Bakı Şəhəri Suraxanı Rayon Məhkəməsi Qətnamə — İş №e-2(010)-2578/2025

Azərbaycan Respublikası adından QƏTNAMƏ Bakı şəhəri İş № e-2(010)-2578/2025 16.05.2025 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı Rayon Məhkəməsinin hakimi Rzayeva Fəridə İslam qızı İddiaçı Cavabdeh qarşı pul tələbi barəsində ərizəsinə kiçik iddialara dair işlər üzrə sadələşdirilmiş icraat qaydasında baxaraq, müəyyən etdi. İddia tələbi İddiaçı (bundan sonra – İddiaçı MMC) Cavabdeh qarşı pul tələbi barədə kiçik iddialara dair işlər üzrə sadələşdirilmiş icraat qaydasında iddia ərizəsi ilə məhkəməyə müraciət edərək, xx.xx.2023-cü il tarixli müqaviləsinə əsasən, Zəmanət + 3 il xidməti, Aux markalı kondisioner üçün 816.80 manat ödənilməmiş hissə, 81.68 manat cərimə, xx.xx.2024-cü il tarixli müqaviləsinə əsasən, Samsung 35W Charger, Paket M xidməti, X1 2 il (Kontakt) xidməti, İmei kodu **********79987 olan Samsung Galaxy A15 markalı telefon üçün 677.20 manat ödənilməmiş hissə, 23.6 manat İnnovativ Layihələr Mərkəzinə ödənilən rüsum məbləği, 67.72 manat cərimə, xx.xx.2024-cü il tarixli müqaviləsinə əsasən, Paket L xidməti, X1 2 il (Kontakt) xidməti, Plyonka istehsalı, İmei kodu **********70474 olan Oppo A38 markalı telefon üçün 386.60 manat ödənilməmiş hissə, 38.66 manat cərimə, xx.xx.2022-ci il tarixli müqaviləsinə əsasən, Mətbəx Mebeli - 3598 üçün 304.20 manat ödənilməmiş hissə, 30.42 manat cərimə, xx.xx.2023-cü il tarixli müqaviləsinə əsasən, Zəmanət + 3 il xidməti, TCL Led Tv üçün 46.50 manat ödənilməmiş hissə, 4.65 manat cərimə olmaqla, ümumilikdə 2478.03 manat borc və 44.78 manat ödənilmiş dövlət rüsumunun Cavabdeh tutularaq İddiaçı MMC-nin xeyrinə ödənilməsi barədə qətnamə qəbul edilməsini xahiş etmişdir. İşin faktiki halları Tərəflər arasında xx.xx.2024-cü il tarixli, 02985614 nömrəli nisyə alğı-satqı müqaviləsi bağlanmışdır. Həmin müqavilənin əlavəsi olan ödəniş cədvəlinə görə əşyaların alış qiyməti 769.97 manat, ilkin ödəniş 0 manat, ödəniş müddəti 18 ay, aylıq ödəniş 42.78 manat məbləğində müəyyən edilmişdir. Alınan əşyalar xx.xx.2024-cü il tarixdə cavabdehə təhvil verilmişdir. Tərəflər arasında xx.xx.2023-cü il tarixli, 03324664 nömrəli nisyə alğı-satqı müqaviləsi bağlanmışdır. Həmin müqavilənin əlavəsi olan ödəniş cədvəlinə görə əşyaların alış qiyməti 798.02 manat, ilkin ödəniş 0 manat, ödəniş müddəti 18 ay, aylıq ödəniş 44.33 manat məbləğində müəyyən edilmişdir. Alınan əşyalar xx.xx.2023-cü il tarixdə cavabdehə təhvil verilmişdir. Tərəflər arasında xx.xx.2024-cü il tarixli, 03575898 nömrəli nisyə alğı-satqı müqaviləsi bağlanmışdır. Həmin müqavilənin əlavəsi olan ödəniş cədvəlinə görə əşyaların alış qiyməti 668.03 manat, ilkin ödəniş 0 manat, ödəniş müddəti 15 ay, aylıq ödəniş 44.54 manat məbləğində müəyyən edilmişdir. Alınan əşyalar xx.xx.2024-cü il tarixdə cavabdehə təhvil verilmişdir. Tərəflər arasında xx.xx.2023-cü il tarixli, 02105086 nömrəli nisyə alğı-satqı müqaviləsi bağlanmışdır. Həmin müqavilənin əlavəsi olan ödəniş cədvəlinə görə əşyaların alış qiyməti 1637.28 manat, ilkin ödəniş 0 manat, ödəniş müddəti 24 ay, aylıq ödəniş 68.22 manat məbləğində müəyyən edilmişdir. Alınan əşyalar xx.xx.2023-cü il tarixdə cavabdehə təhvil verilmişdir. Tərəflər arasında xx.xx.2022-ci il tarixli, 02643661 nömrəli nisyə alğı-satqı müqaviləsi bağlanmışdır. Həmin müqavilənin əlavəsi olan ödəniş cədvəlinə görə əşyanın alış qiyməti 1620.96 manat, ilkin ödəniş 0 manat, ödəniş müddəti 24 ay, aylıq ödəniş 67.54 manat məbləğində müəyyən edilmişdir. Alınan əşya xx.xx.2022-ci il tarixdə cavabdehə təhvil verilmişdir. xx.xx.2025-ci il tarixli maliyyə və ödəniş cədvəlinə görə nisyə alğı-satqı müqavilələri üzrə cavabdehin 2231.3 manat əsas, 23.6 manat İnnovativ Layihələr Mərkəzinə ödənilən rüsum məbləği və 223.13 manat cərimə olmaqla, ümumilikdə 2478.03 manat borcu müəyyən edilmişdir. İddia ərizəsi və ona etirazın dəlilləri a)iddia ərizəsinin dəlilləri İddia tələbi onunla əsaslandırılmışdır ki, cavabdeh İddiaçı MMC ilə bağladığı xx.xx.2023-cü il, xx.xx.2024-cü il, xx.xx.2024-cü il, xx.xx.2023-cü il və xx.xx.2022-ci il tarixli müqavilələrə əsasən, Samsung 35W Charger, Paket M xidməti, X1 2 il (Kontakt) xidməti, İmei kodu **********79987 olan Samsung Galaxy A15 markalı telefon, Paket L xidməti, X1 2 il (Kontakt) xidməti, Plyonka istehsalı, İmei kodu **********70474 olan Oppo A38 markalı telefon, Mətbəx Mebeli - 3598, Zəmanət + 3 il xidməti, Aux markalı kondisioner, Zəmanət + 3 il xidməti, TCL Led Tv almış və nəticədə 2478.03 manat borc yaranmışdır. Cavabdeh müqavilənin şərtlərinin pozmuş və nəticədə xx.xx.2024-cü il tarixli müqaviləsinə əsasən, alğı-satqı qiyməti 770.04 manat olan Samsung 35W Charger, Paket M xidməti, X1 2 il (Kontakt) xidməti, İmei kodu **********79987 olan Samsung Galaxy A15 markalı telefon üçün ümumilikdə 768.52 manat olmaqla, ondan 677.20 manat ödənilməmiş hissə, 23.6 manat İnnovativ Layihələr Mərkəzinə ödənilən rüsum məbləği, müştəriyə güzəşt olunaraq 67.72 manat cərimə, xx.xx.2024-cü il tarixli müqaviləsinə əsasən, alğı-satqı qiyməti 668.10 manat olan Paket L xidməti, X1 2 il (Kontakt) xidməti, Plyonka istehsalı, İmei kodu **********70474 olan Oppo A38 markalı telefon üçün ümumilikdə 425.26 manat olmaqla, ondan 386.60 manat ödənilməmiş hissə, müştəriyə güzəşt olunaraq 38.66 manat cərimə, xx.xx.2023-cü il tarixli müqaviləsinə əsasən, alğı-satqı qiyməti 1637.28 manat olan Zəmanət + 3 il xidməti, Aux markalı kondisioner üçün ümumilikdə 898.48 manat olmaqla, ondan 816.80 manat ödənilməmiş hissə, müştəriyə güzəşt olunaraq 81.68 manat cərimə, xx.xx.2022-ci il tarixli müqaviləsinə əsasən alğı-satqı qiyməti 1620.96 manat olan Mətbəx Mebeli - 3598 üçün 334.62 manat olmaqla, ondan 304.20 manat ödənilməmiş hissə, 30.42 manat cərimə, xx.xx.2023-cü il tarixli müqaviləsinə əsasən alğı-satqı qiyməti 797.94 manat olan Zəmanət + 3 il xidməti, TCL Led Tv üçün 51.15 manat olmaqla, ondan 46.50 manat ödənilməmiş hissə, 4.65 manat cərimə pulu miqdarında borc yaranmışdır. Cavabdehin cəmi ödədiyi məbləğ 3263.02 manat təşkil edir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Cavabdehlə bağlanmış xx.xx.2023-cü il, xx.xx.2024-cü il, xx.xx.2024-cü il, xx.xx.2023-cü və xx.xx.2022-ci il tarixli müqavilələrin ayrılmaz tərkib hissəsi olan əşyaların təhvil-təslim aktlarından görünür ki, cavabdeh əldə etdiyi məhsulları tam və qüsursuz şəkildə təhvil almışdır. Cavabdehlə olan telefon danışığı, həmçinin göndərilən xx.xx.2025-ci il tarixli xəbərdarlıq məktubunda mübahisənin məhkəmədən kənar həll olunması, onun üzərinə düşən öhdəlikləri lazımınca icra etməli olduğu rəsmi qaydada bildirilsə də, qarşı tərəf müqavilə ilə təsbit olunmuş öhdəlikləri icra etməmişdir. Müştəri müqavilənin şərt(lər)ini pozduğu, pul öhdəliyini lazımı qaydada icra etmədiyi hal(lar)da İddiaçı MMC malın istifadəsini mümkünsüz edə, o cümlədən cihazın İmei kodunun deaktiv olunması üsulu ilə əşyanın Azərbaycan Respublikasının rabitə şəbəkələrində istifadəsinə məhdudiyyət tətbiq edə, məhdudiyyətin aradan qaldırılması üçün müqavilənin 3.5-ci bəndinə əsasən, İnnovativ Layihələr Mərkəzinə ödənilən rüsumu tələb edə bilər. Müştərinin adının riskli müştəri siyahısına salınmasını təmin edə, habelə adının riskli müştəri siyahısında olduğuna dair digər satıcılara məlumat ötürə bilər. b) Cavabdehin iddia ərizəsinə etirazının dəlilləri Cavabdeh qanunvericiliklə müəyyən edilmiş qaydada və müddətə iddiaya dair əsaslandırılmış etirazını və ona əlavə edilmiş sənədləri göndərməsi barədə məlumatlandırılmışdır. Cavabdehin əsaslandırılmış etirazı məhkəməyə daxil olmamışdır. İş materiallarına əlavə edilmiş sənədlər xx.xx.2023-cü il tarixli, 03324664 nömrəli müqavilə və ona edilən əlavədən müəyyən olunur ki, cavabdeh Zəmanət + 3 il xidməti, TCL Led Tv üçün ilkin ödəniş 0 manat olmaqla, 18 ay ödəniş cədvəli üzrə hər ay 44.33 manat, cəmi 798.02 manat ödəməyi öhdəsinə götürmüşdür. xx.xx.2024-cü il tarixli, 02985614 nömrəli müqavilə və ona edilən əlavədən müəyyən olunur ki, cavabdeh Samsung 35W Charger, Paket M xidməti, X1 2 il (Kontakt) xidməti, İmei kodu **********79987 olan Samsung Galaxy A15 markalı telefon üçün ilkin ödəniş 0 manat olmaqla, 18 ay ödəniş cədvəli üzrə hər ay 42.78 manat, cəmi 769.97 manat ödəməyi öhdəsinə götürmüşdür. xx.xx.2024-cü il tarixli, 03575898 nömrəli müqavilə və ona edilən əlavədən müəyyən olunur ki, cavabdeh Paket L xidməti, X1 2 il (Kontakt) xidməti, Plyonka istehsalı, İmei kodu **********70474 olan Oppo A38 markalı telefon üçün ilkin ödəniş 0 manat olmaqla, 15 ay ödəniş cədvəli üzrə hər ay 44.54 manat, cəmi 668.03 manat ödəməyi öhdəsinə götürmüşdür. xx.xx.2023-cü il tarixli, 02105086 nömrəli müqavilə və ona edilən əlavədən müəyyən olunur ki, cavabdeh Zəmanət + 3 il xidməti, Aux markalı kondisioner üçün ilkin ödəniş 0 manat olmaqla, 24 ay ödəniş cədvəli üzrə hər ay 68.22 manat, cəmi 1637.28 manat ödəməyi öhdəsinə götürmüşdür. xx.xx.2022-ci il tarixli, 02643661 nömrəli müqavilə və ona edilən əlavədən müəyyən olunur ki, cavabdeh Mətbəx Mebeli - 3598 üçün ilkin ödəniş 0 manat olmaqla, 24 ay ödəniş cədvəli üzrə hər ay 67.54 manat, cəmi 1620.96 manat ödəməyi öhdəsinə götürmüşdür. xx.xx.2023-cü il, xx.xx.2024-cü il, xx.xx.2024-cü il, xx.xx.2023-cü il və xx.xx.2022-ci il tarixli bildirişlərdən müəyyən olunur ki, müqavilələrin bütün şərtləri tam yerinə yetirilənədək əşyalar İddiaçı MMC-nin əmlakı hesab olunur və müştəri tərəfindən satıla, bağışlana və hər hansı bir formada üçüncü şəxsə verilə bilməz. Müqavilələrin bütün şərtləri tam yerinə yetirildiyi təqdirdə “Mallar”a sahiblik hüququ “Müştəri”yə keçir. Bildirişlərə əsasən müştəri öz imzası ilə bildirişləri oxumuş və məzmunu ilə tanış olmuş, bunları öz imzası ilə təsdiq etmişdir. xx.xx.2023-cü il, xx.xx.2024-cü il, xx.xx.2024-cü il, xx.xx.2023-cü və xx.xx.2022-ci il tarixli təhvil-təslim aktlarından müəyyən olunur ki, Cavabdeh malları tam qüsursuz halda təhvil almışdır. xx.xx.2025-ci il tarixli maliyyə və ödəniş cədvəlindən müəyyən olunur ki, xx.xx.2023-cü il, xx.xx.2024-cü il, xx.xx.2024-cü il və xx.xx.2023-cü il və xx.xx.2022-ci il tarixli müqavilələr üzrə ümumilikdə ödənilməmiş məbləğ 2478.03 manat təşkil edir. İddiaçı MMC tərəfindən tərtib edilmiş xx.xx.2025-ci il tarixli arayışdan müəyyən olunur ki, İddiaçı MMC tərəfindən Cavabdeh nisyə alğı-satqı müqaviləsi əsasında satılmış, İmei kodu **********79987 olan Samsung Galaxy A15 markalı mobil telefonun açılıb-bağlanması xidmətinə görə İnnovativ Layihələr Mərkəzinə 23.60 manat məbləğində pul vəsaiti ödənilmişdir. xx.xx.2025-ci il tarixli xəbərdarlıq məktubundan (xx.xx.2025-ci il tarixli poçt qəbzi) müəyyən olunur ki, Cavabdeh tərəfindən öhdəliklərin icrası ilə əlaqədar çağırışa 3 iş günü ərzində riayət olunmadığı təqdirdə məhkəməyə müraciət ediləcəyi ilə bağlı xəbərdarlıq edilmişdir. xx.xx.2025-ci il tarixli, ********** nömrəli mədaxil qəbzindən müəyyən olunur ki, İddiaçı MMC iddia ərizəsi ilə məhkəməyə müraciət etmək üçün 44.79 manat məbləğində dövlət rüsumu ödəmişdir. Tətbiq edilən hüquq Azərbaycan Respublikasının Mülki Məcəlləsi Maddə 385.1. Öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Maddə 442. Öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Maddə 448.2. Borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. Borclunu təqsirə görə, yəni qərəzə və ya kobud ehtiyatsızlığa görə məsuliyyətdən qabaqcadan azad etmək olmaz. Maddə 462.1. Dəbbə pulu (cərimə, penya) qanun və ya müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir. Maddə 467. Məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. Maddə 600.1. Alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Maddə 600.4. Əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Maddə 601.1. Əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Azərbaycan Respublikasının Mülki Prosessual Məcəlləsi Maddə 14.2. Məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Maddə 77.1. Hər bir tərəf öz tələblərinin və etirazlarının əsası kimi istinad etdiyi halları sübut etməlidir. Maddə 119.1. Məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Maddə 284-1. Mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Maddə 284-5.3. Ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. “Dövlət rüsumu haqqında” Azərbaycan Respublikasının Qanunu Maddə 8. Məhkəməyə iddia ərizəsinin, digər ərizənin və ya şikayətin verilməsinə, məhkəmə aktının surətinin təkrar verilməsinə görə dövlət rüsumunun dərəcələri Maddə 8.1.2. iddia qiyməti 1.000 manatdan 10.000 manatadək olduqda – 30 manat + 1.000 manatdan yuxarı olan iddia qiymətinin 1 faizi. Məhkəmənin mövqeyi Məhkəmə iddia ərizəni və ona əlavə edilmiş sənədləri araşdıraraq hesab edir ki, iddia ərizəsi borcun ödənilməsinə dair hissədə əsaslıdır və təmin edilməlidir. Belə ki, iş materiallarından görünür ki, tərəflər arasında nisyə alğı-satqı müqavilələri bağlanmış, müqavilələrdə nəzərdə tutulmuş mallar cavabdehə verilmiş və müqavilənin hissə-hissə ödənilməsi müddəti və məbləği müqavilələrə əlavə edilmiş ödəniş cədvəlləri ilə müəyyən edilərək cavabdeh tərəfindən imzalanmışdır. Cavabdeh isə göstərilən müqavilələr əsasında əşyanı almasına dair hüququndan istifadə etmiş, lakin müəyyən olunmuş qrafiklər əsasında ödənişləri vaxtında həyata keçirməməklə, MM-nin 425.1-ci maddəsinin tələblərini pozaraq, müqavilələr üzrə öhdəliyinin icrası zamanı vicdanlılığa riayət etməmişdir. Yəni, vicdanlılığın tələblərindən biri olan şərtləşdirilmiş vaxtda öhdəliyin icra edilməsi tələbini pozmuşdur. Halbuki tərəflər müəyyən nəticələrə nail olmaq üçün öhdəlik hüquq münasibətlərinə daxil olurlar və öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır (MM, maddə 385.1). Beləliklə, qeyd edilən müqavilələr üzrə iddiaçı cavabdehdən əşyanın dəyərinin ödənilməsini tələb etmək üzrə subyektiv hüquqa malikdir. Cavabdeh isə müqavilələr üzrə üzərinə düşən öhdəliyi icra etməməklə, iddiaçının bu hüququnu pozmuşdur. Belə ki, alğı-satqı müqaviləsi müəyyən qiymət müqabilində əmlakın əvəzli özgəninkiləşdirilməsini nəzərdə tutur və satıcı tərəfindən əmlakın verilməsi, alıcı tərəfindən qarşılıqlı olaraq müqavilə qiymətinin ödənilməsini şərtləndirir. Məhkəmə həmçinin, iddianın dəbbə pulunun ödənilməsi hissəsini də araşdıraraq hesab edir ki, iddia həmin hissədə qismən təmin edilməlidir. Belə ki, MM- nin 462.1-ci maddəsinin tələbinə görə dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Qanunun normasından da məlum olduğu kimi, dəbbə pulu borclu tərəfindən icra etməyə borclu olduğu öhdəliyi icra etmədikfə alınır. Dəbbə pulunun miqdarının müəyyən edilməsində tərəflər diskresiyon səlahiyyətə malik olsalar da, MM-nin 467-ci maddəsi ilə məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Maddənin məzmunundan da göründüyü kimi, dəbbə pulunun azaldılması o halda mümkün olur ki, dəbbə pulu öhdəliyin pozulmasının nəticələrinə uyğun gəlmir. Azərbaycan Respublikası Konstitusiya Məhkəməsi Plenumunun “Azərbaycan Respublikası Mülki Məcəlləsinin 449-cu maddəsinin şərh edilməsinə dair” 09 iyul 2009-cu il tarixli qərarinda qeyd olunur ki, borclu şəxsin mülkiyyət maraqları qorunmalı və onun həddən artıq maliyyə məsuliyyətinə cəlb olunmasının qarşısı alınmalıdır. “Zvierzinski Polşaya qarşı” 19 iyun 2001-ci il tarixli qərarında İnsan hüquqları üzrə Avropa Məhkəməsi İnsan hüquqlarının və əsas azadlıqlarının müdafiəsi haqqında Konvensiyanın (Avropa Konvensiyası) 1 saylı protokolun 1-ci maddəsinin (mülkiyyət hüququ) şərhi baxımından qeyd etmişdir ki, mülkiyyətə hər hansı müdaxilə həm də mütənasiblik tələbinə uyğun olmalıdır. Müdaxilə cəmiyyətin ümumi maraqlarının tələbləri ilə fərdi şəxsin fundamental hüquqlarının müdafiəsi tələbləri arasında “ədalətli tarazlığa” cavab verməlidir. Qeyd edilənlərə əsasən məhkəmə hesab edir ki, cavabdehdən tələb olunan xx.xx.2023-cü il tarixli müqavilə üzrə 4.65 manat cərimə pulu, xx.xx.2024-cü il tarixli müqavilə üzrə 67.72 manat cərimə pulu, xx.xx.2024-cü il tarixli müqavilə üzrə 38.66 manat cərimə pulu, xx.xx.2023-cü il tarixli müqavilə üzrə 81.68 manat cərimə pulu və xx.xx.2022-ci il tarixli müqavilə üzrə 30.42 manat cərimə pulu tənasübsüz surətdə yüksək məbləğdir. Odur ki, xx.xx.2023-cü il tarixli müqavilə üzrə dəbbə pulu 1 manat, xx.xx.2024cü il tarixli müqavilə üzrə dəbbə pulu 10 manat, xx.xx.2024-cü il müqavilə üzrə dəbbə pulu 5 manat, xx.xx.2023-cü il tarixli müqavilə üzrə dəbbə pulu 10 manat, xx.xx.2022-ci il tarixli müqavilə üzrə dəbbə pulu 5 manat hesablanmaqla ödənilməlidir. Bundan əlavə, iddia tələbindən görünür ki, iddiaçı tərəfindən cavabdehdən “İnnovativ Layihələr Mərkəzi rüsumu” təyinatı ilə 23.6 manat məbləğində pul tələb edilmişdir. İddia ərizəsinin əsaslandırıcı hissəsindən görünür ki, iddiaçı bu tələbini onunla əsaslandırmışdır ki, aralarında bağlanmış müqaviləyə əsasən, Müştəri “Müqavilə”nin şərt(lər)ini pozduğu, pul öhdəliyini lazımı qaydada icra etmədiyi hal(lar)da İddiaçı MMC “mal”ın istifadəsini mümkünsüz edə, o cümlədən cihazın İmei kodunun deaktiv olunması üsulu ilə əşyanın İnnovativ Layihələr Mərkəzi tətbiq etdiyi rüsumu tələb edə bilər. İş materiallarında olan tərəflər arasında bağlanmış müqavilənin 3.4-cü bəndində qeyd edilmişdir ki, Müştəri “Müqavilə”nin şərt(lər)ini pozduğu, pul öhdəliyini lazımı qaydada icra etmədiyi hal(lar)da İddiaçı MMC “mal”ın istifadəsini mümkünsüz edə, o cümlədən cihazın İmei kodunun deaktiv olunması üsulu ilə əşyanın Azərbaycan Respublikasının rabitə şəbəkələrində istifadəsinə məhdudiyyət tətbiq edə, “Müştəri”nin adının riskli müştəri siyahısına salınmasını təmin edə, habelə adının riskli müştəri siyahısında olduğuna dair digər satıcılara məlumat ötürə bilər. Müqavilənin 3.14-cü maddəsinə əsasən, ... Müştərinin ümumi borc üzrə “ABC” qarşısında icra edilməmiş hər hansı pul öhdəliyi yaranarsa, bu halda “ABC” dəyəri tam ödənilməmiş istənilən malın istifadəsini mümkünsüz edə, o cümlədən əşyanın AR-in rabitə şəbəkələrində istifadəsinə məhdudiyyət qoya bilər. Müqavilənin 3.5-ci bəndində isə qeyd edilir ki, Müqavilənin 3.4 və 3.14-cü bəndlərinin icrası ilə əlaqədar “ABC” əlavə ödənişlər tələb edə bilər. Göründüyü kimi, tərəflər arasında bağlanmış müqavilədə borclunun müqavilə öhdəliyini lazımınca icra etmədiyi halda İddiaçı MMC-nin müqavilə predmeti olan əşyanın istifadəsini mümkünsüz etməsi (o cümlədən cihazın İmei kodunun deaktiv olunması üsulu ilə) hüququ nəzərdə tutulmuş, bu hüququn həyata keçirilməsi ilə bağlı İddiaçı MMC tərəfindən borcludan əlavə ödənişlər tələb edilməsinin mümkünlüyü müəyyən edilmişdir. Lakin nəzərə alınmalıdır ki, əgər iddiaçı məhz bu təyinatla ödənilmiş olan əlavə məbləği cavabdehdən tələb edirsə, o, sübut etməlidir ki, cihahız deaktiv edilməsi üçün həmin məbləğdə xərc çəkilmişdir (çəkilməsi zəruridir). Belə ki, Azərbaycan Respublikasının Mülki Prosessual Məcəlləsinin 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Hazırkı iş materiallarına isə iddiaçının tələbini bu hissədə təsdiq edə biləcək heç bir sübut əlavə edilməmişdir. Odur ki, iddia bu hissədə təmin edilə bilməz. Həmçinin məhkəmə qeyd edir ki, iddiaçı tərəfindən birtərəfli qaydada tərtib edilmiş hər hansı sənəd iddia tələbinin bu hissədə əsaslı olması nəticəsinə gəlməyə əsas vermir. Məhkəmə xərcləri Azərbaycan Respublikası Mülki Prosessual Məcəlləsinin 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Həmin Məcəllənin 119.1-ci maddəsinə görə, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. İş materiallarına əlavə edilmiş mədaxil qəbzindən müəyyən olunur ki, İddiaçı MMC hazırkı iddia ərizəsi ilə məhkəməyə müraciət etmək üçün 44.79 manat məbləğində dövlət rüsumu ödəmişdir. Belə olan halda, məhkəmə hesab edir ki, iddia qismən təmin edildiyindən iddianın təmin edilmiş hissəsinə (2262.3 manat) mütənasib olaraq 42.62 manat məbləğində dövlət rüsumu cavabdehdən tutularaq iddiaçıya ödənilməlidir. Qeyd olunanları nəzərə alaraq və Azərbaycan Respublikası Mülki Prosessual Məcəlləsinin 216-220, 227, 358, 360-ci maddələrini rəhbər tutaraq, məhkəmə qət etdi: İddia qismən təmin edilsin. Cavabdeh xx.xx.2023-cü il tarixli, 03324664 nömrəli nisyə alğı-satqı müqaviləsi üzrə 46.50 (qırx altı manat əlli qəpik) manat ödənilməmiş məbləğ, 1 (bir) manat cərimə məbləği, xx.xx.2024-cü il tarixli, 02985614 nömrəli nisyə alğı-satqı müqaviləsi üzrə 677.20 (altı yüz yetmiş yeddi manat iyirmi qəpik) manat ödənilməmiş məbləğ, 10 (on) manat cərimə məbləği, xx.xx.2024-cü il tarixli, 03575898 nömrəli nisyə alğı-satqı müqaviləsi üzrə 386.60 (üç yüz səksən altı manat altmış qəpik) manat ödənilməmiş məbləğ, 5 (beş) manat cərimə məbləği, xx.xx.2023-cü il tarixli, 02105086 nömrəli nisyə alğı-satqı müqaviləsi üzrə 816.80 (səkkiz yüz on altı manat səksən qəpik) manat ödənilməmiş məbləğ, 10 (on) manat cərimə məbləği, xx.xx.2022-ci il tarixli, 02643661 nömrəli nisyə alğı-satqı müqaviləsi üzrə 304.20 (üç yüz dörd manat iyirmi qəpik) manat ödənilməmiş məbləğ, 5 (beş) manat cərimə məbləği olmaqla, cəmi 2262.3 (iki min iki yüz altmış iki manat otuz qəpik) manat və 42.62 (qırx iki manat altmış iki qəpik) manat dövlət rüsumu tutularaq İddiaçı MMC-nin xeyrinə ödənilsin. İddia qalan hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılan elektron kabinetlə Bakı şəhəri Suraxanı Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim: Fəridə Rzayeva