Ağdam Rayon Məhkəməsi Qətnamə — İş №e-2(013)-796/2024

Azərbaycan Respublikası adından QƏTNAMƏ Ağdam rayonu İş № e-2(013)-796/2024 25.04.2024 AĞDAM RAYON MƏHKƏMƏSİ Ağdam Rayon Məhkəməsinin hakimi Məmmədov Rafiq Rəşid oğlunun sədrliyi, məhkəmə iclasının katibi İsmayılov Tural Fəxrəddin oğlunun katibliyi ilə, İddiaçı "xxxx" Açıq Səhmdar Cəmiyyətinin Cavabdeh qarşı kredit müqaviləsi üzrə borcun tutulması tələbinə dair iddia ərizəsi üzrə mülki işə məhkəmənin binasında, açıq məhkəmə iclasında baxaraq m ü ə y y ə n e t d i: İddiaçı "xxxx" Açıq Səhmdar Cəmiyyəti (bundan sonra - "xxxx" ASC) Cavabdeh qarşı iddia ərizəsi ilə məhkəməyə müraciət edərək, cavabdehdən iddiaçının xeyrinə xx.xx.2021-ci il tarixli, BPM**********91 nömrəli Kredit və tam kart müqaviləsi üzrə 29 noyabr 2023-cü il tarixə kart krediti üzrə 189.81 manat əsas, 43.48 manat faiz borcu olmaqla, cəmi 233.29 manat, nəgd krediti üzrə 4160.39 manat əsas, faiz borcu üzrə 665.79 manat, cəmi 4826.18 manat olmaqla, ümumilikdə hər iki müqavilə üzrə cəmi 5059.47 manat kredit borcunun və iddia ərizəsi üçün ödənilmiş 70.59 manat dövlət rüsumu, habelə 0,40 manat xidmət haqqının tutulması barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, "xxxx" ASC-nin Şəki filialı ilə Cavabdeh arasında bağlanmış xx.xx.2021-ci il tarixli, BPM**********91 nömrəli Tam kart və Çərçivə müqaviləsinə əsasən bank tərəfindən cavabdehə illik 24 % dərəcəsi ilə, 36 ay müddətinə 300 manat məbləğində kart, 48 ay müddətinə, illik 20% dərəcəsi ilə, 5300 manat məbləğində nəğd kredit vəsaitinin verildiyini, buna müvafiq olaraq, tərəflər arasında tərtib edilmiş “ödəniş cədvəli”nə əsasən, kreditin və kredit faizlərinin birgə borcalan tərəfindən banka qaytarılmasının müddətlərinin və qaydasının müəyyən edildiyini, cavabdeh tərəfindən qeyd edilən kredit müqaviləsinin şərtlərinə uyğun olaraq kredit müqaviləsi üzrə verilmiş vəsaitin və ona hesablanmış faizlərin tam və vaxtında ödənilməməsini, həmçinin kredit müqaviləsinin şərtlərindən biri də gecikdirilmiş borc nəticəsində cərimə borcunun hesablanmasının, mübaisənin məhkəmədən kənar həlli üçün iddiaçı səy göstərsə də cavabdehin öz öhdəliklərini bu günədək yerinə yetirməməsi göstərilmişdir. İddia ərizəsi icraata qəbul edilərək, qanuna müvafiq prosessual hərəkətlər edilmiş, məhkəmə iclasının vaxtı və yeri müəyyən edilmişdir. İddiaçı "xxxx" ASC-dən məhkəməyə elektron ərizə daxil olmuş və iddiaçı tərəf ərizəsində, iddia tələbini müdafiə edərək, məhkəmə baxışı iclasında üzürlü səbəblərdən iştirak edə bilməyəcəklərini, mülki üşə onların iştirakı olmadan baxılmasını və müvafiq qətnamənin qəbul edilməsini məhkəmədən xahiş etmişdir. Məhkəmə baxışı iclasının vaxtı və yeri barədə qanunla müəyyən edilmiş qaydada xəbərdar edilmələrinə baxmayaraq, mərhum cavabdeh X1 vərəsəsi X2 məhkəmə iclasına gəlməmiş və gəlməmələrinin səbəbi barədə məhkəməyə məlumat verməmişlər. Cavabdehin məhkəmə iclasına gəlməmələrinin səbəbi haqqında məlumat olmadığına görə məhkəmə Azərbaycan Respublikası MPM-nin 185.5-ci maddəsinə əsasən işə onun iştirakı olmadan baxılmasını mümkün hesab etdi. Məhkəmə iş materiallarını araşdıraraq, belə qənaətə gəlir ki, iddia təmin edilməlidir. Belə ki, iş materiallarında olan "xxxx" ASC ilə Cavabdeh arasında bağlanmış xx.xx.2021-ci il tarixli, BPM**********91 nömrəli Tam kart və Çərçivə kredit müqaviləsindən görünür ki, illik illik 24 % dərəcəsi ilə, 36 ay müddətinə 300 (üç yüz) manat məbləğində pul vəsaiti kart vasitəsilə, illik 20% dərəcəsi ilə, 5300 (beş min üç yüz) manat məbləğində kredit 48 ay müddətinə ödəmək şərti ilə borcluya verilmişdir. İş materiallarında olan "xxxx" ASC tərəfindən verilmiş maliyyə arayışlarından görünür ki, Cavabdeh xx.xx.2023-cü il tarixə, kredit müqaviləsi üzrə ödənilməmiş 4160.39 manat əsas kredit borcu, 665.79 manat faiz borcu, cəmi borcu isə 4826.18 manat təşkil edir. İş materiallarında olan "xxxx" ASC tərəfindən verilmiş maliyyə arayışlarından görünür ki, Cavabdeh xx.xx.2023-cü il tarixə, kredit xətt müqaviləsi üzrə ödənilməmiş 189.81 manat əsas kredit borcu, 43.48 manat faiz borcu, cəmi borcu isə 233.29 manat təşkil edir. İş materiallarında olan "xxxx" ASC-nin №PKİD/0947 nömrəli, xx.xx.2023-cü il tarixli xəbərdarlıq məktubundan görünür ki, pretenziya qaydasında Cavabdeh borcun ödənilməsi barədə xəbərdarlıq edilmişdir. Azərbaycan Respublikası Mülki Məcəllənin (bundan sonra- Mülki Məcəllə) 385.1-ci maddəsindən aydın olur ki, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, kreditorun isə borcludan vəzifəsinin icrasını tələb etmək hüququ vardır. Mülki Məcəllənin 425.1-ci maddəsinə müvafiq olaraq öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir. Mülki Məcəllənin 442-ci maddəsinə əsasən öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Mülki Məcəllənin 739.1.-ci maddəsinin tələbinə əsasən, borc müqaviləsinə görə, iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Mülki Məcəllənin 739.2-ci maddəsinə görə borc müqaviləsinin predmeti hər hansı pul məbləği olduqda, o, kredit müqaviləsi adlandırılır. Azərbaycan Respublikası MPM-nin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikası MPM-nin 77.1-ci maddəsində göstərilir ki, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Azərbaycan Respublikası MPM-nin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Qanunvericiliyin yuxarıda göstərilən tələblərinə əsasən məhkəmə iş üzrə toplanmış sübutlara hüquqi qiymət verərək belə nəticəyə gəlir ki, iddia təmin edilməli, xx.xx.2021-ci il tarixli, BPM**********91 nömrəli Tam kart və Çərçivə kredit müqaviləsi üzrə 189.81 manat əsas kredit borcu, 43.48 manat faiz borcu, cəmi borcu isə 233.29 manat, 4160.39 manat əsas kredit borcu və 665.79 manat faiz borcu, cəmi 4826.18 manat məbləğində pul vəsaiti Cavabdeh tutularaq iddiaçı "xxxx" ASC-nin xeyrinə ödənilməlidir. Azərbaycan Respublikası MPM-nin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Belə olan halda iddiaçı tərəfindən ödənilmiş 70.59 manat dövlət rüsumu, habelə 0,40 manat xidmət haqqı cavabdehə aid edilməlidir. Göstərilənlərə əsasən və Azərbaycan Respublikası MPM-nin 216-220, 227 və 360-cı maddələrini rəhbər tutaraq, məhkəmə Q Ə T E T D İ: İddia təmin edilsin. Cavabdeh xx.xx.2021-ci il tarixli, BPM**********91 nömrəli Tam kart və Çərçivə kredit müqaviləsi üzrə 189.81 manat əsas kredit borcu, 43.48 manat faiz borcu, cəmi borcu isə 233.29 manat 4160.39 manat əsas kredit borcu və 665.79 manat faiz borcu, cəmi 4826.18 manat olmaqla, ümumilikdə 5059.47 (beş min əlli doqquz manat qırx yeddi qəpik) manat məbləğlində pul vəsaiti və ödənilmiş 70.59 (yetmiş manat əlli doqquz qəpik) manat dövlət rüsumu, habelə 0,40 (qırx qəpik) manat xidmət haqqı tutularaq iddiaçı "xxxx" ASC-nin xeyrinə ödənilsin. Qətnamədən surəti rəsmi qaydada tərəflərə verildiyi gündən 01 (bir) ay müddətində Ağdam Rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti verilə bilər. Hakim: Rafiq Məmmədov