Bakı Şəhəri Xətai Rayon Məhkəməsi Qətnamə — İş №e-2(011)-7320/2023

Azərbaycan Respublikası adından QƏTNAMƏ Bakı şəhəri İş № e-2(011)-7320/2023 26.10.2023 BAKI ŞƏHƏRİ XƏTAİ RAYON MƏHKƏMƏSİ Hakim Abbasova Əminə Rauf qızı, "xxxx" MMC-nin Cavabdeh qarşı borcun qaytarılması barədə kiçik iddiaya dair işə sadələşdirilmiş icraat qaydasında baxaraq, müəyyən etdim: İddiaçının tələb və dəlilləri: İddiaçı MMC Cavabdeh qarşı- xx.xx.2022-ci il tarixli müqaviləsinə əsasən, İMEİ KOD **********63010 NOKİA markalı telefon üçün 168 (bir yüz altmış səkkiz) manat ödənilməmiş hissə, 16 (on altı) manat cərimə, xx.xx.2022-ci il, tarixli müqaviləsinə əsasən, İMEİ KOD **********73929 SAMSUNG GALAXY A73 markalı telefon üçün 1262.06 (bir min iki yüz altmış iki manat altı qəpik) manat ödənilməmiş hissə, 126.94 (bir yüz iyirmi altı manat doxsan dörd qəpik) manat cərimə, xx.xx.2022-ci il tarixli müqaviləsinə əsasən, İMEİ KOD **********84405 SAMSUNG GALAXY A03 markalı telefon üçün 231.96 (iki yüz otuz bir manat doxsan altı qəpik) manat ödənilməmiş hissə, 23.04 (iyirmi üç manat dörd qəpik) manat cərimə, ümumilikdə 1828 manat borc, 38.28 manat ödənilmiş dövlət rüsumu Cavabdeh alınaraq "xxxx" ödənilməsi barədə kiçik mübahisəyə dair iddia ərizəsi ilə məhkəməyə müraciət etmişdir. Cavabdehin etirazının dəlilləri Azərbaycan Respublikası MPM-in 284-5.1-ci maddəsinə əsasən cavabdehə iddia ərizəsinin icraata qəbul edildiyinə dair bildiriş göndərilərək iddiaya qarşı əsaslandırımış etirazının olduğu halda öz dəlillərini və onları təsdiq edən sübutları məhkəməyə təqdim etmək təklif olunmuşdur. Lakin, cavabdehin iddiaya qarşı əsaslandırılmış etirazı məhkəməyə daxil olmamışdır. İşin halları "xxxx" MMC ilə Cavabdeh arasında xx.xx.2022-ci il, xx.xx.2022-ci il, xx.xx.2022-ci il tarixli müqavilələrinə əsasən, İMEİ KOD **********63010 NOKİA markalı telefon, İMEİ KOD **********73929 SAMSUNG GALAXY A73 markalı telefon, İMEİ KOD **********84405 SAMSUNG GALAXY A03 markalı telefon üçün 1828 (bir min səkkiz yüz iyirmi səkkiz) manat borc yaranmışdır. -xx.xx.2022-ci il tarixli müqaviləsinə əsasən, alqı-satqı qiyməti 336 (üç yüz otuz altı) manat (yəni 12 ay x 28 manat + 0 manat ilkin ödəniş) İMEİ KOD **********63010 NOKİA markalı telefon üçün ümumilikdə, 184 (bir yüz səksən dörd) manat olmaqla ondan, 168 (bir yüz altmış səkkiz) manat ödənilməmiş hissə, 16 (on altı) manat cərimə; -xx.xx.2022-ci il, tarixli müqaviləsinə əsasən, alqı-satqı qiyməti 1515.06 (bir min beş yüz on beş manat altı qəpik) manat (yəni 18 ay x 84.17 manat + 0 manat ilkin ödəniş) İMEİ KOD **********73929 SAMSUNG GALAXY A73 markalı telefon üçün ümumilikdə, 1389 (bir min üç yüz səksən doqquz) manat olmaqla ondan, 1262.06 (bir min iki yüz altmış iki manat altı qəpik) manat ödənilməmiş hissə, 126.94 (bir yüz iyirmi altı manat doxsan dörd qəpik) manat cərimə; -xx.xx.2022-ci il tarixli müqaviləsinə əsasən, alqı-satqı qiyməti 309.96 (üç yüz doqquz manat doxsan altı qəpik) manat (yəni 12 ay x 25.83 manat + 0 manat ilkin ödəniş) İMEİ KOD **********84405 SAMSUNG GALAXYA03 markalı telefon üçün ümumilikdə, 255 (iki yüz əlli beş) manat olmaqla ondan, 231.96 (iki yüz otuz bir manat doxsan altı qəpik) manat ödənilməmiş hissə, 23.04 (iyirmi üç manat dörd qəpik) manat cərimə miqdarında borc yaranmışdır. Cavabdehin cəmi ödədiyi məbləğ 499 manat təşkil edir. Cavabdehə xx.xx.2023-cü il tarixdə xəbərdarlıq məktubu göndərilmişdir. İddiaçı məhkəmədə iddia qaldırmaq üçün 38.28 manat məbləğində dövlət rüsumu ödəmişdir. İddia tələbinin hüquqi əsasını təşkil edən normativ-hüquqi aktlar: Azərbaycan Respublikası Mülki Məcəlləsi Maddə 600. Nisyə satılmış əşyanın ödənilməsi 600.1. Alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Maddə 385. Öhdəlik anlayışı 385.1. Öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Maddə 442. Öhdəliyin icra edilməməsi anlayışı Öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Maddə 462. Dəbbə pulu anlayışı 462.1. Dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir. Maddə 467. Məhkəmə tərəfindən dəbbə pulunun azaldılması Məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. Azərbaycan Respublikası Mülki Prosessual Məcəllləsi Maddə 119 Məhkəmə xərclərinin tərəflər arasında bölüşdürülməsi 119.1. Məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Məhkəmənin mövqeyi Sadalanan qanunvericilik aktı normalarına əsasən məhkəmə hesab edir ki, iddiaçı cavabdeh tərəfindən təhvil alınmış mal(lar)ın dəyəri üzrə ödənilməmiş əsas borcun cavabdehdən tutularaq ona ödənilməsini tələb etməkdə haqlıdır. Odur ki, iddia bu hissədə təmin edilərək, tərəflər arasında bağlanılmış alqı-satqı müqaviləsi üzrə ödənilməmiş borc cavabdehdən tutularaq iddiaçıya ödənilməlidir. Məhkəmə iddiaya hesablanmış cərimənin cavabdehdən tutularaq iddiaçıya ödənilməsi hissəsində qiymət verərək, belə qənaətə gəlir ki, iddia qeyd edilən hissədə qismən əsaslıdır və qismən təmin edilməlidir. Məhkəmə işin faktiki halları və əsas borcun məbləğini nəzərə alaraq hesab edir ki, iddiaçı tərəfindən tələb edilən cərimə məbləği əsas borc məbləğinə mütənasib olmadığından, tələb edilən cərimə məbləği azaldılmalı, xx.xx.2022-ci il tarixli müqavilə üzrə 11,76 manat, xx.xx.2022-ci il tarixli müqavilə üzrə 88,34 manat xx.xx.2022-ci il tarixli müqavilə üzrə 16,24 məbləğində cərimə cavabdehdən tutularaq iddiaçıya ödənilməlidir. Məhkəmə iddianın 38.28 manat dövlət rüsumunun cavabdehdən alınmasına dair hissəsini araşdıraraq hesab edir ki, iddianın bu hissəsi də əsaslıdır. Göstərilən qanunvericilik aktı normasına əsasən məhkəmə hesab edir ki, məhkəmə xərcləri iddianın təmin edilmiş hissələrinə müvafiq olaraq tərəflərə aid edilməli olduğundan, məhkəmə xərcinə daxil olan dövlət rüsumu cavabdehə aid edilməli və iddiaçı tərəfindən ödənilmiş dövlət rüsumu cavabdehdən alınaraq iddiaçıya ödənilməlidir. Məhkəmə iş üzrə təqdim edilmiş sübutları məcmu halında qiymətləndirərək hesab edir ki, iddia qismən əsaslıdır və iddia qismən təmin edilməlidir. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 216-220-ci maddələrini rəhbər tutaraq məhkəmə qət etdi: İddia qismən təmin edilsin. Tərəflər arasında bağlanılmış xx.xx.2022-ci il tarixli müqaviləsinə əsasən, İMEİ KOD **********63010 NOKİA markalı telefon üçün ümumilikdə, 168 (bir yüz altmış səkkiz) manat ödənilməmiş hissə, 11,76 (on bir manat yetmiş altı) manat cərimə, xx.xx.2022-ci il, tarixli müqaviləsinə əsasən, İMEİ KOD **********73929 SAMSUNG GALAXY A73 markalı telefon üçün 1262.06 (bir min iki yüz altmış iki manat altı qəpik) manat ödənilməmiş hissə, 88,34 (səksən səkkiz manat, otuz dörd qəpik) manat cərimə, xx.xx.2022-ci il tarixli müqaviləsinə əsasən, İMEİ KOD **********84405 SAMSUNG GALAXY A03 markalı telefon üçün 231.96 (iki yüz otuz bir manat doxsan altı qəpik) manat ödənilməmiş hissə, 16,24 (on altı manat, iyirmi dörd qəpik) manat cərimə, ümumilikdə 1178.36 (bir min yüz yetmiş səkkiz manat otuz altı qəpik) manat məbləğində pul vəsaiti Cavabdeh alınaraq İddiaçı MMC-yə ödənilsin. 38.28 (otuz səkkiz manat, iyirmi səkkiz qəpik) manat məbləğində dövlət rüsumu Cavabdeh alınaraq İddiaçı MMC-yə ödənilsin. Qətnamədən onun tərəflərə rəsmi qaydada təqdim edildiyi gündən 1 (bir) ay müddətində Bakı şəhəri Xətai Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, tərəflərə rəsmi qaydada təqdim edildiyi gündən1 (bir) ay keçdikdən sonra qanuni qüvvəyə minir. Sədrlik edən: Əminə Abbasova