Bakı Şəhəri Nəsimi Rayon Məhkəməsi Qətnamə — İş №e-2(006)-1808/2022

Azərbaycan Respublikası adından QƏTNAMƏ Bakı şəhəri İş № e-2(006)-1808/2022 04.04.2022 BAKI ŞƏHƏRİ NƏSİMİ RAYON MƏHKƏMƏSİ Hakim Xəlilov Ramin Adilxan oğlunun sədrliyi ilə İddiaçı «X1 Azərbaycan» Qapalı Səhmdar Cəmiyyətinin Cavabdeh Səftər oğluna qarşı «borcun tutulması» tələbinə dair iddia ərizəsinə kiçik iddialara dair işlər üzrə sadələşdirilmiş icraat qaydasında baxaraq, MÜƏYYƏN ETDİ: İddiaçı «X1 Azərbaycan» Qapalı Səhmdar Cəmiyyəti Cavabdeh Səftər oğluna qarşı «borcun tutulması» tələbinə dair iddia ərizəsi ilə məhkəməyə müraciət etmişdir. Tələb onunla əsaslandırılmışdır ki, 02.10.2019-cu ildə «X1 Azərbaycan» Qapalı Səhmdar Cəmiyyəti və Cavabdeh Səftər oğlu arasında Bank hesabı, debet kartı, kredit kartı və zaminlik haqqında qarışıq müqaviləsi bağlanmışdır. Kredit müqaviləsinin şərtlərinə görə bank tərəfindən borcalan Cavabdeh Səftər oğluna istehlak yönümlü 300 manat məbləğində kredit kartı limiti ayrılmışdır. «X1 Azərbaycan» Qapalı Səhmdar Cəmiyyəti müqavilə üzrə üzərinə götürdüyü öhdəliklərini tam icra etsə də, borcalan Cavabdeh Səftər oğlu kredit müqaviləsinin şərtlərini pozaraq kreditin əsas məbləğini və ona hesablanmış faizlərin ödənilməsini kredit ayrılan vaxtdan mütəmadi olaraq gecikdirmişdir. Borcalana dəfələrlə bu barədə şifahi və yazılı xəbərdarlıq edilməsinə baxmayaraq, öhdəliyi icra etməmiş və bu günədək borcu ödəməmişdir.Cavabdehin kredit müqaviləsinə əsasən banka olan borcu əsas məbləğ üzrə: 291,69 AZN (iki yüz doxsan bir manat, altmış doqquz qəpik), hesablanmış və ödənilməmiş faiz borcu: 37,51 AZN (otuz yeddi manat, əlli bir qəpik), cərimə borcu: 24,57 AZN (iyirmi dörd manat, əlli yeddi qəpik), müqavilədə nəzərdə tutulmuş xərclər və komissiyalar üzrə borc: 2,00 AZN (iki manat), bildirişlərin göndərilməsi üzrə poçt xərcləri: 1,10 AZN (bir manat, on qəpik), cəmi borc: 356,87 AZN (üç yüz əlli altı manat, səksən yeddi qəpik) borcu mövcuddur. Göstərilənlərə əsasən, Cavabdeh Səftər oğlundan əsas məbləğ üzrə: 291,69 AZN (iki yüz doxsan bir manat, altmış doqquz qəpik), hesablanmış və ödənilməmiş faiz borcu: 37,51 AZN (otuz yeddi manat, əlli bir qəpik), cərimə borcu: 24,57 AZN (iyirmi dörd manat, əlli yeddi qəpik), müqavilədə nəzərdə tutulmuş xərclər və komissiyalar üzrə borc: 2,00 AZN (iki manat), bildirişlərin göndərilməsi üzrə poçt xərcləri: 1,10 AZN (bir manat, on qəpik), cəmi borc: 356,87 AZN (üç yüz əlli altı manat, səksən yeddi qəpik) və dövlət büdcəsinə köçürülmüş 30 AZN (otuz manat) dövlət rüsumunun «X1 Azərbaycan» Qapalı Səhmdar Cəmiyyətinin xeyrinə tutulması barədə qətnamə çıxarılması məhkəmədən xahiş edilmişdir. Məhkəmə iddia tələbinin qiyməti beş min manatdan az olduğuna görə iddia ərizəsinə Azərbaycan Respublikası Mülki Prosessual Məcəlləsinin 284-1-ci maddəsinə əsasən kiçik iddialara dair işlər üzrə sadələşdirilmiş icraat qaydasında baxılmasını mümkün hesab etmişdir. Azərbaycan Respublikası Mülki Prosessual Məcəlləsinin 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Məhkəmə tərəfindən Mülki-Prosessual qanunvericiliyə əsasən cavabdehə rəsmi qaydada bildiriş göndərilsə də, bildiriş ünvana çatdırılmadan məhkəməyə geri qaytarılmışdır. Eyni Məcəllənin 284-5.2-ci maddəsinin tələblərinə görə cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Məhkəmə iş üzrə toplanmış materialları tədqiq edərək, araşdırılan sübutlara məcmu halında hüquqi qiymət verərək hesab edir ki, iddia təmin edilməlidir. Belə ki, iş materiallarında olan «X1» QSC ilə Cavabdeh Səftər oğlu arasında bağlanmış 02.10.2019-cu il tarixli bank hesabı, debet kartı, kredit kartı və zaminlik haqqında qarışıq müqavilənin 4.26-ci bəndinə əsasən bank Cavabdeh Səftər oğluna 300 AZN məbləğində kredit kartı limitini (kredit xətti) açır. Cavabdeh Səftər oğlu isə həmin kredit kartı limiti üzrə istifadə etmiş olduğu vəsaiti (krediti) və ona hesablanmış faizləri, komisyonları və həmçinin nəzərdə tutulmuş digər ödənişləri (bütün borcları) bu müqavilə ilə müəyyən edilmiş şərtlərlə Banka qaytarmağı (ödəməyi) öhdəsinə götürür. İşdə olan «X1 Azərbaycan» QSC-nin 11.02.2022-ci il tarixli maliyyə arayışından görünür ki, Cavabdeh Səftər oğlunun banka əsas məbləğ üzrə: 291,69 AZN (iki yüz doxsan bir manat, altmış doqquz qəpik), hesablanmış və ödənilməmiş faiz borcu: 37,51 AZN (otuz yeddi manat, əlli bir qəpik), cərimə borcu: 24,57 AZN (iyirmi dörd manat, əlli yeddi qəpik), müqavilədə nəzərdə tutulmuş xərclər və komissiyalar üzrə borc: 2,00 AZN (iki manat), bildirişlərin göndərilməsi üzrə poçt xərcləri: 1,10 AZN (bir manat, on qəpik), cəmi borc: 356,87 AZN (üç yüz əlli altı manat, səksən yeddi qəpik) borcu qalmışdır. İş materiallarında olan «X1 Azərbaycan» QSC tərəfindən Cavabdeh Səftər oğluna ünvanlanmış 10.01.2022-ci il tarixli bildirişdən (pretenziya məktubu) görünür ki, cavabdeh bank tərəfindən kredit müqaviləsinə əsasən borcun ödənilməsi ilə bağlı xəbərdar olunmuşdur. Beləliklə, məhkəmə tərəfindən müəyyən olundu ki, «X1 Azərbaycan» QSC ilə Cavabdeh Səftər oğlu arasında bağlanmış 02.10.2019-cu il tarixli bank hesabı, debet kartı, kredit kartı və zaminlik haqqında qarışıq müqaviləyə əsasən bank tərəfindən Cavabdeh Səftər oğluna 300 manat məbləğində kredit verilmiş, cavabdeh üzərinə düşən öhdəlikləri tam icra etməmiş və nəticədə onun banka 356,87 AZN məbləğində borcu yaranmışdır. Azərbaycan Respublikası Mülki Məcəlləsinin 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Qeyd edilən Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Qeyd olunan Məcəllənin 448.1-ci maddəsinə əsasən borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Eyni Məcəllənin 449.1-ci maddəsinin tələbinə görə özgənin pul vəsaitini qanunsuz saxlamaqla, onu qaytarmaqdan boyun qaçırmaqla, onun ödənilməsini digər şəkildə gecikdirməklə və ya toplamaqla ondan faydalanmağa görə həmin vəsaitin məbləğindən faizlər ödənilməlidir. Faizlərin miqdarı pul öhdəliyinin və ya onun müvafiq hissəsinin icra edildiyi gün üçün bank uçot dərəcəsi ilə müəyyənləşdirilir. Borc məhkəmə qaydasında tutulduqda, məhkəmə kreditorun tələbini qərarın çıxarıldığı gün üçün bank uçot dərəcəsini əsas götürməklə ödəyə bilər. Həmin Məcəllənin 739-cu maddəsinə əsasən borc müqaviləsinə görə iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Borc müqaviləsinin predmeti hər hansı pul məbləği olduqda, o, kredit müqaviləsi adlandırılır. Müstəqil peşə fəaliyyəti şəklində pul borc verməklə məşğul olan şəxslər əlavə olaraq peşəkarlıq qaydasında kreditlər verilməsi haqqında müddəaları gözləməlidirlər. Azərbaycan Respublikası Mülki Prosessual Məcəlləsinin 119.1-ci maddəsinin tələblərinə görə, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Belə olan halda, iddiaçı tərəfindən ödənilmiş məhkəmə xərcləri də cavabdehə aid edilməlidir. Beləliklə, məhkəmə toplanmış sübutlara məcmu halda hüquqi qiymət verərək hesab edir ki, iddia tələbi təmin edilməli, Cavabdeh Səftər oğlundan 291,69 AZN (iki yüz doxsan bir manat, altmış doqquz qəpik) əsas, 37,51 AZN (otuz yeddi manat, əlli bir qəpik) faiz, 24,57 AZN (iyirmi dörd manat, əlli yeddi qəpik) cərimə, 2,00 AZN (iki manat) müqavilədə nəzərdə tutulmuş xərclər və komissiyalar üzrə borc, 1,10 AZN (bir manat, on qəpik) bildirişlərin göndərilməsi üzrə poçt xərcləri, ümumilikdə 356,87 AZN (üç yüz əlli altı manat, səksən yeddi qəpik) və dövlət büdcəsinə köçürülmüş 30 AZN (otuz manat) dövlət rüsumu alınaraq «X1 Azərbaycan» Qapalı Səhmdar Cəmiyyətinə ödənilməlidir. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsində qeyd edilir ki, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220 və 284-5.3-cü maddələrini rəhbər tutaraq, QƏT ETDİ: İddia tələbi təmin edilsin. Cavabdeh Səftər oğlundan 291,69 AZN (iki yüz doxsan bir manat, altmış doqquz qəpik) əsas, 37,51 AZN (otuz yeddi manat, əlli bir qəpik) faiz, 24,57 AZN (iyirmi dörd manat, əlli yeddi qəpik) cərimə, 2,00 AZN (iki manat) müqavilədə nəzərdə tutulmuş xərclər və komissiyalar üzrə borc, 1,10 AZN (bir manat, on qəpik) bildirişlərin göndərilməsi üzrə poçt xərcləri, ümumilikdə 356,87 AZN (üç yüz əlli altı manat, səksən yeddi qəpik) və dövlət büdcəsinə köçürülmüş 30 AZN (otuz manat) dövlət rüsumu alınaraq «X1 Azərbaycan» Qapalı Səhmdar Cəmiyyətinə ödənilsin. Qətnamədən tərəflərə rəsmən təqdim edildiyi gündən 1 (bir) ay müddətində Bakı şəhəri Nəsimi Rayon Məhkəməsi vasitəsi ilə Bakı Apellyasiya Məhkəməsinin Mülki Kollegiyasına apellyasiya şikayəti verilə bilər. Hakim: Ramin Xəlilov