Bakı Şəhəri Nəsimi Rayon Məhkəməsi Qətnamə — İş №e-2(006)-3855/2024

Azərbaycan Respublikası adından QƏTNAMƏ Bakı şəhəri İş № e-2(006)-3855/2024 13.08.2024 BAKI ŞƏHƏRİ NƏSİMİ RAYON MƏHKƏMƏSİ Bakı şəhəri Nəsimi Rayon Məhkəməsinin hakimi Musayeva Vüsalə Vahid qızı, iddiaçı ləğv prosesində olan İddiaçı Açıq Səhmdar Cəmiyyətinin Cavabdeh qarşı “kredit borcunun qaytarılması” barədə iddia ərizəsi üzrə mülki işə kiçik iddialara dair sadələşdirilmiş icraat qaydasında məhkəmənin inzibati binasında baxaraq, MÜƏYYƏN ETDİ: İddiaçı ləğv prosesində olan İddiaçı ASC Cavabdeh qarşı “kredit borcunun qaytarılması” barədə iddia ərizəsi ilə məhkəməyə müraciət edərək, xx.xx.2019-cu il tarixli, 2698Y nömrəli kredit müqaviləsi üzrə Cavabdeh cəmi 2363,32 (iki min üç yüz altmış üç manat, otuz iki qəpik) manat, bundan 2331,22 (iki min üç yüz otuz bir manat, iyirmi iki qəpik) əsas borc, 32.05 (otuz iki manat, beş qəpik) faiz borcu, 0,05 ( sıfır manat, beş qəpik) manat cərimə borcu və iş üzrə ödənilmiş 44 (qırx dörd) manat dövlət rüsumunun tutularaq, iddiaçı ləğv prosesində olan İddiaçı ASC-nin xeyrinə tutulması barədə qətnamə qəbul edilməsini xahiş etmişdir. İddiaçı iddia tələbini onunla əsaslandırmışdır ki, “AtaBank“ ASC ilə Cavabdeh arasında bağlanmış xx.xx.2019-cu il tarixli, 2698 №li kredit müqaviləsinə əsasən cavabdehə 04 sentyabr 2015-ci il tarixli, 296MFFK nömrəli kredit müqaviləsi üzrə əsas borc məbləğinin restrukturizasiyası məqsədi ilə 5 (beş) il müddətinə 1 (bir) il güzəşt müddəti olmaqla, illik 1(bir) faiz dərəcəsi ilə 2730 (iki min yeddi yüz otuz) manat məbləğində kredit verilmişdir. Borcun ödənilməsi barədə cavabdehə dəfələrlə şifahi müraciət olunmasına, habelə xx.xx.2023-cü il tarixli, **********707 saylı bildiriş məktublarının göndərilməsinə baxmayaraq, cavabdeh borcun ödənilməsi üçün heç bir tədbir görməmişdir. Bank tərəflər arasında bağlanmış müqavilənin şərtlərinə əsasən üzərinə düşən öhdəlikləri tam yerinə yetirsə də, cavabdeh həmin müqavilə üzrə üzərinə düşən öhdəlikləri yerinə yetirməmişdir. Cavabdeh xx.xx.2024-cü il tarixə cəmi borcu 2363,32 manat təşkil edir. Bundan 2331,22 manat əsas, 32,05 manat faiz borcu, 0,05 manat cərimə borcu təşkil edir. Məhkəmə tərəfindən cavabdehə iddiaçının tələbinə dair bildiriş göndərilmiş, lakin cavabdeh tərəfindən iddiaçının tələbinə dair münasibət bildirilməmişdir. Azərbaycan Respublikası Mülki Prosessual Məcəlləsinin 23-1-ci fəslində təsbit edilmiş müddəaları rəhbər tutaraq, iddianın qiymətini nəzərə alıb, ərizəyə kiçik iddialara dair işlər üzrə sadələşdirilmiş icraat qaydasında tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmasını məqsədəuyğun hesab edir. İş materiallarında olan: xx.xx.2024-cü il tarixli, **********476 nömrəli maliyyə arayışından görünür ki, Cavabdeh ilə bağlanmış xx.xx.2019-cu il tarixli, 2698Y saylı kredit müqaviləsi üzrə cavabdehin əsas borcu 2331,22 manat, faiz borcu 32,05 manat, cərimə borcu 0,05 manat olmaqla, cəmi 2363,32 manat təşkil edir. xx.xx.2024-cü il tarixli xəbərdarlıq məktubundan görünür ki, Cavabdeh “AtaBank“ ASC-yə cavabdehin əsas borcu 2331,22 manat, faiz borcu 32,05 manat, cərimə borcu 0,05 manat olmaqla, cəmi 2363,32 manat təşkil edir. “AtaBank“ ASC-nin ilə Cavabdeh arasında bağlanmış xx.xx.2019-cu il tarixli, 2698Y №li kredit müqaviləsindən görünür ki, cavabdehə 04 sentyabr 2015-ci il tarixli, 296MFFK nömrəli kredit müqaviləsi üzrə əsas borc məbləğinin restrukturizasiyası məqsədi ilə 5(beş) il müddətinə 1(bir) il güzəşt müddəti olmqla, illik 1(bir) faiz dərəcəsi ilə 2730 (iki min yeddi yüz otuz) manat məbləğində kredit verilmişdir. xx.xx.2024-cü il tarixli bildirişdən görünür ki, cavabdeh borcunu ödəməsi barədə pretenziya qaydasına uyğun olaraq xəbərdar edilmişdir. Azərbaycan Respublikası Mülki Məcəlləsinin: 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 386.1-ci maddəsinə əsasən öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır; 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi başa düşülür; 448.1-ci maddəsinə əsasən əgər Mülki Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir; Azərbaycan Respublikası Mülki Prosessual Məcəlləsinin: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. 77.1-ci maddəsinə görə hər bir tərəf öz tələblərinin və etirazlarının əsası kimi istinad etdiyi halları sübut etməlidir. 119.1-ci maddəsinə əsasən Məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. 284-5.3-cü maddəsinə görə ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Beləliklə, məhkəmə iş materiallarında olan sübutlara məcmu halında hüquqi qiymət verərək hesab edir ki, iddia tələbi təmin edilməli, Cavabdeh xx.xx.2019-cu il tarixli, 2698Y saylı kredit müqaviləsi üzrə 2363,32 (iki min üç yüz altmış üç manat, otuz iki qəpik) manat, bundan 2331,22 (iki min üç yüz otuz bir manat, iyirmi iki qəpik) əsas borc, 32.05 (otuz iki manat, beş qəpik) faiz borcu, 0,05 ( sıfır manat, beş qəpik) manat cərimə borcu və iş üzrə ödənilmiş 44 (qırx dörd) manat dövlət rüsumunun əvəzi LPO İddiaçı ASC-nin xeyrinə tutulmalıdır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220, 284-1, 284-6 və 362-ci maddələrini rəhbər tutaraq məhkəmə, QƏT ETDİ: İddia tələbi təmin edilsin. Cavabdeh xx.xx.2019-cu il tarixli, 2698Y saylı kredit müqaviləsi üzrə 2331,22 (iki min üç yüz otuz bir manat, iyirmi iki qəpik) əsas borc, 32,05 (otuz iki manat, beş qəpik) faiz borcu, 0,05 ( sıfır manat, beş qəpik) manat cərimə borcu olmaqla cəmi 2363,32 (iki min üç yüz altmış üç manat, otuz iki qəpik) manat və iş üzrə ödənilmiş 44 (qırx dörd) manat dövlət rüsumunun əvəzi LPO İddiaçı Açıq Səhmdar Cəmiyyətinin xeyrinə tutulsun. Qətnamədən rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılan elektron kabinet vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim: Vüsalə Musayeva