Astara Rayon Məhkəməsi Qətnamə — İş №e-2(018)-211/2025

Azərbaycan Respublikası adından QƏTNAMƏ Astara rayonu İş № e-2(018)-211/2025 18.02.2025 ASTARA RAYON MƏHKƏMƏSİ X2 Aslan oğlunun sədrliyi, Qafarov Elvin Namik oğlunun katibliyi ilə, İddiaçı ASC-nin Cavabdeh qarşı kredit üzrə borc tələbinə dair iddiası üzrə mülki işə açıq məhkəmə iclasında baxaraq, məhkəmə Müəyyən etdi: İddiaçı ASC iddia ərizəsi ilə məhkəməyə müraciət edərək, Cavabdeh İddiaçı ASC-nin xeyrinə 14675 (on dörd min altı yüz yetmiş beş) manat 22 (iyirmi iki) qəpik əsas, 1169 (min yüz altmış doqquz) manat 35 (otuz beş) qəpik faiz, cəmi 15844 (on beş min səkkiz yüz qırx dörd) manat 57 (əlli yeddi) qəpik məbləğində vəsaitin və ödənilmiş 137 (yüz otuz yeddi) manat 53 (əlli üç) qəpik dövlət rüsumunun tutulması barədə qətnamə çıxarılmasını xahiş etmişdir. İddiaçı ASC-nin nümayəndəsi Nümayəndə Vaqif qızı elektron qaydada ərizə ilə məhkəməyə müraciət edərək, işə iştirakları olmadan baxmağı və iddialarının tam təmin olunması barədə qətnamə çıxarmağı məhkəmədən xahiş etmişdir. İddiaçı ASC iddia ərizəsini onunla əsaslandırmışdır ki, İddiaçı ASC ilə Cavabdeh arasında bağlanmış xx/xx/2024-cü il tarixli RGTK7032856B176 saylı Kredit müqaviləsinə əsasən ona illik 17 faiz dərəcəsi ilə 83 ay müddətinə 14675.22 AZN məbləğində kredit verilmişdir. Kredit müqaviləsinə əsasən cavabdeh müəyyən olunmuş müddətdə kredit və ona hesablanacaq faizləri ödəmək barədə öhdəlik götürsə də, bu öhdəliyi lazımi qaydada yerinə yetirməmiş və banka olan borcunu tam qaytarmamışdır. Bank tərəflər arasında bağlanmış müqavilənin şərtlərinə əsasən üzərinə düşən öhdəlikləri tam yerinə yetirsə də, cavabdeh həmin müqavilə üzrə üzərinə düşən öhdəlikləri yerinə yetirməmişdir. Nəticədə cavabdehin xx.xx.2024-cü il tarixə İddiaçı ASC-yə 14675 (on dörd min altı yüz yetmiş beş) manat 22 (iyirmi iki) qəpik əsas, 1169 (min yüz altmış doqquz) manat 35 (otuz beş) qəpik faiz, cəmi 15844 (on beş min səkkiz yüz qırx dörd) manat 57 (əlli yeddi) qəpik borcu yaranmışdır. Cavabdeh İddiaçı ASC-nin xeyrinə 14675 (on dörd min altı yüz yetmiş beş) manat 22 (iyirmi iki) qəpik əsas, 1169 (min yüz altmış doqquz) manat 35 (otuz beş) qəpik faiz, cəmi 15844 (on beş min səkkiz yüz qırx dörd) manat 57 (əlli yeddi) qəpik məbləğində vəsaitin və ödənilmiş 137 (yüz otuz yeddi) manat 53 (əlli üç) qəpik dövlət rüsumunun tutulması barədə qətnamə çıxarılmasını xahiş etmişdir. İş üzrə Cavabdeh qanunla müəyyən olunmuş qaydada məhkəmənin yeri və vaxtı barədə xəbərdar edilməsinə baxmayaraq, Cavabdeh məhkəmə iclasına gəlməmiş və gəlməməsinin səbəbləri haqqında məlumat verməmişdir. Ona görə də Azərbaycan Respublikası MPM-nin 185.5ci maddəsinə əsasən, məhkəmə Cavabdeh iştirakı olmadan işə baxılmasını mümkün hesab etdi. Məhkəmə iş materiallarını tam, hərtərəfli araşdıraraq hesab edir ki, iddia təmin edilməlidir. Belə ki, iş materialında olan xx.xx.2024-cü il tarixli RGTK7032856B176 saylı kredit müqaviləsindən görünür ki, Cavabdeh illik 17% dərəcəsi ilə 83 ay müddətinə 14675 (on dörd min altı yüz yetmiş beş) manat 22 (iyirmi iki) qəpik məbləğində kredit verilmişdir. İş materiallarında olan xx.xx.2024-cü il tarixli RGTK7032856B176 saylı kredit müqaviləsinə əlavə edilmiş ödəniş qrafikindən görünür ki, Cavabdeh hər ay 301 manat, 79 qəpik məbləğində pulu İddiaçı ASC-yə ödəməyi öz öhdəsinə götürmüşdür. İş materiallarında olan xx.xx.2024-cü il tarixli bildirişdən görünür ki, Cavabdeh yaranmış borcun məbləği və ödənilməyəcəyi halda görüləcək tədbirlər barədə məlumat verilmişdir. İş materiallarında olan xx.xx.2024-cü il tarixli maliyyə arayışından görünür ki, Cavabdeh xx.xx.2024-cü il tarixli RGTK7032856B176 saylı kredit müqaviləsi üzrə İddiaçı ASC-yə 14675 (on dörd min altı yüz yetmiş beş) manat 22 (iyirmi iki) qəpik əsas, 1169 (min yüz altmış doqquz) manat 35 (otuz beş) qəpik faiz, cəmi 15844 (on beş min səkkiz yüz qırx dörd) manat 57 (əlli yeddi) qəpik borcu yaranmışdır. İş materialına əlavə edilmiş xx.xx.2024-cü il tarixli etibarnamə sənədindən görünür ki, etibarnamədə qeyd edilən hüquqların həyata keçirilməsi Nümayəndə Vaqif qızına etibar edilmişdir. İş materiallarında olan xx.xx.2024-cü il tarixli mədaxil qəbzindən görünür ki, İddiaçı ASC məhkəməyə iddia ərizəsinin verilməsinə görə 137 (yüz otuz yeddi) manat 53 (əlli üç) qəpik dövlət rüsumu ödəmişdir. Azərbaycan Respublikası MM-nin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətlərdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə əsasən, öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 445.2-ci maddəsinə əsasən, öhdəliyin onun icrası üçün müəyyənləşdirilmiş müddətdə icra edilməməsi və icra müddəti çatanadək kreditorun etdiyi xəbərdarlıqdan sonra da öhdəliyin icra edilməməsi borclunun icranı gecikdirilməsi sayılır. Həmin Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Azərbaycan Respublikası Mülki Prosessual Məcəlləsinin 119.1-ci maddəsinə görə, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Odur ki, iddiaçı tərəfindən ödənilmiş 137 (yüz otuz yeddi) manat 53 (əlli üç) qəpik məbləğində dövlət rüsumu cavabdehə aid edilməlidir. Göstərilənlərə əsasən məhkəmə belə qənaətə gəlir ki, cavabdeh X1 Cavabdeh xx.xx.2024-cü il tarixli RGTK7032856B176 saylı kredit müqaviləsi üzrə 14675 (on dörd min altı yüz yetmiş beş) manat 22 (iyirmi iki) qəpik əsas, 1169 (min yüz altmış doqquz) manat 35 (otuz beş) qəpik faiz məbləğində pul vəsaiti tutulub İddiaçı ASC-nin xeyrinə ödənilməlidir. Azərbaycan Respublikası MPM-nin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 216-220 və 360-cı maddələrini rəhbər tutaraq, məhkəmə Qət etdi: İddia təmin edilsin. Cavabdeh xx.xx.2024-cü il tarixli kredit müqaviləsi üzrə 14675 (on dörd min altı yüz yetmiş beş) manat 22 (iyirmi iki) qəpik əsas borc, 1169 (min yüz altmış doqquz) manat 35 (otuz beş) qəpik faiz borcu və dövlət rüsumu üçün ödənilmiş 137 (yüz otuz yeddi) manat 53 (əlli üç) qəpik məbləğdə pul vəsaiti tutulub İddiaçı ASC-nin xeyrinə ödənilsin. Qətnamədən rəsmi qaydada təqdim edildikdən sonra 1 ay müddətində Astara Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Sədrlik edən: İlqar Məmmədov