Qəbələ Rayon Məhkəməsi Qətnamə — İş №e-2(025)-731/2025

Azərbaycan Respublikası adından QƏTNAMƏ Qəbələ şəhəri İş № e-2(025)-731/2025 22.05.2025 QƏBƏLƏ RAYON MƏHKƏMƏSİ İddiaçı Açıq Səhmdar Cəmiyyətinin Cavabdeh qarşı “borcun tutulması” tələbinə dair mülki iş üzrə (Açar sözlər: kredit müqaviləsi üzrə mübahisələr) Qəbələ Rayon Məhkəməsinin hakimi X1, İddiaçı ASC-nin Cavabdeh qarşı pul tələbi barədə iddiasına dair mülki işə baxaraq M Ü Ə Y Y Ə N E T D İ: İddiaçı ASC Cavabdeh qarşı kredit müqaviləsi üzrə yaranmış borcun tutulması tələbi barədə iddia qaldıraraq, İddiaçı ASC ilə Cavabdeh arasında bağlanmış 13 aprel 2023-cü il tarixli 305215-CNS- 44329 saylı “Kredit borcunun restrukturizasiyasına dair müqaviləsi”nə əsasən xx.xx.2025-ci il tarixə Banka borclu olduğu 1.576,44 (bir min beş yüz yetmiş altı manat qırx dörd qəpik) manat məbləğində əsas borc, 7,09 (yeddi manat doqquz) manat məbləğində faiz borcu, 23,90 (iyirmi üç manat doxsan qəpik) manat məbləğində cərimə, ümumilikdə isə 1.607,43 (bir min altı yüz yeddi manat qırx üç qəpik) manat məbləğində pulun və məhkəməyə müraciət etmək üçün ödənilmiş 36,07 (otuz altı manat yeddi qəpik) manat dövlət rüsumunun Cavabdeh tutularaq İddiaçı ASC-nə ödənilməsi barədə qətnamə çıxarılmasını xahiş etmişdir. İddiaçı iddia tələbini onunla əsaslandırmışdır ki, İddiaçı Açıq Səhmdar Cəmiyyəti (bundan sonra mətndə Bank) ilə Cavabdeh (bundan sonra mətndə Cavabdeh) arasında bağlanmış 13 aprel 2023-cü il tarixli 305215-CNS-44329 saylı“Kredit borcunun restrukturizasiyasına dair müqaviləsi”nə əsasən Cavabdeh xx.xx.2021-ci il tarixli 305215-CNS-27400 saylı kredit müqaviləsi üzrə Banka xx.xx.2023-cü il tarixə mövcud olan borcu kapitallaşdırılmış və o, 1.829,49 (bir min səkkiz yüz iyirmi doqquz manat qırx doqquz qəpik) manat məbləğində borcu illik 3 (üç) faiz hesablanması şərti ilə 59 (əlli doqquz) ay müddətində ödəməyi öhdəsinə götürmüşdür. Lakin borclu şəxs Cavabdeh üzərinə götürdüyü kredit öhdəliklərini xx.xx.2024-cü il tarixdən icra etməmiş və nəticədə cavabdehin Banka 1.576,44 (bir min beş yüz yetmiş altı manat qırx dörd qəpik) manat məbləğində əsas borc, 7,09 (yeddi manat doqquz qəpik) manat məbləğində faiz borcu, 23,90 (iyirmi üç manat doqquz qəpik) manat məbləğində cərimə, ümumilikdə isə 1.607,43 (bir min altı yüz yeddi manat qırx üç qəpik) manat məbləğində borcu qalmışdır. İşdə olan 13 aprel 2023-cü il tarixli 305215-CNS-44329 saylı “Kredit borcunun restrukturizasiya” müqaviləsinə əsasən Cavabdeh 13 aprel 2023-cü il tarixli 305215-CNS-44329 saylı kredit müqaviləsi üzrə Banka xx.xx.2023-cü il tarixə mövcud olan borcu kapitallaşdırılmış və o, 1.829,49 (bir min səkkiz yüz iyirmi doqquz manat qırx doqquz qəpik) manat məbləğində borcu illik 3 (üç) faiz hesablanması şərti ilə 59 (əlli doqquz) ay müddətində ödəməyi öhdəsinə götürmüşdür. Müqaviləyə əlavə edilmiş Ödəniş cədvəlinin surətinə əsasən Cavabdeh ona verilən 1829.49 manat məbləğində krediti 166.67 manat faizlə birlikdə xx.xx.2023-cü il tarixdən başlayaraq xx.xx.2028-ci il tarixədək hissə-hissə ödəyib qurtarmağı öhdəsinə götürmüşdür. İşdə olan xx.xx.2025-ci il tarixli arayışın surətindən görünür ki, Cavabdeh xx.xx.2025-ci il tarixinə 1576.44 manat əsas borc, 7.09 manat faiz borc və 23.90 manat cərimə borcu olmaqla, cəmi 1607.43 manat borcu vardır. İşdən görünür ki, Cavabdeh aldığı krediti qismən ödəyərək, 1576.44 manat əsas, 7.09 manat faiz borcu və 23.90 manat cərimə olmaqla, cəmi 1607.43 manat borcu yaranmışdır. AR Mülki Məcəlləsinin 739.1-ci maddəsinə əsasən borc müqaviləsinə görə, iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Həmin Məcəllənin 739.2-ci maddəsinə əsasən borc müqaviləsinin predmeti hər hansı pul məbləği olduqda, o, kredit müqaviləsi adlandırılır.Müstəqil peşə fəaliyyəti şəklində pul borc verməklə məşğul olan şəxslər əlavə olaraq peşəkarlıq qaydasında kreditlər verilməsi haqqında müddəaları gözləməlidirlər. Həmin Məcəllənin 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən şəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Həmin Məcəllənin 445.2.1-ci maddəsinə əsasən öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Həmin Məcəllənin 449.4-cü maddəsinə əsasən özgə vəsaitindən istifadə üçün faizlər, əgər müqavilədə faizlərin hesablanması üçün daha qısa müddət müəyyənləşdirilməyibsə, həmin vəsait məbləğinin kreditora ödənildiyi günə qədər tutulur. Məhkəmə tədqiq olunmuş sübutlara qiymət verərək hesab edir ki, “Bank VTB (Azərbaycan)) ASCnin xeyrinə Cavabdehdan 1576.44 manat əsas borc, 7.09 manat faiz borc, 23.90 manat məbləğində cərimə və 36.07 manat dövlət rüsumu tutulmalıdır. Yuxarıda qeyd olunanlara əsasən Azərbaycan Respublikası MPM-nin 216-220, 227, 233, 357 və 360-cı maddələrini rəhbər tutaraq Q Ə T E T D İ: İddia tələbi təmin olunsun. Cavabdehdan 1576.44 manat əsas borc, 7.09 manat faiz borc, 23.90 manat cərimə olmaqla, ümumilikdə 1607.43 manat borc və 36.07 manat dövlət rüsumu tutulub kreditor İddiaçı ASC-nin hesabına xeyrinə ödənilsin. Qətnamədən 1 (bir) ay müddətində Qəbələ Rayon Məhkəməsi vasitəsi ilə Azərbaycan Respublikası Şəki Apellyasiya Məhkəməsinə apellyasiya şikayəti verilə bilər. Hakim: Ülvi Qənbərov.