Quba Rayon Məhkəməsi Qətnamə — İş №e-2(027)-2170/2022

Azərbaycan Respublikası adından QƏTNAMƏ Quba şəhəri İş № e-2(027)-2170/2022 27.09.2022 QUBA RAYON MƏHKƏMƏSİ Mən, Quba Rayon Məhkəməsinin hakimi Seyidov Vüqar Mircuma oğlu, iddiaçı "xxxx" Məhdud Məsuliyyətli Cəmiyyətinin (bundan sonra MMC) Cavabdeh qarşı “borcun ödənilməsi” tələbinə dair kiçik iddiası üzrə mülki işə sadələşdirilmiş icraat qaydasında baxaraq, MÜƏYYƏN ETDİM: İddiaçı "xxxx" MMC Cavabdeh qarşı “borcun ödənilməsi” tələbinə dair kiçik iddia ərizəsi ilə məhkəməyə müraciət edərək, Cavabdeh xx.xx.2020-ci il tarixli 22097834 saylı müqavilə üzrə 91,60 (doxsan bir manat altmış qəpik) manat ödənilməmiş hissə, 9,40 (dörd manat qırx qəpik) manat cərimə, xx.xx.2021-ci il tarixli 23012515 saylı müqavilə üzrə 3790 (üç min yeddi yüz doxsan) manat ödənilməmiş hissə, 379 (üç yüz yetmiş doqquz) manat cərimə olmaqla, iki müqavilə üzrə cəmi 4270 (dörd min iki yüz yetmiş) manat borcun və dövlət büdcəsinə köçürülmüş dövlət rüsumunun əvəzi 62,70 (altmış iki manat yetmiş qəpik) manat məbləğində pulun iddiaçı "xxxx" MMC-nin xeyrinə tutulması barədə qətnamə çıxarılmasını xahiş etmişdir. İddiaçı tərəf ərizəsini onunla əsaslandırmışdır ki, "xxxx" MMC ilə cavabdeh arasında bağlanmış xx.xx.2020-ci il tarixli 22097834 saylı müqaviləyə əsasən, sonuncu 12 ay müddətinə ilkin ödənişsiz hər ay 22,80 (iyirmi iki manat səksən qəpik) manat ödəmək şərtilə 273,60 (iki yüz yetmiş üç manat altmış qəpik) manat dəyərində “Huawei Y5 Lite” markalı telefon, xx.xx.2021-ci il tarixli 23012515 saylı müqaviləyə əsasən, cavabdeh 18 ay müddətinə 444 (dörd yüz qırx dörd) manat ilkin ödəniş etməklə hər ay 223 (iki yüz iyirmi üç) manat ödəmək şərtilə ümumi dəyəri 4458 (dörd min əlli səkkiz) manat olan “iPhone 12 Pro” markalı telefon, Apple adaptor, İntaleo ekran qoruyucusu almışdır. Cavabdeh müqavilələrin şərtlərini pozmuş və nəticədə xx.xx.2020-ci il tarixli 22097834 saylı müqavilə üzrə 91,60 (doxsan bir manat altmış qəpik) manat ödənilməmiş hissə, 9,40 (dörd manat qırx qəpik) manat cərimə, xx.xx.2021-ci il tarixli 23012515 saylı müqavilə üzrə 3790 (üç min yeddi yüz doxsan) manat ödənilməmiş hissə, 379 (üç yüz yetmiş doqquz) manat cərimə olmaqla, iki müqavilə üzrə cəmi 4270 (dörd min iki yüz yetmiş) manat borc yaranmışdır. Cavabdehin cəmi ödədiyi məbləğ 850 (səkkiz yüz əlli) manat təşkil edir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Cavabdehlə MMC arasında bağlanılmış xx.xx.2020-ci il tarixli 22097834 saylı və xx.xx.2021-ci il tarixli 23012515 saylı müqavilələrin ayrılmaz tərkib hissəsi olan əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehə məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirilsə də, sonuncu müqavilə ilə təsbit olunmuş öhdəlikləri icra etməmişdir. Azərbaycan Respubikası Mülki Prosessual Məcəlləsinin: 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-2-ci maddəsinə əsasən, kiçik iddialara dair işlərdə ərizə bu Məcəllənin 4-cü fəslində müəyyən edilmiş ümumi aidiyyət qaydalarına əsasən verilir; 284-5.3-cü maddəsinə əsasən Ərizə məhkəməyə daxil olduğu gündən 30,19 (otuz manat on doqquz qəpik) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır; 284-6.1-ci maddəsinə əsasən, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir; 284-6.2-ci maddəsinə əsasən, məhkəmə qətnaməsindən bu Məcəllə ilə nəzərdə tutulmuş qaydada apellyasiya şikayəti verilə bilər. İş üzrə toplanmış materialları tədqiq edərək, araşdırılan sübutlara məcmu halda hüquqi qiymət verərək hesab edirəm ki, iddia tələbi təmin edilməlidir. Belə ki, iş materiallarında olan: - xx.xx.2020-ci il tarixli 22097834 saylı müqavilədən, müqaviləyə əlavə edilmiş ödəniş cədvəlindən və təhvil-təslim aktından görünür ki, "xxxx" MMC ilkin ödənişsiz 12 ay müddətinə hər ay 22,80 (iyirmi iki manat səksən qəpik) manat ödəmək şərtilə 273,60 (iki yüz yetmiş üç manat altmış qəpik) manat dəyərində “Huawei Y5 Lite” markalı telefonu Cavabdeh satmışdır; - xx.xx.2021-ci il tarixli 23012515 saylı müqavilədən, müqaviləyə əlavə edilmiş ödəniş cədvəlindən və təhvil-təslim aktından görünür ki, "xxxx" MMC 444 (dörd yüz qırx dörd) manat ilkin ödənişlə 18 ay müddətinə hər ay 223 (iki yüz iyirmi üç) manat ödəmək şərtilə ümumi dəyəri 4458 (dörd min əlli səkkiz) manat olan “iPhone 12 Pro” markalı telefon, Apple adaptor, İntaleo ekran qoruyucusu Cavabdeh satmışdır; - maliyyə arayışından görünür ki, Cavabdeh ödənişləri gecikdirməsi ilə müqavilə şərtlərini pozduğuna görə müqavilələrin ödəniş cədvəli üzrə xx.xx.2020-ci il tarixli 22097834 saylı müqavilə üzrə 91,60 (doxsan bir manat altmış qəpik) manat ödənilməmiş hissə, 9,40 (dörd manat qırx qəpik) manat cərimə olmaqla, cəmi 1128 (bir min yüz iyirmi səkkiz) manat borc, xx.xx.2021-ci il tarixli 23012515 müqavilə üzrə 3790 (üç min yeddi yüz doxsan) manat ödənilməmiş hissə, 379 (üç yüz yetmiş doqquz)manat cərimə olmaqla, iki müqavilə üzrə cəmi 4270 (dörd min iki yüz yetmiş) manat borc hesablanmışdır; - xəbərdarlıq məktublarından görünür ki, Cavabdeh borclu olduğu məbləği ödəməyəcəyi təqdirdə barəsində məhkəmədə mülki iddia qaldırılacağı barədə xəbərdar edilmişdir; - xx.xx.2022-ci il tarixli mədaxil qəbzindən görünür ki, məhkəmədə iddia qaldırılması üçün iddiaçı tərəfindən 62,70 (altmış iki manat yetmiş qəpik) manat məbləğində dövlət rüsumu ödənilmişdir. Beləliklə, tərəflər arasında olan müqavilələrin münasibətlərindən göründüyü kimi, tərəflər əşyaların nisyə alınıb-satılması barədə razılığa gəlmişlər. Cavabdeh müqavilələrə əsasən hissə-hissə ödəmək şərtilə satın aldığı əşyların dəyərini hər ay vaxtında ödəyəcəyi barədə üzərinə öhdəlik götürsə də, müqavilələrin şərtlərini icra etməmiş və nəticədə iddiaçıya borcu yaranmışdır. Azərbaycan Respublikası Mülki Məcəlləsinin: 600.1-ci maddəsinə əsasən, alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə həyata keçirməlidir; 600.4-cü maddəsinə əsasən, əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; 600.5-ci maddəsinə əsasən, alıcı verilmiş əşyanı müqavilədə nəzərdə tutulan müddətdə ödəmək vəzifəsini icra etmədikdə və bu Məcəllədə və ya alğı-satqı müqaviləsində ayrı qayda nəzərdə tutulmadıqda gecikdirilmiş məbləğdən malın müqaviləyə görə ödənilməli olduğu gündən ödənildiyi günədək ödənilməlidir. Müqavilədə alıcının satıcı tərəfindən əşyanın verildiyi gündən başlayaraq əşyanın qiymətinə uyğun məbləğdən faizlər ödəmək vəzifəsi nəzərdə tutula bilər. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Həmçinin, hesab edirəm ki, Azərbaycan Respublikası Mülki Prosessual Məcəlləsinin 119-cu maddəsinə əsasən məhkəmə xərcləri ödənilmiş tələblərin məbləğində münasib olaraq işdə iştirak edən şəxslərə aid edildiyindən, iddiaçı tərəfindən dövlət büdcəsinə köçürülmüş 62,70 (altmış iki manat yetmiş qəpik) manat dövlət rüsumu cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 284-5, 284-6, 216-220-ci maddələrini rəhbər tutaraq, QƏT ETDİM: İddia təmin edilsin. xx.xx.2020-ci il tarixli 22097834 saylı müqavilə üzrə 91,60 (doxsan bir manat altmış qəpik) manat ödənilməmiş hissə, 9,40 (dörd manat qırx qəpik) manat cərimə, xx.xx.2021ci il tarixli 23012515 saylı müqavilə üzrə 3790 (üç min yeddi yüz doxsan) manat ödənilməmiş hissə, 379 (üç yüz yetmiş doqquz) manat cərimə olmaqla, iki müqavilə üzrə cəmi 4270 (dörd min iki yüz yetmiş) manat borc və dövlət büdcəsinə köçürülmüş dövlət rüsumunun əvəzi 62,70 (altmış iki manat yetmiş qəpik) manat məbləğində pul Cavabdeh iddiaçı "xxxx" MMC-nin xeyrinə tutulsun. Qətnamə, qətnamə rəsmi qaydada verildiyi göndən bir ay müddətində Quba Rayon Məhkəməsi vasitəsilə Sumqayıt Apelyasiya Məhkəməsinə apelyasiya şikayəti verilə bilər. Qətnamədən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Hakim: Vüqar Seyidov