Qəbələ Rayon Məhkəməsi Qətnamə — İş №e-2(025)-1062/2024

Azərbaycan Respublikası adından QƏTNAMƏ Qəbələ şəhəri İş № e-2(025)-1062/2024 23.08.2024 QƏBƏLƏ RAYON MƏHKƏMƏSİ İddiaçı Açıq Səhmdar Cəmiyyətinin Cavabdeh qarşı “borcun tutulması” tələbinə dair mülki iş üzrə (Açar sözlər: alqı-satqı müqaviləsi üzrə mübahisələr) Qəbələ Rayon Məhkəməsinin hakimi X3, İddiaçı ASC-nin Cavabdehya qarşı pul tələbi barədə iddiasına dair mülki işə baxaraq M Ü Ə Y Y Ə N E T D İ: İddiaçı ASC Cavabdehya qarşı kredit müqaviləsi üzrə yaranmış borcun tutulması tələbi barədə iddia qaldıraraq 406.34 manat əsas borc, 16.42 manat faiz borc, 0.15 manat cərimə borcu olmaqla, ümumilikdə 422.91 manat borcunun və ödənilmiş dövlət rüsumuna görə 30 manat tutulması barədə qətnamə çıxarılmasını xahiş etmişdir. İşdə olan 10 yanvar 2022-ci il tarixli 31100***-*******01L saylı Əsas kredit razılaşmasına əsasən, xx.xx.2022-ci ildə Cavabdeh 36 ay müddətinə illik 16 % faiz kreditdən istifadəyə görə haqq ödəmək şərti ilə 1020 (bir min iyirmi) manat məbləğində kredit verilmişdir. İşdə olan 24 aprel 2024-cü il tarixli pretenziyanın surətindən görünür ki, xx.xx.2022-ci il tarixli kredit müqaviləsinə əsasən borcalan X1 illik 16 % ödəmək va xx.xx.2025-ci ilədək qaytarmaq şərtilə 1020 manat kredit verilmişdir. Kredit müqaviləsi üzrə xx.xx.2024-cü il tarixə Banka olan borcun mobləği; a) Əsas borc üzrə 573,22 manat; b) faizler üzrə 29,1 manat c) cərimə üzrə 1.44 manat olmaqla, cəmi 603.76 rnanat təşkil edir. AR Mülki Məcəlləsinin 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; Həmin Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə, və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Həmin Məcəllənin 445.2.1-ci maddəsinə əsasən öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Həmin Məcəllənin 448.1-ci maddəsinə əsasən əgər Mülki Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir; Həmin Məcəllənin 448.2-ci maddəsinə əsasən borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır; Həmin Məcəllənin 462.1-ci maddəsinə görə dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir; Həmin Məcəllənin 465.2-ci maddəsinə görə, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödəniməsini və öhdəliyin icrasını tələb edə bilər; Məhkəmə tədqiq olunmuş sübutlara qiymət verərək hesab edir ki, İddiaçı ASC-nin xeyrinə 10 yanvar 2022-ci il tarixli 31100***-*******01L saylı əas kredit razılaşmasına əsasən Cavabdehdan 406.34 (dörd yüz altı manat otuz dörd qəpik) manat əsas borc, 16.42 (on altı manat qırx iki qəpik) manat faiz, 0.15 (on beş qəpik) manat cərimə borcu və 30 (otuz) manat dövlət rüsumu tutulmalıdır. Yuxarıda qeyd olunanlara əsasən Azərbaycan Respublikası MPM-nin 216-220, 227, 233, 357 və 360-cı maddələrini rəhbər tutaraq Q Ə T E T D İ: İddia tələbi təmin olunsun. Cavabdehdan 10 yanvar 2022-ci il tarixli 31100***-*******01L saylı kredit müqaviləsinə əsasən 406.34 (dörd yüz altı manat otuz dörd qəpik) manat əsas borc, 16.42 (on altı manat qırx iki qəpik) manat faiz, 0.15 (on beş qəpik) manat cərimə borcu olmaqla, cəmi 422.91 manat borc və 30 (otuz) manat dövlət rüsumu tutulub İddiaçı ASC-nin hesabına xeyrinə ödənilsin. Qətnamədən 1 (bir) ay müddətində Qəbələ Rayon Məhkəməsi vasitəsi ilə Azərbaycan Respublikası Şəki Apellyasiya Məhkəməsinə apellyasiya şikayəti verilə bilər. Qəbələ Rayon Məhkəməsinin hakimi: Ülvi Qənbərov.