Bakı Şəhəri Xətai Rayon Məhkəməsi Qərardad — İş №e-2(011)-3413/2025

Azərbaycan Respublikası adından QƏRARDAD Bakı şəhəri İş № e-2(011)-3413/2025 17.03.2025 BAKI ŞƏHƏRİ XƏTAİ RAYON MƏHKƏMƏSİ Mən, Bakı şəhəri Xətai Rayon Məhkəməsinin hakimi Abbasova X1, İddiaçı Cavabdeh MMC-yə qarşı “pul” tələbinə dair iddia ərizəsinə baxaraq, M Ü Ə Y Y Ə N E T D İ M: İddiaçı Cavabdeh MMC-yə qarşı “pul” tələbinə dair iddia ərizə ilə məhkəməyə müraciət edərək, Cavabdeh MMC-dən toplam 14430 manat məbləğində pulun alınıb iddiaçıya verilməsinə, əgər maddi olaraq hesabında bu qədər vəsait yoxdursa, məbləğin Cavabdeh MMC-yə məxsus əmlaka yönləndirilməsi barədə qətnamə qəbul edilməsini məhkəmədən xahiş etmişdir. İddiaçı iddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi ona əlavə edilmiş sənədlərlə birlikdə iddiaçıya geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 151.1-ci maddəsinə əsasən ərizə bu Məcəllənin tələblərinə riayət edilməklə verildikdə onun məhkəmə icraatı mümkündür. İş materiallarında olan “Elektron məhkəmə” informasiya sistemindən olan çıxarışdan görünür ki, İddiaçı fərdi sahibkarlıqla məşğul olan şəxsdir (VÖEN: **********). İddia ərizəsinin məzmunundan və iş materiallarında olan borclu Cavabdeh MMC ilə kreditor İddiaçı arasında bağlanmış 10 sentyabr 2024-cü il tarixli, xxxxxxx-5 nömrəli kreditor müqaviləsinin surətindən görünür ki, İddiaçı kreditin məbləği 3000 manat 46 qəpik təşkil edir, kredit cəmi 3 ay müddətinə verilir və borclunun şirkətini böyütməsi və inkişaf etdirməsi üçün istifadə olunacaqdır. Eyni zamanda məhkəmə araşdırılması zamanı müəyyən edilmişdir ki, Bakı şəhəri Xətai Rayon Məhkəməsinin e-2(011)-1991/2025 saylı, xx.xx.2025-ci il tarixli qərardadı ilə İddiaçı Cavabdeh MMC-yə qarşı “pul” tələbinə dair iddia ərizəsi və ona əlavə olunmuş sənədlər geri qaytarılmış, İddiaçı Bakı şəhəri Xətai Rayon Məhkəməsinin 13 yanvar 2025ci il tarixli e-2(011)-1991/2025 saylı qərardadından şikayət verərək Bakı şəhəri Xətai Rayon Məhkəməsinin 13 yanvar 2025-ci il tarixli e-2(011)-1991/2025 saylı qərardadının ləğv edilməsini, iddia ərizəsinə Bakı şəhəri Xətai Rayon Məhkəməsində baxılması üçün qərardad qəbul edilməsini xahiş etmiş, Bakı şəhəri Xətai Rayon Məhkəməsinin e-2(011)- 1991/2025 saylı, 27 yanvar 2025-ci il tarixli qərardadı ilə İddiaçı tərəfindən verilmiş şikayət təmin edilməmiş, şikayət baxılması üçün MPM-nin 269.3-cü maddəsinin tələbinə uyğun olaraq mülki işin materialları ilə birlikdə Azərbaycan Respublikasının Ali Məhkəməsinə göndərilmişdir. Azərbaycan Respublikası Ali Məhkəməsinin Mülki, Kommersiya və İnzibati kollegiyalarına daxil olan hakimlərin qarışıq tərkibinin e-2(102)-920/2025 saylı, 13 fevral 2025-ci il tarixli qərardadı ilə İddiaçı Bakı şəhəri Xətai Rayon Məhkəməsinin xx.xx.2025-ci il tarixli, 2(011)-1991/2025 nömrəli qərardadından verdiyi şikayət qeyri-mümkün hesab edilmiş və şikayət geri qaytarılması üçün mülki iş ilə birlikdə Bakı şəhəri Xətai Rayon Məhkəməsinə göndərilmişdir. Bakı şəhəri Xətai Rayon Məhkəməsinin e-2(011)-1991/2025 saylı, xx.xx.2025-ci il tarixli qərardadına əsasən İddiaçı Bakı şəhəri Xətai Rayon Məhkəməsinin 13 yanvar 2025-ci il tarixli, e-2(011)-1991/2025 saylı qərardadından verdiyi şikayət geri qaytarılmışdır. Azərbaycan Respublikası MPM-nin məhkəmə aidiyyətini müəyyən edən norması olaraq 26-ci maddəsi təsbit edir ki, sahibkarlıq fəaliyyətinin həyata keçirilməsi ilə əlaqədar olan mübahisələrə (kommersiya mübahisələrinə) dair işlərə mülki məhkəmə icraatı qaydasında kommersiya məhkəmələri baxır. Həmin Məcəllənin 26.2-ci maddəsinə əsasən Kommersiya məhkəmələri bu Məcəllənin 40-5-ci fəslində nəzərdə tutulmuş işlərə, habelə sahibkarlıq fəaliyyəti ilə əlaqədar olduqda bu Məcəllənin 35-ci və 40-2-ci fəsillərində nəzərdə tutulmuş işlərə və qanunla onların səlahiyyətlərinə aid edilən digər işlərə də baxırlar. Hesab edirəm ki, ərizədə irəli sürülən tələblə bağlı qanunvericilik başqa halı nəzərdə tutmadığı üçün mübahisə sahibkarlıq fəaliyyətinin həyata keçirilməsi ilə əlaqədar olduğundan, hazırki ərizə Bakı Kommersiya Məhkəməsinə verilməli olduğu halda iddiaçı tərəfindən məhkəməyə ərizə verilərkən prosessual qanunvericiliyin məhkəmə aidiyyəti ilə bağlı imperativ tələbinə əməl edilməmişdir. Azərbaycan Respublikası MPM-nin 152.1.3-cü maddəsinə əsasən əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır. Hesab edirəm ki, iddia ərizəsi geri qaytarıldığından 142211 təsnifat kodlu dövlət büdcəsinə Bakı şəhəri Xətai Rayon Məhkəməsinin hesabına 29 dekabr 2024-cü il tarixdə ödənilmiş **********99 qəbz nömrəli 133,29 manat dövlət rüsumu geri qaytarılmalıdır. Yuxarıdakılara əsasən və Azərbaycan Respublikası Mülki Prosessual Məcəlləsinin 149,153, 263, 264, 267 və 268-ci maddələrini rəhbər tutaraq, Qərara aldım: İddiaçı Cavabdeh MMC-yə qarşı “pul” tələbinə dair iddia ərizəsi və ona əlavə olunmuş sənədlər geri qaytarılsın. İddiaçı tərəfindən Elektron hökümət ödəniş portalı vasitəsilə 142211 təsnifat kodlu dövlət büdcəsinə Bakı şəhəri Xətai Rayon Məhkəməsinin hesabına 29 dekabr 2024-cü il tarixdə ödənilmiş **********99 qəbz nömrəli 133,29 manat dövlət rüsumu iddiaçıya geri qaytarılsın. İddiaçıya iddia ərizəsini Bakı Kommersiya Məhkəməsinə vermək hüququ izah olunsun. Qərardad tərəflərə rəsmi qaydada verildikdən sonra 10 gün müddətində Bakı şəhəri Xətai Rayon Məhkəməsinə şikayət verilə bilər. Sədrlik edən: İlahə Abbasova