Biləsuvar Rayon Məhkəməsi Qətnamə — İş №e-2(022)-191/2024

Azərbaycan Respublikası adından QƏTNAMƏ Biləsuvar rayonu İş № e-2(022)-191/2024 19.01.2024 BİLƏSUVAR RAYON MƏHKƏMƏSİ Biləsuvar Rayon Məhkəməsinin sədri vəzifəsini icra edən Əliyev Rəfayil Əfraddin oğlunun sədrliyi, məsləhətçi (məhkəmə iclas katibi) X1 oğlunun katibliyi ilə, Ləğv prosesində olan İddiaçı açıq səhmdar cəmiyyətinin ləğvedicisi Əmanətlərin Sığortalanması Fondunun Cavabdeh qarşı ləğv prosesində olan İddiaçı açıq səhmdar cəmiyyəti ilə Cavabdeh arasında bağlanmış 31 iyul 2019-cu il tarixli, MBNP ***- *******FİMSA (B)310719-03 saylı güzəştli şərtlərlə kreditin verilməsinə dair kredit müqaviləsi üzrə ödənilməmiş əsas borcun əvəzi qismində 1.451 manat 32 qəpik, hesablanmış və ödənilməmiş faiz borcu qismində 51 manat 96 qəpik, cəmi 1.503 manat 28 qəpik, habelə ödənilmiş dövlət rüsumunun əvəzi qismində 35 manat 03 qəpik məbləğində pul vəsaitinin cavabdehdən iddiaçının xeyrinə tutulması barədə iddia ərizəsinə dair mülki işə yazılı icraat qaydasında baxaraq, M Ü Ə Y Y Ə N E T D İ: 19 dekabr 2023-cü il tarixdə ləğv prosesində olan İddiaçı açıq səhmdar cəmiyyətinin ləğvedicisi Əmanətlərin Sığortalanması Fondu Cavabdeh qarşı ləğv prosesində olan İddiaçı açıq səhmdar cəmiyyəti ilə Cavabdeh arasında bağlanmış 31 iyul 2019-cu il tarixli, MBNP ***-*******FİMSA (B)310719-03 saylı güzəştli şərtlərlə kreditin verilməsinə dair kredit müqaviləsi üzrə ödənilməmiş əsas borcun əvəzi qismində 1.451 manat 32 qəpik, hesablanmış və ödənilməmiş faiz borcu qismində 51 manat 96 qəpik, cəmi 1.503 manat 28 qəpik, habelə ödənilmiş dövlət rüsumunun əvəzi qismində 35 manat 03 qəpik məbləğində pul vəsaitinin cavabdehdən iddiaçının xeyrinə tutulması barədə kiçik iddialara dair işlər üzrə sadələşdirilmiş icraati qaydasında iddia ərizəsi ilə məhkəməyə müraciət etmişdir. Tərəflərin ünvanına göndərilmiş 19 dekabr 2023-cü il tarixli bildirişlə, iddiaçının tələbinə dair əsaslandırılmış etirazları olduğu halda 10 iş gün müddətində öz dəlillərini və onları təsdiq edən sənədləri təqdim etmək hüquqlarının mövcudluğu cavabdehlərə izah edilmiş, lakin iddia tələbinə cavabdehlər tərəfindən verilmiş etiraz məhkəməyə daxil olmamış və ərizənin əsaslandığı tələbetmə hüququ mübahisələndirilməmişdir. Azərbaycan Respublikası MPM-nin 284-5.2-ci maddəsinə görə cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 285-5.3-cü maddəsinə görə ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə iddia ərizəsini və işin faktiki hallarını araşdıraraq, işdə olan sənədləri tədqiq edərək və sübutları qiymətləndirərək hesab edir ki, tərəflərin təqdim etdiyi sənədlər iş üzrə yekun qərarın çıxarılması üçün kifayət edir və iş üzrə əlavə araşdırmanın, o cümlədən tərəfləri çağıraraq izahatlarının alınması, yaxud şahidlərdən ifadələrin və ya ekspertlərdən rəyin alınması zərurəti yoxdur, aşağıda göstərilənlərə əsasən iddia təmin edilməlidir. Belə ki, iş materiallarında olan 31 iyul 2019-cu il tarixli, MBNP ***-*******FİMSA (B)310719-03 saylı güzəştli şərtlərlə kreditin verilməsinə dair kredit müqaviləsindən və həmin müqaviləyə Əlavənin surətindən görünür ki, ləğv prosesində olan İddiaçı açıq səhmdar cəmiyyəti 02 sentyabr 2015-ci il tarixli, 0209015/148211 saylı kredit müqaviləsi üzrə qalıq əsas borc məbləğinin restrukturizasiyası məqsədi ilə Cavabdeh kreditdən istifadəyə görə 1 il güzəşt müddəti müəyyən edilməklə, illik 1% borc faizləri ödəməsi şərtilə, 60 ay müddətinə 1.452 manat 57 qəpik məbləğində kredit bank tərəfindən borcalanın adına açılmışssuda hesabına köçürülməsi yolu ilə kredit vermişdir. Mülki iş materiallarına əlavə edilmiş Cavabdeh bank hesabı çıxarışının surətindən görünür ki, ləğv prosesində olan İddiaçı açıq səhmdar cəmiyyəti tərəfindən 1.452 manat 57 qəpik məbləğində kredit vəsaiti Cavabdeh adına açılmış AZ48AMRA**********0020A21210 İBAN nömrəli bank hesabına köçürülmüşdür. İşdə olan ləğv prosesində olan İddiaçı açıq səhmdar cəmiyyətinin ləğvedicisi Əmanətlərin Sığortalanması Fondu tərəfindən verilmiş 31 iyul 2019-cu il tarixli, MBNP ***- *******FİMSA (B)310719-03 saylı güzəştli şərtlərlə kreditin verilməsinə dair kredit müqaviləsi üzrə maliyyə arayışından görünür ki, Cavabdeh ləğv prosesində olan İddiaçı açıq səhmdar cəmiyyətinə həmin müqavilə üzrə borcu əsas borc qismində 1.451 manat 32 qəpik, 06 iyun 2023-cü il tarixə hesablanmış və ödənilməmiş faiz borcu qismində 51 manat 96 qəpik, cəmi 1.503 manat 28 qəpik təşkil edir. Mülki işdə olan Bakı Apellyasiya Məhkəməsinin 30 aprel 2020-ci il traixli, 2-3(103)- 130/2020 saylı qərarının surətindən görünür ki, İddiaçı açıq səhmdar cəmiyyəti müflis elan edilmiş və Əmanətlərin Sığortalanması Fondu İddiaçı açıq səhmdar cəmiyyətinə ləğvedici təyin edilmişdir. Beləliklə, işdə olan sübutlarla Cavabdeh ləğv prosesində olan İddiaçı açıq səhmdar cəmiyyətinə 31 iyul 2019-cu il tarixli, MBNP ***-*******FİMSA (B)310719-03 saylı güzəştli şərtlərlə kreditin verilməsinə dair kredit müqaviləsi üzrə əsas borc qismində 1.451 manat 32 qəpik, 06 iyun 2023-cü il tarixə hesablanmış və ödənilməmiş faiz borcu qismində 51 manat 96 qəpik, cəmi 1.503 manat 28 qəpik məbləğində borcunun yarandığı təsdiq olunur. Azərbaycan Respublikası Mülki Məcəlləsinin 21.1-ci maddəsinə əsasən hüququ pozulmuş şəxs ona vurulmuş zərərin əvəzinin tam ödənilməsini tələb edə bilər. Həmin Məcəllənin 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətləri etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin 427.3-cü maddəsinə əsasən əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. Həmin Məcəllənin 434.1-ci maddəsinə uyğun olaraq borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir və həmin Məcəllənin 434.2ci maddəsinə əsasən borclu öz öhdəliklərinin hər bir təqsirli pozuntusu üçün məsuliyyət daşıyır. Azərbaycan Respublikası Mülki Məcəlləsinin 442-ci maddəsinə görə öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunun ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 445.1-ci maddəsinə görə icranı gecikdirmiş borclu gecikdirmə nəticəsində vurduğu zərər üçün kreditor qarşısında məsuliyyət daşıyır. Həmin Məcəllənin 445.2.1-ci maddəsinə görə öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Beləliklə, məhkəmə mülki işin yuxarıda sadalanan hallarını, nəzərə alaraq, hesab edir ki, Cavabdeh ləğv prosesində olan Amrahbank» açıq səhmdar cəmiyyəti ilə bağlanmış 31 iyul 2019-cu il tarixli, MBNP ***-*******FİMSA (B)310719-03saylı güzəştli şərtlərlə kreditin verilməsinə dair kredit müqaviləsi üzrə üzrə öhdəliklərini vaxtında və lazımınca icra etmədiyinə görə, həmin müqavilə üzrə ödənilməmiş əsas borc qismində 1.451 manat 32 qəpik və 06 iyun 2023-cü il tarixə hesablanmış və ödənilməmiş faiz borcu qismində 51 manat 96 qəpik məbləğində pul vəsaiti cavabdehdən iddiaçının xeyrinə tutulmalıdır. Bundan başqa, Azərbaycan Respublikası MPM-nin 107-ci maddəsinə əsasən məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Azərbaycan Respublikası MPM-nin 119-cu maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Buna görə də məhkəmə hesab edir ki, iddia təmin edildiyinə görə ödənilmiş dövlət rüsumunun əvəzi qismində 35 manat 03 qəpik məbləğində pul vəsaiti cavabdehdən iddiaçının xeyrinə tutulmalıdır. Yuxarıda göstərilənlərə əsasən və Azərbaycan Respublikası MPM-nin 216-220, 227, 284-5, 284-6, 358-360 və 362-ci maddələrini rəhbər tutaraq, məhkəmə Q Ə T E T D İ: Ləğv prosesində olan İddiaçı açıq səhmdar cəmiyyətinin ləğvedicisi Əmanətlərin Sığortalanması Fondunun iddiası təmin edilsin. Cavabdeh ləğv prosesində olan İddiaçı açıq səhmdar cəmiyyətinin xeyrinə 31 iyul 2019cu il tarixli, MBNP ***-*******FİMSA (B)310719-03 saylı güzəştli şərtlərlə kreditin verilməsinə dair kredit müqaviləsi üzrə ödənilməmiş əsas borc qismində 1.451 (bir min dörd yüz əlli bir) manat 32 (otuz iki) qəpik, 06 iyun 2023-cü il tarixə hesablanmış və ödənilməmiş faiz borcu qismində 51 (əlli bir) manat 96 (doxsan altı) qəpik, habelə ödənilmiş dövlət rüsumunun əvəzi qismində 35 (otuz beş) manat 03 (üç) qəpik, cəmi 1.538 (bir min beş yüz otuz səkkiz) manat 31 (otuz bir) qəpik məbləğində pul vəsaiti tutulsun. Qətnamədən onun surətini tərəflər rəsmi qaydada aldıqları gündən 1 (bir) ay müddətində Biləsuvar rayon Məhkəməsi vasitəsilə Şirvan Apellyasiya Məhkəməsinin Mülki kollegiyasına apellyasiya şikayəti verilə bilər. Qətnamədən apellyasiya qaydasında şikayət verilmədikdə qətnamə həmin müddət başa çatdığı vaxtdan sonrakı gün qanuni qüvvəyə minir. Biləsuvar Rayon Məhkəməsinin sədri vəzifəsini icra edən R.Ə.Əliyev