Bərdə Rayon Məhkəməsi Qərardad — İş №e-2(021)-3159/2025

Azərbaycan Respublikası adından QƏRARDAD Bərdə rayonu İş № e-2(021)-3159/2025 19.07.2025 BƏRDƏ RAYON MƏHKƏMƏSİ Bərdə Rayon Məhkəməsinin hakimi Məhərrəmov Bayram Yusif oğlu, İddiaçı X1-Bank Kredit Təşkilatının Cavabdeh qarşı kiçik iddialara dair işlər üzrə borc tələbinə dair iddia ərizəsini nəzərdən keçirib MÜƏYYƏNETDİM: İddiaçı X1-Bank Kredit Təşkilatı məhkəməyə kiçik iddialara dair işlər üzrə borc tələbinə dair iddia ərizəsi ilə müraciət edərək iddianın təmin edilməsi,Cavabdeh **********0583 saylı kredit müqaviləsi üzrə borcun məbləği 132,61 AZN əsas , faiz borcu üzrə 0,00 AZN , cərimə borcuna görə 0,00 AZN olmaqla cəmi 132,61 AZN , həmçinin **********0596 saylı kredit müqaviləsi üzrə borcun məbləği 389,85 AZN, faiz borcu üzrə 0,00 AZN , cərimə borcuna görə 0,00 AZN olmaqla 389,85 AZN məbləğində borcun və 30 manat məbləğində ödənilmiş dövlət rüsumunun İddiaçı MMQBKT-nın xeyrinə tutulması barədə qətnamə çıxarılmasını xahiş etmişdir. İddia ərizəsini və ona əlavə edilmiş sənədləri nəzərdən keçirib belə hesab edirəm ki, aşağıda göstərilənlərə əsasən iddia ərizəsi geri qaytarılmalıdır. İddiaçı X1-Bank Kredit Təşkilatı iddia ərizəsində kredit müqaviləsinin vaxtı keçmiş əsas borcunun ödənməsi məqsədilə müqavilə bağlandığı göstəriləsə də həmin müqavilə iş materiallarına əlavə edilməmişdir. İddia tələbinin mümkülüyü çərçivəsində məhkəmə icraatının mümkünülüyü məsələsinə qiymət verərkən, məhkəmədə işin məhkəmə aidiyyəti ilə bağlı haqlı şübhələr yaranır. Belə ki, cavabdehin vergi ödəyicisi olması, xx.xx.2019-cu il tarixli müqavilələrin bağlanmasının əsası qismində çıxış edən ilkin kredit müqavilələrinin iddia ərizəsinə əlavə edilməməsi işin məhkəmə aidiyyətinin müəyyən edilməsinə imkan vermir. Azərbaycan Respublikasının Mülki Prosessual Məcəlləsinin: 149.2.3-cü maddəsinə əsasən iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb ərizəyə əlavə edilir. 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə iddia ərizəsi geri qaytarılmalıdır. 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. 152.3-cü maddəsinə əsasən iddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir. Həmin maddələrin tələblərinə əsasən iddiaçı İddiaçı Məhdud Məsuliyyətli Cəmiyyəti Qeyri-Bank Kredit Təşkilatının Cavabdeh qarşı kiçik iddialara dair işlər borc tələbinə dair iddia ərizəsi geri qaytarılmalıdır. Azərbaycan Respublikasının Mülki Prosessual Məcəlləsinin: 114.1.3-ci madddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır. Beləliklə, İddiaçı Məhdud Məsuliyyətli Cəmiyyəti Qeyri-Bank Kredit Təşkilatının Cavabdeh qarşı borc tələbinə dair iddia ərizəsi geri qaytarıldığından ödənilmiş 30 manat dövlət rüsumu da iddiaçıya qaytarılmalıdır. Şərh olunanlara əsasən Azərbaycan Respublikasının Mülki Prosessual Məcəlləsinin 149-152-ci maddələrini rəhbər tutaraq QƏRARVERDİ: İddiaçı X1-Bank Kredit Təşkilatının Cavabdeh qarşı kiçik iddialara dair işlər üzrə borc tələbinə dair iddia ərizəsi və ona əlavə edilmiş sənədlər geri qaytarılsın. İddiaçı Məhdud Məsuliyyətli Cəmiyyəti Qeyri-Bank Kredit Təşkilatı tərəfindən ödənilmiş 30 manat dövlət rüsumu geri qaytarılsın (Qəbz nömrəsi: **********05, təsnifat kodu: 142211). Qərardaddan tərəflərə rəsmi qaydada verildikdən sonra 10 (on) gün müddətində (“Elektron məhkəmə” informasiya sistemində yaradılmış elektron kabinet vasitəsilə) Bərdə Rayon Məhkəməsinə şikayət verilə bilər. Hakim: Bayram Məhərrəmov