Qobustan Rayon Məhkəməsi Qərardad — İş №e-2(026)-351/2025

Azərbaycan Respublikası adından QƏRARDAD Qobustan rayonu İş № e-2(026)-351/2025 13.05.2025 QOBUSTAN RAYON MƏHKƏMƏSİ Hakim Mayılov Samir İlham oğlunun sədrliyi ilə, İddiaçılar Nümayəndə2 və Nümayəndə1 Cavabdeh qarşı “maddi ziyanın əvəzinin ödənilməsi tələbinə dair” iddia ərizəsini və ona əlavə olunmuş sənədləri nəzərdən keçirib, MÜƏYYƏN ETDİ: İddiaçılar Nümayəndə2 və Nümayəndə1 Cavabdeh qarşı iddia ərizəsi ilə məhkəməyə müraciət edərək, Cavabdeh təqsiri səbəbindən onlara dəymiş 11220 manat maddi ziyanın cavabdehdən alınaraq onlara ödənilməsi barədə qətnamə qəbul edilməsini xahiş etmişlər. İddia ərizəsi və ona əlavə olunmuş sənədlər araşdırılarkən müəyyən edilmişdir ki, aşağıda göstərilənlərə əsasən iddia ərizəsi və ərizəyə əlavə olunmuş sənədlər geri qaytarılmalıdır. Belə ki, Azərbaycan Respublikası Mülki Prosessual Məcəlləsinin (bundan sonra – MPM-in) 149.1-ci maddəsinə əsasən, iddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır. Lakin hazırkı iş üzrə “Elektron məhkəmə” informasiya sistemindən görünür ki, iddia ərizəsi iddiaçılardan yalnız Nümayəndə1 tərəfindən elektron imza vasitəsilə imzalanmış, digər iddiaçı Nümayəndə2 isə iddia ərizəsini elektron imza vasitəsilə imzalamamaqla yanaşı, onun adından hazırkı iddianı imzalaya bilməsi üçün Nümayəndə1 verilmiş etibarnamə də təqdim etməmişdir. MPM-in 152.1.2-ci maddəsinə əsasən, iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda, hakim iddia ərizəsini və ona əlavə edilmiş sənədləri geri qaytarır. MPM-in 10-1.7-ci maddəsinə əsasən, “Elektron məhkəmə” informasiya sistemində elektron sənəd dövriyyəsi üçün gücləndirilmiş elektron imzadan və sertifikatlaşdırılmış elektron imza vasitələrindən istifadə edilir. MPM-in 150.1.2-ci maddəsinə əsasən, iddia ərizəsinə dövlət rüsumunun ödənilməsini təsdiq edən sənəd əlavə edilir. Lakin hazırkı iş üzrə qanunla müəyyən edilmiş qaydada və məbləğdə dövlət rüsumu da iddiaçılar tərəfindən ödənilməmişdir. Belə ki, hazırkı iş üzrə iddia ərizəsinə əlavə olunmuş 29 oktyabr 2024-cü il tarixli, ********** nömrəli qəbzdən görünür ki, Nümayəndə1 tərəfindən 129 manat məbləğində dövlət rüsumu ödənilmişdir. Lakin hazırda müəyyən olunur ki, sözügedən dövlət rüsumunun ödənilməsi barədə qəbz artıq istifadə olunmuşdur. Belə ki, Qobustan Rayon Məhkəməsinin icraatında olmuş 2(026)-349/2025 saylı mülki iş üzrə də iddiaçı Nümayəndə1 iddia ərizəsi verərkən sözügedən qəbzdən istifadə etmişdir. MPM-in 152.1.5-ci maddəsinə əsasən, müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə, hakim iddia ərizəsini və ona əlavə edilmiş sənədləri geri qaytarır. Bununla belə, Qobustan Rayon Məhkəməsinin 13 may 2025-ci il tarixli, 2(026)- 349/2025 saylı qərardadı ilə iddia ərizəsi geri qaytarılarkən onun verilməsi üçün ödənilmiş 129 manat dövlət rüsumunun da iddiaçı Nümayəndə1 geri qaytarılması qərara alınmışdır. 29 oktyabr 2024-cü il tarixli, ********** nömrəli qəbz üzrə olan 129 manat məbləğində ödənişin iddiaçı Nümayəndə1 qaytarılması artıq məhkəmənin 13 may 2025-ci il tarixli, 2(026)-349/2025 saylı qərardadında nəzərdə tutulduğundan, yenidən həmin ödənişin iddiaçı Nümayəndə1 geri qaytarılmasına göstəriş verilməsinə zərurət yoxdur. MPM-in 152.2-ci maddəsinə əsasən, iddia ərizəsinin qaytarılması haqqında hakim qərardad çıxarır. Beləliklə, məhkəmə belə nəticəyə gəlir ki, iddiaçılar Nümayəndə2 və Nümayəndə1 Cavabdeh qarşı “maddi ziyanın əvəzinin ödənilməsi tələbinə dair” iddia ərizəsi və ona əlavə olunmuş sənədlər geri qaytarılmalıdır. MPM-in 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və MPM-in 149-152, 263, 264, 267 və 268-ci maddələrini rəhbər tutub QƏRARA ALDİ: İddiaçılar Nümayəndə2 və Nümayəndə1 Cavabdeh qarşı “maddi ziyanın əvəzinin ödənilməsi tələbinə dair” iddia ərizəsi və ona əlavə olunmuş sənədlər geri qaytarılsın. Qərardaddan rəsmi qaydada verildiyi gündən 10 gün müddətində Qobustan Rayon Məhkəməsinə şikayət verilə bilər. Sədrlik edən: Samir Mayılov