Biləsuvar Rayon Məhkəməsi Qətnamə — İş №e-2(022)-904/2023

Azərbaycan Respublikası adından QƏTNAMƏ Biləsuvar rayonu İş № e-2(022)-904/2023 24.07.2023 BİLƏSUVAR RAYON MƏHKƏMƏSİ Biləsuvar Rayon Məhkəməsinin hakimi Mirzəyev Nüsrət Fətulla oğlunun sədrliyi, məsləhətçi (iclas katibi) Abdullazadə Həsən Abdulla oğlunun katibliyi ilə, "xxxx" MMM QBKT-nin cavabdehlər Cavabdeh1 və Cavabdeh2 qarşı borc tələbi barədə kiçik iddiasına dair mülki işə sadələşdirilmiş icraat qaydasında baxaraq M Ü Ə Y Y Ə N E T D İ: "xxxx" MMM QBKT cavabdehlər Cavabdeh1 və Cavabdeh2 qarşı kiçik iddialara dair işlər üzrə sadələşdirilmiş icraatı qaydasında iddia ərizəsi ilə məhkəməyə müraciət edərək, cavabdehlər Cavabdeh1 və Cavabdeh2 müştərək qaydada ödənilməmiş əsas borc üzrə **********0382 saylı kredit müqaviləsi üzrə 2114 (ikii min yüz on dörd) manat 48 (qırx səkkiz) qəpik, faiz borcuna görə 11 (on bir) manat 65 (altmış beş) qəpik, cəmi 2126 (iki min yüz iyirmi altı) manat 13 (on üç) qəpik, həmçinin **********00395 saylı kredit müqaviləsi üzrə borcun məbləği 900 (doqquz yüz) manat 23 (iyirmi üç) qəpik əsas, faiz borcu üzrə 8 (səkkiz) manat 78 (yetmiş səkkiz) qəpik olmaqla, cəmi 909 (doqquz yüz doqquz) manat 01 (sıfır bir) qəpik və ödənilmiş dövlət rüsumunun əvəzi qismində 50 (əlli) manat 35 (otuz beş) qəpik məbləğində pul vəsaitinin iddiaçının xeyrinə tutulması barədə qətnamə çıxarılmasını xahiş etmişdir. İddia ərizəsində göstərilmişdir ki, "xxxx" MMM QBKT ilə Cavabdeh1 arasında bağlanmış xx.xx.2019-cu il tarixli **********0382 saylı Azərbaycan Respublikası Prezidenti cənab İlham Əliyevin 28 fevral 2019-cu il tarixli “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” Fərmanının 6-cı maddəsinə uyğun olaraq güzəştli kredit (restruktrizasiya) müqaviləsinin 1.1-ci bəndinə əsasən kredit alanın vaxtı keçmiş əsas kredit borcunun bu müqavilə imzalanan tarixə 2371.64 manat, həmçinin eyni tarixli **********00395 saylı güzəştli kredit (restrukturizasiya) müqaviləsi ilə bu müqavilə imzalanan tarixə 1131.03 qalıq məbləği illik 1% dərəcəsi olmaqla və 1 il güzəşt müddəti müəyyən edilməklə 5 il müddətinə vaxtı keçmiş kredit borcunun ödənilməsinə yönəldilmişdir. **********0382 saylı kredit müqaviləsinə əlavə hesab edilən ödəniş cədvəlinə əsasən borclunun bir il güzəşt müddətində hər ay 1.98 manat, dörd il müddətində isə hər ay 50.44 manat olmaqla və **********00395 saylı kredit müqaviləsi üzrə bir il güzəşt müddətinə hər ay 0.94 manat, dörd il müddətinə isə hər ay 24.05 manat bərabər hissələrdə ödəniş etməsi razılaşdırılmışdır.bərabər hissələrdə ödəniş etməsi razılaşdırılmışdır. Həmçinin kredit müqaviləsi üzrə yaranmış öhdəliklərin icrasına təminat olaraq eyni tarixli **********0382-633376 saylı və **********00395-633376 saylı zamilik müqaviləsi ilə Cavabdeh2 zamin qismində sözü gedən kredit müqaviləsinin tərəfi olmuşdur. Zaminlik müqaviləsinin 1.1-ci maddəsinə əsasən zamin kredit alan tərəfindən müqavilə öhdəliklərinə hər hansı səbəbdən əməl edilmədiyi hallarda əsas borcu, həmin borca hesablanmış faiz, cərimələri, nəzərdə tutulan digər ödəniş və dəymiş zərəri kredit verənə tam şəkildə ödəməyi öz öhdəsinə götürür. Tərəflər arasında bağlanmış kredit müqaviləsinə görə kreditin faktiki istifadə edilmiş məbləğinə hesablanmış faizlərin və əsas borc məbləğinin ödənilməsi borcalan tərəfindən nəzərdə tutulmuşdur. Lakin Cavabdeh1 üzərinə düşən öhdəliyi yerinə yetirməmişdir. Məhkəmə hazırkı iddianın qiymətinin beş min manatdan az olmasını nəzərə alaraq mülki işə sadələşdirilmiş icraat qaydasında baxılmasını mümkün hesab etmişdir. Belə ki, Azərbaycan Respublikası Mülki-Prosessual Məcəlləsinin (MPM) 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə sadələşdirilmiş qaydada baxılmasına yol verilir. Məhkəmə iddiaçının təqdim etdiyi sənədləri tədqiq edərək toplanmış sübutlara MPMin 88-ci maddəsinə əsasən məcmusu halında qiymət verərək hesab edir ki, iddia tələbi təmin olunmalıdır. İşdə olan "xxxx" MM QBKT ilə Cavabdeh1 arasında bağlanmış xx.xx.2019-cu il tarixli **********0382 saylı kredit müqaviləsinə əsasən Cavabdeh1 illik 1 faiz dərəcəsi olmaqla 60 ay müddətinə 2371.64 manat və **********00395 saylı güzəştli kredit (restrukturizasiya) müqaviləsi ilə 1131.03 manat məbləğində kredit verilmişdir. İşdə olan "xxxx" MM QBKT tərəfindən verilmiş xx.xx.2019-cu il tarixli **********0382 saylı kredit müqaviləsi və eyni tarixli **********00395 saylı güzəştli kredit (restrukturizasiya) müqaviləsi üzrə xx.xx.2023-cü il tarixli maliyyə arayışından görünür ki, Cavabdeh1 "xxxx" MMM QBKT-yə əsas borc üzrə 2114 (ikii min yüz on dörd) manat 48 (qırx səkkiz) qəpik, faiz borcuna görə 11 (on bir) manat 65 (altmış beş) qəpik, cəmi 2126 (iki min yüz iyirmi altı) manat 13 (on üç) qəpik, həmçinin **********00395 saylı kredit müqaviləsi üzrə borcun məbləği 900 (doqquz yüz) manat 23 (iyirmi üç) qəpik əsas, faiz borcu üzrə 8 (səkkiz) manat 78 (yetmiş səkkiz) qəpik olmaqla, cəmi 909 (doqquz yüz doqquz) manat 01 (sıfır bir) qəpik təşkil edir. Azərbaycan Respublikası Mülki Məcəlləsinin (MM) 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətləri etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. MM-in 739-cu maddəsinin tələbinə görə borc müqaviləsinə görə, iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Borc müqaviləsinin predmeti hər hansı pul məbləği olduqda, o, kredit müqaviləsi adlandırılır. Müstəqil peşə fəaliyyəti şəklində pul borc verməklə məşğul olan şəxslər əlavə olaraq peşəkarlıq qaydasında kreditlər verilməsi haqqında müddəaları gözləməlidirlər. İş materiallarında olan **********0382-633376 saylı və **********00395-633376 saylı zaminlik müqaviləsindən görünür ki, Cavabdeh2 ilə **********0382-633376 saylı və **********00395-633376 saylı zaminlik müqaviləsi bağlanmışdır. MM-in 470.1-ci maddəsinə əsasən zaminlik müqaviləsi üzrə zamin başqa şəxsin kreditoru qarşısında həmin şəxsin öz öhdəliyini tamamilə və ya hissə-hissə icra etməsi üçün məsuliyyəti öz üzərinə götürür. MM-in 472.1 və 472.2-ci maddələrinə görə borclu zaminliklə təmin edilmiş öhdəliyi icra etmədikdə və ya lazımınca icra etmədikdə, əgər bu Məcəllədə və ya zaminlik müqaviləsində zaminin subsidiar məsuliyyəti nəzərdə tutulmayıbsa, zamin və borclu kreditor qarşısında birgə məsuliyyət daşıyırlar. Əgər zaminlik müqaviləsində ayrı qayda nəzərdə tutulmayıbsa, faizlərin, borc tutulması üzrə məhkəmə xərclərinin və borclunun öhdəliyi icra etməməsi və ya lazımınca icra etməməsi nəticəsində kreditora dəyən digər zərərin əvəzinin ödənilməsi də daxil olmaqla, zamin kreditor qarşısında borclu ilə eyni həcmdə məsuliyyət daşıyır. Buna görə də, məhkəmə hesab edir ki, cavabdehlər Cavabdeh1 və Cavabdeh2 xx.xx.2019-cu il tarixli **********0382 saylı və **********00395 saylı güzəştli kredit (restrukturizasiya) müqaviləsi ilə öhdəliklərini vaxtında və lazımınca icra etmədiyinə görə müqavilə üzrə əsas borc üzrə 2114 (ikii min yüz on dörd) manat 48 (qırx səkkiz) qəpik, faiz borcuna görə 11 (on bir) manat 65 (altmış beş) qəpik, cəmi 2126 (iki min yüz iyirmi altı) manat 13 (on üç) qəpik, həmçinin **********00395 saylı kredit müqaviləsi üzrə borcun məbləği 900 (doqquz yüz) manat 23 (iyirmi üç) qəpik əsas, faiz borcu üzrə 8 (səkkiz) manat 78 (yetmiş səkkiz) qəpik olmaqla, cəmi 909 (doqquz yüz doqquz) manat 01 (sıfır bir) qəpik məbləğdə pul vəsaiti cavabdehlərdən müştərək qaydada iddiaçının xeyrinə tutulmalıdır. MPM-in 217.4-cü maddəsinə görə məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. MPM-in 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. MPM-in 119.1-ci maddəsinə əsasən məhkəmə hesab edir ki, iddiaçı "xxxx" MM QBKT məhkəməyə ərizə verərkən dövlət rüsumu kimi ödədiyi 50 (əlli) manat 35 (otuz beş) qəpik məbləğində pul vəsaiti də cavabdehlərdən iddiaçının xeyrinə tutulmalıdır. Yuxarıda göstərilənlərə əsasən və MPM-in 216-220 və 222-ci maddələrinin göstərişini rəhbər tutaraq məhkəmə Q Ə T E T D İ: İddia təmin edilsin. Cavabdehlər Cavabdeh1 və Cavabdeh2 xx.xx.2019-cu il tarixli **********0382 saylı müqavilə üzrə əsas borc üzrə 2114 (ikii min yüz on dörd) manat 48 (qırx səkkiz) qəpik, faiz borcuna görə 11 (on bir) manat 65 (altmış beş) qəpik, cəmi 2126 (iki min yüz iyirmi altı) manat 13 (on üç) qəpik, həmçinin eyni tarixli **********00395 saylı kredit müqaviləsi üzrə borcun məbləği 900 (doqquz yüz) manat 23 (iyirmi üç) qəpik əsas, faiz borcu üzrə 8 (səkkiz) manat 78 (yetmiş səkkiz) qəpik olmaqla, cəmi 909 (doqquz yüz doqquz) manat 01 (sıfır bir) qəpik və ödənilmiş dövlət rüsumunun əvəzi qismində 50 (əlli) manat 35 (otuz beş) qəpik məbləğdə pul vəsaiti "xxxx" MMM QBKT-nin xeyrinə tutulsun. Qətnamə rəsmi qaydada verildikdən sonra 1 (bir) ay müddətində Biləsuvar Rayon Məhkəməsi vasitəsi ilə Şirvan Apellyasiya Məhkəməsinə apelyasiya şikayəti verilə bilər. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Hakim Nüsrət Mirzəyev