Bakı Şəhəri Xətai Rayon Məhkəməsi Qətnamə — İş №e-2(011)-5349/2022

Azərbaycan Respublikası adından QƏTNAMƏ Bakı şəhəri İş № e-2(011)-5349/2022 05.10.2022 BAKI ŞƏHƏRİ XƏTAİ RAYON MƏHKƏMƏSİ Hakim Həsənova Aygün Namiq qızının sədrliyi ilə, İddiaçı MMC-nin Cavabdeh qarşı “müqavilə üzrə borcun tutulması” barədə ərizəsinə kiçik iddialar üzrə sadələşdirilmiş icraat qaydasında baxaraq, müəyyən etdi: İddiaçı MMC Cavabdeh qarşı “müqavilə üzrə borcun tutulması” tələbinə dair ərizə ilə məhkəməyə müraciət edərək, 03 iyul 2021-ci il tarixli müqaviləyə əsasən, İmei kodu **********03326 X1 10S markalı telefon üçün 652 manat ödənilməmiş hissə, 65 manat cərimə borcu; 08 fevral 2021-ci il tarixli müqaviləyə əsasən, HOFFMAN Mini soba üçün 59 manat ödənilməmiş hissə, 5 manat cərimə borcu, 10 dekabr 2020-ci il tarixli müqaviləyə əsasən Panasonic Tozsoran üçün 131 manat ödənilməmiş hissə, 13 manat cərimə borcu olmaqla, ümumilikdə 925 manat borc və 30 manat ödənilmiş dövlət rüsumunun Cavabdeh alınaraq iddiaçı “ABC Telecom" MMC-yə ödənilməsi barədə qətnamə çıxarılmasını xahiş etmişdir. İddia tələbi onunla saslandırılmışdır ki, Cavabdeh ilə "xxxx" MMC arasında bağlanmış 03 iyul 2021-ci il, 08 fevral 2021 və 10 dekabr 2020-ci il tarixli alğı-satqı müqavilələrinə əsasən, cavabdeh İmei kodu **********03326 olan X1 10S markalı telefon, HOFFMAN Mini soba və Panasonic Tozsoran almış və nəticədə cavabdehin 925 manat borcu yaranmışdır. Cavabdeh müqavilələrin şərtlərini pozmuş və nəticədə 03 iyul 2021-ci il tarixli alğı-satqı müqaviləsinə əsasən alğı-satqı qiyməti 690 manat olan İmei kodu **********03326 X1 10S markalı telefon üçün ümumilikdə 717 manat olmaqla 652 manat ödənilməmiş hissə, 65 manat cərimə borcu; 08 fevral 2021-ci il tarixli alğı-satqı müqaviləsinə əsasən, alğı-satqı qiyməti 198 manat olan HOFFMAN Mini soba üçün ümumilikdə 64 manat olmaqla 59 manat ödənilməmiş hissə, 5 manat cərimə borcu, 10 dekabr 2020-ci il tarixli alğı-satqı müqaviləsinə əsasən alğı-satqı qiyməti 302.40 manat olan Panasonic Tozsoran üçün ümumilikdə 144 manat olmaqla 131 manat ödənilməmiş hissə, 13 manat cərimə borcu yaranmışdır. Cavabdehin cəmi ödədiyi məbləğ 348.40 manat təşkil edir. Cavabdeh qanunvericiliklə müəyyən edilmiş qaydada və müddətdə iddiaya dair əsaslandırılmış etirazını və ona əlavə edilmiş sənədləri göndərməsi barədə məlumatlandırılmışdır. Cavabdehin əsaslandırılmış etirazı məhkəməyə daxil olmamışdır. Məhkəmə iddia ərizəsini və ona əlavə edilmiş sənədləri araşdıraraq hesab edir ki, iddia qismən təmin olunmalıdır. Belə ki, iş materiallarından görünür ki, tərəflər arasında alğı-satqı müqavilələri bağlanmış, cavabdeh İmei kodu **********03326 olan X1 10S markalı telefon, HOFFMAN Mini soba və Panasonic Tozsoran almışdır. Müqavilələrə əsasən cavabdeh öhdəliyi lazımınca icra etmədiyindən onun 28 iyul 2022-ci il tarixə borcu yaranmışdır. Cavabdehə yaranmış borcla bağlı xəbərdarlıq edilmişdir. Azərbaycan Respublikası Mülki Məcəlləsinin 600.1-ci maddəsinə əsasən, alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-cü maddəsinə görə əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Həmin Məcəllənin 385.1-ci maddəsinə qeyd edilir ki, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətlər etməlidir, məsələn pul ödəməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. İş materialları ilə müəyyən edildi ki, İddiaçı ilə Cavabdeh arasında bağlanmış nisyə alğı-satqı müqavilələrinə əsasən Cavabdeh müqavilələr üzrə üzərinə düşən öhdəliyi lazımınca icra etməməklə müqavilələrin şərtlərini pozmuşdur. Buna görə də, iddiaçı göstərilən müqavilələrin şərtlərinin icrasını və ödənilməmiş məbləğin qaytarılmasını tələb etməkdə haqlıdır. Beləliklə məhkəmə iş üzrə tədqiq olunmuş sübutlara məcmu halında qiymət verərək hesab edir ki, iddia tələbi əsas borca aid hissədə əsaslıdır və tam təmin edilməlidir. Məhkəmə iddianın dəbbə pulunun ödənilməsi hissəsini də araşdıraraq hesab edir ki, iddia həmin hissədə qismən əsaslıdır. Belə ki, Azərbaycan Respublikası MM-in 462.1-ci maddəsinə əsasən, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Həmin Məcəllənin 467-ci maddəsinə əsasən, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Məhkəmə hesab edir ki, 03 iyul 2021-ci il tarixli müqavilə üzrə hesablanmış 65 manat cərimə məbləği azaldılaraq 20 manat məbləğində müəyyən edilməlidir. Beləliklə, məhkəmə hesab edir ki, iddia tələbi qismən təmin edilməli, Cavabdeh 03 iyul 2021-ci il tarixli müqaviləyə əsasən ödənilməmiş 652 manat əsas borc, 20 manat cərimə borcu; 08 fevral 2021-ci il tarixli müqaviləyə əsasən ödənilməmiş 59 manat əsas borc; 5 manat cərimə borcu, 10 dekabr 2020-ci il tarixli müqaviləyə əsasən ödənilməmiş 131 manat əsas borc, 13 manat cərimə borcu olmaqla, cəmi 880 manat pul vəsaiti iddiaçının xeyrinə tutulmalı, iddia tələbi qalan hissədə rədd edilməlidir. Məhkəmə mülki-prosessual qanunvericiliyin tələblərinə uyğun olaraq məhkəmə xərclərinin bölüşdürülməsi məsələsini də qətnaməsində əks etdirməlidir. Odur ki, məhkəmə dövlət rüsumunun alınması məsələsinə qiymət verərək hesab edir ki, iş materiallarından göründüyü kimi iddiaçı iddia tələbi ilə məhkəməyə müraciət edərkən 30 manat məbləğində dövlət rüsumu ödəmişdir, iddia tələbi qismən təmin olunduğundan cavabdehdən 30 manat məbləğində rüsum tutularaq iddiaçıya ödənilməlidir. Qeyd olunanlara əsasən və Azərbaycan Respublikasının MPM-nin 216-220 və 360cı maddələrini rəhbər tutaraq, məhkəmə qət etdi: İddia tələbi qismən təmin edilsin. Cavabdeh 03 iyul 2021-ci il tarixli müqaviləyə əsasən ödənilməmiş 652 (altı yüz əlli iki) manat əsas borc, 20 (iyirmi) manat cərimə borcu; 08 fevral 2021-ci il tarixli müqaviləyə əsasən ödənilməmiş 59 (əlli doqquz) manat əsas borc; 5 (beş) manat cərimə borcu; 10 dekabr 2020-ci il tarixli müqaviləyə əsasən ödənilməmiş 131 (bir yüz otuz bir) manat əsas borc, 13 (on üç) manat cərimə borcu olmaqla, cəmi 880 (səkkiz yüz səksən) manat pul vəsaiti və dövlət rüsumuna görə ödənilmiş 30 (otuz manat) manat alınaraq İddiaçı MMCyə ödənilsin. İddia qalan hissədə rədd edilsin. Qətnamədən onun rəsmi qaydada verildiyi gündən 1 (bir) ay müddətində Bakı şəhəri Xətai Rayon Məhkəməsi vasitəsi ilə (“Elektron məhkəmə” informasiya sistemində yaradılan elektron kabinet vasitəsilə) Bakı Apellyasiya Məhkəməsinin Mülki Kollegiyasına apellyasiya şikayəti verilə bilər. Sədrlik edən: Aygün Həsənova