Astara Rayon Məhkəməsi Qətnamə — İş №e-2(018)-461/2024

Azərbaycan Respublikası adından QƏTNAMƏ Astara rayonu İş № e-2(018)-461/2024 23.04.2024 ASTARA RAYON MƏHKƏMƏSİ Mən, Astara Rayon Məhkəməsinin hakimi X1 iddiaçı "xxxx" Kommersiya Bankı ASC-nin Cavabdeh qarşı «borc tələbinə» kiçik iddiaya dair mülki işə sadələşdirilmiş icraat qaydasında Astara Rayon Məhkəməsinin binasında baxaraq, MÜƏYYƏN ETDİM: İddiaçı "xxxx" Kommersiya Bankı ASC-nin PİKÜMİD-nin Regional Məhkəmə Hüquq şöbəsinin baş hüquqşunası Elxan Cilovxanov Cavabdeh qarşı «borc tələbi barədə» iddia verərək, cavabdehdən iddiaçının xeyrinə 3944 (üç min doqquz yüz doxsan dörd) manat 09 (doqquz) qəpik əsas məbləğ üzrə, 758 (yeddi yüz əlli səkkiz) manat 95 (doxsan beş) qəpik faiz üzrə, 121 (yüz iyirmi bir) manat 87 (səksən yeddi) qəpik cərimə, cəmi 4824 (dörd min səkkiz yüz iyirmi dörd) manat 91 (doxsan bir) qəpik borcun və dövlət rüsumu olaraq ödənilmiş 68 (altmış səkkiz) manat 65 (altmış beş) qəpik məbləğində vəsaitin tutulması barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, iddiaçı "xxxx" KB ASC ilə cavabdeh arasında bağlanmış 10433nkSTB2b/22 saylı kredit müqaviləsinin 1.1-ci bəndinə əsasən “Bank” “Borcalan”a 27 % ödəmək şərti ilə 5000 (beş min) manat məbləğində kredit cavabdehin ödəniş kartına köçürülmüşdür. Lakin, cavabdeh müqavilə şərtlərini pozaraq dövri olaraq ödəməli olduğu kreditinin ödənilməsinə dair öhdəliyi vaxtında və lazımi qaydada icra etməmişdir. Nəticədə onun. "xxxx" ASCyə 3944 (üç min doqquz yüz doxsan dörd) manat 09 (doqquz) qəpik əsas məbləğ üzrə, 758 (yeddi yüz əlli səkkiz) manat 95 (doxsan beş) qəpik faiz üzrə, 121 (yüz iyirmi bir) manat 87 (səksən yeddi) qəpik cərimə, cəmi 4824 (dörd min səkkiz yüz iyirmi dörd) manat 91 (doxsan bir) qəpik borcu yaranmışdır. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi qismən təmin olunmalıdır. Mülki işin materiallarına əlavə edilmiş ödəniş tapşırığından görünür ki, iddiaçı "xxxx" ASCnin adından məhkəməyə müraciət edilməsi üçün dövlət büdcəsinə 68 (altmış səkkiz) manat 65 (altmış beş) qəpik dövlət rüsumu ödənilmişdir. İş materiallarına əlavə olunmuş xx.xx.2022-ci il tarixli, 10433nkSTB2b/22 saylı kredit müqaviləsindən görünür ki, “Bank” Cavabdeh 5000 (beş min) manat kredit verilmişdir. İş materiallarına əlavə olunmuş xx.xx.2024-cü il tarixli arayışından görünür ki, Cavabdehnın 10433nkSTB2b/22 saylı kredit müqaviləsi üzrə 3944 (üç min doqquz yüz doxsan dörd) manat 09 (doqquz) qəpik əsas məbləğ üzrə, 758 (yeddi yüz əlli səkkiz) manat 95 (doxsan beş) qəpik faiz üzrə, 121 (yüz iyirmi bir) manat 87 (səksən yeddi) qəpik cərimə, cəmi 4824 (dörd min səkkiz yüz iyirmi dörd) manat 91 (doxsan bir) qəpik borcu vardır. İş materiallarına əlavə olunmuş bildirişdən görünür ki, "xxxx" KB ASC ilə cavabdeh arasında bağlanmış xx.xx.2022-ci il tarixli, 10433nkSTB2b/22 saylı kredit müqaviləsinə əsasən cavabdehin üzərinə götürdüyü öhdəlikəri yerinə yetirmədiyi üçün sonuncunun Banka borcu yarandığı barədə bildirilmişdir. Azərbaycan Respublikası Mülki Məcəlləsinin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. İddia tələbini qismən təmin edərək, iş üzrə toplanmış sübutların məcmusuna qiymət verərək, habelə qanunvericilik aktlarının müddəalarına istinad edərək belə qənaətə gəlirəm ki, xx.xx.2022-ci il tarixli, 10433nkSTB2b/22 saylı müqaviləsi üzrə iddiaçının iddia etdiyi 121 (yüz iyirmi bir) manat 87 (səksən yeddi) qəpik məbləğində dəbbə pulu azaldılaraq 01 (bir) manat 87 (səksən yeddi) qəpik həddində müəyyən edilməlidir. Belə ki, Azərbaycan Respublikası Mülki Məcəlləsinin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284- 6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən və ya rədd haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 68 (altmış səkkiz) manat 65 (altmış beş) qəpik dövlət rüsumu da onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, QƏT ETDİM: İddia qismən təmin edilsin. Cavabdeh xx.xx.2022-ci il tarixli, 10433nkSTB2b/22 saylı kredit müqaviləsi üzrə 3944 (üç min doqquz yüz doxsan dörd) manat 09 (doqquz) qəpik əsas məbləğ üzrə, 758 (yeddi yüz əlli səkkiz) manat 95 (doxsan beş) qəpik faiz, 10 (on) manat 87 (səksən yeddi) qəpik cərimə, cəmi 4714 (dörd min yeddi yüz on dörd) manat 91 (doxsan bir) qəpik borc və və dövlət rüsumu üçün ödənilmiş 68 (altmış səkkiz) manat 65 (altmış beş) qəpik pul vəsaiti alınıb iddiaçı "xxxx" KB ASCnin xeyrinə ödənilsin. Qətnamə rəsmi qaydada verildikdən sonra 1 (bir) ay müddətində Astara Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Hakim: İlqar Məmmədov