qərardad — İş №e-2(005)-3061/2022

Azərbaycan Respublikası adından QƏRARDAD Bakı şəhəri İş № e-2(005)-3061/2022 04.07.2022 BAKI ŞƏHƏRİ NƏRİMANOV RAYON MƏHKƏMƏSİ Hakim Nuriyeva Səbinə Vidadi qızı, Kreditor Borclu qarşı “alimentin alınması tələbi” barədə məhkəmə əmrinin verilməsinə dair ərizəsinə və ona əlavə edilmiş sənədlərə baxaraq, MÜƏYYƏN ETDİ: Kreditor Borclu qarşı “alimentin alınması tələbi” barədə ərizə ilə məhkəməyə müraciət edərək, borcludan yetkinlik yaşına çatmayan xx.xx.2017-ci il təvəllüdlü X1 üçün əmək haqqının ¼ hissəsi miqdarında aliment tutulması haqqında əmr verilməsini xahiş etmişdir. Məhkəmə, ərizəni və ona əlavə edilmiş sənədləri araşdıraraq hesab edir ki, aşağıdakı əsaslara görə məhkəmə əmrinin verilməsi haqqında ərizənin qəbul edilməsindən imtina edilməlidir. Belə ki, Azərbaycan Respublikası Mülki Prosessual Məcəlləsinin 276.2.4-cü maddəsinıə əsasən tələb alimentin alınması, o cümlədən atalığın müəyyən edilməsi və ya üçüncü şəxslərin cəlb edilməsi ilə bağlı olmadan yetkinlik yaşına çatmayan şəxslərə alimentin alınması haqqında verilmişdirsə məhkəmə əmri verilə bilər. Azərbaycan Respublikası Mülki Prosessual Məcəlləsinin 279.2.1-ci maddəsinə əsasən, verilmiş tələb bu Məcəllənin 276-cı maddəsi ilə nəzərdə tutulmamışdırsa məhkəmə, məhkəmə əmrinin verilməsi haqqında ərizənin qəbul olunmasından imtina edir. Göründüyü kimi kreditor hazırda əldə edilmiş hüquq üzrə alimentin müəyyən edilməsinə dair ərizə ilə əmr icraatı qaydasında müraciət etmişdir. Qeyd olunan maddi hüquq normasının imperativ tələbinə əsasən əmr icraatı qaydasında yalnız alimentin alınması qaydasında ərizə ilə məhkəməyə müraciət etmək hüququ göstərilmişdir. Göstərilənləri nəzərə alaraq məhkəmə qeyd edir ki, kreditor tərəfindən verilmiş tələb üzrə məhkəmə əmrinin verilməsi MPM-in 276.2.4-cü maddəsi ilə istisna olunduğundan, məhkəmə əmrinin verilməsi haqqında ərizənin qəbul olunmasından imtina edilməlidir. Azərbaycan Respublikası Mülki Prosessual Məcəlləsinin 279.4-cü maddəsinə əsasən, məhkəmə əmrinin verilməsi haqqında ərizənin qəbul edilməsindən imtina olunması kreditorun həmin tələb üzrə iddia icraatı qaydasında iddia verməsinə mane olmur. Bu halda kreditor tərəfindən ödənilmiş dövlət rüsumu ödənilməli olan dövlət rüsumuna hesablanır. Yuxarıda qeyd edilənlərə əsasən və Azərbaycan Respublikası Mülki Prosessual Məcəlləsinin 279-cu maddəsini rəhbər tutaraq, QƏRARA ALDİ: Kreditor Borclu qarşı “alimentin alınması tələbi” barədə ərizənin qəbulundan imtina edilsin. Qərardaddan şikayət verilə bilməz. Hakim Səbinə Nuriyeva