Qusar Rayon Məhkəməsi Qərardad — İş №e-2(029)-655/2024

Azərbaycan Respublikası adından QƏRARDAD Qusar şəhəri İş № e-2(029)-655/2024 08.07.2024 QUSAR RAYON MƏHKƏMƏSİ Hakim Cəlilov Əli İsa oğlunun sədrliyi, Ağaliyev Hümmət Rahib oğlunun katibliyi ilə, İddiaçı "xxxx" KB ASC-nin Cavabdeh qarşı “kredit borcu tələbinə” dair iddia ərizəsinə və əlavə edilmiş sənədlərə məhkəmə icraatına götürülməsinin mümkünlüyünə baxaraq Müəyyən etdi: İddiaçı "xxxx" KB ASC Cavabdeh qarşı “kredit borcu tələbinə” dair iddia ərizəsi ilə məhkəməyə müraciət etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi ona əlavə edilmiş sənədlərlə birlikdə geri qaytarılmalıdır. Azərbaycan Respublikası Mülki Prosessual Məcəlləsinin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 36-cı maddəsin nəzərdə tutulmuş iddiaçının seçməsinə görə aidiyyət halları da məhkəməyə təqdim olunmuş ərizə tələbi üzrədə mövcud deyildir. Həmin Məcəllənin 152.1 və 152.1.3-cü maddələrinə əsasən əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri geri qaytarır. Məhkəmə elektron informasiya sisteminin çıxarışından görünür ki, cavabdehin qeydiyyat yeri Sumqayıt şəhəri, 36-cı məhəllə küçəsi, mənzil 33 qeyd edilmişdir. Məhkəmə hesab edir ki, Cavabdeh rəsmi qeydiyyat ünvanı ünvan 1nin Cavabdeh qarşı “kredit borcu tələbinə” dair iddia ərizəsi ilə mülki Qusar rayon məhkəməsində baxıla bilməz. Azərbaycan Respublikası Mülki Prosessual Məcəlləsinin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Həmin Məcəllənin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənlərə əsasən məhkəmə hesab edir ki, iddiaçı "xxxx" KB ASC-nin Cavabdeh qarşı “kredit borcu tələbinə” dair iddia ərizəsi və ona əlavə edilmiş sənədlər iddiaçıya geri qaytarılmalıdır. Həmin Məcəllənin 114.1.5-ci maddəsinin tələbinə görə bu Məcəllə ilə nəzərdə tutulmuş əsaslarla ərizə baxılmamış saxlanılarsa ödənilmiş dövlət qaytarılır. İddiaçı "xxxx" KB ASC-nin məhkəmədə işə baxılması üçün ödənilmiş 30.78 (otuz manat yetmiş səkkiz qəpik) manat dövlət rüsumu qərardad qanuni qüvvəyə mindikdən sonra iddiaçı "xxxx" KB ASC-yə qaytarılmalı və icrası Azərbaycan Respublikası Maliyyə Nazirliyinin Qusar rayon maliyyə şöbəsinə tapşırılmalıdır. Qeyd olunanları nəzərə alaraq və Azərbaycan Respublikası Mülki Prosessual Məcəlləsinin 149-152, 263, 264 və 268-ci maddələrini rəhbər tutaraq məhkəmə, qərara aldı : İddiaçı "xxxx" KB ASC-nin Cavabdeh qarşı “kredit borcu tələbinə” dair iddia ərizəsi və ona əlavə edilmiş sənədlər iddiaçıya geri qaytarılsın. İddiaçı "xxxx" KB ASC Cavabdeh qarşı “kredit borcu tələbinə” dair iddia ərizəsi üzrə Sumqayıt şəhər məhkəməsinə müraciət edə bilər. İddiaçı "xxxx" KB ASC-nin məhkəmədə işə baxılması üçün ödənilmiş 30.78 (otuz manat yetmiş səkkiz qəpik) manat dövlət rüsumu qərardad qanuni qüvvəyə mindikdən sonra iddiaçı "xxxx" KB ASC-yə qaytarılsın və icrası Azərbaycan Respublikası Maliyyə Nazirliyinin Qusar rayon maliyyə şöbəsinə tapşırılsın. Qərardaddan tərəfə rəsmi qaydada verildikdən sonra 10 gün müddətində Qusar rayon məhkəməsinə şikayət vermək olar. Hakim: Əli Cəlilov