Abşeron Rayon Məhkəməsi Qətnamə — İş №e-2(012)-2680/2022

Azərbaycan Respublikası adından QƏTNAMƏ Xırdalan şəhəri İş № e-2(012)-2680/2022 17.05.2022 ABŞERON RAYON MƏHKƏMƏSİ Hakim Kazımov Elçin Məmməd oğlunun sədrliyi, Məhkəmə iclasının katibi Abiyev Elvin Elman oğlunun katibliyi ilə, İddiaçı Bank olmayan kredit təşkilatı "xxxx" Qapalı Səhmdar Cəmiyyətinin Cavabdeh qarşı borcun tutulması tələbinə dair iddia ərizəsinə kiçik iddialara dair işlər üzrə sadələşdirilmiş icraat qaydasında Abşeron Rayon Məhkəməsinin inzibati binasında açıq məhkəmə iclasında baxaraq, MÜƏYYƏN ETDİ: İddiaçı Bank olmayan kredit təşkilatı "xxxx" Qapalı Səhmdar Cəmiyyəti Cavabdeh qarşı borcun tutulması tələbinə dair sadələşdirilmiş icraat qaydasında iddia ərizəsi ilə məhkəməyə müraciət edərək, Cavabdeh 18 iyul 2020-ci il tarixli, 360-EMB-1347-20 saylı kredit müqaviləsi üzrə 932,92 manat əsas borc, 139,94 manat cərimə borcu, 21 oktyabr 2020-ci il tarixli, 360-EMB-1923-20 saylı kredit müqaviləsi üzrə 190,08 manat əsas borc, 28,51 manat cərimə borcu və ödənilmiş 33,71 manat dövlət rüsumu olmaqla, ümumilikdə 1.325,16 manat borcun iddiaçı Bank olmayan kredit təşkilatı "xxxx" Qapalı Səhmdar Cəmiyyətinin xeyrinə tutulması barədə qətnamə qəbul edilməsini xahiş etmişdir. İddia tələbi onunla əsaslandırılmışdır ki, Cavabdeh 18 ay müddətinə qaytarmaq şərti ilə 1.700 manat məbləğində kredit verilmiş və bununla bağlı Bank olmayan kredit təşkilatı "xxxx" Qapalı Səhmdar Cəmiyyəti ilə Cavabdeh arasında 18 iyul 2020-ci il tarixli, 360- EMB-1347-20 saylı krediti müqaviləsi bağlanmışdır. Həmçinin Bank olmayan kredit təşkilatı "xxxx" Qapalı Səhmdar Cəmiyyəti tərəfindən Cavabdeh 21 oktyabr 2020-ci il tarixli, 360-EMB-1923-20 saylı kredit müqaviləsinə əsasən 12 ay müddətinə qaytarmaq şərti ilə 458 manat məbləğində kredit verilmişdir. Hal-hazırda kredit müqaviləsinin şərtlərinə əsasən Cavabdeh Bank olmayan kredit təşkilatı "xxxx" Qapalı Səhmdar Cəmiyyətinə xx.xx.2022-ci il tarixə 18 iyul 2020-ci il tarixli, 360-EMB-1347-20 saylı kredit müqaviləsi üzrə 932,92 manat əsas borcu, 139,94 manat cərimə borcu, 21 oktyabr 2020-ci il tarixli, 360-EMB-1923-20 saylı kredit müqaviləsi üzrə isə 190,08 manat faiz borcu, 28,51 manat cərimə borcu olmaqla, hər iki müqavilə üzrə ümumilikdə 1.291,45 manat təşkil edir. Borcun ödənilməsi tələbi ilə dəfələrlə müraciət olunmasına, tərəflərindən məsələnin məhkəmədən kənar qaydada həll edilməsi üçün mümkün olan bütün tədbirlərin görülməsinə baxmayaraq, Cavabdeh götürdüyü borcun qaytarılması üçün heç bir təşəbbüs göstərməmişdir. Cavabdehə 13 iyul 2021-ci il tarixli, 15922/21 saylı, 30 avqust 2021-ci il tarixli, 16280/21 saylı, 10 noyabr 2021-ci il tarixli, 17142/21 saylı və 22 noyabr 2021-ci il tarixli, 17375/21 saylı pretenziya (xəbərdarlıq) məktubları da göndərilmişdir. Göründüyü kimi cavadeh müqavilə şərtlərini pozmuş və vurduğu zərər nəticəsində Bank olmayan kredit təşkilatı "xxxx" Qapalı Səhmdar Cəmiyyətini müqavilə bağlanarkən ümid etməyə haqqı çatanlardan məhrum etmişdir. Göstərilənlərə əsasən Cavabdeh 18 iyul 2020-ci il tarixli, 360-EMB-1347-20 saylı kredit müqaviləsi üzrə 932,92 manat əsas borc, 139,94 manat cərimə borcu, 21 oktyabr 2020-ci il tarixli, 360-EMB-1923-20 saylı kredit müqaviləsi üzrə 190,08 manat əsas borc, 28,51 manat cərimə borcu və ödənilmiş 33,71 manat dövlət rüsumu olmaqla, ümumilikdə 1.325,16 manat borcun iddiaçı Bank olmayan kredit təşkilatı "xxxx" Qapalı Səhmdar Cəmiyyətinin xeyrinə tutulması barədə qətnamə qəbul edilməsi xahiş edilmişdir. Məhkəmə hazırkı iddianın qiymətinin beş min manatdan az olmasını nəzərə alaraq mülki işə sadələşdirilmiş icraat qaydasında baxılmasını mümkün hesab etmişdir. Belə ki, Azərbaycan Respublikasının Mülki Prosessual Məcəlləsinin 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə sadələşdirilmiş qaydada baxılmasına yol verilir. Həmin Məcəllənin 284-5.1-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. İş materiallarından görünür ki, iddia ərizəsi 08 aprel 2022-ci il tarixdə məhkəməyə daxil olmuş və 11 aprel 2022-ci il tarixdə məhkəmə Cavabdeh prosessual hüquq və vəzifələrinin izahı barədə rəsmi qaydada bildiriş göndərmişdir. Azərbaycan Respublikasının Mülki Prosessual Məcəlləsinin 284-5.2-ci maddəsinə görə cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, «Elektron imza və elektron sənəd haqqında» Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Məhkəmə, Cavabdeh qanunla müəyyən olunmuş qaydada prosessual hüquq və vəzifələrinin izah olunduğunu, iddiaya qarşı etirazının olmamasını və iddia tələbinin kiçik iddialar kateqoriyasına aid edilməklə yanaşı mübahisə doğurmayan tələb olduğunu nəzərə alaraq hesab edir ki, mülki işin iddia icraatına keçirilməklə iş üzrə əlavə araşdırma aparılmasına, ekspertiza təyin olunmasına və ya tərəflərin məhkəməyə çağırılmaqla dinlənilmələrinə lüzum yoxdur, mülki işin prosessual vəziyyəti işə sadələşdirilmiş icraat qaydasında baxılmasına mane olmur. Azərbaycan Respublikasının Mülki Prosessual Məcəlləsinin 284-5.3-cü maddəsinə əsasən kiçik iddialar üzrə ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın təmin və ya qismən təmin və ya rədd edilməsi haqqında qətnamə qəbul edilir. Məhkəmə iddiaçının təqdim etdiyi sənədləri tədqiq edərək toplanmış sübutlara Azərbaycan Respublikasının Mülki Prosessual Məcəlləsinin 88-ci maddəsinə əsasən məcmusu halında qiymət verərək hesab edir ki, iddia tələbi qismən təmin olunmalıdır. Məhkəmə gəldiyi nəticəni aşağıda qeyd olunanlarla əsaslandırır. Azərbaycan Respublikası Konstitusiyasının 60-cı maddəsinin birinci hissəsinə görə hər kəsin hüquq və azadlıqlarının məhkəmədə müdafiəsinə təminat verilir. Azərbaycan Respublikasının Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77-ci maddəsinin tələblərinə görə hər bir tərəf öz tələblərinin və etirazlarının əsası kimi istinad etdikləri halları sübut etməlidir. Həmin Məcəllənin 88-ci maddəsinə əsasən məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Həmin Məcəllənin 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. İş materiallarında olan və məhkəmə baxışında tədqiq olunmuş: Bank olmayan kredit təşkilatı "xxxx" Qapalı Səhmdar Cəmiyyəti ilə Cavabdeh arasında bağlanmış 18 iyul 2020-ci il tarixli, 360-EMB-1347-20 saylı müqavilədən görünür ki, borcalan Cavabdeh borcverən Bank olmayan kredit təşkilatı "xxxx" Qapalı Səhmdar Cəmiyyətindən istehlak məqsədilə 18 ay müddətinə 1.700 manat məbləğində kredit götürmüşdür. 18 iyul 2020-ci il tarixli, 360-EMB-1347-20 saylı kredit müqaviləsinə 1 saylı əlavə olan ödəniş cədvəlindən aydın olur ki, borcalan Cavabdeh 1.700 manat məbləğində əsas borcu hər ay 94 manat olmaqla, 18 yanvar 2022-ci il tarixədək borcverən Bank olmayan kredit təşkilatı "xxxx" Qapalı Səhmdar Cəmiyyətinə ödəməyi öhdəsinə götürmüşdür. Bank olmayan kredit təşkilatı "xxxx" Qapalı Səhmdar Cəmiyyəti tərəfindən verilmiş 17 fevral 2022-ci il tarixli, MA-0024480-22 nömrəli maliyyə arayışından görünür ki, Cavabdeh 18 iyul 2020-ci il tarixli, 360-EMB-1347-20 saylı müqavilə üzrə 17 fevral 2022-ci il tarixə Bank olmayan kredit təşkilatı "xxxx" Qapalı Səhmdar Cəmiyyətinə olan əsas borcu 932,92 manat, cərimə borcu 139,94 manat, ümumi borcu 1.072,86 manat təşkil edir. xx.xx.2021-ci il tarixli, 16280/21 saylı və xx.xx.2021-ci il tarixli, 17375/21 saylı son xəbərdarlıqlardan görünür ki, Cavabdeh 18 iyul 2020-ci il tarixli, 360-EMB-1347-20 saylı müqavilə üzrə Bank olmayan kredit təşkilatı "xxxx" Qapalı Səhmdar Cəmiyyətinə olan borcunu 5 gün ərzində ödəməsi, əks təqdirdə məhkəməyə müraciət ediləcəyi barədə xəbərdarlıq edilmişdir. Bank olmayan kredit təşkilatı "xxxx" Qapalı Səhmdar Cəmiyyəti ilə Cavabdeh arasında bağlanmış 21 oktyabr 2020-ci il tarixli, 360-EMB-1923-20 saylı müqavilədən görünür ki, borcalan Cavabdeh borcverən Bank olmayan kredit təşkilatı "xxxx" Qapalı Səhmdar Cəmiyyətindən istehlak məqsədilə 12 ay müddətinə 458 manat məbləğində kredit götürmüşdür. 21 oktyabr 2020-ci il tarixli, 360-EMB-1923-20 saylı kredit müqaviləsinə 1 saylı əlavə olan ödəniş cədvəlindən aydın olur ki, borcalan Cavabdeh 458 manat məbləğində əsas borcu hər ay 38 manat olmaqla, 21 oktyabr 2021-ci il tarixədək borcverən Bank olmayan kredit təşkilatı "xxxx" Qapalı Səhmdar Cəmiyyətinə ödəməyi öhdəsinə götürmüşdür. Bank olmayan kredit təşkilatı "xxxx" Qapalı Səhmdar Cəmiyyəti tərəfindən verilmiş 17 fevral 2022-ci il tarixli, MA-0024479-22 nömrəli maliyyə arayışından görünür ki, Cavabdeh 21 oktyabr 2020-ci il tarixli, 360-EMB-1923-20 saylı müqavilə üzrə 17 fevral 2022-ci il tarixə Bank olmayan kredit təşkilatı "xxxx" Qapalı Səhmdar Cəmiyyətinə olan əsas borcu 190,08 manat, cərimə borcu 28,51 manat, ümumi borcu 218,59 manat təşkil edir. xx.xx.2021-ci il tarixli, 16800/21 saylı və xx.xx.2021-ci il tarixli, 17142/21 saylı son xəbərdarlıqlardan görünür ki, Cavabdeh 21 oktyabr 2020-ci il tarixli, 360-EMB-1923-20 saylı müqavilə üzrə Bank olmayan kredit təşkilatı "xxxx" Qapalı Səhmdar Cəmiyyətinə olan borcunu 5 gün ərzində ödəməsi, əks təqdirdə məhkəməyə müraciət ediləcəyi barədə xəbərdarlıq edilmişdir. Azərbaycan Respublikası Mülki Məcəlləsinin 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 425.1-ci maddəsinə görə öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir. Həmin Məcəllənin 427.3-cü maddəsinə görə əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. Həmin Məcəllənin 442-ci maddəsinə görə öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 443.1-ci maddəsinə görə öhdəliyini icra etməyən borclu kreditora dəymiş zərərin əvəzini ödəməyə borcludur. Borclunun üzərinə öhdəliyi pozmağa görə məsuliyyət qoyulmadıqda bu qayda qüvvədə olmur. Həmin Məcəllənin 445.1-ci maddəsinə görə icranı gecikdirmiş borclu gecikdirmə nəticəsində vurduğu zərər üçün və gecikdirmə zamanı təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır. Həmin Məcəllənin 448.1-ci maddəsinə görə əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehlərdir. Həmin Məcəllənin 465.2-ci maddəsinə əsasən əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Həmin Məcəllənin 462.1-ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Həmin Məcəllənin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Məhkəmə baxışında tədqiq olunmuş sübutlar əsasında müəyyən edilmişdir ki, iddiaçı Bank olmayan kredit təşkilatı "xxxx" Qapalı Səhmdar Cəmiyyəti ilə Cavabdeh arasında 18 iyul 2020-ci il və 21 oktyabr 2020-ci tarixli müqavilələr bağlanmasına baxmayaraq, cavabdeh müqavilələr ilə üzərinə düşən öhdəliyi lazımi qaydada yerinə yetirməmiş, nəticədə onun 18 iyul 2020-ci il tarixli müqavilə üzrə 932,92 manat əsas və 139,94 manat cərimə borcu, 21 oktyabr 2020-ci il tarixli müqavilə üzrə 190,08 manat əsas və 28,51 manat cərimə borcu yaranmışdır. Məhkəmə iddia tələbinin cərimə borcunun ödənilməsi hissəsi ilə əlaqədar qeyd edir ki, cərimənin miqdarı tənasübsüz sürətdə yüksək kimi qiymətləndirilməli, 18 iyul 2020-ci il tarixli müqavilə üzrə hesablanmış 139,94 manat cərimənin məbləği azaldılmalı, 13 manat müəyyən edilməli, 21 oktyabr 2020-ci il tarixli müqavilə üzrə hesablanmış 28,51 manat cərimənin məbləği azaldılmalı, 2 manat müəyyən edilməlidir. Beləliklə, məhkəmə iş üzrə toplanmış sübutlara qiymət verərək hesab edir ki, iddia qismən təmin edilməli, Cavabdeh 18 iyul 2020-ci il tarixli, 360-EMB-1347-20 saylı müqavilə üzrə 932,92 manat əsas borc, 13 manat cərimə borcu, 21 oktyabr 2020-ci il tarixli, 360-EMB-1923-20 saylı müqavilə üzrə 190,08 manat əsas borc, 2 manat cərimə borcu olmaqla, ümumilikdə 1.138 manat məbləğində pul vəsaiti tutulub iddiaçı Bank olmayan kredit təşkilatı "xxxx" Qapalı Səhmdar Cəmiyyətinin xeyrinə ödənilməli, iddia digər hissədə təmin edilməməlidir. Azərbaycan Respublikasının Mülki Prosessual Məcəlləsinin 107-ci maddəsində göstərilir ki, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Həmin Məcəllənin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Bu baxımdan məhkəmə hesab edir ki, iddiaçı tərəfindən dövlət rüsumu üçün ödənilmiş 33,71 manat məbləğində pul vəsaitinin əvəzi cavabdehdən tutulub iddiaçıya verilməlidir. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220, 222, 227, 233, 284-1 - 284-6, 358, 360 və 362-ci maddələrini rəhbər tutaraq, məhkəmə QƏT ETDİ: İddia qismən təmin edilsin. Cavabdeh 18 iyul 2020-ci il tarixli, 360-EMB-1347-20 saylı müqavilə üzrə 932,92 (doqquz yüz otuz iki manat, doxsan iki qəpik) manat əsas borc, 13 (on üç) manat cərimə borcu, 21 oktyabr 2020-ci il tarixli, 360-EMB-1923-20 saylı müqavilə üzrə 190,08 (bir yüz doxsan manat, səkkiz qəpik) manat əsas borc, 2 (iki) manat cərimə borcu və ödənilmiş 33,71 (otuz üç manat, yetmiş bir qəpik) manat məbləğində dövlət rüsumu olmaqla, ümumilikdə 1.171,71 (bir min yüz yetmiş bir manat, yetmiş bir qəpik) manat məbləğində pul vəsaiti tutulub Bank olmayan kredit təşkilatı "xxxx" Qapalı Səhmdar Cəmiyyətinin xeyrinə ödənilsin. İddia digər hissədə təmin edilməsin. Qətnamə rəsmi qaydada verildikdən sonra 1 (bir) ay müddətində Abşeron Rayon Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. Qətnamədən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Sədrlik edən: E.Kazımov