Beyləqan Rayon Məhkəməsi Qərardad — İş №e-2(020)-1406/2023

Azərbaycan Respublikası adından QƏRARDAD Beyləqan rayon İş № e-2(020)-1406/2023 24.07.2023 BEYLƏQAN RAYON MƏHKƏMƏSİ Beyləqan rayon məhkəməsinin hakimi Nurullayev Ramiz Vəliş oğlunun sədrliyi, Quliyev Zaur Qulu oğlunun katibliyi ilə, İddiaçı “YAPİ KREDİ BANK AZƏRBAYCAN" QSC-nin Cavabdeh qarşı borcun tutulması tələbinə dair mülki işə açıq məhkəmə iclasında baxaraq Müəyyən etdi: İddiaçı “YAPİ KREDİ BANK AZƏRBAYCAN" QSC məhkəmədə Cavabdeh qarşı borcun tutulması tələbinə dair iddia qaldırmışdır. İddiaçı “YAPİ KREDİ BANK AZƏRBAYCAN" QSC-nin nümayəndəsi Elxan Səlimov məhkəməyə ərizə göndərərək hazırki mülki iş üzrə Cavabdeh mərhum atası X1 icra olunmamış öhdəliklərini icra etdiyindən hal-hazırda Cavabdeh qarşı iddia tələbləri yoxdur. Ona görə mülki işə mahiyyəti üzrə baxılmasını tələb etmədiklərini bildirmiş və mülki işin baxılmamış saxlanılmasını xahiş etmişdir. Azərbaycan Respublikası MPM-nin 259.0.11-ci madənin tələbinə görə iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. İş üzrə iddiaçının nümayəndəsi iddianın baxılmamış saxlanılması xahiş etmiş, cavabdeh isə məhkəməyə gəlməmiş və mahiyyəti üzrə işə baxılmasını tələb etməmişdir. Ona görə də məhkəmə hesab edir ki, iddia ərizəsi baxılmamış saxlanılmalıdır. İddiaçıya adı çəkilən məcəllənin 260.4-cü maddəsinin tələbləri izah edilməlidir ki, iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Qeyd edilənlərə əsasən və Azərbaycan Respublikası MPM-nin 259-260, 263-264 və 268.1-ci maddələrini rəhbər tutaraq məhkəmə Qərara aldı: İddiaçı QSC-nin Cavabdeh qarşı borcun tutulması tələbinə dair iddia ərizəsi qərardadın tərkib hissəsində göstərilənlərə əsasən baxılmamış saxlanılsın. İddiaçı tərəfindən dövlət rüsumu kimi ödənilmiş 30 (otuz) manat pul özünə qaytarılsın. İddiaçıya izah edilsin ki, iddianın baxılmamış saxanması üçün səbəb olan şərait aradan qaıldırıldıqdan sonra ümumi qaydada ərizə ilə məhkəməyə yenidən müraciət edə bilər. Qərardaddan təqdim edildikdən və ya alındıqdan sonra 10 gün müddətində Beyləqan rayon məhkəməsinə şikayət verilə bilər. Hakim: Ramiz Nurullayev