Daşkəsən Rayon Məhkəməsi Qərardad — İş №e-2(030)-246/2025

Azərbaycan Respublikası adından QƏRARDAD Daşkəsən rayonu İş № e-2(030)-246/2025 30.04.2025 DAŞKƏSƏN RAYON MƏHKƏMƏSİ X1 iddiaçı "xxxx" KB ASC-nin Cavabdeh qarşı borcun tutulması tələbinə dair iddia ərizəsini məhkəmə iclasında nəzərdən keçirərək, məhkəmə MÜƏYYƏNETDİ: İddiaçı "xxxx" KB ASC-nin Cavabdeh qarşı iddia ərizəsi ilə məhkəməyə müraciət xx.xx.2021-ci il tarixli 95sGNDJb/21 saylı müqaviləsi üzrə 78.15 manat əsas, 22.61 manat faiz, 21.88 manat cərimə borcu olmaqla, cəmi 122.64 manat borcun, ödənilmiş 30 manat dövlət rüsumu və 0.40 manat bank xidmət haqqının tutulması barədə qətnamə çıxarılmasını xahiş etmişdir. Məhkəmə iş materiallarını nəzərdən keçirərək hesab edir ki, iş üzrə icraata xitam verilməlidir. Belə ki, iş materiallarından görünür ki, Cavabdeh xx.xx.2024-cü il tarixdə vəfat etmişdir. İddiaçı "xxxx" KB ASC Cavabdeh qarşı borcun tutulması tələbi ilə xx.xx.2025-ci il tarixdə məhkəməyə müraciət etmişdir. Lakin, mübahisənin qabaqcadan məhkəmədən kənar həll edilməsi barəsində bildirişin cavabdehə çatdırılması barədə sənəd mövcud deyildir. Cavabdeh vəfat etdiyindən bu qaydanı tətbiq etmək imkanı itirilmişdir. Azərbaycan Respublikasının MPM-nin 261.0.9-cu maddəsinə görə məhkəməyə müraciət etmiş maraqlı şəxs mübahisənin qabaqcadan məhkəmədən kənar həll edilməsi barəsində müəyyən kateqoriyadan olan işlər üçün qoyulmuş qaydaya əməl etməmişsə və bu qaydanı tətbiq etmək imkanı itirilmişsə icraata xitam verilir. Həmin Məcəllənin 262.1-ci maddəsinə əsasən iş üzrə icraata xitam verilməsi barədə məhkəmə qərardad çıxarır. Həmin Məcəllənin 262.5-ci maddəsinə əsasən iş üzrə icraata xitam verilməsi haqqında məhkəmənin qərardadından şikayət verilə bilər. Qeyd olunanlara əsasən və Azərbaycan Respublikası MPM-in 263, 264, 266-268-ci maddələrini rəhbər tutaraq, məhkəmə QƏRARAALDİ: İddiaçı "xxxx" KB ASC-nin Cavabdeh qarşı borcun tutulması tələbinə dair iddiası üzrə mülki işin icraatına xitam verilsin. Qərardaddan rəsmi qaydada verildikdən sonra 10 gün müddətində “Elektron məhkəmə” informasiya sistemində yaradılmış elektron kabinet üzərindən Gəncə Apellyasiya Məhkəməsinə şikayət verilə bilər. Hakim: Kənan Vəliyev