Bakı Şəhəri Suraxanı Rayon Məhkəməsi Qərardad — İş №e-2(010)-4555/2025

Azərbaycan Respublikası adından QƏRARDAD Bakı şəhəri İş № e-2(010)-4555/2025 15.08.2025 BAKI ŞƏHƏRİ SURAXANI RAYON MƏHKƏMƏSİ Mən, Bakı şəhəri Suraxanı Rayon Məhkəməsinin hakimi Məmmədov Tural Nurulla oğlu İddiaçı MMC-nin Cavabdeh qarşı pul tələbinə dair kiçik mübahisələr üzrə iddia ərizəsini və ərizəyə əlavə olunmuş sənədləri nəzərdən keçirərək, Müəyyən etdim: İddiaçı MMC kiçik iddialara dair işlər üzrə sadələşdirilmiş iddia ərizəsi ilə məhkəməyə müraciət edərək, xx.xx.2024-cü il tarixli müqaviləyə əsasən, X1 14 komputer üçün 4612.92 manat ödənilməmiş hissə, 461.29 manat dəbbə, xx.xx.2024-cü il tarixli müqaviləyə əsasən Borofone BW32 qulaqlıq, Blackview Airbuds 7 qulaqlıq, Qızıl Zəmanət ultra 2 il xidməti, Paket XXL xidməti, İmei kodu **********96190 Oppo A78 markalı telefon üçün 248.68 manat ödənilməmiş hissə və 24.87 manat cərimə olmaqla cəmi 5347.76 manat borc və 73.48 manat dövlət rüsumunun cavabdehdən tutulması barədə qətnamə çıxarılmasını məhkəmədən xahiş etmişdir. Kiçik mübahisələr üzrə iddia ərizəsi və ona əlavə edilmiş sənədləri nəzərdən keçirib hesab edirəm ki, kiçik mübahisələr üzrə iddia ərizəsinin icraata qəbul edilməsindən imtina olunmalıdır. Belə ki, iddia ərizəsi və ona əlavə olunmuş sənədlərdən görünür ki, İddiaçı MMC ümumilikdə 5347.76 manat borc və 73.48 manat dövlət rüsumunun tutulması barədə qətnamə çıxarılmasını xahiş etmiş, bununla bağlı məhkəməyə kiçik iddialara dair işlər üzrə sadələşdirilmiş iddia ərizəsi ilə müraciət etmişdir. Lakin qeyd edirəm ki, iddiaçının tələbi 5000 manatdan çox olduğundan o, kiçik iddialara dair işlər üzrə sadələşdirilmiş formasında ərizə ilə yox, iddia icraatı qaydasında iddia ərizəsi ilə məhkəməyə müraciət etməli idi. Belə ki, Azərbaycan Respublikası MPM-nin 284-1-ci maddəsinin tələbinə görə, mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-4.1-ci maddəsinə görə, məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından aşağıdakı hallarda imtina edir: 284-4.1.2. verilmiş tələb bu Məcəllənin 284-1-ci maddəsinə uyğun deyildirsə; Həmin Məcəllənin 284-4.2-ci maddəsinə görə, bu Məcəllənin 284-4.1-ci maddəsində nəzərdə tutulmuş hallarda məhkəmə ərizənin daxil olduğu gündən 5 (beş) iş günü müddətində onun qəbul edilməsindən imtina haqqında əsaslandırılmış qərardad çıxarır. Məhkəmə bu müddət ərzində ərizəni qəbul etməkdən imtina etməyibsə, o, qəbul edilmiş sayılır. Ərizəni qəbul etməkdən imtina barədə qərardaddan şikayət verilə bilməz. 284-4.3. Ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Bu halda iddiaçı tərəfindən ödənilmiş dövlət rüsumu ödənilməli olan dövlət rüsumuna hesablanır. Şərh olunanlara əsasən və Azərbaycan Respublikası MPM-nin 284-1 və 284-4-cü maddələrini rəhbər tutaraq, Qərara aldım: İddiaçı MMC-nin Cavabdeh qarşı pul tələbinə dair kiçik mübahisələr üzrə iddia ərizəsini icraata qəbul etməkdən imtina edilsin və sənədlər iddiaçıya geri qaytarılsın. İzah olunsun ki, ərizəni qəbul etməkdən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Qərardaddan şikayət verilə bilməz. Hakim Tural Məmmədov