Bakı Şəhəri Xətai Rayon Məhkəməsi Qətnamə — İş №e-2(011)-7046/2023

Azərbaycan Respublikası adından QƏTNAMƏ Bakı şəhəri İş № e-2(011)-7046/2023 18.10.2023 BAKI ŞƏHƏRİ XƏTAİ RAYON MƏHKƏMƏSİ Hakim Əliyev Şəhriyar İbrahim oğlu, İddiaçı "xxxx" Məhdud Məsuliyyətli Cəmiyyətinin Cavabdeh qarşı “borcun ödənilməsi” tələbi barədə kiçik iddiaya dair işə sadələşdirilmiş icraat qaydasında baxaraq müəyyən etdi: İddiaçı "xxxx" MMC Cavabdeh qarşı ərizə ilə məhkəməyə müraciət edərək, xx.xx.2022-ci il tarixli müqaviləsinə əsasən, İMEİ KOD **********13480 XİAOMİ REDMİ NOTE 11 markalı telefon üçün, 592 (beş yüz doxsan iki) manat ödənilməmiş hissə, 59 (əlli doqquz) manat cərimə; xx.xx.2022-ci il tarixli müqaviləsinə əsasən, İMEİ KOD **********32260 XİAOMİ REDMİ NOTE 11 markalı telefon üçün, 453.6 (dörd yüz əlli üç manat altmış qəpik) manat ödənilməmiş hissə, 45.4 (qırx beş manat qırx qəpik) manat cərimə; ümumilikdə 1150 manat borc, 31.50 manat ödənilmiş dövlət rüsumunun Cavabdeh alınaraq "xxxx" Məhdud Məsuliyyətli Cəmiyyətinə ödənməsi barədə qətnamə çıxarılmasını xahiş etmişdir. Tələb onunla əsaslandırılmışdır ki, cavabdeh, "xxxx" MMC ilə xx.xx.2022-ci il, xx.xx.2022-ci il tarixli müqaviləsinə əsasən, İMEİ KOD **********13480 XİAOMİ REDMİ NOTE 11 markalı telefon, İMEİ KOD **********32260 XİAOMİ REDMİ NOTE 11 markalı telefon almış və nəticədə 1150 (bir min yüz əlli) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2022-ci il tarixli müqaviləsinə əsasən, alqı-satqı qiyməti 711 (yeddi yüz on bir) manat (yəni 12 ay x 59.25 manat + 0 manat ilkin ödəniş) İMEİ KOD **********13480 XİAOMİ REDMİ NOTE 11 markalı telefon üçün ümumilikdə, 651 (altı yüz əlli bir) manat olmaqla ondan, 592 (beş yüz doxsan iki) manat ödənilməmiş hissə, güzəşt olunaraq 59 (əlli doqquz) manat cərimə; xx.xx.2022-ci il tarixli müqaviləsinə əsasən, alqı-satqı qiyməti 595.6 (beş yüz doxsan beş manat altmış qəpik) manat (yəni 12 ay x 41.3 manat + 100 manat ilkin ödəniş) İMEİ KOD **********32260 XİAOMİ REDMİ NOTE 11 markalı telefoünçün ümumilikdə, 499 (dörd yüz doxsan doqquz) manat olmaqla ondan, 453.6 (dörd yüz əlli üç manat altmış qəpik) manat ödənilməmiş hissə, güzəşt olunaraq 45.4 (qırx beş manat qırx qəpik) manat cərimə miqdarında borc yaranmışdır. Cavabdehin cəmi ödədiyi məbləğ 261 manat təşkil edir. Ödəniş cədvəlinin 2ci bəndinə əsasən, ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Cavabdehlə bağlanılmış xx.xx.2022-ci il, xx.xx.2022-ci il tarixli Müqavilənin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərilən xx.xx.2023-cü il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirilsə də, qarşı tərəf müqavilə ilə təsbit olunmuş öhdəlikləri icra etməmişdir. Cavabdehin iddiaçının tələbinə dair əsaslandırılmış etirazı məhkəməyə daxil olmamışdır. Məhkəmə, işin materiallarını araşdıraraq hesab edir ki, iddia tələbi əsaslı olduğundan təmin edilməlidir. Belə ki, iş materiallarından görünür ki, "xxxx" MMC ilə Cavabdeh arasında xx.xx.2022-ci il tarixli müqaviləyə əsasən, "xxxx" İMEİ KOD **********32260 XİAOMİ REDMİ NOTE 11-i; xx.xx.2022-ci il tarixli müqaviləyə əsasən, "xxxx" İMEİ KOD **********13480 XİAOMİ REDMİ NOTE 11-i müştəriyə satmış, o isə malı müqavilədə nəzərdə tutulmuş şərtlərlə qəbul etmişdir. İş materiallarında olan xx.xx.2022-ci və xx.xx.2022-ci il tarixli bildirişlərdən və əşyaların təhvil-təslim aktlarının surətindən görünür ki, XİAOMİ REDMİ NOTE Cavabdeh tam qüsursuz halda təhvil verilmişdir. İş materiallarında olan “Ödəniş cədvəlinə əlavə”nin surətindən görünür ki, ödəniş cədvəlinin 2-ci bəndinə əsasən, ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində müştəri mübahisəsiz olaraq peniya ödəyir. İş materiallarında olan “Maliyyə və ödəniş cədvəli”ndən görünür ki, Cavabdeh xx.xx.2022-ci il tarixli müqavilə üzrə İMEİ KOD **********32260 XİAOMİ REDMİ NOTE 11 üçün borcu 453,6 manat ödənilməmiş hissə, 45,4 cərimə borcu olmaqla, ümumilikdə 499 manat, xx.xx.2022-ci il tarixli müqavilə üzrə İMEİ KOD **********13480 XİAOMİ REDMİ NOTE 11 üçün borcu 592 manat ödənilməmiş hissə, 59 cərimə borcu olmaqla, ümumilikdə 651 manat, cəmi ödənilməmiş məbləğ isə 1150 manat təşkil edir. İş materiallarında olan xx.xx.2023-cü il tarixli mədaxil qəbzindən görünür ki, iddiaçı "xxxx" MMC tərəfindən 31,50 manat dövlət rüsumu ödənilmişdir. İş materiallarından görünür ki, iddiaçı "xxxx" MMC xx.xx.2023-cü il tarixdə Cavabdeh borcunu ödəməsinə dair xəbərdarlıq məktubu göndərmiş, cavabdehdən borcunu qısa bir zamanda ödəməsi xahiş olunmuşdur. Məhkəmə tərəfindən iş materialları əsasında müəyyən olunmuşdur ki, "xxxx" MMC ilə Cavabdeh arasında İMEİ KOD **********32260 XİAOMİ REDMİ NOTE 11-ə dair xx.xx.2022-ci il tarixdə, İMEİ KOD **********13480 XİAOMİ REDMİ NOTE 11-ə dair xx.xx.2022-ci il tarixdə satıcı müqavilə üzrə nəzərdə tutulmuş öhdəliyini icra edərək əşyaları alıcıya təhvil vermiş, alıcı isə ödəniş cədvəli ilə müəyyən olunmuş aylıq ödənişləri yerinə yetirməyərək müqavilənin şərtlərini pozmuşdur, hazırda cavabdehin müqavilə üzrə üzərinə düşən öhdəliyi lazımınca icra etməməklə iddiaçıya olan borcu xx.xx.2022-ci il tarixli müqavilə üzrə 592 manat ödənilməmiş hissə, 59 manat cərimə borcu olmaqla, ümumilikdə 651 manat, xx.xx.2022-ci il tarixli müqavilə üzrə 453,6 manat ödənilməmiş hissə, 45,4 manat cərimə borcu olmaqla, ümumilikdə 499 manat olmaqla hər iki müqavilə üzrə cəmi borc 1150 manat təşkil edir, iddiaçı tərəfindən cavabdehə borcunun olması və onun ödənilməli olması barədə xəbərdarlıq məktubu göndərilmişdir. Bununla belə, iddia tələbi üzrə cavabdehin müqavilə öhdəliklərinin yerinə yetirilməsini istisna edən hallar məhkəmə tərəfindən müəyyən edilmədi. Belə olan halda məhkəmə hesab edir ki, iddiaçı göstərilən müqavilənin şərtlərinin icrasını və ödənilməmiş məbləğin qaytarılmasını tələb etməkdə haqlıdır. Məhkəmə hesab edir ki, cavabdeh nisyə alqı-satqı müqaviləsini öz riski ilə bağladığından həmin müqavilə üzrə öhdəliklərə görə də məsuliyyət daşıyır. Azərbaycan Respublikasının Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə əsasən, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 465.2-ci maddəsinə əsasən, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Həmin Məcəllənin 600.1-ci maddəsinə əsasən, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-cü maddəsinə görə əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Beləliklə, məhkəmə iş üzrə təqdim edilmiş sübutları məcmu halında qiymətləndirərək hesab edir ki, iddia tələbi təmin edilməli, İMEİ KOD **********13480 XİAOMİ REDMİ NOTE 11-ə dair xx.xx.2022-ci il tarixli müqavilə üzrə 592 manat ödənilməmiş hissə, 59 manat cərimə borcu olmaqla, ümumilikdə 651 manat və İMEİ KOD **********32260 XİAOMİ REDMİ NOTE 11-ə dair xx.xx.2022-ci il tarixli müqavilə üzrə 453,6 manat ödənilməmiş hissə, 45,4 manat cərimə borcu olmaqla, ümumilikdə 499 manat olmaqla hər iki müqavilə üzrə cəmi 1150 manat borc məbləği cavabdehdən alınaraq iddiaçıya ödənilməlidir. Məhkəmə hesab edir ki, məhkəmə xərcləri iddianın təmin edilmiş hissələrinə müvafiq olaraq tərəflərə aid edilməli olduğundan, hazırkı iş üzrə iddia tələbi təmin edildiyindən, cavabdehin dövlət rüsumunu ödəməkdən azad edilməsi halları məhkəmə tərəfindən müəyyən olunmadığından, dövlət rüsumu cavabdehə aid edilməli və dövlət rüsumuna görə ödənilmiş 31,50 manat ondan alınaraq iddiaçıya ödənilməlidir. Azərbaycan Respublikasının Mülki Prosessual Məcəlləsinin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 124.1-ci maddəsinə əsasən, işə baxılması ilə əlaqədar məhkəmənin çəkdiyi xərclər və iddiaçının ödəməkdən azad edildiyi dövlət rüsumu, iddia tələblərinin təmin edilmiş hissəsinə mütənasib olaraq dövlət mədaxilinə cavabdehdən alınır. Qeyd olunanlara əsasən və Azərbaycan Respublikasının Mülki Prosessual Məcəlləsinin 284-1, 284-5, 284-6, 916,8-cı maddələrini rəhbər tutaraq, məhkəmə qət etdi: İddia tələbi təmin edilsin. Cavabdeh tərəflər arasında bağlanmış xx.xx.2022-ci il tarixli müqaviləyə əsasən İMEİ KOD **********13480 XİAOMİ REDMİ NOTE 11 markalı telefon üçün 592 manat ödənilməmiş hissə, 59 manat cərimə borcu olmaqla, ümumilikdə 651 manat və xx.xx.2022-ci il tarixli müqaviləyə əsasən İMEİ KOD **********32260 XİAOMİ REDMİ NOTE 11 markalı telefon üçün 453,6 manat ödənilməmiş hissə, 45,4 manat cərimə borcu olmaqla, ümumilikdə 499 manat olmaqla hər iki müqavilə üzrə cəmi 1150 (min yüz əlli) manat və ödənilmiş dövlət rüsumunun əvəzi qismində 31 (otuz bir) manat 50 (əlli) qəpik tutularaq "xxxx" Məhdud Məsuliyyətli Cəmiyyətinə ödənilsin. Qətnamədən, onun rəsmi qaydada verildiyi gündən 1 (bir) ay müddətində, Bakı şəhəri Xətai Rayon Məhkəməsi vasitəsi ilə Bakı Apellyasiya Məhkəməsinin Mülki Kollegiyasına apelyasiya şikayəti verilə bilər. Hakim: Şəhriyar Əliyev