Zəngilan Rayon Məhkəməsi Qərardad — İş №e-2(034)-265/2022

Azərbaycan Respublikası adından QƏRARDAD Zəngilan rayonu İş № e-2(034)-265/2022 30.06.2022 ZƏNGİLAN RAYON MƏHKƏMƏSİ Hakim İmanova Gülsarə Kərimovnanın sədrliyi, Mahmudov Ağa Alqulu oğlunun katibliyi ilə, İddiaçı Açıq Səhmdar Cəmiyyətinin Cavabdeh qarşı «kredit müqaviləsi üzrə yaranmış borcun tutulması» tələbinə dair iddia ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: İddiaçı Açıq Səhmdar Cəmiyyəti Cavabdeh qarşı «kredit müqaviləsi üzrə yaranmış borcun tutulması» tələbinə dair iddia ərizəsi ilə məhkəməyə müraciət edərək, cavabdehdən 4970.84 manat məbləğində əsas borc və 1442.79 manat faiz borcu olmaqla, cəmi 6413.63 manat borcun və 84.54 manat məbləğində dövlət rüsumunun tutularaq İddiaçı ASC-yə ödənilməsi, eyni zamanda tutmanın bank qarşısında girov qoyulmuş X1 məxsus bankın pul anbarına saxlanca qəbul edilmiş qızıl-zinət əşyalarına (1 ədəd qolbağ – əyarı 583, çəkisi 9.7 qram, 2 ədəd boyunbağı – əyarı 583, çəkisi 29.48 qram; 1 ədəd komplekt (sırğa və üzük) – əyarı 583,çəkisi 7.5 qram; 1 ədəd üzük – əyarı 583,çəkisi 4.5 qram; 1 ədəd saat – əyarı 583,çəkisi 10 qram) yönəldilməsi barədə qətnamə çıxarılmasını xahiş etmişdir. İddiaçının etibarnamə üzrə nümayəndəsi ərizə ilə məhkəməyə müraciət edərək iddia ərizənin baxılmamış saxlanması barədə qərardad qəbu edilməsi və iddia ərizəsinə əlavə edilmiş sənədlərin əslinin banka qaytarılmasını xahiş etmişdir. Cavabdeh isə işə mahiyyəti üzrə baxılmasını tələb etməmişdir. Azərbaycan Respublikası MPM-nin 259.0.11-ci maddəsinə əsasən «iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə» məhkəmə ərizəni baxılmamış saxlayır. Məhkəmə, ərizəni nəzərə alıb hesab edir ki, İddiaçı Açıq Səhmdar Cəmiyyətinin Cavabdeh qarşı «kredit müqaviləsi üzrə yaranmış borcun tutulması” tələbinə dair iddia ərizəsi baxılmamış saxlanılmalıdır. Qeyd olunanlara əsasən və Azərbaycan Respublikası MPM-nin 259, 260, 263, 264, 266 – 268-ci maddələrini rəhbər tutaraq, məhkəmə QƏRARA ALDİ: İddiaçı Açıq Səhmdar Cəmiyyətinin Cavabdeh qarşı «kredit müqaviləsi üzrə yaranmış borcun tutulması” tələbinə dair iddia ərizəsi baxılmamış saxlanılsın. Qərardaddan 10 (on) gün müddətində Zəngilan Rayon Məhkəməsinə şikayət verilə bilər. Sədrlik edən Gülsarə İmanova