Bakı Şəhəri Nizami Rayon Məhkəməsi Qətnamə — İş №e-2(007)-2643/2024

Azərbaycan Respublikası adından QƏTNAMƏ Bakı şəhəri İş № e-2(007)-2643/2024 04.09.2024 BAKI ŞƏHƏRİ NİZAMİ RAYON MƏHKƏMƏSİ Mən, Bakı Şəhəri Nizami Rayon Məhkəməsinin hakimi Yusifova Ülkər Bayram qızı, İddiaçı "Bank BTB” ASC-nin Cavabdeh Xaqani oğluna qarşı “borcun tutulması” tələbinə dair kiçik iddiası üzrə mülki işə sadələşdirilmiş icraat qaydasında baxaraq, MÜƏYYƏN ETDİM: İddiaçı- "Bank BTB” ASC. Cavabdeh- Cavabdeh Xaqani oğlu. Tərəflər arasında bağlanmış müqavilə-xx.xx.2022-ci il tarixli, FN-00204-11/22A saylı kredit müqaviləsi. Müqavilənin predmeti- kredit müqaviləsi. Tələb olunan məbləğ- xx.xx.2024-cü il tarixli, RGTK5895459B208 saylı kredit müqaviləsinə əsasən 2468.84 manat əsas; 182.92 manat faiz, 153.54 manat cərimə, cəmi 2805.30 manat, 49 manat dövlət rüsumu və 0.40 manat xidmət haqqı. Sübutlar: Kredit müqaviləsi, ödəniş cədvəli, maliyyə arayışı, dövlət rüsumunun ödənilməsi barədə qəbz, pretenziya qaydasına əməl olunması barədə bildiriş. Tətbiq olunmalı maddi və prosessual hüquq normaları. Azərbaycan Respublikası Mülki Məcəlləsinin 739.1-ci, 739.2-ci, 741-ci və 462.1-ci maddələri. Azərbaycan Respublikası Konstitusiya Məhkəməsi Plenumunun “Azərbaycan Respublikası Mülki Məcəlləsinin 399, 421.3, 423.2, 424.3 və 447-ci maddələrinin əlaqəli şəkildə şərh edilməsinə dair” xx.xx.2023-cü il tarixli qərarı ilə formalaşdırdığı hüquqi mövqeyə əsasən Azərbaycan Respublikası Mülki Məcəlləsinin 421.2-ci maddəsində nəzərdə tutulmuş əsaslar üzrə müqavilənin ləğv edilməsi həmin Məcəllənin 421.3-cü maddəsinə uyğun olaraq birtərəfli iradə ifadəsi ilə məhkəmədən kənar qaydada baş verir. İradə ifadəsinin qarşı tərəfə bildirilməsi ilə müqavilə ləğv edilmiş hesab edilir və bu ləğvetmənin həyata keçirilməsinin ümumi formasıdır. İkitərəfli müqavilələr üzrə öhdəliyin pozulması halında kreditor Azərbaycan Respublikası Mülki Məcəlləsinin 447.1-ci maddəsinə uyğun olaraq müqavilədən imtina etməklə ona xitam verə bilər. Müqavilədən imtina barədə iradə ifadəsinin qarşı tərəfə bildirilməsi ilə müqaviləyə xitam verilmiş sayılır. Azərbaycan Respublikası Mülki Məcəlləsinin 399.3-cü maddəsinin tələbləri baxımından müqavilənin ləğvindən əvvəl gecikdirilmiş annuitet (əsas məbləğ və hesablanmış faizlər) ödənişlərə münasibətdə yaranmış tələb müqavilənin ləğvindən sonrada da qüvvədə qalır. Azərbaycan Respublikası Mülki Məcəlləsinin 445.7-ci maddəsinə uyğun olaraq, kreditor öhdəliyin pozulması halında digər əsaslardan çıxış edərək daha böyük məbləğ tələb edə bilmirsə, gecikdirilmiş vaxt üçün illik beş faiz məbləğində vəsaitin ödənilməsini tələb etmək hüququna malikdir. Hesab edirəm ki, iddia əsaslıdır. Belə ki, 21 may 2024-cü il tarixli maliyyə arayışına əsasən xx.xx.2022-ci il tarixli, FN- 00204-11/22A saylı kredit müqaviləsinə əsasən 2468.84 manat əsas, 182.92 manat faiz, 153.54 manat cərimə, cəmi 2805.30 manat borc qeyd edilmişdir. xx.xx.2024-cü il tarixli bildirişdən görünür ki, xx.xx.2022-ci il tarixli, FN-00204-11/22A saylı kredit müqaviləsinə əsasən 2468.84 manat əsas; 182.92 manat faiz, 153.54 manat cərimə, cəmi 2805.30 manat borc qeyd edilmişdir. Cavabdehin mənafeyini nəzərə alaraq hesab edirəm ki, iddia tələbi təmin edilməli, cavabdehdən xx.xx.2022-ci il tarixli, FN-00204-11/22A saylı kredit müqaviləsinə əsasən 2468.84 manat əsas; 182.92 manat faiz, 153.54 manat cərimə, cəmi 2805.30 manat borc tutulmalıdır. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası MPM-nin 284-5, 284-6, 216-220-ci maddələrini rəhbər tutaraq, QƏT ETDİM: İddia təmin edilsin. Cavabdeh Xaqani oğlundan xx.xx.2022-ci il tarixli, FN-00204-11/22A saylı kredit müqaviləsinə əsasən 2468.84 manat əsas; 182.92 manat faiz, 153.54 manat cərimə, cəmi 2805.30 manat, 49 manat dövlət rüsumu və 0.40 manat xidmət haqqı tutularaq "Bank BTB” ASC-yə ödənilsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim: Ülkər Yusifova