Bərdə Rayon Məhkəməsi Qətnamə — İş №e-2(021)-1964/2022

Azərbaycan Respublikası adından QƏTNAMƏ Bərdə rayonu İş № e-2(021)-1964/2022 21.06.2022 BƏRDƏ RAYON MƏHKƏMƏSİ Bərdə Rayon Məhkəməsinin hakimi Əhmədov Elsun Məzahir oğlu İddiaçı Qeyri-Bankı MMM-nin cavabdehlər Cavabdeh1 və Cavabdeh2 qarşı pul tələbinə dair iddia ərizəsi üzrə mülki işə Bərdə Rayon Məhkəməsinin inzibati binasında kiçik iddialara dair işlər üzrə sadələşdirilmiş icraat qaydasında baxaraq, M Ü Ə Y Y Ə N E T D İ: İddiaçı Qeyri-Bankı MMM-nin cavabdehlər Cavabdeh1 və Cavabdeh2 qarşı pul tələbinə dair kiçik mübahisələr üzrə iddia ərizəsi ilə Bərdə Rayon Məhkəməsinə müraciət etmişdir. İddia tələbi onunla əsaslandırılmışdır ki, tərəflər arasında bağlanmış 08 iyul 2021-ci il tarixli **********2710 saylı kredit müqaviləsinə əsasən 24 ay müddətinə illik 30% ödəmək şərti ilə Cavabdeh2 iddiaçıdan 3000 AZN məbləğində kredit almışdır. Müqavilənin təminatı olaraq digər cavabdeh X1 ilə zaminlik müqaviləsi bağlanılmışdır. Cavabdeh müqavilənin şərtlərini pozmuş və nəticədə onun iddiaçıya 2906.20 AZN (əsas borc 2906.20 AZN, faiz borcu 816 AZN, cərimə borcu 64.74 manat) borcu yaranmışdır. Azərbaycan Respublikası Mülki Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti iki min manatdan ... az olan iddialar (kiçik iddialar) üzrə işlərə ... sadələşdirilmiş qaydada baxılmasına yol verilir. İddia ərizəsi kiçik iddialara dair işlər üzrə sadələşdirilmiş icraat qaydasında baxılması üçün icraata qəbul edilmiş və cavabdehə bildiriş göndərilərək, bildirişi rəsmi qaydada aldığı gündən 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərmək hüququnun olması izah edilmişdir. Cavabdeh tərəfindən iddiaya qarşı əsaslandırılmış etiraz məhkəməyə daxil olmamış və məhkəmə iddiaçının təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxaraq belə nəticəyə gəlir ki, iddia tələbi aşağıdakı əsaslara görə qismən təmin edilməlidir. İş materiallarında olan 08 iyul 2021-ci taridə olan müqavilədən görünür ki, həmin müqavilə İddiaçı Qeyri-Bankı MMM ilə Cavabdeh2 arasında bağlanmış və müqaviləyə əsasən Cavabdeh2 İddiaçı Qeyri-Bankı MMM -dən kredit götürmüşdür. İş materiallarında olan zmainlik müqaviləsinin surətindən müəyyən olunur ki, həmin müqavilə Cavabdeh1 ilə İddiaçı Qeyri-Bankı MMM arasında bağlanmışdır. İş materiallarında olan ödəniş cədvəlindən görünür ki, Cavabdeh2 24 ay ərzində illik 30 % ödənilməsi şərti ilə kreditor tərəfindən 3000 AZN məbləğində kredit verilmiş, həmin krediti borcalan 08 iyul 2023-ci il tarixədək İddiaçı Qeyri-Bank MMM-yə ödəməli idi. İş materiallarında olan 12 may 2022-ci tarində maliyyə arayışlarından və ödəniş cədvəlindən görünür ki, cavabdehin İddiaçı Qeyri-Bank MMM -yə 2906.20 AZN əsas borcu, 816 AZN faiz borcu, 64.74 AZN cərimə borcu olmaqla, cəmi 3786.94 AZN borcu mövcuddur. Azərbaycan Respublikası Mülki Məcəlləsinin 567-ci maddəsinə əsasən, alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Həmin Məcəllənin 448.1-ci maddəsinə əsasən, əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Bundan başqa məhkəmə hesab edir ki, dəbbə pulunun tutulması hissəsində dəbbə pulunun məbləği azaldılmalıdır. Belə ki, Azərbaycan Respublikası Mülki Məcəlləsinin 462.1-ci maddəsinə əsasən, dəbbə pulu (cərimə, peniya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icraının gecikdirildiyi halda borclunun kreditora ödəməli olduğu pul məbləğidir. Həmin Məcəllənin 467-ci maddəsinə görə, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Qeyd olunanlara əsasən məhkəmə hesab edir ki, Cavabdeh2 və Cavabdeh1 müştərək qaydada 2906.20 AZN əsas borc, 816 AZN faiz borcu, 3 AZN cərimə borcu olmaqla, cəmi 3725.20 borcu tutularaq İddiaçı Qeyri-Bank MMM-yə ödənilməlidir. Azərbaycan Respublikasının Mülki Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Şərh olunanlara əsasən və Azərbaycan Respublikası Mülki Prosessual Məcəlləsinin 284- 1, 216-220 və 360-cı maddələrini rəhbər tutaraq, məhkəmə Q Ə T E T D İ: İddia tələbi qismən təmin edilsin. Cavabdehlər Cavabdeh1 və Cavabdeh2 müştərək qaydada 2906.20 AZN əsas borc, 816 AZN faiz borcu, 3 AZN cərimə borcu olmaqla, cəmi 3725.20 (üç min yeddi yüz iyirmi beş manat iyirmi qəpik) manat borc və 57.90 (əlli yeddi manat doxsan qəpik) manat ödənilmiş dövlət rüsumu tutularaq İddiaçı Qeyri-Bankı MMM-yə ödənilsin. İddia qalan hissədə təmin edilməsin. Qətnamədən onun rəsmi qaydada verildiyi gündən 1 (bir) ay müddətində Bərdə Rayon Məhkəməsi vasitəsi ilə Gəncə Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamədən şikayət verilmədiyi təqdirdə qəbul edildiyi gündən 1 (bir) ay keçdikdən sonra qanuni qüvvəyə minir. HakimElsun Əhmədov