Astara Rayon Məhkəməsi Qətnamə — İş №e-2(018)-439/2024

Azərbaycan Respublikası adından QƏTNAMƏ Astara rayonu İş № e-2(018)-439/2024 01.04.2024 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi, məhkəmə iclasının katibi Paşabəyli Yusifkamal Elçin oğlunun katibliyi ilə, İddiaçı ASC-nin Cavabdeh qarşı «pul tələbinə» kiçik iddiaya dair mülki işə sadələşdirilmiş icraat qaydasında Astara Rayon Məhkəməsinin binasında baxaraq, məhkəmə MÜƏYYƏN ETDİ: İddiaçı ASC-nin Problemli kreditlərin hüquqi təqibi departamentinin Məhkəmələrlə iş şöbəsinin rəisi Nümayəndə Cavabdeh qarşı «pul tələbinə dair» iddia verərək, Cavabdeh İddiaçı ASC-nin xeyrinə 2263 (iki min iki yüz altmış üç) manat, 05 (beş) qəpik əsas, 431 (dörd yüz otuz bir) manat, 37 (otuz yeddi) qəpik faiz, cəmi 2694 (iki min altı yüz doxsan dörd) manat, 42 (qırx iki) qəpik borc, 46 (qırx altı) manat, 94 (doxsan dörd) qəpik dövlət rüsumunun tutulması barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, İddiaçı ASC ilə cavabdeh arasında bağlanmış 25 noyabr 2020-ci il BBLK3258887A102 saylı kredit xətti müqaviləsinə əsasən cavabdehə 59 ay müddətinə illik 25 faiz dərəcəsi ilə 5000 (beş min) manat məbləğində kredit verilmişdir.Cavabdeh isə müəyyən olunmuş müddətdə onu faizi ilə birlikdə iddiaçıya qaytarmağı öhdəsinə götürmüşdür. Lakin, cavabdeh kredit xətti müqaviləsinin şərtlərini pozaraq ödəməli olduğu kreditinin ödənilməsinə dair öhdəliyi vaxtında və lazımi qaydada icra etməmişdir. Nəticədə cavabdehin İddiaçı ASC-yə 25 noyabr 2020-ci il BBLK3258887A102 saylı kredit xətti müqaviləsinə əsasən 2263 (iki min iki yüz altmış üç) manat, 05 (beş) qəpik əsas, 431 (dörd yüz otuz bir) manat, 37 (otuz yeddi) qəpik faiz, cəmi 2694 (iki min altı yüz doxsan dörd) manat, 42 (qırx iki) qəpik borcu yaranmışdır. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi təmin olunmalıdır. Mülki işin materiallarına əlavə edilmiş ödəniş tapşırığından görünür ki, İddiaçı ASCnin adından məhkəməyə müraciət edilməsi üçün dövlət büdcəsinə 46 (qırx altı) manat, 94 (doxsan dörd) qəpik dövlət rüsumu ödənilmişdir. İş materiallarına əlavə olunmuş 25 noyabr 2020-ci il BBLK3258887A102 saylı kredit xətti müqaviləsindən görünür ki, Cavabdeh 59 ay müddətinə illik 25 faiz dərəcəsi ilə 5000 (beş min) manat məbləğində kredit verilmişdir. İş materiallarına əlavə olunmuş maliyyə arayışından görünür ki, Cavabdeh 25 noyabr 2020-ci il BBLK3258887A102 saylı kredit xətti müqaviləsi üzrə 2263 (iki min iki yüz altmış üç) manat, 05 (beş) qəpik əsas, 431 (dörd yüz otuz bir) manat, 37 (otuz yeddi) qəpik faiz, cəmi 2694 (iki min altı yüz doxsan dörd) manat, 42 (qırx iki) qəpik məbləğində borcu qalmışdır. İş materiallarına əlavə olunmuş bildirişdən görünür ki, İddiaçı ASC ilə cavabdeh arasında bağlanmış kredit xətti müqavilələrinə əsasən cavabdehin üzərinə götürdüyü öhdəlikləri yerinə yetirmədiyi üçün sonuncunun banka borcu yarandığı barədə bildirilmişdir. Azərbaycan Respublikası Mülki Məcəlləsinin (MM-in) 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Mülki Məcəllənin 445.1-ci maddəsinə əsasən İcranı gecikdirmiş borclu gecikdirmə nəticəsində vurduğu zərər üçün və gecikdirmə zamanı təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır. İş üzrə tərəfin təqdim etdiyi sənədlər yekun qərarın çıxarılması üçün kifayət etdiyi üçün məhkəmə hesab edir ki, iddia təmin olunmalı, tərəflər arasında bağlanmış müqaviləyə əsasən həmin borc cavabdehdən alınaraq iddiaçıya ödənilməlidir. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın təmin və ya qismən və ya rədd edilməsi haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 46 (qırx altı) manat, 94 (doxsan dörd) qəpik dövlət rüsumu da onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, məhkəmə QƏT ETDİ: İddia təmin edilsin. Cavabdeh 25 noyabr 2020-ci il tarixli BBLK3258887A102 saylı kredit müqaviləsi üzrə 2263 (iki min iki yüz altmış üç) manat, 05 (beş) qəpik əsas, 431 (dörd yüz otuz bir) manat, 37 (otuz yeddi) qəpik faiz, cəmi 2694 (iki min altı yüz doxsan dörd) manat, 42 (qırx iki) qəpik və 46 (qırx altı) manat, 94 (doxsan dörd) qəpik ödənilmiş dövlət rüsumu alınıb İddiaçı ASC-nin xeyrinə ödənilsin. Qətnamədən 01 (bir) ay müddətində Astara Rayon Məhkəməsi vasitəsilə Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamə qəbul edildiyi gündən 01 (bir) ay keçdikdən sonra qanuni qüvvəyə minir. Hakim: Mübariz Məmmədov