Abşeron Rayon Məhkəməsi Qərardad — İş №e-2(012)-3460/2022

Azərbaycan Respublikası adından QƏRARDAD Xırdalan şəhəri İş № e-2(012)-3460/2022 07.07.2022 ABŞERON RAYON MƏHKƏMƏSİ Hakim Əhmədov Habil Yunis oğlunun sədrliyi, Məsləhətçi (məhkəmə iclas katibi) Kiçibəyov Fərid Faiq oğlunun katibliyi ilə, Cavabdeh iştirakı ilə, İddiaçı Bakı şəhəri Binəqədi rayonunun Binəqədi Bələdiyyəsinin Cavabdeh qarşı borcun tutulması tələbinə dair iddia ərizəsi üzrə mülki işə açıq məhkəmə hazırlıq iclasında baxaraq, məhkəmə MÜƏYYƏN ETDİ: İddiaçı Bakı şəhəri Binəqədi rayonunun Binəqədi Bələdiyyəsi Cavabdeh qarşı borcun tutulması tələbinə dair iddia ərizəsi ilə Abşeron Rаyоn Məhkəməsinə müraciət edərək, Cavabdeh 1460 manat borcun tutulması barədə qətnamə qəbul edilməsini xahiş etmişdir. İddiaçı Bakı şəhəri Binəqədi rayonunun Binəqədi Bələdiyyəsi ərizə ilə məhkəməyə müraciət edərək, işin gedişatı zamanı həmin torpaq sahəsinin başqa şəxsin mülkiyyətində olması müəyyən edildiyindən ərizənin geri qaytarılmaqla işin baxılmamış saxlanılması məhkəmədən xahiş olunmuşdur. Məhkəmə iclasında iştirak etmiş Cavabdeh ərizənin təmin olunmasına etiraz etmədiyini bildirmişdir. İddiaçı Bakı şəhəri Binəqədi rayonunun Binəqədi Bələdiyyəsi məhkəmə iclasının yeri və vaxtı barədə məlumat verilsə də iddiaçı məhkəmə iclasında nümayəndəsinin iştirakını təmin etməmiş, məhkəmə, Azərbaycan Respublikası Mülki Prosessual Məcəlləsinin (bundan sonra mətndə Mülki Prosessual Məcəllə adlanacaq) 185.5. maddəsinə əsasən işə iddiaçının nümayəndəsinin iştirakı olmadan baxılmasını mümkün hesab etmişdir. Məhkəmə, cavabdehin izahatını dinləyib, iddiaçının ərizəsini və mülki işin materiallarını nəzərdən keçirərək hesab edir ki, iddia ərizəsi və ona əlavə olunmuş sənədlər iddiaçıya qaytarılmalıdır. Belə ki, Mülki Prosessual Məcəllənin 170.1. maddəsinə əsasən, işin məhkəmə baxışına hazırlanması zamanı iddiaçının vəsatəti ilə ərizə qaytarıla bilər. Yuxarıda göstərilənlərə əsasən və Mülki Prosessual Məcəllənin 170.3, 263, 264 və 268-ci maddələrini rəhbər tutaraq, məhkəmə QƏRARA ALDİ: İddiaçı Bakı şəhəri Binəqədi rayonunun Binəqədi Bələdiyyəsinin Cavabdeh qarşı borcun tutulması tələbinə dair iddia ərizəsi və ona əlavə olunmuş sənədlər iddiaçıya qaytarılsın. Qərardaddan 10 (on) gün müddətində Abşeron Rayon Məhkəməsinə şikayət verilə bilər. Hakim: Habil Əhmədov