İmişli Rayon Məhkəməsi Qətnamə — İş №e-2(036)-1392/2022

Azərbaycan Respublikası adından QƏTNAMƏ İmişli rayonu İş № e-2(036)-1392/2022 11.05.2022 İMİŞLİ RAYON MƏHKƏMƏSİ Hakim Hacıyev Qurban Hamid oğlu, İddiaçı ASC-nin cavabdeh İbişova Məryam İçrayyə qızına qarşı “kredit müqaviləsi üzrə borc tələbi barədə” kiçik iddiasına dair mülki işə sadələşdirilmiş icraat qaydasında baxaraq, MÜƏYYƏN ETDİ: İddiaçı ASC kiçik iddia ərizəsi ilə məhkəməyə müraciət edərək Cavabdeh 15 noyabr 2018-ci il tarixli **********01944167 saylı kredit kartına dair müqaviləyə əsasən 76.90 manat əsas borcun, 16.72 manat faiz borcunun və 17 sentyabr 2020-ci tarixli, GTKR2564738A188 saylı kredit müqaviləsinə əsasən isə 3981.57 manat əsas borcun, 812.45 manat faiz borcunun və 68.87 manat məbləğində dövlət rüsumunun tutulub İddiaçı ASC-nin xeyrinə ödənilməsi barədə qətnamə qəbul edilməsini xahiş etmişdir. İşin araşdırılan hallarından müəyyən olunur ki, Cavabdeh İddiaçı ASC ilə aralarında bağlanmış 15 noyabr 2018-ci il tarixli **********01944167 saylı və 17 sentyabr 2020-ci tarixli, GTKR2564738A188 saylı müqavilələri üzrə öhdəliklərini lazımi qaydada icra etməmiş, hazırda onun iddiaçının qarşısında kredit kartına dair müqaviləyə əsasən 76.90 manat əsas borcun, 16.72 manat faiz, kredit müqaviləsinə əsasən isə 3981.57 manat əsas borcun, 812.45 manat faiz olmaqla ümumilikdə 4887.64 manat məbləğində icra edilməmiş borc öhdəlikləri vardır. Azərbaycan Respublikası Mülki Məcəlləsinin 443.1-ci maddəsinə görə öhdəliyini icra etməyən borclu kreditora dəymiş zərərin əvəzini ödəməyə borcludur. Həmin Məcəllənin 445.1-ci maddəsinə görə icranı gecikdirmiş borclu gecikdirmə nəticəsində vurduğu zərər üçün və gecikdirmə zamanı təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır. Həmin Məcəllənin 448.1-ci maddəsinə görə əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Azərbaycan Respublikası Mülki Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Yuxarıda göstərilənlərə əsasən və MPM-in 216-220, 284-1 – 284-6 və 360-cı maddələrinin göstərişini rəhbər tutaraq, məhkəmə QƏT ETDİ: İddia təmin edilsin. Cavabdeh 15 noyabr 2018-ci il tarixli **********01944167 saylı kredit kartına dair müqaviləsi üzrə 76.90 manat əsas borc, 16.72 manat faiz borcu və 17 sentyabr 2020-ci tarixli, GTKR2564738A188 saylı kredit müqaviləsi üzrə 3981.57 manat əsas borc, 812.45 manat faiz borcu və 68.87 manat məbləğində dövlət rüsumu olmaqla, cəmi 4956.51 (dörd min doqquz yüz əlli altı manat, əlli bir qəpik) tutulub İddiaçı ASC-nin xeyrinə ödənilsin. Qətnamədən rəsmi qaydada verildiyi gündən 1 (bir) ay müddətində İmişli rayon Məhkəməsi vasitəsi ilə Şirvan Apelyasiya Məhkəməsinə apelyasiya şikayəti verilə bilər. Hakim: Qurban Hacıyev