Azərbaycan Respublikası adından QƏTNAMƏ Bakı şəhəri İş № e-2(006)-2869/2025 27.05.2025 BAKI ŞƏHƏRİ NƏSİMİ RAYON MƏHKƏMƏSİ Bakı şəhəri Nəsimi Rayon Məhkəməsinin hakimi Abidova Günay Çingiz qızı, İddiaçı MMCnin Cavabdeh qarşı «pul» tələbinə dair iddia ərizəsi üzrə mülki işə kiçik iddialara dair işlər üzrə sadələşdirilmiş icraat qaydasında baxaraq, MÜƏYYƏN ETDİ: Təsviri hissə:
1. İddiaçı MMC Cavabdeh qarşı «pul» tələbinə dair iddia ərizəsi ilə məhkəməyə müraciət etmişdir.
2. İddia tələbi onunla əsaslandırılmışdır ki, cavabdeh ilə iddiaçı arasında bağlanmış xx.xx.2024-cü il, xx.xx.2024-cü il, xx.xx.2024-cü il və xx.xx.2024-cü il tarixli müqavilələrə əsasən, cavabdeh İmei kod **********65631 “OPPO A58” markalı telefonu, qızıl zəmanət ultra 3 il xidməti, “Hoffmann” markalı paltaryuyan, zəmanət + 3 il xidməti, “Tefal” FV2868E1 Express Steam+ markalı ütü, “Hoffmann” markalı mikser, zəmanət + 3 il xidməti, “Hoffmann” markalı naqilsiz tozsoran, qızıl zəmanət ultra 3 il xidməti almış və nəticədə 1278.64 (miniki yüz yetmiş səkkiz manat, 64 qəpik) borcu yaranmışdır. Cavabdeh müqavilənin şərtlərini pozmuş və nəticədə xx.xx.2024-cü il tarixli müqaviləyə əsasən alqı-satqı qiyməti 766,44 manat (yəni 18 ay x 45.58 manat + 0 manat ilkin ödəniş) İmei kod **********65631 “OPPO A58” markalı telefonu, qızıl zəmanət ultra 3 il xidməti üçün ümumilikdə 347,05 manat olmaqla, ondan 315,50 manat ödənilməmiş hissə, müştəriyə güzəşt olunaraq 31.55 manat cərimə; xx.xx.2024-cü il tarixli müqaviləyə əsasən alqı-satqı qiyməti 758,88 manat (yəni 18 ay x 42.12 manat + 0 manat ilkin ödəniş) “Hoffmann” markalı paltaryuyan, zəmanət + 3 il xidməti üçün ümumilikdə 679,03 manat olmaqla, ondan 617,30 manat ödənilməmiş hissə, müştəriyə güzəşt olunaraq 61.73 manat cərimə; xx.xx.2024-cü il tarixli müqaviləyə əsasən alqısatqı qiyməti 202,80 manat (yəni 6 ay x 32 manat + 10,8 manat ilkin ödəniş) “Tefal” FV2868E1 Express Steam+ markalı ütü, “Hoffmann” markalı mikser, zəmanət + 3 il xidməti üçün ümumilikdə 123,86 manat olmaqla, ondan 112,6 manat ödənilməmiş hissə, müştəriyə güzəşt olunaraq 11,26 manat cərimə; xx.xx.2024-cü il tarixli müqaviləyə əsasən alqı-satqı qiyməti 138,58 manat (yəni 6 ay x 21,43 manat + 10 manat ilkin ödəniş) “Hoffmann” markalı naqilsiz tozsoran, qızıl zəmanət ultra 3 il xidməti üçün ümumilikdə 128,7 manat olmaqla, ondan 117 manat ödənilməmiş hissə, müştəriyə güzəşt olunaraq 11,7 manat cərimə borcu yaranmışdır. Cavabdehin cəmi ödədiyi məbləğ 704.30 manat təşkil edir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Cavabdehlə iddiaçı arasında bağlanılmış xx.xx.2024-cü il, xx.xx.2024-cü il, xx.xx.2024-cü il və xx.xx.2024-cü il tarixli müqavilələrin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin, göndərilmiş xx.xx.2025-ci il tarixli xəbərdarlıq məktubunda mübahisənin məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirsələr də, qarşı tərəf müqavilə ilə təsbit olunmuş öhdəlikləri icra etməmişdir. Tələbin əsaslığını və əmlakın dəyərini sübut edən sənədlər: tərəflər arasında bağlanılmış müqavilə, onun əlavəsi, bildirişi, əşyaların təhvil-təslim aktı və ödəniş cədvəlindən ibarətdir. Göstərilənlərə əsasən, xx.xx.2024 -ci il tarixli müqaviləyə əsasən, İmei kod **********65631 “OPPO A58” markalı telefonu, qızıl zəmanət ultra 3 il xidməti üçün, 315.5 (üç yüz on beş manat, 50 qəpik) manat ödənilməmiş hissə, 31.55 (otuz bir manat, 55 qəpik) manat cərimə pulu; xx.xx.2024-cü il tarixli müqaviləyə əsasən, “Hoffmann” markalı paltaryuyan, zəmanət + 3 il xidməti üçün ,617.3 (altı yüz on yeddi manat, 30 qəpik) manat ödənilməmiş hissə, 61.73 (altmış bir manat, 73 qəpik) manat cərimə pulu; xx.xx.2024-cü il tarixli müqaviləyə əsasən, “Tefal” FV2868E1 Express Steam+ markalı ütü, “Hoffmann” markalı mikser, zəmanət + 3 il xidməti üçün, 112.6 (yüz on iki manat, 60 qəpik) manat ödənilməmiş hissə, 11.26 (on bir manat, 26 qəpik) manat cərimə pulu, xx.xx.2024-cü il tarixli müqaviləyə əsasən, “Hoffmann” markalı naqilsiz tozsoran, qızıl zəmanət ultra 3 il xidməti üçün, 117 (yüz on yeddi) manat ödənilməmiş hissə, 11.7 (on bir manat, 70 qəpik) manat cərimə borcu olmaqla, ümumilikdə 1278.64 manat borc və 32.79 manat dövlət rüsumunun Cavabdeh alınaraq iddiaçı "xxxx" MMC-yə ödənilməsi barədə qətnamə çıxarılması xahiş edilmişdir.
3. Məhkəmə iddia ərizəsinə dair mülki işə Azərbaycan Respublikası Mülki Prosessual Məcəlləsinin 284-1-ci maddəsinə əsasən kiçik iddialara dair işlər üzrə sadələşdirilmiş icraat qaydasında baxılmasını mümkün hesab etmişdir. Məhkəmə tərəfindən mülki prosessual qanunvericiliyə əsasən, iddia ərizəsi və bildiriş Cavabdeh rəsmi qaydada poçt vasitəsilə göndərilməklə yanaşı (xəbərnaməyə əsasən, xx.xx.2025-ci il tarixdə “Həsənova” soyadlı şəxs təhvil almışdır), onun xahişinə əsasən, istifadəsində olan “+994-55-713-75-51” nömrəsinə də “PDF” formatda göndərilmiş, lakin cavabdeh iddiaya qarşı əsaslandırılmış etirazını məhkəməyə göndərməmişdir.
4. Mülki Prosessual Məcəllənin: 284-1-ci maddəsinə əsasən, mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. 284-5.2-ci maddəsinin tələblərinə görə, cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. 135.5-ci maddəsinə müvafiq olaraq, bu Məcəllənin 135.2-ci, 135.3-cü, 135.6-cı və 135.8ci maddələrində nəzərdə tutulmuş hallarda məhkəmə sənədi rəsmi qaydada verilmiş hesab edilir. 135.6-cı maddəsinə əsasən, “Elektron məhkəmə” informasiya sisteminin tətbiq olunduğu məhkəmələrdə mülki işlər üzrə işdə iştirak edən şəxslər “Elektron məhkəmə” informasiya sistemində qeydiyyatdan keçmişlərsə, məhkəmə sənədləri bu şəxslərin həmin sistemdə yaradılmış “elektron kabinet”lərində yerləşdirilir və onlara bu barədə məlumat həmin sistem vasitəsilə elektron qaydada (elektron poçt, SMS və s. vasitəsilə) çatdırılır.
5. Məhkəmə iş materiallarını araşdırıb, toplanmış sübutlara hüquqi qiymət verərək hesab edir ki, iddia qismən təmin edilməlidir.
Əsaslandırıcı hissə: a) Mülki işin materialları:
6. İddiaçı MMC ilə Cavabdeh arasında bağlanmış xx.xx.2024-cü il tarixli 08501612 nömrəli müqavilədən və ona əlavədən görünür ki, İddiaçı İmei kod **********65631 “OPPO A58” markalı telefonu, qızıl zəmanət ultra 3 il xidməti Cavabdeh satmış, Cavabdeh alınmış əşyanın əvəzində cəmi 766,44 manat pul məbləğini hissə-hissə, 18 ay müddətinə ödəməyi öhdəsinə götürmüşdür.
7. Əşyaların xx.xx.2024-cü il tarixli təhvil-təslim aktından görünür ki, Cavabdeh 08501612 nömrəli müqavilə üzrə məhsulu tam qüsursuz halda təhvil almışdır.
8. İddiaçı MMC ilə Cavabdeh arasında bağlanmış xx.xx.2024-cü il tarixli 18714628 nömrəli müqavilədən və ona əlavədən görünür ki, İddiaçı “Hoffmann” markalı paltaryuyan “Hoffmann” markalı paltaryuyan, zəmanət + 3 il xidməti Cavabdeh satmış, Cavabdeh alınmış əşyanın əvəzində cəmi 758,88 manat pul məbləğini hissə-hissə, 18 ay müddətinə ödəməyi öhdəsinə götürmüşdür.
9. Əşyaların xx.xx.2024-cü il tarixli təhvil-təslim aktından görünür ki, Cavabdeh 18714628 nömrəli müqavilə üzrə məhsulu tam qüsursuz halda təhvil almışdır.
10. İddiaçı MMC ilə Cavabdeh arasında bağlanmış xx.xx.2024-cü il tarixli 04008345 nömrəli müqavilədən və ona əlavədən görünür ki, İddiaçı Tefal” FV2868E1 Express Steam+ markalı ütü, Cavabdeh satmış, Cavabdeh alınmış əşyanın əvəzində cəmi 202,8 manat pul məbləğini hissəhissə, 6 ay müddətinə ödəməyi öhdəsinə götürmüşdür.
11. Əşyaların xx.xx.2024-cü il tarixli təhvil-təslim aktından görünür ki, Cavabdeh 04008345 nömrəli müqavilə üzrə məhsulu tam qüsursuz halda təhvil almışdır.
12. İddiaçı MMC ilə Cavabdeh arasında bağlanmış xx.xx.2024-cü il tarixli 17772324 nömrəli müqavilədən və ona əlavədən görünür ki, İddiaçı “Hoffmann” markalı naqilsiz tozsoran, qizil zəmanət ultra 3 il xidməti Cavabdeh satmış, Cavabdeh alınmış əşyanın əvəzində cəmi 138,58 manat pul məbləğini hissə-hissə, 6 ay müddətinə ödəməyi öhdəsinə götürmüşdür.
13. Əşyaların xx.xx.2024-cü il tarixli təhvil-təslim aktından görünür ki, Cavabdeh 17772324 nömrəli müqavilə üzrə məhsulu tam qüsursuz halda təhvil almışdır.
14. İddiaçı MMC tərəfindən Cavabdeh ünvanlanmış xx.xx.2025-ci il tarixli xəbərdarlıqdan görünür ki, ona müqavilə üzrə yaranmış borcun ödənilməsi ilə bağlı xəbərdarlıq edilmişdir.
15. xx.xx.2025-ci il tarixli maliyyə və ödəniş cədvəlindən görünür ki, Cavabdeh İddiaçı MMC-yə xx.xx.2024-cü il tarixli müqavilə üzrə 315,5 manat ödənilməmiş məbləğ, 31,55 manat cərimə borcu; xx.xx.2024-cü il müqavilə üzrə 617,3 ödənilməmiş, 61,73 cərimə borcu; xx.xx.2024cü il tarixli müqavilə üzrə 112,6 manat ödənilməmiş, 11,26 cərimə borcu və xx.xx.2024-cü il tarixli müqavilə üzrə 117 manat ödənilməmiş məbləğ, 11,17 manat cərimə borcu olmaqla, cəmi 1278,64 manat məbləğində borcu vardır.
16. xx.xx.2025-ci il tarixli qəbzdən görünür ki, iddia ərizəsinin məhkəməyə verilməsinə görə 32,79 manat dövlət rüsumu ödənilmişdir.
b) Məhkəmə tərəfindən müəyyən edilən hallar:
17. Beləliklə, məhkəmə müəyyən etdi ki, İddiaçı MMC ilə Cavabdeh arasında bağlanmış müqavilələrə və onlara əlavələrə əsasən, iddiaçı müxtəlif növ məişət avadanlığını cavabdehə satmış, cavabdeh isə müqavilə üzrə alınmış əşyaların əvəzində həmin müqavilələrlə müəyyənləşdirilmiş pul məbləğlərini hissə-hissə, müqavilələrdə müəyyən edilmiş müddətdə ödəməyi öhdəsinə götürmüş, lakin edilən xəbərdarlıqlara baxmayaraq, cavabdeh tərəfindən müqavilələr üzrə öhdəlikləri tam icra edilməmiş və nəticədə onun iddiaçıya ümumilikdə 1278,64 manat məbləğində borcu yaranmışdır. c) Məhkəmənin mövqeyi:
18. Göründüyü kimi, iddiaçı ilə cavabdeh arasında nisyə alqı-satqı müqaviləsindən irəli gələn öhdəlik münasibətləri mövcud olmuşdur.
19. Məhkəmə qeyd edir ki, iddiaçı ilə cavabdeh arasında nisyə alqı-satqı müqavilələrindən irəli gələn öhdəlik münasibətləri mövcud olmuşdur. İddiaçı müqavilələr ilə öz üzərinə götürdüyü öhdəliyi icra etmiş, cavabdeh isə öz öhdəliyini tam icra etməmişdir. Mülki qanunvericiliyin normaları baxımından cavabdehin hərəkətləri öhdəliyin lazımınca icra edilməməsi kimi qiymətləndirilməlidir. Buna görə də məhkəmə hesab edir ki, iddiaçı hazırki tələblə məhkəməyə müraciət etməkdə haqlı olmuşdur.
20. Məhkəmə hesab edir ki, İddiaçı MMC-nin tələbi müqavilələrə müvafiq olaraq əsas borca münasibətdə təmin edilməli, cərimə borcuna gəldikdə isə qismən təmin edilməlidir.
21. Məhkəmə iddia tələbinin cərimənin ödənilməsi hissəsi ilə əlaqədar qeyd edir ki, xx.xx.2024-cü il tarixli müqavilə üzrə 31.55 manat cərimənin miqdarı tənasübsüz surətdə yüksək kimi qiymətləndirilməli və həmin məbləğ müvafiq olaraq 16 manat məbləğinədək azaldılmalıdır.
22. xx.xx.2024-cü il tarixli müqavilə üzrə 61.73 manat cərimənin miqdarı tənasübsüz surətdə yüksək kimi qiymətləndirilməli və həmin məbləğ müvafiq olaraq 31 manat məbləğinədək azaldılmalıdır.
23. xx.xx.2024-cü il tarixli müqavilə üzrə 11.26 manat cərimənin miqdarı tənasübsüz surətdə yüksək kimi qiymətləndirilməli və həmin məbləğ müvafiq olaraq 6 manat məbləğinədək azaldılmalıdır.
24. xx.xx.2024-cü il tarixli müqavilə üzrə 11.7 manat cərimənin miqdarı tənasübsüz surətdə yüksək kimi qiymətləndirilməli və həmin məbləğ müvafiq olaraq 6 manat məbləğinədək azaldılmalıdır.
d) Mülki iş üzrə tətbiq edilən hüquq və məhkəmənin gəldiyi nəticə:
25. Azərbaycan Respublikası Mülki Məcəlləsi: 385.1-ci maddə. Öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. 442-ci maddə. Öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. 443.1-443.2-ci maddə. Öhdəliyini icra etməyən borclu kreditora dəymiş zərərin əvəzini ödəməyə borcludur. Borclunun üzərinə öhdəliyi pozmağa görə məsuliyyət qoyulmadıqda bu qayda qüvvədə olmur. Zərər bu Məcəllənin 21-ci maddəsində nəzərdə tutulan qaydalara uyğun müəyyənləşdirilir. 443.7-ci maddə. Əgər öhdəlikdə ayrı qayda nəzərdə tutulmayıbsa və ondan ayrı qayda irəli gəlmirsə, borclunun üzərinə yalnız qəsdən və ya ehtiyatsızlıqdan edilmiş hərəkətlər nəticəsində dəymiş zərərin əvəzini ödəmək vəzifəsi qoyulur. 448.1-448.2-ci maddə. Borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. Borclunu təqsirə görə, yəni qərəzə və ya kobud ehtiyatsızlığa görə məsuliyyətdən qabaqcadan azad etmək olmaz. 462.1-ci maddə. Dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir. 465.2-ci maddə. Əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. 601.1-ci maddə. Əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. 601.2-ci maddə. Hissə-hissə ödəmə şərti ilə malın nisyə satılması haqqında müqaviləyə həmin Məcəllənin 600.2-600.5-ci maddələrində nəzərdə tutulan qaydalar tətbiq edilir. 600.2-ci maddə. Əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. 600.5-ci maddə. Alıcı verilmiş əşyanı müqavilədə nəzərdə tutulan müddətdə ödəmək vəzifəsini icra etmədikdə və bu Məcəllədə və ya alqı-satqı müqaviləsində ayrı qayda nəzərdə tutulmadıqda gecikdirilmiş məbləğdən malın müqaviləyə görə ödənilməli olduğu gündən ödənildiyi günədək bu Məcəllənin 449-cu maddəsinə uyğun faizlər ödənilməlidir. Müqavilədə alıcının satıcı tərəfindən əşyanın verildiyi gündən başlayaraq əşyanın qiymətinə uyğun məbləğdən faizlər ödəmək vəzifəsi nəzərdə tutula bilər. 600.1-ci maddə. Alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə həmin Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. 600.4-cü maddə. Əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər.
26. Mülki Prosessual Məcəllə: 14.2-ci maddə. Məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. 76.1-76.2-ci maddə. Tərəflərin tələb və etirazlarını əsaslandıran halların və işi düzgün həll etmək üçün əhəmiyyətli olan başqa halların mövcud olduğunu və ya olmadığını məhkəmə müəyyən edərkən həmin Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur. Bu məlumatlar yazılı və maddi sübutlarla, ekspertlərin rəyləri ilə, yerində müayinə keçirməklə, səs və video yazıları ilə, şahidlərin ifadələri ilə, işdə iştirak edən şəxslərin izahatları ilə müəyyən edilir. 77.1-ci maddə. Hər bir tərəf öz tələblərinin və etirazlarının əsası kimi istinad etdiyi halları sübut etməlidir. 119.1-ci maddə. Məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. 217.3-cü maddə. Qətnamə iş üzrə müəyyən edilmiş hallara və tərəflərin qarşılıqlı münasibətinə uyğun əsaslandırılmalıdır. 217.4-cü maddə. Məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır.
27. Beləliklə, məhkəmə mülki qanunvericiliyin yuxarıda qeyd edilən normalarını nəzərə alaraq hesab edir ki, iddia qismən təmin edilməli, Cavabdeh xx.xx.2024-cü il tarixli müqavilə üzrə 315,50 (üç yüz on beş manat əlli qəpik) manat ödənilməmiş məbləğ, 16 (on altı) manat cərimə borcu; - xx.xx.2024-cü il tarixli müqavilə üzrə 617,30 (altı yüz on yeddi manat otuz qəpik) manat ödənilməmiş məbləğ, 31 (otuz bir) manat cərimə borcu; - xx.xx.2024-cü il tarixli müqavilə üzrə 112,60 (bir yüz on iki manat altmış qəpik) manat ödənilməmiş məbləğ, 6 (altı) manat cərimə borcu; - xx.xx.2024-cü il tarixli müqavilə üzrə 117 (bir yüz on yeddi) manat ödənilməmiş məbləğ, 6 (altı) manat cərimə borcu olmaqla, cəmi 1.221,40 (bir min iki yüz iyirmir bir manat qırx qəpik) manat məbləğində pul alınaraq İddiaçı MMC-yə ödənilməlidir, iddia qalan hissədə təmin edilməməlidir.
28. Məhkəmə xərcləri ilə bağlı məhkəmə belə qənaətə gəlir ki, iddia qismən təmin edildiyindən iş üzrə ödənilmiş dövlət rüsumunun 31 (otuz bir) manat hissəsi cavabdehdən alınaraq iddiaçıya ödənilməli, qalan hissəsi isə iddiaçıya aid edilməlidir.
Nəticə:
29. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 216-220, 227, 233 və 360-cı maddələrini rəhbər tutaraq, məhkəmə
QƏT ETDİ:
İddia qismən təmin edilsin. Cavabdeh xx.xx.2024-cü il tarixli müqavilə üzrə 315,50 (üç yüz on beş manat əlli qəpik) manat ödənilməmiş məbləğ, 16 (on altı) manat cərimə borcu; - xx.xx.2024-cü il tarixli müqavilə üzrə 617,30 (altı yüz on yeddi manat otuz qəpik) manat ödənilməmiş məbləğ, 31 (otuz bir) manat cərimə borcu; - xx.xx.2024-cü il tarixli müqavilə üzrə 112,60 (bir yüz on iki manat altmış qəpik) manat ödənilməmiş məbləğ, 6 (altı) manat cərimə borcu; - xx.xx.2024-cü il tarixli müqavilə üzrə 117 (bir yüz on yeddi) manat ödənilməmiş məbləğ, 6 (altı) manat cərimə borcu olmaqla, cəmi 1.221,40 (bir min iki yüz iyirmir bir manat qırx qəpik) manat məbləğində pul alınaraq İddiaçı MMC-yə verilsin. İş üzrə ödənilmiş dövlət rüsumunun 31 (otuz bir) manat hissəsi Cavabdeh alınaraq İddiaçı MMC-yə verilsin, qalan hissəsi İddiaçı MMC-yə aid edilsin. İddia qalan hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Nəsimi Rayon Məhkəməsi vasitəsilə (“Elektron məhkəmə” informasiya sistemində yaradılmış elektron kabinet vasitəsilə) Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, rəsmi qaydada verildiyi gündən 1 (bir) ay keçdikdən sonra qanuni qüvvəyə minir.
Hakim: Günay Abidova