Bakı Şəhəri Suraxanı Rayon Məhkəməsi Qərardad — İş №e-2(010)-3231/2022

Azərbaycan Respublikası adından QƏRARDAD Bakı şəhəri İş № e-2(010)-3231/2022 17.06.2022 BAKI ŞƏHƏRİ SURAXANI RAYON MƏHKƏMƏSİ Suraxanı rayon Məhkəməsinin hakimi Anar Adil oğlu Qasımov, "xxxx" ASC-nin Cavabdeh1 və Cavabdeh2 qarşı «kredit müqaviləsinin ləğv edilməsi, pul tələbi, tələbin ipoteka predmetinə yönəldilməsi»nə dair iddia ərizəsini və ona əlavə edilmiş sənədləri nəzərdən keçirib, MÜƏYYƏN ETDİM: «"xxxx" ASC-nin Cavabdeh1 və Cavabdeh2 qarşı «kredit müqaviləsinin ləğv edilməsi, pul tələbi, tələbin ipoteka predmetinə yönəldilməsi»nə dair iddia ərizəsi ilə məhkəməyə müraciət etmişdir. İddia ərizəsini və ona əlavə edilmiş sənədləri nəzərdən keçirib müəyyən etdim ki, iddia ərizəsi Azərbaycan Respublikası MPM-in 149.2.4-cü maddəsinin tələblərinə riayət edilmədən verilmişdir. Belə ki, «İpoteka haqqında» Azərbaycan Respublikası Qanununun 39.2-ci maddəsinə görə ipoteka saxlayan tutmanın yöənldilməsinə dair bildirişin bu qanunun 36.1-ci maddəsində nəzərdə tutulmuş şəxslərə verilməsi barədə məhkəməyə sübut təqdim etməlidir. Lakin iddiaçı tərəfindən təqdim olunmuş iddia ərizəsi və ona əlavə olunmuş sənədlərdə qeyd edilən qaydalara riayət edilməsinə dair sübutlar təqdim edilməmişdir. Azərbaycan Respublikası MPM-in 152.1.6-cı maddəsinə əsasən müqavilə ilə və ya həmin kateqoriya işlər üçün qanunla nəzərdə tutulmamışsa, iddiaçı cavabdehlə mübahisənin məhkəməyə qədər nizama salınmasına riayət edilməsinə dair sənəd təqdim etmədikdə hakim iddia ərizəsini və ona əlavə olunmuş sənədləri geri qaytarır. Qeyd olunanlara əsasən və Azərbaycan Respublikası MPM-nin 152, 263 və 264-cü maddələrini rəhbər tutaraq, QƏRARA ALDİM: "xxxx" ASC-nin Cavabdeh1 və Cavabdeh2 qarşı «kredit müqaviləsinin ləğv edilməsi, pul tələbi, tələbin ipoteka predmetinə yönəldilməsi» dair iddia ərizəsi və ona əlavə edilmiş sənədlər icraata qəbul edilmədən geri qaytarılsın. Qərardaddan 10 gün müddətində Suraxanı rayon məhkəməsinə şikayət verilə bilər. Hakim: Anar Qasımov