Bərdə Rayon Məhkəməsi Qərardad — İş №e-2(021)-3502/2025

Azərbaycan Respublikası adından QƏRARDAD Bərdə rayonu İş № e-2(021)-3502/2025 11.08.2025 BƏRDƏ RAYON MƏHKƏMƏSİ Hakim Abdullayev Ziya Yaşar oğlu, İddiaçılar BOKT "xxxx" MMC və İddiaçı2 Cavabdeh1 və Cavabdeh2 qarşı “borcun ödənilməsi” tələbinə dair iddia ərizəsini və ona əlavə olunmuş sənədləri nəzərdən keçirərək, məhkəmə M Ü Ə Y Y Ə N E T D İ: İddiaçılar BOKT "xxxx" MMC və İddiaçı2 iddia ərizəsi ilə məhkəməyə müraciət edərək, cavabdehlərlə BOKT "xxxx" MMC arasında bağlanmış Kredit müqaviləsinin ləğv edilməsini və cavabdehlər Cavabdeh1 və Cavabdeh2 müştərək qaydada əsas məbləğ üzrə 366.89 Azn olmaqla, cəmi 366.89 Azn məbləğində kredit borcu və ödənilmiş 30.40 Azn dövlət rüsumunun alınaraq BOKT“İnkişaf üçün Maliyyə “MMC-yə verilməsi barədə qətnamə qəbul olunmasını xahiş etmişdir. Məhkəmə iddia ərizəsini və ona əlavə edilmiş sənədləri nəzərdən keçirib hesab edir ki, hazırkı tələb üzrə iddia ərizəsinin məhkəmənin icraatına qəbul olunmasından imtina olunmalıdır. Məhkəmə qeyd edir ki, hazırkı tələb kiçik iddialara dair işlər üzrə sadələşdirilmiş icraat qaydasında verilmiş, lakin iddia ərizəsi məhkəməyə təqdim olunarkən verilmiş tələbi təsdiq edən sənədlər iddia ərizəsinə əlavə edilməmişdir. Azərbaycan Respublikası MPM-nin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. MPM-nin 284-4.1.3-cü maddəsinə əsasən verilmiş tələbi təsdiq edən sənədlər təqdim olunmamışdırsa, məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından imtina edir MPM-nin 114.1.2-ci maddəsinə əsasən bu Məcəllə ilə nəzərdə tutulmuş əsaslarla ərizəni baxılmaq üçün qəbul etməkdən imtina edilərsə ödənilmiş dövlət rüsumu geri qaytarılır. MPM-nin 284-4.2-ci maddəsinə əsasən bu Məcəllənin 284-4.1-ci maddəsində nəzərdə tutulmuş hallarda məhkəmə ərizənin daxil olduğu gündən 5 (beş) iş günü müddətində onun qəbul edilməsindən imtina haqqında əsaslandırılmış qərardad çıxarır. Məhkəmə bu müddət ərzində ərizəni qəbul etməkdən imtina etməyibsə, o, qəbul edilmiş sayılır. Ərizəni qəbul etməkdən imtina barədə qərardaddan şikayət verilə bilməz. MPM-nin 284-4.3-cü maddəsinə əsasən ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Bu halda iddiaçı tərəfindən ödənilmiş dövlət rüsumu ödənilməli olan dövlət rüsumuna hesablanır. Məhkəmə hesab edir ki, iddiaçılar BOKT "xxxx" MMC-nin Cavabdeh1 və Cavabdeh2 qarşı “borcun ödənilməsi” tələbinə qarşı “borcun ödənilməsi ” tələbinə dair iddia ərizəsinə verilmiş tələbi təsdiq edən sənədlər təqdim olunmadığından iddia ərizəsinin icraata qəbul edilməsindən imtina edilməli, iddia ərizəsinə əlavə olunmuş sənədlər geri qaytarılmalıdır. Şərh olunanlara əsasən və Azərbaycan Respublikasının MPM-nin 284-cü maddəsini rəhbər tutaraq, məhkəmə QƏRARA ALDİ : İddiaçılar BOKT "xxxx" MMC-nin cavabdehlər Cavabdeh1 və Cavabdeh2 qarşı “borcun ödənilməsi” tələbinə dair iddia ərizəsinin icraata qəbul edilməsindən imtina edilsin və iddia ərizəsinə əlavə olunmuş sənədlər geri qaytarılsın. İddiaçı BOKT "xxxx" MMC tərəfindən 23 iyul 2025-ci il tarixdə ödənilmiş 30 (otuz) manat dövlət rüsumu ona geri qaytarılsın. Qərardaddan şikayət verilə bilməz. Hakim: Ziya Abdullayev