Ağdaş Rayon Məhkəməsi Qərardad — İş №e-2(014)-2010/2025

Azərbaycan Respublikası adından QƏRARDAD Ağdaş rayonu İş № e-2(014)-2010/2025 09.10.2025 AĞDAŞ RAYON MƏHKƏMƏSİ Hakim Ələkbərova Fidan Vaqif qızı, İddiaçı BOKT Məhdud Məhdud Cəmiyyətinin Cavabdeh1, Cavabdeh2 qarşı “pul tələbi”nə dair iddia ərizəsini və ona əlavə olunmuş sənədləri məhkəmənin inzibati binasında nəzərdən keçirərək, MÜƏYYƏN ETDİ: İddiaçı BOKT Məhdud Məhdud Cəmiyyəti Cavabdeh1, Cavabdeh2 qarşı xx.xx.2019-cu il tarixli kredit müqaviləsinə əsasən 1849,98 manat əsas borc, 1,86 manat faiz borcu, cəmi 1851,84 manat borc, 39 manat ödənilmiş dövlət rüsumu məbləğində pul vəsaitinin cavabdehdən iddiaçının xeyrinə tutulmasına dair sadələşmiş icraat qaydasında ərizə ilə məhkəməyə müraciət etmişdir. İddia ərizəsini və ona əlavə olunmuş sənədləri tədqiq edərək, məhkəmə hesab edir ki, aşağıda göstərilənlərə əsasən iddia ərizəsinin qəbul olunmasından imtina edilməlidir. Belə ki, iddia tələbinin əsası qismində cavabdehin vaxtı keçmiş kredit borcunun qalıq məbləğinin ödəməsi məqsədilə bağladığı xx.xx.2019-cu il tarixli, 15/0719-035 saylı kredit (restrukturizasiya) müqaviləsinə istinad edilsə də iddia ərizəsinə ilkin kredit müqaviləsinin surəti, eləcə də xx.xx.2019-cu il tarixli, 15/0719-035 saylı kredit müqaviləsi ilə nəzərdə tutulan məbləğin əsas borclu Cavabdeh1 təqdim olunmasını (kassa məxaric orderini, pul vəsaitinin hesaba köçürülməsini təsdiq edən hesabdan çıxarışları, bank kartının təqdim olunmasına dair qəbzi və s.) təsdiq edən sübutlar əlavə olunmamışdır. Azərbaycan Respublikası Mülki Prosessual Məcəlləsinin 284-4.1.3-cü maddəsinə görə verilmiş tələbi təsdiq edən sənədlər təqdim olunmamışdırsa, məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından imtina edir. Həmin Məcəlllənin 284-4.2-ci maddəsinə görə bu Məcəllənin 284-4.1-ci maddəsində nəzərdə tutulmuş hallarda məhkəmə ərizənin daxil olduğun gündən 5 iş günü müddətində onun qəbul edilməsindən imtina haqqında əsaslandırılmış qərardad çıxarır. Məhkəmə bu müddət ərzində ərizəni qəbul etməkdən imtina etməyibsə, o qəbul edilmiş sayılır. Ərizəni qəbul etməkdən imtina barədə qərardaddan şikayət verilə bilməz. Azərbaycan Respublikası Mülki Prosessual Məcəlləsinin 284-4.3-cü maddəsinə görə ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Bu halda iddiaçı tərəfindən ödənilmiş dövlət rüsumu ödənilməli olan dövlət rüsumuna hesablanır. Həmin Məcəllənin 114.1.2-ci maddəsinə görə bu Məcəllə ilə nəzərdə tutulmuş əsaslarla ərizəni baxılmaq üçün qəbul etməkdən imtina edilərsə, ödənilmiş dövlət rüsumu qaytarılır. Göstərilən maddənin tələbinə uyğun olaraq məhkəmə hesab edir ki, İddiaçı BOKT Məhdud Məhdud Cəmiyyəti tərəfindən ödənilmiş cəmi 39 manat məbləğində dövlət rüsumu (2 qəbz, ödənilmə tarixi: xx.xx.2025, qəbz nömrəsi: 74698156 və ödənilmə tarixi: xx.xx.2025, qəbz nömrəsi: **********) dövlət büdcəsindən Asel Kredit” BOKT Məhdud Məhdud Cəmiyyətinə qaytarılmalıdır. Yuxarıda göstərilənlərə əsasən və Azərbaycan Respublikası MPM-nin 263, 264, 267 və 268-ci maddələrini rəhbər tutaraq, QƏRARA ALDİ: İddiaçı BOKT Məhdud Məsuliyyətli Cəmiyyətinin Cavabdeh1, Cavabdeh2 qarşı «pul» tələbinə dair ərizəsinin icraata qəbul edilməsindən imtina edilsin. Ödənilmiş cəmi 39 (otuz doqquz) manat məbləğində dövlət rüsumu (2 qəbz, ödənilmə tarixi: xx.xx.2025, qəbz nömrəsi: 74698156 və ödənilmə tarixi: xx.xx.2025, qəbz nömrəsi: **********) dövlət büdcəsindən İddiaçı BOKT Məhdud Məsuliyyətli Cəmiyyətinə qaytarılsın. Qərardaddan şikayət verilə bilməz. Hakim Fidan Ələkbərova