Bakı Şəhəri Nizami Rayon Məhkəməsi Qətnamə — İş №e-2(007)-1666/2024

Azərbaycan Respublikası adından QƏTNAMƏ Bakı şəhəri İş № e-2(007)-1666/2024 23.05.2024 BAKI ŞƏHƏRİ NİZAMİ RAYON MƏHKƏMƏSİ Mən, Bakı Şəhəri Nizami Rayon Məhkəməsinin hakimi Yusifova Ülkər Bayram qızı, İddiaçı "Kapital Bank” ASC-nin Cavabdeh qarşı “borcun tutulması” tələbinə dair kiçik iddiası üzrə mülki işə sadələşdirilmiş icraat qaydasında baxaraq, MÜƏYYƏN ETDİM: İddiaçı- "Kapital Bank” ASC. Cavabdeh- Cavabdeh. Tərəflər arasında bağlanmış müqavilə- xx.xx.2023-cü il tarixli BUMM4996682B299 saylı müqavilə, xx.xx.2023-cü il tarixli BRCB3632034B114 saylı müqavilə. Müqavilənin predmeti- kredit müqavilələri. Tələb olunan məbləğ- xx.xx.2023-cü il tarixli BUMM4996682B299 saylı müqaviləyə əsasən 1787.75 manat əsas, 159.91 manat faiz borcu olmaqla, cəmi 1947.66 manat borc və xx.xx.2023-cü il tarixli BRCB3632034B114 saylı müqaviləyə əsasən 705.9 manat əsas, 151.47 manat faiz borcu olmaqla, cəmi 857.37 manat, ümumilikdə 2805.03 manat borc və 48.05 manat dövlət rüsumu. Sübutlar: Kredit müqavilələri, ödəniş cədvəli, maliyyə arayışı, dövlət rüsumunun ödənilməsi barədə qəbz, pretenziya qaydasına əməl olunması barədə bildiriş. Tətbiq olunmalı maddi və prosessual hüquq normaları. Azərbaycan Respublikası Mülki Məcəlləsinin 739.1-ci, 739.2-ci, 741-ci və 462.1-ci maddələri. Azərbaycan Respublikası Konstitusiya Məhkəməsi Plenumunun “Azərbaycan Respublikası Mülki Məcəlləsinin 399, 421.3, 423.2, 424.3 və 447-ci maddələrinin əlaqəli şəkildə şərh edilməsinə dair” xx.xx.2023-cü il tarixli qərarı ilə formalaşdırdığı hüquqi mövqeyə əsasən Azərbaycan Respublikası Mülki Məcəlləsinin 421.2-ci maddəsində nəzərdə tutulmuş əsaslar üzrə müqavilənin ləğv edilməsi həmin Məcəllənin 421.3-cü maddəsinə uyğun olaraq birtərəfli iradə ifadəsi ilə məhkəmədən kənar qaydada baş verir. İradə ifadəsinin qarşı tərəfə bildirilməsi ilə müqavilə ləğv edilmiş hesab edilir və bu ləğvetmənin həyata keçirilməsinin ümumi formasıdır. İkitərəfli müqavilələr üzrə öhdəliyin pozulması halında kreditor Azərbaycan Respublikası Mülki Məcəlləsinin 447.1-ci maddəsinə uyğun olaraq müqavilədən imtina etməklə ona xitam verə bilər. Müqavilədən imtina barədə iradə ifadəsinin qarşı tərəfə bildirilməsi ilə müqaviləyə xitam verilmiş sayılır. Azərbaycan Respublikası Mülki Məcəlləsinin 399.3-cü maddəsinin tələbləri baxımından müqavilənin ləğvindən əvvəl gecikdirilmiş annuitet (əsas məbləğ və hesablanmış faizlər) ödənişlərə münasibətdə yaranmış tələb müqavilənin ləğvindən sonrada da qüvvədə qalır. Azərbaycan Respublikası Mülki Məcəlləsinin 445.7-ci maddəsinə uyğun olaraq, kreditor öhdəliyin pozulması halında digər əsaslardan çıxış edərək daha böyük məbləğ tələb edə bilmirsə, gecikdirilmiş vaxt üçün illik beş faiz məbləğində vəsaitin ödənilməsini tələb etmək hüququna malikdir. Hesab edirəm ki, iddia əsaslıdır. Belə ki, 04 aprel 2024-cü il tarixli maliyyə arayışına əsasən xx.xx.2023-cü il tarixli BUMM4996682B299 saylı müqaviləyə əsasən 1787.75 manat əsas, 159.91 manat faiz borcu olmaqla, cəmi 1947.66 manat borc və xx.xx.2023-cü il tarixli BRCB3632034B114 saylı müqaviləyə əsasən 705.9 manat əsas, 151.47 manat faiz borcu olmaqla, cəmi 857.37 manat borc qeyd edilmişdir. xx.xx.2023-cü il tarixli bildirişdən görünür ki, xx.xx.2023-cü il tarixli BUMM4996682B299 saylı müqaviləyə əsasən 1787.75 manat əsas, 159.91 manat faiz borcu olmaqla, cəmi 1947.66 manat, 269.60 manat gecikmə borcu və xx.xx.2023-cü il tarixli BRCB3632034B114 saylı müqaviləyə əsasən 705.9 manat əsas, 151.47 manat faiz borcu olmaqla, cəmi 857.37 manat, 242.11 manat gecikmə borcu qeyd edilmişdir. Cavabdehin mənafeyini nəzərə alaraq hesab edirəm ki, iddia tələbi təmin edilməli, cavabdehdən xx.xx.2023-cü il tarixli BUMM4996682B299 saylı müqaviləyə əsasən 1787.75 manat əsas, 159.91 manat faiz borcu olmaqla, cəmi 1947.66 manat borc və xx.xx.2023-cü il tarixli BRCB3632034B114 saylı müqaviləyə əsasən 705.9 manat əsas, 151.47 manat faiz borcu olmaqla, cəmi 857.37 manat borc tutulmalıdır. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası MPM-nin 284-5, 284-6, 216-220-ci maddələrini rəhbər tutaraq, QƏT ETDİM: İddia təmin edilsin. Cavabdeh xx.xx.2023-cü il tarixli BUMM4996682B299 saylı müqaviləyə əsasən 1787.75 manat əsas, 159.91 manat faiz borcu olmaqla, cəmi 1947.66 manat borc və xx.xx.2023-cü il tarixli BRCB3632034B114 saylı müqaviləyə əsasən 705.9 manat əsas, 151.47 manat faiz borcu olmaqla, cəmi 857.37 manat borc və 48.05 manat dövlət rüsumu tutularaq İddiaçı ASC-yə ödənilsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim: Ülkər Yusifova