Bakı Şəhəri Sabunçu Rayon Məhkəməsi Qətnamə — İş №e-2(008)-3546/2022

Azərbaycan Respublikası adından QƏTNAMƏ Bakı şəhəri İş № e-2(008)-3546/2022 02.06.2022 BAKI ŞƏHƏRİ SABUNÇU RAYON MƏHKƏMƏSİ Bakı şəhəri Sabunçu Rayon Məhkəməsinin hakimi Cəfərli Nilufər Arif qızı, İddiaçı MMC-nin Cavabdeh qarşı «pul tələbinə» dair mülki işə kiçik iddia üzrə (sadələşdirilmiş icraat üzrə) icraat qaydasında baxaraq, MÜƏYYƏN ETDİ: İddiaçı MMC Cavabdeh qarşı «pul tələbinə» dair iddia ərizəsi ilə müraciət edərək, 12.09.2020-ci il tarixli, 01066457 saylı alqı-satqı müqaviləsi üzrə 280.8 (iki yüz səksən manat səksən qəpik) manat əsas borc, 42.1 (qırx iki manat on qəpik) manat cərimə borcu olmaqla, cəmi 322.9 (üç yüz iyirmi iki manat doxsan qəpik) manat borcun, 13.02.2021-ci il tarixli ********* saylı alqı-satqı müqaviləsinə əsasən 268.5 (iki yüz altmış səkkiz manat əlli qəpik) manat əsas borc, 40.2 (qırx manat iyirmi qəpik) manat cərimə, cəmi 308.7 (üç yüz səkkiz manat yetmiş qəpik) manat borcun,13.02.2021-ci il tarixli, ********* saylı alqı-satqı müqaviləsi üzrə 1016 (bir min on altı) manat əsas borc, 152.4 (bir yüz əlli iki manat qırx qəpik) manat cərimə borcu olmaqla, cəmi 1168.4 (bir min bir yüz altmış səkkiz) manat, ümumilikdə 1800 (bir min səkkiz yüz) manat borcun və 38 (otuz səkkiz) manat dövlət rüsumunun Cavabdehdan tutularaq İddiaçınə ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-1-ci maddəsinin tələblərinə uyğun olaraq tərəf olduqları mülki işə, iddianın məbləği beş min manatdan az olduğundan sadələşdirilmiş icraat qaydasında baxılacağı barədə cavabdehə iddia ərizəsinin və ona əlavə edilmiş sənədlərin surəti əlavə edilməklə rəsmi bildirişlər göndərilmişdir. Ona iddiaçının tələbinə dair əsaslandırılmış etirazı olduğu halda, öz dəlillərini və onları təsdiq edən sənədləri 10 (on) iş günü müddətində Bakı şəhəri Sabunçu Rayon Məhkəməsinə təqdim etməsi xahiş edilmişdir. Azərbaycan Respublikası Mülki Prosessual Məcəlləsinin 138-139-cu maddələrinin tələblərinə əsasən MPM-in 47-ci maddəsində nəzərdə tutulmuş prossesual hüquq və vəzifələri izah edilmişdir. Azərbaycan Respublikası MPM-in 284-5-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. Cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Azərbaycan Respublikası MPM-in 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Azərbaycan Respublikası MPM-in 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Məhkəmə iş materiallarında olan sənədləri nəzərdən keçirib, sübutlara obyektiv, qərəzsiz, hərtərəfli və tam baxdıqdan sonra hesab edir ki, iddia əsaslı olduğundan təmin edilməlidir. Belə ki, iş matriallarına əlavə edilmiş İddiaçı MMC ilə Cavabdeh arasında bağlanmış 13.02.2021-ci il tarixli nisyə alqı-satqı müqavilənin surətindən müəyyən olunur ki, Cavabdeh 12 ay müddətinə “Samsung A217 Blue 32GB” markalı telefon almış, onun dəyərini hissə-hissə ödəməyi barədə üzərinə öhdəlik götürmüşdür. -13.02.2021-ci il tarixli müqavilənin ayrılmaz hissəsi olan təhvil-təslim aktının surətindən görünür ki, Cavabdeh “Samsung A217 Blue 32GB” markalı telefonı təhvil almışdır. -13.02.2021-ci il tarixli ödəniş cədvəlindən görünür ki, “Samsung A217 Blue 32GB” markalı telefonın aylıq ödəniş məbləği 35 manat təşkil edir. - İddiaçı MMC ilə Cavabdeh arasında bağlanmış 12.09.2020-ci il tarixli nisyə alqısatqı müqavilənin surətindən müəyyən olunur ki, Cavabdeh 12 ay müddətinə “Acer” markalı noutbuka almış, onun dəyərini hissə-hissə ödəməyi barədə üzərinə öhdəlik götürmüşdür. -12.09.2020-ci il tarixli müqavilənin ayrılmaz hissəsi olan təhvil-təslim aktının surətindən görünür ki, Cavabdeh “Aser” markalı noutbuku təhvil almışdır. -12.09.2020-ci il tarixli ödəniş cədvəlindən görünür ki, “Aser” markalı noutbukaunun aylıq ödəniş məbləği 96 manat təşkil edir. -İddiaçı MMC ilə Cavabdeh arasında bağlanmış 13.02.2021-ci il tarixli nisyə alqı-satqı müqavilənin surətindən müəyyən olunur ki, Cavabdeh 12 ay müddətinə “Samsung” markalı televizor almış, onun dəyərini hissə-hissə ödəməyi barədə üzərinə öhdəlik götürmüşdür. -13.02.2021-ci il tarixli müqavilənin ayrılmaz hissəsi olan təhvil-təslim aktının surətindən görünür ki, Cavabdeh “Samsung” markalı telefonı təhvil almışdır. -13.02.2021-ci il tarixli ödəniş cədvəlindən görünür ki, “Samsung” markalı telefonın aylıq ödəniş məbləği 128 manat təşkil edir. - 08 aprel 2022-ci il tarixli maliyyə arayışlarının surətindən görünür ki, Cavabdeh 12.09.2020-ci il tarixli müqaviləyə əsasən 280.8 (iki yüz səksən manat səksən qəpik) manat əsas borc, 421 manat cərimə, 13.02.2021-ci il tarixli müqaviləyə əsasən 268.5 (iki yüz altmış səkkiz manat əlli qəpik) manat əsas borc, 402 manat cərimə, 13.02.2021-ci il tarixli müqaviləyə əsasən 1016 (min on altı) manat əsas borc, 1524 manat cərimə borcu vardır. -İddiaçı MMC tərəfindən Cavabdeh ünvanlanmış xəbərdarlıq məktubunun surətindən görünür ki, Cavabdeh tərəfindən müqavilələr üzrə borcun ödənilməyi tələb edilmiş, əks təqdirdə məhkəməyə müraciət edilməsi ilə bağlı xəbərdar edilmişdir. İş materiallarına əlavə edilmiş dövlət rüsumunun ödənilməsi haqqında qəbzin surətindən görünür ki, İddiaçı MMC məhkəməyə iddia qaldırılması üçün 38 manat məbləğində dövlət rüsumu ödəmişdir. Azərbaycan Respublikası Mülki Məcəlləsinin 601-ci maddəsinə əsasən, əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Həmin Məcəllənin, 601.2-ci maddəsində göstərilmişdir ki, hissə-hissə ödəmə şərti ilə malın nisyə satılması haqqında müqaviləyə həmin Məcəllənin 600.2-600.5-ci maddələrində nəzərdə tutulan qaydalar tətbiq edilir. Belə ki, həmin Məcəllənin 600.2-ci maddəsinə əsasən, əşyaların nisyə satışı, satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. Həmin Məcəllənin 600.1-ci maddəsinə əsasən, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-cü maddəsinə əsasən, əşyanı təhvil almış alıcı onu alqısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Həmin Məcəllənin 465.2-ci maddəsinə görə, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödəniməsini və öhdəliyin icrasını tələb edə bilər; Azərbaycan Respublikası Mülki-Prosessual Məcəlləsinin 119.1-ci maddəsinin tələbinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Azərbaycan Respublikası Mülki-Prosessual Məcəlləsinin 107-ci maddəsinin tələbinə görə məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Göründüyü kimi, Cavabdeh 12.09.2020-ci il, 13.02.2021 və 13.02.2021-ci il tarixli müqavilələr üzrə üzərinə götürdüyü öhdəliyi lazımi qaydada icra etməmiş, iddiaçıya olan borcunu sazişlə nəzərdə tutulan vaxtda və qaydada ödəməmişdir. Bununla da sazişin şərtlərini pozmuşdur. Məhkəmə sübutlara məcmu halında qiymət verərək belə qənaətə gəlir ki, sadələşdirilmiş icraat üzrə iddia təmin edilməli, Cavabdehdan 12.09.2020-ci il tarixli, 01066457 nömrəli müddətli alqı-satqı müqaviləsi üzrə 280.8 (iki yüz səksən manat səksən qəpik) manat əsas borc, 42.1 (qırx iki manat on qəpik) manat cərimə borcu, 13.02.2021-ci il tarixli,010755392 saylı müddətli alqı-satqı müqaviləsinə əsasən 268.5 (iki yüz altmış səkkiz manat əlli qəpik) manat əsas, 40.2 (qırx manat iyirmi qəpik) manat cərimə borcu, 13.02.2021-ci il tarixli ********* saylı alqı-satqı müqaviləsi üzrə 1016 (bir min on altı) manat əsas borc, 152.4 (bir yüz əlli iki manat qırx qəpik) manat cərimə borcu olmaqla, ümumilikdə cəmi 1800 (min səkkiz yüz) manat borcun və 38 (otuz səkkiz) manat dövlət rüsumu tutularaq İddiaçı MMC-nin xeyrinə ödənilməlidir. Yuxarıda şərh olunanlara əsasən və Azərbaycan Respublikası MPM-in 119, 284-5, 284-6, 357, 358, 360, 362-ci maddələrini rəhbər tutaraq, məhkəmə Q Ə T E T D i: İddia tələbi təmin edilsin. Cavabdehdan 12.09.2020-ci il tarixli, 01066457 nömrəli müddətli alqı-satqı müqaviləsi üzrə 280.8 (iki yüz səksən manat səksən qəpik) manat əsas borc, 42.1 (qırx iki manat on qəpik) manat cərimə borcu, 13.02.2021-ci il tarixli ********* saylı müddətli alqısatqı müqaviləsinə əsasən 268.5 (iki yüz altmış səkkiz manat əlli qəpik) manat əsas, 40.2 (qırx manat iyirmi qəpik) manat cərimə borcu, 13.02.2021-ci il tarixli ********* saylı alqısatqı müqaviləsi üzrə 1016 (bir min on altı) manat əsas borc, 152.4 (bir yüz əlli iki manat qırx qəpik) manat cərimə borcu olmaqla, ümumilikdə cəmi 1800 (bir min səkkiz yüz) manat borcun və 38 (otuz səkkiz) manatdövlət rüsumu tutularaq İddiaçı MMC-nin xeyrinə ödənilsin. Qətnamədən rəsmi qaydada alındığı gündən 1 (bir) ay müddətində Bakı şəhəri Sabunçu Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən apellyasiya şikayəti verilmədikdə, qəbul edildiyi gündən 1 ay keçdikdən sonra qanuni qüvvəyə minir. Hakim Nilufər Cəfərli