Quba Rayon Məhkəməsi Qərardad — İş №e-2(027)-96/2025

Azərbaycan Respublikası adından QƏRARDAD Quba şəhəri İş № e-2(027)-96/2025 21.05.2025 QUBA RAYON MƏHKƏMƏSİ Hakim Babayev Aydın Vahid sədrliyi, Xudaverdiyev Elşad Mütəllim oğlunun katibliyi ilə, İddiaçı BOKT ASC-nin cavabdehlər Cavabdeh3, Cavabdeh1, Cavabdeh2 qarşı borc tələbi və tələbin ipoteka predmetinə yönəldilməsi tələbinə dair iddia ərizəsi üzrə mülki işə açıq məhkəmə hazırlıq iclasında baxaraq, məhkəmə müəyyən etdi: İddiaçı BOKT ASC-nin cavabdehlər Cavabdeh3, Cavabdeh1, Cavabdeh2 qarşı borc tələbi və tələbin ipoteka predmetinə yönəldilməsi tələbinə dair iddia ərizəsi ilə məhkəməyə müraciət etmişdir. İddiaçı BOKT ASC məhkəməyə müraciət edərək, cavabdehlər Cavabdeh3, Cavabdeh1 və Cavabdeh2 müştərək qaydada kreditin əsas borcu üzrə 9052,25 manat məbləğində qalıq, ona hesablanmış 503,91 manat məbləğində faiz borcu, ödənişlərin gecikdirilməsinə görə hesablanmış 1120 manat məbləğində dəbbə pulu, cəmi 10.776,16 manat borcun və dövlət rüsumu kimi ödənilmiş 123 manat məbləğində pulun İddiaçı BOKT ASC-nin xeyrinə tutulması; Tələbin Cavabdeh1 mülkiyyətində olan Quba rayonu, Zərdabi qəsəbəsində yerləşən 2.4001 ha torpaq sahəsinə yönəldilməsi, həmin əmlakın ilkin satış qiymətinin 24.000 manat məbləğində müəyyən olunmaqla açıq hərracda satılması və onun satışından əldə olunmuş pul vəsaiti kreditin əsas borcu üzrə 9052,25 manat məbləğində qalıq, ona hesablanmış 503,91 manat məbləğində faiz borc, ödənişlərin gecikdirilməsinə görə hesablanmış 1120 manat məbləğində dəbbə pulu, cəmi 10.776,16 manat borcun və dövlət rüsumu kimi ödənilmiş 123 manat məbləğində pulun İddiaçı BOKT ASC-nin xeyrinə ödənilməsin barədə qətnamə çıxarılmasını xahiş etmişdir. İddiaçının nümayəndəsi məhkəməyə ərizə ilə müraciət edərək, tərəflər arasındakı mübahisənin məhkəmədənkənar qaydada həll edilməsilə bağlı razılıq əldə olunduğuna görə, iddia ərizəsinin və ona əlavə olunmuş sənədlərin geri qaytarılmasını xahiş etmişdir. Məhkəmə iddiaçının ərizəsini nəzərdən keçirib hesab edir ki, iddia ərizəsi ona əlavə edilmiş sənədlərlə birlikdə iddiaçıya geri qaytarılmalıdır. Azərbaycan Respublikasının Mülki Prosessual Məcəlləsinin 170.1-ci maddəsinə əsasən bu Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının (ərizəçinin) vəsatəti ilə ərizə qaytarıla bilər. Həmin Məcəllənin 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Həmin Məcəllənin 114.1.3-cü maddəsinə əsasən Bu Məcəllə ilə nəzərdə tutulmuş əsaslarla iddia ərizəsi geri qayatrılarsa, ödənilmiş dövlət rüsumu geri qaytarılır. Göstərilənlərə əsasən və Azərbaycan Respublikası Mülki Prosessual Məcəlləsinin 152, 263-264, 266-268-ci maddələrini rəhbər tutaraq, qərara aldı: İddiaçı BOKT ASC-nin cavabdehlər Cavabdeh3, Cavabdeh1, Cavabdeh2 qarşı borc tələbi və tələbin ipoteka predmetinə yönəldilməsi tələbinə dair iddia ərizəsi və ona əlavə olunmuş sənədlər İddiaçı BOKT ASC -nə geri qaytarılsın. Qəraradad iş üzrə ödənilmiş 123 (yüz iyirmi üç) manat məbləğində dövlət rüsumunun (AsanPay vasitəsilə ödənilmiş, təyinatı: Quba Rayon Məhkəməsi, mədaxil qəbzinin nömrəsi: **********, ödəniş tarixi: xx.xx.2024, İddiaçı BOKT ASC -nə geri qaytarılması üçün əsasdır. Qərardaddan rəsmi qaydada verildikdən sonra 10 (on) gün müddətində (elektron kabinet vasitəsilə) Quba Rayon Məhkəməsinə şikayət verilə bilər. Hakim: Aydın Babayev