Quba Rayon Məhkəməsi Qətnamə — İş №e-2(027)-1215/2022

Azərbaycan Respublikası adından QƏTNAMƏ Quba şəhəri İş № e-2(027)-1215/2022 18.05.2022 QUBA RAYON MƏHKƏMƏSİ Quba Rayon Məhkəməsi hakimi Məmmədov İlqar Aslan oğlu iddiaçı "xxxx" MMC-nin Cavabdeh qarşı “pul tələbinə” dair kiçik iddiası üzrə mülki işə sadələşdirilmiş icraat qaydasında baxaraq, m ü ə y y ə n e t d i: İddiaçı "xxxx" MMC iddia ərizəsi ilə məhkəməyə müraciət edərək, 21.10.2020-ci il tarixli müqaviləsinə əsasən İMEİ kodu **********92034 “Samsung Galaxy A21s” markalı telefon üçün 292 (iki yüz doxsan iki) manat 80 qəpik ödənilməmiş hissə, 29 (iyrmi doqquz) manat 20 qəpik cərimə; 11.01.2021-ci il tarixli müqaviləsinə əsasən İMEİ kodu **********22779 “Samsung Galaxy A21s” markalı telefon üçün 369 (üç yüz altımış doqquz) manat ödənilməmiş hissə, 36 (otuz altı) manat cərimə; 19.03.2021-ci il tarixli müqaviləsinə əsasən “HP Pavilion” markalı kompüter üçün 1990 (min doqquz yüz doxsan) manat 80 qəpik ödənilməmiş hissə, 199 (yüz doxsan doqquz) manat 20 qəpik cərimə; 27.03.2021-ci il tarixli müqaviləsinə əsasən İMEİ kodu **********17387 “Samsung Galaxy A51” markalı telefon və “X2” markalı qulaqlığ üçün 1390 (min üç yüz doxsan) manat 80 qəpik ödənilməmiş hissə, 139 (yüz otuz doqquz) manat 20 qəpik cərimə; ümumilikdə 4447(dörd min dörd yüz qırx yeddi) manat borc və 64 (altımış dörd) manat 47 qəpik ödənilmiş dövlət rüsumu, Cavabdeh alınaraq "ABC TELECOM” Məhdud Məsuliyyətli Cəmiyyətinə ödənməsi barədə qətnamə qəbul edilməsini xahiş etmişdir. İddiaçı "xxxx" MMC ərizəsini onunla əsaslandırmışdır ki, "ABC TELECOM” MMC ilə Cavabdeh arasında bağlanmış 21.10.2020-ci il, 11.01.2021-ci il, 19.03.2021-ci il, 27.03.2021-ci il tarixli müqavilələrə əsasən İMEİ kodu **********92034 “Samsung Galaxy A21s” markalı telefon, İMEİ kodu **********22779 “Samsung Galaxy A21s” markalı telefon, “HP Pavilion” markalı kompüter və İMEİ kodu **********17387 “Samsung Galaxy A51” markalı telefon və “X2” markalı qulaqlığ almış və ümumilikdə cavabdehin "xxxx" MMC-nə 4447(dörd min dörd yüz qırx yeddi) manat borcu yaranmışdır. Cavabdeh müqavilənin şərtlərini pozmuş, üzərinə düşən öhdəliyi icra etməmişdir. İddiaçı "xxxx" MMC məhkəməyə ərizə ilə müraciət etmək qərarına gələrək, ümumilikdə 4447 (dörd min dörd yüz qırx yeddi) manat borcun və 64 (altımış dörd) manat 47 qəpik ödənilmiş dövlət rüsumu, Cavabdeh alınaraq "ABC TELECOM” Məhdud Məsuliyyətli Cəmiyyətinə ödənməsi barədə qətnamə qəbul edilməsini xahiş etmişdir. Azərbaycan Respubikası Mülki Prosessual Məcəlləsinin: 284-cü maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. 284-6.1-ci maddəsinə əsasən, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. İş üzrə toplanmış materialları tədqiq edərək, araşdırılan sübutlara məcmu halda hüquqi qiymət verərək hesab edirəm ki, iddia tələbi qismən təmin edilməlidir. Belə ki, iş materiallarında olan: "xxxx" MMC ilə cavabdeh arasında bağlanmış 21.10.2020-ci il tarixli müqaviləsinə əsasən İMEİ kodu **********92034 “Samsung Galaxy A21s” markalı telefon; 11.01.2021-ci il tarixli müqaviləsinə əsasən İMEİ kodu **********22779 “Samsung Galaxy A21s” markalı telefon; 19.03.2021-ci il tarixli müqaviləsinə əsasən “HP Pavilion” markalı kompüter; 27.03.2021-ci il tarixli müqaviləsinə əsasən İMEİ kodu **********17387 “Samsung Galaxy A51” markalı telefon və “X2” markalı qulaqlığ almışdır. 25.03.2022- ci il tarixli maliyyə və ödəniş cədvəlinə görə, Cavabdeh 21.10.2020-ci il tarixli müqaviləyə əsasən “Samsung Galaxy A21s” markalı telefon üçün 292 (iki yüz doxsan iki) manat 80 qəpik ödənilməmiş hissə, 29 (iyrmi doqquz) manat 20 qəpik cərimə; 11.01.2021-ci il tarixli müqaviləsinə əsasən “Samsung Galaxy A21s” markalı telefon üçün 369 (üç yüz altımış doqquz) manat ödənilməmiş hissə, 36 (otuz altı) manat cərimə; 19.03.2021-ci il tarixli müqaviləsinə əsasən “HP Pavilion” markalı kompüter üçün 1990 (min doqquz yüz doxsan) manat 80 qəpik ödənilməmiş hissə, 199 (yüz doxsan doqquz) manat 20 qəpik cərimə; 27.03.2021-ci il tarixli müqaviləsinə əsasən “Samsung Galaxy A51” markalı telefon və “X2” markalı qulaqlığ üçün 1390 (min üç yüz doxsan) manat 80 qəpik ödənilməmiş hissə, 139 (yüz otuz doqquz) manat 20 qəpik cərimə; ümumilikdə 4447 (dörd min dörd yüz qırx yeddi) manat məbləğində borcu yaranmışdır; İşdə olan 27.01.2022-ci il tarixli xəbərdarlığdan görünür ki, Cavabdeh tərəfindən banka olan borc ödənilmədiyi təqdirdə barəsində müvafiq tədbirlər görüləcəyi barədə xəbərdar edilmişdir; 28.03.2022-ci il tarixli, ********* nömrəli mədaxil qəbzindən görünür ki, məhkəmədə iddia qaldırılması üçün iddiaçı tərəfindən 64 (altımış dörd) manat 47 qəpik məbləğində dövlət rüsumu ödənilmişdir. İşdə olan AZE ******** seriya və nömrəli şəxsiyyət vəsiqəsinin surətindən və MAPS arayışdan görünür ki, Cavabdeh ünvan 1 ünvanında qeydiyyatdadır. Beləliklə, tərəflər arasında olan müqavilə münasibətlərindən göründüyü kimi, tərəflər əşyanın nisyə alınıb-satılması barədə razılığa gəlmişlər. Cavabdeh müqaviləyə əsasən hissə-hissə ödəmək şərtilə satın aldığı əşyaların dəyərindən qalan məbləği hər ay vaxtında ödəyəcəyi barədə üzərinə öhdəlik götürsə də, müqavilənin şərtlərini icra etməmiş və nəticədə iddiaçıya ümumilikdə 4447 (dörd min dörd yüz qırx yeddi) manat məbləğində borcu yaranmışdır. Azərbaycan Respublikası Mülki Məcəlləsinin: 600.1-ci maddəsinin tələbinə görə, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyanın nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4-cü maddəsinin tələbinə görə, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; 467-ci maddəsinə əsasən, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, kiçik iddia qismən təmin edilərək yaranmış borc məbləği cavabdehdən iddiaçının xeyrinə tutulmalıdır. Həmçinin, hesab edirəm ki, Azərbaycan Respublikası Mülki Prosessual Məcəlləsinin 119-cu maddəsinə əsasən məhkəmə xərcləri ödənilmiş tələblərin məbləğində münasib olaraq işdə iştirak edən şəxslərə aid edildiyindən, iddiaçı tərəfindən dövlət büdcəsinə köçürülmüş 64 (altımış dörd) manat 47 qəpik dövlət rüsumu cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 284-1, 284-5, 284-6, 216-220-ci maddələrini rəhbər tutaraq, qət e t d i: Kiçik mübahisələrə dair iddia ərizəsi qismən təmin olunsun. Cavabdeh 21.10.2020-ci il tarixli müqaviləyə əsasən 292 (iki yüz doxsan iki) manat 80 qəpik ödənilməmiş hissə, 2 (iki) manat 20 qəpik cərimə, 11.01.2021-ci il tarixli müqaviləsinə əsasən 369 (üç yüz altımış doqquz) manat ödənilməmiş hissə, 3 (üç) manat cərimə, 19.03.2021-ci il tarixli müqaviləsinə əsasən üçün 1990 (min doqquz yüz doxsan) manat 80 qəpik ödənilməmiş hissə, 10 (on) manat 20 qəpik cərimə, 27.03.2021-ci il tarixli müqaviləsinə əsasən 1390 (min üç yüz doxsan) manat 80 qəpik ödənilməmiş hissə, 15 (on beş) manat 20 qəpik cərimə, ümumilikdə 4074 (dörd min yetmiş dörd) manat məbləğində borc və dövlət rüsumu üçün ödənilmiş 64 (altımış dörd) manat 47 qəpik məbləğdə pul vəsaiti tutulub "xxxx" MMC-nin xeyrinə ödənilsin. Qətnamə rəsmi qaydada verildikdən sonra 1(bir) ay müddətində Quba Rayon Məhkəməsi vasitəsilə Sumqayıt Apelyasiya Məhkəməsinə apellyasiya şikayəti verilə bilər. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Hakim: İlqar Məmmədov