Bakı Şəhəri Nizami Rayon Məhkəməsi Qətnamə — İş №e-2(007)-4504/2025

Azərbaycan Respublikası adından QƏTNAMƏ Bakı şəhəri İş № e-2(007)-4504/2025 05.02.2026 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Əhmədova Həqiqət Mülazim qızı, İddiaçı "Unibank KB” ASC-nin Cavabdeh qarşı “borcun tutulması” tələbinə dair kiçik iddiası üzrə mülki işə sadələşdirilmiş icraat qaydasında baxaraq, MÜƏYYƏN ETDİ: İddiaçı - "Unibank KB” ASC. Cavabdeh - Cavabdeh Tərəflər arasında bağlanmış müqavilə - xx.xx.2021-ci il tarixli Ümumi Oferta müqaviləsi və xx.xx.2022-ci il tarixli ərizə-anket və imza nümunəsi. Müqavilənin predmeti - kredit müqaviləsi. Tələb olunan məbləğ – 500 manat əsas borc, 48,19 manat faiz borcu, 10 manat cərimə borcu, 0 manat komisyon haqqı borcu olmaqla, cəmi 558,19 manat borc və 30 manat dövlət rüsumu. Sübutlar - Ümumi oferta müqaviləsi, ərizə-anket və imza nümunəsi, ödəniş cədvəli, maliyyə arayışı, dövlət rüsumunun ödənilməsi barədə qəbz, pretenziya qaydasına əməl olunması barədə bildiriş. Tətbiq olunmalı maddi və prosessual hüquq normaları. Azərbaycan Respublikası Mülki Məcəlləsinin 739.1-ci, 739.2-ci, 741-ci, 408.7-ci, 421.3-cü, 442.1-ci, 448.1-ci və 462.1-ci maddələri. Cavabdeh iddia tələbinə etiraz verərək bildirmişdir ki, uzun müddət işsiz olduğundan və ailə vəziyyəti ilə bağlı olaraq ödəniş həyata keçirə bilməmişdir. Hazırkı vəziyyətini bir neçə dəfə zəng edən bank işçilərinə bildirmiş, amma onlar bu vəziyyətin onlara heç bir aidiyyatı olmadığını deyiblər. Bu borcun yenidən aylıqlara bölünməsini xahiş etmişdir ki, onu kredit şəklində hər ay vaxtında ödəniş etsin. Hazırda evlidir və 3 övladı var, onlara baxmaq kimi vacib bir öhdəliyi vardır. Bu nəzərə alınaraq aylığa bölünsün və o, vaxtında öhdəliyini yerinə gətirsin. Hər şeyi nəzərə alaraq güzəştin tətbiq olunmasnı xahiş etmişdir. Məhkəmə iddianı əsas və faiz borcu, dövlət rüsumu hissəsində əsaslı hesab edir. Belə ki, mülki qanunvericiliyə əsasən tərəflər müqavilənin bütün mühüm şərtləri barəsində tələb olunan formada razılığa gəldikdə müqavilə bağlanmış sayılır. Müqavilənin predmetinə dair şərtlər, Mülki Məcəllədə həmin növ müqavilələr üçün mühüm və ya zəruri adlandırılmış şərtlər, habelə tərəflərdən birinin müraciəti ilə barəsində razılaşma əldə edilməli olan bütün şərtlər mühüm sayılır. İşə əlavə olunmuş sübutlardan müəyyən olunur ki, xx.xx.2022-ci il tarixli ərizəyə və xx.xx.2021-ci il tarixli Ümumi Oferta müqaviləsinə əsasən "Unibank KB” ASC tərəfindən Cavabdeh 35 ay müddətinə illik 27,6 faiz ilə 500 manat kredit xətti açılmışdır. Lakin, borclu Cavabdeh müqavilə üzrə götürdüyü öhdəliyə əməl etməyib, öhdəliyi vaxtında və lazımi qaydada icra etməmiş, nəticədə banka borcu yaranmışdır. Cavabdeh tərəfindən imzalanmış xx.xx.2022-ci il tarixli ərizə-anket və imza nümunəsindən görünür ki, cavabdeh ümumi oferta müqaviləsi ilə tanış olmuş, onun bütün şərtləri ilə razılaşaraq bütün öhdəliklərini vaxtında yerinə yetirməyi öhdəsinə götürmüşdür. İddiaçı "Unibank KB” ASC-nin Cavabdeh ünvanladığı xx.xx.2025-ci il tarixinə borc olması bildirişdən görünür ki, iddiaçı cavabdehin kredit müqaviləsi üzrə öhdəliklərini lazımi qaydada icra etməməsi ilə əlaqədar borcun vaxtından əvvəl qaytarılmasını tələb etmiş, bununla da öhdəliklərin lazımi qaydada icra edilməməsi ilə əlaqədar müqavilədən imtina etməsi ilə bağlı iradə ifadəsini qarşı tərəfə bildirmişdir. Odur ki, həmin tarixdən mübahisəli kredit müqaviləsinə birtərəfli qaydada xitam verildiyindən iddiaçı həmin tarixədək olan müqavilə üzrə hesablanmış (xx.xx.2025-ci il tarixinə borc olması bildirişdə göstərilən məbləğdə), 48,19 manat faiz borcunu tələb etməkdə haqlı olmuşdur. Məhkəmə işin hallarını nəzərə alaraq, hesab edir ki, iddiaçının tələb etdiyi cərimə (dəbbə pulu) əsas borca münasibətdə tənasübsüz surətdə yüksəkdir və həmin məbləğ azaldılmalıdır. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyini, cavabdehin qanunla müəyyən olunan müddət ərzində iddiaya qarşı əsaslandırılmış etirazı və ona əlavə olunmuş sənədlər məhkəməyə daxil olmadığını nəzərə alaraq hesab edirəm ki, kiçik iddia qismən təmin edilərək yaranmış borc məbləği cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası MPM-nin 284-5, 284-6, 216-220-ci maddələrini rəhbər tutaraq, QƏT ETDİ: İddia tələbi qismən təmin edilsin. Cavabdeh 500 manat əsas borc, 48,19 manat faiz borcu, 5 manat cərimə borcu olmaqla, cəmi 553,19 manat borc və 30 manat dövlət rüsumunun əvəzi "Unibank KB” ASC-nin xeyrinə tutulsun. İddia tələbi qalan hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Nizami Rayon Məhkəməsi vasitəsi ilə “Elektron məhkəmə” informasiya sistemində yaradılan elektron kabinet vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim: Həqiqət Əhmədova