Astara Rayon Məhkəməsi Qətnamə — İş №e-2(018)-1064/2023

Azərbaycan Respublikası adından QƏTNAMƏ Astara rayonu İş № e-2(018)-1064/2023 07.08.2023 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi, hakim köməkçisi Mirzəzadə Ofeliya Cavad oğlunın katibliyi ilə, İddiaçı ASC-nin Cavabdeh qarşı «Borc tələbinə dair» kiçik iddiası üzrə mülki işə sadələşdirilmiş icraat qaydasında Astara Rayon Məhkəməsinin binasında baxaraq, məhkəmə MÜƏYYƏN ETDİ: İddiaçı ASC-nin nümayəndəsi Nümayəndə Cavabdeh qarşı «Borc tələbinə dair» iddia verərək, Cavabdeh İddiaçı ASC-nin xeyrinə 1820 (bir min səkkiz yüz iyirmi) manat, 19 (on doqquz) qəpik əsas kredit borcu, 15 (on beş) manat, 20 (iyirmi) qəpik kreditdən istifadəyə görə faiz borcu olmaqla, cəmi 1835 (bir min səkkiz yüz otuz beş) manat, 39 (otuz doqquz) qəpik borcu və 38 (otuz səkkiz) manat, 36 (otuz altı) qəpik ödənilmiş dövlət rüsumunun ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, İddiaçı ASC ilə cavabdeh arasında bağlanmış 26 avqust 2019-cu il tarixli, Rest№012CASA193280010 saylı güzəştli kredit müqaviləsinə əsasən cavabdehə 12 ay güzəşt müddəti olmaqla, 60 ay müddətinə illik 1% dərəcəsi ilə 1850 (bir min səkkiz əlli) manat, 19 (on doqquz) qəpik məbləğində kredit verilmişdir. Lakin, cavabdeh müqavilə şərtlərini pozaraq dövri olaraq ödəməli olduğu kreditinin ödənilməsinə dair öhdəliyi vaxtında və lazımi qaydada icra etməmişdir. Nəticədə cavabdehin 20 iyun 2023-cü il tarixinə İddiaçı ASC-nə 1820 (bir min səkkiz yüz iyirmi) manat, 19 (on doqquz) qəpik əsas kredit borcu, 15 (on beş) manat, 20 (iyirmi) qəpik kreditdən istifadəyə görə faiz borcu olmaqla, cəmi 1835 (bir min səkkiz yüz otuz beş) manat, 39 (otuz doqquz) qəpik borcu yaranmışdır. Cavabdehə dəfələrlə şifahi və yazılı müraciət edilməsinə baxmayaraq o, müqavilədən irəli gələn öhdəliklərini icra etməmişdir. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi təmin olunmalıdır. Mülki işin materiallarına əlavə edilmiş ödəniş tapşırığından görünür ki, İddiaçı ASCnin adından məhkəməyə müraciət edilməsi üçün dövlət büdcəsinə 38 (otuz səkkiz) manat, 36 (otuz altı) qəpik dövlət rüsumu ödənilmişdir. İş materiallarına əlavə olunmuş 26 avqust 2019-cu il tarixli, Rest№012CASA193280010 saylı güzəştli kredit müqaviləsindən görünür ki, Cavabdeh 12 ay güzəşt müdddəti olmaqla, 60 ay müddətinə illik 1% dərəcəsi ilə 1850 (bir min səkkiz əlli) manat, 19 (on doqquz) qəpik məbləğində kredit verilmişdir. İş materiallarına əlavə olunmuş 20 iyun 2023-cü il tarixli arayışından görünür ki, Cavabdehnın 24 dekabr 2019-cu il tarixli kredit müqaviləsi üzrə 1820 (bir min səkkiz yüz iyirmi) manat, 19 (on doqquz) qəpik əsas kredit borcu, 15 (on beş) manat, 20 (iyirmi)qəpik kreditdən istifadəyə görə faiz borcu olmaqla, cəmi 1835 (bir min səkkiz yüz otuz beş) manat, 39 (otuz doqquz) qəpik borcu vardır. İş materiallarına əlavə olunmuş №455 saylı pretenziyadan görünür ki, İddiaçı KB ASC ilə cavabdeh arasında bağlanmış 26 avqust 2019-cu il tarixli, Rest№012CASA193280010 saylı kredit müqaviləsinə əsasən cavabdehin üzərinə götürdüyü öhdəlikəri yerinə yetirmədiyi üçün sonuncunun Banka borcu yarandığı barədə bildirilmişdir. Azərbaycan Respublikası Mülki Məcəlləsinin (MM-in) 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. İş üzrə tərəfin təqdim etdiyi sənədlər yekun qərarın çıxarılması üçün kifayət etdiyi üçün məhkəmə hesab edir ki, iddia təmin olunmalı, tərəflər arasında bağlanmış müqaviləyə əsasən həmin borc cavabdehdən alınaraq iddiaçıya ödənilməlidir. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən və ya rədd edilməsi haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 38 (otuz səkkiz) manat, 36 (otuz altı) qəpik dövlət rüsumu da onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, məhkəmə QƏT ETDİ: İddia təmin edilsin. Cavabdeh 26 avqust 2019-cu il tarixli, Rest№012CASA193280010 saylı güzəştli kredit müqaviləsi üzrə 1820 (bir min səkkiz yüz iyirmi) manat, 19 (on doqquz) qəpik əsas kredit borcu, 15 (on beş) manat, 20 (iyirmi) qəpik kreditdən istifadəyə görə faiz borcu olmaqla, cəmi 1835 (bir min səkkiz yüz otuz beş) manat, 39 (otuz doqquz) qəpik borcu və 38 (otuz səkkiz) manat, 36 (otuz altı) qəpik ödənilmiş dövlət rüsumu alınıb İddiaçı ASC-nin xeyrinə ödənilsin. Qətnamə rəsmi qaydada verildikdən sonra 1 (bir) ay müddətində Astara Rayon Məhkəməsi vasitəsilə Şirvan Apelyasiya Məhkəməsinə apelyasiya şikayəti verilə bilər. Məhkəmə qətnaməsindən apelyasiya şikayəti verilməmişdirsə, qəbul edildiyi gündən 1 ay keçdikdən sonra qanuni qüvvəyə minir. Qətnamə qanuni qüvvəyə mindikdən sonra icra edilir. Hakim: Mübariz Məmmədov