Bakı Şəhəri Səbail Rayon Məhkəməsi Qərardad — İş №e-2(009)-2628/2021

Azərbaycan Respublikası adından QƏRARDAD Bakı şəhəri İş № e-2(009)-2628/2021 06.10.2021 BAKI ŞƏHƏRİ SƏBAİL RAYON MƏHKƏMƏSİ Mən, Səbail Rayon Məhkəməsinin hakimi Bağırova Mədinə Ağacavad qızı, İddiaçı Cavabdeh Hamlet qızına qarşı “borcun tutulması” barədə kiçik iddialara dair sadələşdirilmiş icraat üzrə iddia ərizəsini və ərizəyə əlavə olunmuş sənədləri nəzərdən keçirərək, MÜƏYYƏN E T D İ M: İddiaçı Cavabdeh Hamlet qızına qarşı “borcun tutulması” barədə iddiası kimi tərtib edilən kiçik iddialara dair sadələşdirilmiş icraat üzrə iddia ərizəsi daxil olmuşdur. Həmin iddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi və ona əlavə edilmiş sənədlər geri qaytarılmalıdır. İlk olaraq qeyd olunmalıdır ki, iddia ərizəsi İddiaçı MMC-nin etibarnamə üzrə nümayəndəsi Nümayəndə adından tərtib olunsa da, onun səlahiyyətini təsdiq edən sənəd iş materiallarına əlavə etməmişdir. Azərbaycan Respublikası Mülki-Prosessual Məcəlləsinin 149.1-ci maddəsinə əsasən, iddia ərizəsi iddiaçı və ya onun bunu imza etməyə səlahiyyəti olan nümayəndəsi tərəfindən imzalanır. Həmin Məcəllənin 150.0.3-cü maddəsinə əsasən, iddia ərizəsinə nümayəndənin səlahiyyətlərini təsdiq edən etibarnamə və ya digər sənəd əlavə edilməlidir. Azərbaycan Respublikası Mülki-Prosessual Məcəlləsinin 152.1.2-ci maddəsinə görə, iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda hakim iddia ərizəsini və ona əlavə edilmiş sənədləri geri qaytarır. Hazırkı iddia ərizəsinin ərizəçinin özü tərəfindən, yaxud səlahiyyəti qanuna müvafiq qaydada rəsmiləşdirilmiş nümayəndə tərəfindən imzalandığı aydın olmadığından, hesab edirəm ki, ərizə onu imzalamağa hüququ olmayan şəxs tərəfindən imzalanmış sənəd kimi qiymətləndirilməlidir. Adı çəkilən Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsaslanaraq və Azərbaycan Respublikası MPM-nin 152, 263, 264, 268-ci maddələrini rəhbər tutaraq, Q Ə R A R A A L D İ M: İddiaçı Cavabdeh Hamlet qızına qarşı “borcun tutulması” barədə iddia ərizəsi kimi tərtib edilmiş kiçik iddialara dair sadələşdirilmiş icraat üzrə iddia ərizəsi və ərizəyə əlavə olunmuş sənədlər geri qaytarılsın. İddiaçıya izah olunsun ki, qərardadda göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ vardır. Qərardaddan 10 (on) gün müddətində Səbail Rayon Məhkəməsinə şikayət verilə bilər. Hakim Mədinə Bağırova